厚興瑜記手撕雞 (駱克道)

Open Now

Now Closed

返工經過簡簡單單一個午餐碼頭開餐 無敵大海景青瓜可以叫多少少雞肉嫩滑個醬好似係沙律醬以前日日灣仔返工幾乎日日外賣返工公司努力工作雖然好多年冇食味道好似更加好啦正正正

晚飯想加餸， 買手撕雞就是最好的選擇， 這裏的手撕雞很受歡迎，65元半隻， 味道調教好 買嗰時再加芝麻， 仲可以加多啲辣椒醬，如果覺得唔夠 ，仲可以加其他小食 ，我最喜歡的是海蜇，雞腎 ，有時也會買雞腳 ，如果唔怕肥 也可以買豬耳 ，總之呢度係懶人嘅好幫手。

呢篇係我第一篇食評，實在忍唔住，真係伏得不能再伏。一心諗住支持小店，所以特登行遠D嚟呢間鋪。天氣熱，揀左手撕雞沙律菜，盛惠$62。返到公司打開嚟睇，真係火都嚟。菜真係多到一個點....... 手撕雞係近乎無影。零碎咁夾埋，絕對唔會有1/4個普通飯碗。唔講仲以為呢個係純雜菜沙律，手撕雞的地位應該似係粟米粒或提子乾咁，可有可無。菜是新鮮的，但整體味道十分鹹，本來算係健康的一個菜式，立即變得好唔健康。店內衛生環境好一般。職員無戴手套在撕雞肉。希望店主睇到呢篇會好好檢討。小店也有足夠條件去將基本嘢做好。

其實係一個月前有次經過附近聞到勁香嘅手撕雞味😍😍😍 見到都有唔少人排隊，而我又趕住去食飯就冇買啦，但一直有記住呢間賣手撕雞嘅地方！終於！搵咗日收工特登去買咗半隻招牌手撕雞黎食，前面得一個人排隊，好快就到我😬一盒就半隻雞，兩盒就一隻雞。一打開個飯盒已經流晒口水，有好大浸手撕雞同埋芝麻仲有啲油(?)撈埋一齊嘅味😋 本身只係當飯前嘅嘢食，點知食完一盒已經飽😂 啲雞好嫩，好香，推介😋👍🏻 但感覺加咗辣好似好食啲，宜家香味同口感都有齊晒，但好似差少少辣，下次會試埋辣🌶🤣平時可以同人share黎食就唔洗驚一個人會太飽，如果本身就係想一個人食飽，佢好似仲有個手撕雞飯，唔想食飯嘅人可以就咁買半隻雞食😏

係公司諗唔到食乜一定係叫呢個連鎖手撕雞外賣🥡好似有堂食？外面有bar枱😚😚之前食過手撕雞配面就麻麻地中意，因為個面質地係涼面，拎到翻公司好翻倒瀉哂搞到無汁😂😂今次食完飯，飯桶表示好正！！！！直頭正到即刻寫翻篇食評推介先得-Menu：手撕雞飯伴青瓜絲$47- 少辣🌶️-大概我諗都有成大半隻雞🐣，青瓜絲🥒好幼身同埋好入味，一打開就聞到非常非常香既芝麻味。雞肉非常滑一啲都唔會鞋！個汁有辣汁又有酸酸地好開胃，個雞同青瓜係凍身少少，但個飯煮得又暖暖地同個雞好夾🍚，雞肉都好夠，食哂雞仲有勁多飯剩😍撈啲汁食都一流😋

呢間近我公司，D雞好滑，調味又好味！而且會即場撈！比起其他地區既分店， 灣仔呢間偏貴， 貴$7一個飯同埋呢間未包野飲，要再加錢先有野飲。但係呢間係我食既咁多間分店之中最好味， 呢間有青瓜絲撈埋， 好味百倍！我最愛係小辣手撕雞沙律菜（$50），有時我仲會加半份海蜇（+$20）老闆會放好多胡蘿蔔絲一起撈，加埋麻油麻辣油調味粉等等，超惹味！份量又夠大！其實飯（$47）麵（$50）沙律菜（$50）都撈得好好味。可以要求微辣、小辣、中辣....我個人覺得小辣已好夠辣。 星期一至五中午12點左右去買唔洗點排隊， 只係等佢撈。 但12:30開始多人！ 要排小小隊！

這店的食物材料很新鮮， 供有幾款食品選擇， 如: 手撕雞- 招牌; 雞腎- 鮮香; 海蜇- 彈牙; 青瓜絲- 清爽; 等… 它們是即叫即調味的， 更有幾款味料可選擇， 普通骨香; 麻辣; 香辣…有飯及有麵可配的; 不會調味， 但可要求。每樣只是提供買走， 又或可企在店外面吃。今次主要說它的主角，麻辣手撕雞， 即㧯後加上芝麻， 聞到已經夠嘢味。 麻味不太麻配合辣味適當， 可要求加重或減輕辣度， 肉質鮮嫩不肥不瘦， 附帶手撕骨同雞腳都同樣非常有咬口。

其實第1次食佢地既手撕雞已經係好多個月前既事了..一路都有keep住幫襯, 除左因為唔算太貴之外, 就係因為佢雖然多分店, 但係質素夠stable同好味!不過一直都無時間, 所以都無左件事..有日lunch同同事去左公司附近買外賣返公司食!佢本身有lunch set..$43咋!但係手撕雞撈飯/麵都一定會加埋青瓜...加上自己公司本身有隻提供...所以最後同同事share左半隻雞加海誓!我地揀左中辣...加埋d油呀芝麻呀咁...好好食!一定再有下次~想試下大辣.........唔知會唔會一路食一路食咁流汗呢

外賣既手撕雞飯青瓜特別多 肉特別少好似食緊青瓜飯多過手撕雞飯個醬勉強都算可以 但就真係好一般好一般雞都唔夠你食 個汁又幾流 但送又唔係好多夠 會食剩白飯問左人先知 呢間「厚興」係搵人買like既以後都唔會再幫襯

手撕雞 $110/1隻 @ 厚興瑜記手撕雞 朋友話呢間幾好味，同埋好多地方都有分店既，呢日就買返去試下先😚。係玻璃望入去可以見到店員不停係度撕緊雞肉😂，落完單之後都要等一陣，點解呢？🤔原來落單後另一位店員先會係雪櫃拎盒已經撕好左既雞肉出黎，再放係大碗度加入醬汁撈勻既👐。食手撕雞啖啖肉當然正啦，佢既調味原來都好入味，咸咸地又有麻油既香味，再灑上芝麻，好香又好味道呢。

有次做野經過想買黎試下，但無奈趕時間所以都係無買到。相隔幾日終於俾我抽到時間lunch time走過黎。不出我所料大排長龍，等左十幾分鐘終於到我。自己一個人食，叫左半隻手撕雞同豬耳拼海蜇。果然無失望，雞食落去爽口，一啲老既感覺都無。但另外個兩樣雙拼就一般。但總算係有90分!!!!