卷之卷

Open Now

Now Closed

已經長期幫襯小店六至七年。雖然舖頭喺個細商場入邊唔太起眼嘅位，不過好多出出熟客幫襯，左佢去請向後樣主要做外賣，堂食就要企一邊快食。老闆同老闆娘用心做壽司，其他幫手嘅員工都好好人。壽司非常新鮮，即叫即做。人多嘅時間要等多陣，或者提早嗌定行過圈。間中有新款。最新出劍魚腩壽司，冇筋、有魚味。松葉蟹膏都好正。火炙左口魚必食！龍蝦沙律軍艦、北寄貝沙律軍艦都好食。老闆成日都送多一件壽司，或者送飲品，實在太客氣。雖然每個禮拜先入一次粉嶺工作，唔食唔安樂

見證住小店一直由初初開業做到而家越嚟越好嘢食都一直keep住一個好好嘅水平耐唔耐都要食下先安樂火炙壽司一直喺呢度嘅招牌嘢所以每次嚟都一定會帶火炙三文魚壽司同埋火炙帶子壽司之前都食過當飯份量都非常之多大件夾抵食價錢仲要係非常之親民係好多小朋友放學後嘅天地而且老闆都好好人係滿滿嘅人情味雖然舖頭環境麻麻地 主要係做外賣生意但係出面都放咗一兩張枱可以for堂食不過建議都係買外賣食會舒適啲

呢間壽司平靚正用料新鮮同其他某集團嘅公司壽司店對比依間好食好多佢嘅 吉列蝦 飯卷隻🦐唔會凍…熱辣辣手卷又好味重點係紫菜唔淋軍艦 都值得推介魚生刺身 新鮮 沙律都好正所以大家 值得大家去試一試

真係由中學食到依家！好好味又抵食👍🏻唔會因為平所以比啲唔新鮮嘅嘢你！🫡最鍾意食嘅左口魚火炙得好好味！我成日都要食兩舊以上！因為真係好重油香好鍾意💕我通常都叫埋厚切三文魚！真係比平時嘅厚好多😍😍好有油香❤️丼飯都好好味！醬味三文魚飯都好出色！好多醬好香😋😋三文魚丼都好多料！仲會包埋甜蝦，蟹子，螺肉💕絕對夠飽💛買丼飯仲送包紙包飲品🧃小食啲蟹子沙律都好新鮮！唔會放到出晒水！大家一定要試下！求其叫一款都唔會令你失望❤️👍🏻

呢間壽司店可以講：平靚正平…真係好平….好耐未見過咁平既價錢食到唔差嘅壽司成日都會講 平野無好野但貴又係咪好食呢？元X我食完次次都腸胃炎…但呢間 完全無事～平得黎又好食既佢係喺商場入面開枱俾你堂食幾次堂食都唔錯～今日外賣 個紫菜就唔夠脆但味道我係覺得ok ga~肉又唔會話霉 唔會唔新鮮👍🏻呢個價錢真係正～芝麻八爪魚 中華沙律 我2次都有叫甜蝦 都唔錯醬燒果d好食～佢個厚切玉子燒都好好食如果佢吉列蝦有蝦天婦羅果隻會吸引d佢會送一包紙包飲品～唔錯不過佢都早收，19:45 Last order可以打去落order, 夠鐘過去拎幾方便～

來過幾次都「摸門釘」沒有開，這天來碰運氣終於開了，聯和墟真是充滿個性的特色小店…店面較細適合外賣，外面設有少量座位，牆身貼滿壽司和小食的介紹店外有凍櫃放著少量刺身、冷麵和小食看看餐牌，價錢便宜厚切玉子燒 $13非常重身的玉子燒，拿上手已知很足料，甜甜的玉子配上燒過的芝士和沙律醬，很惹味，好吃咬開原來裡面包有壽司飯，意想不到的飽肚，真的超值火灸左口魚邊壽司 $10小小的一件左口魚邊壽司，火灸過後左口魚的油脂香氣溢出，好吃火灸三文魚手卷 $16我會形容為過份抵食的手卷，我想至少有1.5碗飯，明顯比起一般手卷粗和重，包好後沾上醬油，大啖吃一口，半熟的三文魚比平時更香，吃到底都仍有三文魚肉不會只得白飯，配上包在裡面的少量沙律醬，真的讓人非常滿足的邪惡！

難得休息幾日番娘家🏠 梗係要去支持下舊墟黃店啦💛 其實已經食過「卷之卷」幾次外賣，但今次終於的起心肝寫番篇食評😋😋😋 之前冇留意原來門口有幾張枱設堂食👍🏻 但最好當然係外賣番屋企慢慢影相慢慢嘆啦☺️一個人食咗八件壽司+一個手卷😍 八件壽司由上而下，左至右排好🤤 包括1）三文腩 2）象拔蚌 3）蝦子珍寶赤海蝦 4）鮮帶子 5）海膽 6）花之卷 7）火炙左口魚邊 8）厚切鰻魚全部都好新鮮🤤🤤🤤 三文魚腩肥美🤤 象拔蚌新鮮唔會好似香口膠咁咬唔爛🤤 花之卷又好足料☺️ 厚鰻魚雖然唔係爽口鰻魚，但$10有咁大舊真係好抵😍 鮮帶子比起其他地方算係大塊，又鮮又甜☺️ 但反而今次海膽唔夠之前鮮甜，附上之前海膽俾大家睇睇☺️火炙三文魚手卷🌯呢個手卷只係$16但係超聚手，幫襯咗佢三次都仲係覺得好好味好抵食😋 訓醒整番個做brunch剛剛好飽肚🥰 火炙三文魚熱辣辣，份量又足，食落唔會覺得飯多過餡🤤 三文魚肉燒完又入口即溶🥰 沙律醬係咸沙律醬，配埋飯食剛剛好🤤🤤🤤珍寶赤海蝦刺身🦐雖然蝦頭冇乜膏，但係入口都鮮甜爽口☺️ 啖啖都係肉，好滿足！😋

係一切未發生之前，我係元氣擁躉我相信好多人同我一樣食壽司都會去元氣而且我食壽司嘅種類好單一都係三文魚油甘魚吞拿魚，你話啦冇咗元氣如果想食壽司可以去邊呢？講真有幾多人會相信一間社區小店可以提供到質素高嘅魚生呢，我以前都係間唔中去買一件手卷自從事情發生之後更加留意區內黃色小店，而家外賣自取嘅時代我就更加需要呢啲小店，同理念講人情賣良心魚生勁新鮮，分量勁充足，飽到制都食唔晒諗唔到缺點唯一覺得可以改善嘅係壽司飯唔係好夠醋味仲要送幾粒雪糕糯米糍俾你食，冇得輸

這陣子都不想走出鬧市，就在周圍尋覓一下不同食好西的角落，這間小店坐落於一個不太起眼的商場入面，如果不是住粉嶺區，認真不會專登走來拜訪此店，但正正是做街坊生意的小店，我覺得他們製作非常認真，絕對不遜色，刺身新鮮的，醬汁款是很獨特的美味，很足料的，吃得飽飽的，老闆也很貼心會問我們會唔會選炸物，可以先幫我們開始炸，不用等那麼久，服務也很有人情味。

食咗呢間嘢兩年, 嘢食不嬲都好好食, 價錢係中位水平.由六月開始就有派水, 響應罷市, 係黃店and良心企業.最近亦有支援手足, 向手足和學生提供優惠, 甚至請食飯.希望各位手足懲罰下佢.🤤🤤👍👍👍香港人加油

晚餐無乜胃口，最好食清淡啲。外賣左大約28件寿司，消費共$246感覺上唔算平，因現在太多連鎖外賣寿司店了。但係返到屋企打開外賣盒，發覺寿司真材實料，普通件三文魚都大大件，同果啲連鎖店真係無得比，小店人手續件寿司整，連个飯團都感受到實好多唔會一點醬油就散。

每個星期梗有日想食下生冷嘢，天氣熱辣辣壽司就岩曬，不過聯和墟係無咩平民日式餐廳選擇，難得開左間小小嘅壽司店。我就最中意佢地呢個日式便當，因為有冷麵又有壽司，仲可以自己揀六件壽司，用料都好新鮮 最中意佢D芝麻八爪魚，因為係原隻上架！三文魚雖然吾係好高級個D，但都鮮甜嘅！北寄貝SIZE適中，不過就吾夠甜～所以然後就係冷麵有好多醬揀，但我都係中意芝麻醬 蟹柳吾係麵粉做做D，抵贊！不過可以多DD青瓜絲，令個口感青爽小小就有八十分！個招牌卷如果長度短DD就好，因為D飯厚左小小～其實以四十蚊有九件壽司加冷麵，已經係吾錯嘅選擇