博多一幸舍 (Closed)

每次經過登龍街，博多同對面的豚王都大排長龍。今日經過幸好已到中午2點幾3點，見博多無咩人，就入去點碗拉麵食。點餐紙有5款拉麵，豚肉、豚骨、黑、紅、神炎，望見張張圖都好吸引。最後選咗店內推介的豚肉拉麵，加隻溫泉蛋。客人可自選拉麵的鹽分、油量、麵的軟硬度等，廚師會作調節。等咗大約10分鐘，終於有得食。望落去不錯，湯底唔太油。不過味道確實只係一般，湯底越飲越覺得濃，要飲水止渴，幸好麵底好彈牙，加返分。溫泉蛋雖然賣相麻麻，但有驚喜，入口即溶，滑嘟嘟，食完都想再食! 整體覺得一般，不過$68拉麵尚算抵食GE。

站在愛品嚐美食的食客或者市民而言，身在香港真係令人覺得好幸福（只是在食客既立場）。係香港，識食野的香港人，一定會知去銅鑼灣或者尖咀、旺角搵食。識去銅鑼灣一定會去登龍街搵食，登龍街一向都多美食，今次黎到博多一幸舍品嚐拉麵，而單單在登龍街都有幾間拉麵店。今次其實係同朋友係銅鑼灣，逛到大家都有點肚餓，便行了去登龍街。我印象中之前都有黎呢度食過，但印象不太深刻，所以都當自己係第一次來試食。我朋友就點了黑蒜油拉麵，佢就覺得湯底不太油膩，整體都不錯。而我就點了濃厚豚骨拉麵，可能我自己比較愛清淡，今次叫左濃厚豚骨拉麵，所以會覺得略咸了一點，但問題不大，而拉麵方面，不太差，但有進步空間。除左點了拉麵，我們都點左個一口餃子, size 比較細，煎得燶少少，普普通通無咩特別，沒什麼好比較。整體來說，我覺得不過不失，但未算是令人印象深刻。

食晏時間1點半，全條街間間鋪都排晒長隊，而我又肚餓到打晒鼓，唯一一間博多一幸舍不用排隊，便瞻粗粗入去試吓，睇門面都幾ok嘅😊入到去，人不多，但裝修都不錯，乾乾淨淨，枱上有蒜，有芝麻，有辣高菜，醬油等等.... 坐底，就會有張紙俾你填。 我選了神炎一辛拉麵，加了糖心蛋。一辛都不是太辣，湯底都濃，2塊义燒都好味，整體嚟講都不錯。 朋友就選擇了豚肉拉麵加糖心蛋，湯底香濃，真的不錯。其實拉麵味道不錯，唯一不好的是，落單後要等好耐，不急著的可以入去一試。

十一黃金周既第一日，好開心周圍好少人，去到登龍街，就算Jamie's kitchen都唔多見到人排隊，不過今日想食拉麵，本身想食豚王，不過尖沙咀果間愈來愈唔好食，銅鑼灣呢間唔想試，所以食對面呢間聲稱自己博多黎開店既拉麵。入到去一個人都冇，我地包場咁😂可能因為銅鑼灣封晒路，所以呢區少人黎。有個好濃妝既姨姨黎招呼我地，最搞笑係佢叫我地出去門口拎coupon有野送，原來係一碗麵會送一樣配料、咁都ok wo,因為加蛋都$12，而家唔使錢，正👍我叫左「原味」，試一間野最好試原味，先知間野值唔值得番轉頭，所有野我都係揀普通，個湯響「普通」既情況下唔油，唔會太咸，個人覺得ok,叉燒同拉麵就真係好「普通」（我明明叉燒冇揀普通架😰）不過，送果隻溏心蛋真的係令我叫左出黎，真係好好食😭食左一啖真係癲覆左我有生以黎食過既溏心蛋，又入味，又岩岩好（可唔可以教下我整😂）朋友就叫左拉麵紅🍜，佢話麻麻，另外佢仲叫左明太子飯，佢形容「好似呀信食咁，得少少餸，好空虛」😂笑左，一睇相都知唔得啦另外，可樂送黎果時我都嘩左，好大杯，正確黎講係好大個杯😂後尾睇到係普通一罐，點解針落個杯會好似咁大杯咁既？PS:差唔多食完開始有客，

今日經過銅鑼灣, 本來想再試豚王, 但人龍大約有10個, 所以試試對面呢間無人排隊, 中午1點入座率7成 坐下落單自己畫點左個博多一口餃子, size 比較細, 好似蝦餃, 煎得燶左d, 有d硬, 普普通通無咩特別再來博多濃厚豚骨拉麵 $68 + 糖心蛋$12, 湯底真係好濃厚有豬骨味, 叉燒薄薄兩片, 流心蛋一般, 驚喜不大, 可能是我不太懂欣賞加上湯底太濃厚的關係, 食到一半已不想再繼續整體環境員工一直在用廣東話交談, 加上一碗好似雲南米線的拉面, 冒犯甘講, 我一度以為自己去了譚仔米X, 下次都係過對面排隊

對上一次光顧已經過了好一段時間. 當時那濃厚豚骨拉麵湯底, 雖然個人覺得粘度有點太過火, 但算是給了我很深刻的印象. 這次點的是黑拉麵(黑芝麻炸蒜油味). 如果就以這碗麵本身而言, 只要HK$78, 本來應該給店家一個正評. 不過對於考究細節的日本, 在麵以外的問題確實需要扣分.問題來了, 印象中黑拉麵該附三片叉燒. 點菜紙上的照片, 也確實是放了三片叉燒. 到底是師傅粗心大意, 還是成本問題需要省下一片叉燒呢?第二個問題在調味盤上. 店內還有按鈕醬油樽的使用說明, 但實際上店內的醬油樽都換成這個了. 換成這種醬油樽也許不是甚麼大問題, 不過要是照顧客人的話, 最少該換走按鈕醬油樽的使用說明.同樣的問題也出現在蒜蓉上. 店內明明有蒜蓉夾的使用說明, 但實際上店內只放了壓好的蒜蓉. 老問題, 要是照顧客人的話, 最少該換走蒜蓉夾的使用說明. 還好蒜蓉在製作時有合適的處理, 沒有變色, 不然就得給個負評了.

落單方法同時下嘅拉麵店一樣，自己畫，之後張餐牌又可以循環再用，十分醒目。我點左個紅拉麵，＄78都係平均拉麵價錢，OK。碗麵黎到真係非常紅，油係面都唔小，湯底小小辛辣，唔係好辣嘅，叉燒就好此一般啦，我食嗰塊鞋鞋地嘅，麵質我揀普通，都ok，分量適中，食完都嘅飽，辣嘅湯底仲有啲暖肚嘅感覺添。

登龍街向來多美食，今次到了博多一幸舍品嚐拉麵。店鋪外一直播放日本節目，為輪候座位的客人解悶，又能增加進餐的氣氛。多位店員能操流利日語，甚至是日本人，能跟日籍師傅溝通自如，也令客人猶如置身日本一般。點了黑蒜油拉麵，湯底不太油膩，對我而言很不錯。

KAKA個人好中意食日本野, 拉麵亦是最愛之一~  所以每次去日本一定會盡量試多間本地拉麵~ 真係好多間都好好味~ 不過暫時最中意還是"無敵家"的~ 真係講起都想食呀~今次試呢間係銅鑼灣登龍街的博多一幸舍, 見到出面排住隊~ 又唔係太多人~就同男朋友試下呢間啦~ 我唔太食辣, 叫左博多濃厚豚骨拉麵~ 而男朋友就叫左明太子海鮮辣拉麵~ 還叫了一碟炸雞~ 濃厚豚骨拉麵個湯底ok, 但麵質不夠彈牙~ 口感不是太好~ 席間還聽到其他食客說這個麵得70分~ $68$78反而這個炸雞做得不錯~ 非常香脆~$28

去完書展後, 大風大雨, 去左呢間食拉麵第一次試, 專登揀tea time, 4:30左右, 貪佢一定唔使點排隊等位, 無咁多人點樣去 ?店舖位於內街, times square正門行出黎, 轉左向鵝頸橋方向, 去到橋底前轉右第一條內街就係登龍街, 記住唔使過馬路行到去橋底 !環境 ?細細間, 好有日本feel值得一讚 : 職員態度好友善講咁耐, 食物又如何呢 ?先睇睇相 :我揀左呢款博多濃厚豚骨拉麵 果然係濃厚, 店員一捧上枱, 我試一口湯底, 已感到個湯底係"杰身", 唔會係好稀既呢樣我幾buy, 因為有D拉麵店D湯底真係會比較稀麵質我揀普通, 其實我從來唔明D人揀超硬既話會點? 另外, 真係值得一提, 揀呢款既朋友, 而如果你又想有多D"料"送麵的話, 就要另外加錢多3塊叉燒la因為本身碗麵只係包一塊叉燒ja朋友點左呢款, 佢話少少辣, 都幾好味 本身會有3塊叉燒, (可以唔使另外加都得) , 包埋芽菜, 而我個款就無芽菜既唔鍾意芽菜既可能要落單前request la總括而言, 我覺得唔錯, 有機會一定會再黎, 下次要試下黑芝麻炸蒜油個款

很久沒有理會openrice這個戶口.真係要花時間,好好打理自己的食評. 這個1月8日的試食會.竟然到7月5日才打食評.首先我好榮幸成為呢間店的首批客人..今次經歷是很好的回憶.廢話少說,開始介紹呢間店如果有錢.去到登龍街有很多日本食店.只是拉麵店短短一條街也有3間.可見競爭有多大.此店紅色作設計主色.店內有數張4人枱,也有少數單人位置.環境也有日本的特色.而當天仍末開張來招待openrice會員.服務當然相當熱情..服務員十分落力.很有禮..對所有提問也誠懇地回應.收到呢張點餐紙.值得一讚.印刷相當精美.而且將每一點列舉得相當仔細,詳盡.像一份合約.就算理解力低也會明白.呢一堆配菜,醬料都大字說明是什麼.此店真係好認真.值得一提是那支拉麵醬汁.好似說用幾十種配料而成..但放落拉麵湯底.我不覺得特別.只覺得增加鹹度.薯仔沙律25元;其實呢款食物.沒有什麼味道.我個人興趣不大.但求健康.飽肚也是不錯選擇.一口餃子30元:這個不錯,一隻一啖,皮脆,肉汁豐盛.而每一隻都煎得好靚.不會太禯,又保持香脆.炒飯:每一啖.充斥像洋葱香味.熱辣辣.而粒粒分明,始終主力也是拉麵.不可同中式炒飯比較.炸雞

見無人排隊所以來一試，博多濃湯豬骨拉麵湯底有些鹹，叉燒味道一般，有少許柴皮感，麵的軟硬度我選了普遍可以接受，餃子 $30 5隻，不太好味，太精緻，可能煎得不夠時間，好似無煎過一樣，重點一提的是，未去過一間咁嘈的拉麵店，員工會好大聲在傾計，連屎尿屁都會講，又會在工作時講粗口，在我進食的短短30分鐘內我都覺得好討厭。

非常愛吃拉麵的我當然不放過這間新開日式拉麵檔 ！雖然位置有點難找，但其實就在有名的豚王對面。跟豚王一比人客明顯較少，我跟朋友去時完全不用等位點餐方式跟很多拉麵店一樣填表選擇自己喜愛的口味和麵的硬度第一次試就點了最普通的選擇再跟朋友一起分了個炸雞因為同朋友都急著要吃所以都來不及拍照麵質和豬骨湯底都很普通，沒有任何驚喜雖然稱不上難食，但實在沒有特色，也沒有個性糖心蛋的質素麻麻，沒有調味似水煮蛋但蛋黃的質感是我最愛的（漿狀質感炸雞炸得香口趁熱食最好食！同我一樣喜愛拉麵的朋友不仿一試，因為價錢在日本拉麵來說相當便宜（60幾就有啦這個質素來說都算抵食

講到飲食，其實香港人都幾幸福，唔單只晌香港搵到唔同國家、唔同地區嘅美食，仲有唔少外國知名嘅餐到香港開業，好似晌日本博多地區非常有名氣嘅三大博多拉麵：一風堂、一蘭、一幸舍，都相繼晌度開店，唔使越洋跑到博多老遠，也能夠一嚐佢哋嘅手勢 ，唔好話對拉麵迷，就算對一般食客，都喺個好消息啦。一風堂早前試過，一蘭太多人最怕排隊，有10年歷史嘅一幸舍都要試吓啦 。鮮紅色嘅門面，幾搶眼，一室木枱木櫈，牆身紅白配襯，令人感覺幾醒目。此外，一側牆上掛有木刻嘅菜牌，另一側就掛有博多一幸舍在世界各地進註嘅大地圖，數一數，原來以亞洲計都已經有超過20間 。點菜紙有中文及日文版，字大清楚。上截喺點拉麵，一共有5款味道，分別喺：博多濃厚豚骨拉麵、博多新清豚骨拉麵、黑拉麵、紅拉麵及神炎辛辣豚骨拉麵，湯底、麵嘅軟硬度都可按個人喜好而選擇，此外，一啲拉麵配料如：叉燒、溏心蛋、溫泉蛋、木耳絲、筍乾……等等，都可以額外加錢多要；至於點菜紙下截，仲有小食、飯類、飲品供應。 博多一口餃子 $30 一客餃子有5隻，煎得個底幾甘香，又唔太油，咬落挺脆口，菜肉餡料幾鮮甜，不過，肉汁唔多，啲餃皮夠薄，但感覺偏腍。配上帶微酸嘅餃子

博多一幸社在佐敦的時候小人早已嚐過, 當時的感覺僅屬一般。如今退出ramen champion後捲土重來, 自成一家, 且看水平是否有所升級。週末下午到來, 完全不用等位。小人在彩色的點餐紙上選擇了濃厚豚骨湯拉麵$68及炸雞$30。良久, 拉麵先上, 一眼望下便覺得份量超迷你,  除拉麵外, 就只有义燒一塊、青葱和木耳少許這麽多。 整碗拉麵全無亮點: 湯超咸、义燒勁鞋、麵條不掛湯, 超失望, 小人吃完的感覺跟在佐敦的吃後感一樣---一般過一般囉...史上最咸炸雞出現了!! 炸雞本已勁乾勁鞋, 還配以甚麼竦粉, 總之是超咸!! =皿=