友義氣‧酸菜魚

Open Now

Now Closed

📍 📍 📍 友義氣‧酸菜魚 (葵涌)葵涌榮芳路9號恆景商場地下G01&11A號舖話說住葵涌區既朋友向我大推友義氣的酸菜魚好味又抵食，而且小菜都好多選擇，所以我今日就又再出動帶埋我好中意食辣嘅阿媽嚟食酸菜魚😋😋👉標準酸菜魚💰$188😋😋😋😋.8/5酸菜魚嘅魚片份量真心多，魚肉滑溜無骨，而且好厚肉，食極都仲有😋😋 配菜仲有萵筍、金菇、雲耳同薯粉，非常足料🤭全部都索湯入晒味！湯底味道香濃，辣度揀咗小辣，都幾有麻香🤭飲左啲湯都唔會話好口渴，應該就唔重味精，所以加$10配左個白飯食😋☺️好正，酸酸辣辣的十分開胃。👉黃金蝦球💰$125😋😋😋😋.5/5蝦球新鮮飽滿爽脆彈牙，咸蛋黃醬甘香得黎微微起沙，隔左一陣口腔依然有回甘。好鐘意蝦球大大舊要分幾啖先食得哂，即使濃味依然食到蝦鮮味，有7-8舊，份量比想像中多！🥰🤩👉芒果乳酸💰$22、👉鮮青檸梳打💰$22食辣野點可以唔飲凍飲，呢度飲品選擇都多，唔係淨係得汽水可樂👍🏻回頭: Yes !!! 呢間酸菜魚得幾舒適，冷氣又夠，卡位闊落而且仲要全日免加一又冇茶芥果啲，酸菜魚份量足，小菜出色又抵食!!!而且員工親民又友善，絕對會再回頭❣️#kermit食在葵芳

叫左個酸菜魚加肥牛、辣子雞丁魚份量，正常可以接受個辣子雞定份量已經偏細，最重要嘅係食落只係得炸粉 完全食唔到肉收成$128但係食炸粉真係好過份好嬲！完全接受唔到第一次留食評就係👎🏻👎🏻失望

之前同事同我講水煮魚好好食，本身都冇諗過去試，因為我唔太食辣，又吾太鍾意食魚。點知偷食完同事一啖，覺得好正咼，下次黎到就識嗌！唔太食到辣，但又鍾意食佢個香味嘅朋友仔可以同佢講小辣或者走辣粉，啲湯汁用黎送飯都係一流，好有罪惡感，但絕對係好開胃，差啲食哂成碗飯！啲魚好滑冇骨，最適合懶又吾識食魚嘅人！另外個酸菜肥牛都好味，裏面有少少萵筍，撈飯都好開胃。50幾蚊有飯有野飲，真係好抵食。食完好滿足，充滿力量繼續工作！

第一次行過呢間舖頭. 叫咗酸菜魚、辣子雞同乾炒牛河..酸菜魚非常好食湯又好好飲…個魚頭火乍到好香…啲湯好正…其他嗰啲呢…辣子雞你食開係點樣? 係將啲雞斬到好細有骨係咪?但係呢度唔知用啲乜嘢雞肉…冇雞味啖啖肉 $98….未見過咁嘅辣子雞….椒鹽鮮魷，仲黐線….唔似係魷魚…好薄好薄，完全冇魷魚味..$98… 炸漿好實..出嚟又乾爭爭….所有人服務態度超好.但係嚟多次就一定冇可能…雖然周圍乾淨企理好舒服…又冇收加一

話說住葵芳的朋友們都向我大推友義氣的酸菜魚好味又抵食，所以星期日就帶埋好中意食辣又中意食魚既屋企人試下‪⸜(*ˊᵕˋ*)⸝‬/🌟老壇酸菜魚(小辣) 加大$298酸菜魚不止窩大，就連份量也超！級！多！魚肉滑溜無骨，就連好怕魚骨既老公都食左好多塊👍🏻湯底小辣都算溫和，帶辣椒和蒜香，酸酸辣辣的十分開胃。配菜還有萵筍、金菇、雲耳和寬薯粉，非常足料ჱ̒⸝⸝•̀֊•́⸝⸝)/🌟川味毛血旺 $130另一道菜家人點了毛血旺，有同樣滑溜入味的鴨血、肥美豬大腸，還有軟腍豬肚和邪惡午餐肉；配料有芽菜、雲耳、萵筍等，都幾多野食！水煮汁辣得黎又唔怕嗆口，夠哂惹味😋/⭐️經典香辣鍋 $232香辣鍋與我想像中吃過的乾鍋有點不同，這一款的醬汁和油量也比較多，個人比較喜歡乾身一點☺️自選五款配搭有滑牛肉、田雞、金錢肚、金菇和土豆片，全都掛汁入味。屋企人尤其中意土豆片，但佢墊喺底吸哂啲油好得人驚，我就不敢恭維了🫣佢地就食不停口大讚~ෆ/⭐️蒜蓉炒萵筍 $65原本打算清炒，不過店員提議蒜蓉會更香更惹味，的確冇介紹錯呢( ˘͈ ᵕ ˘͈ )/四人消費連兩杯大檸茶及一碗飯，免加一後合共$779，真的很抵食！而且店員都親切有禮，就算加一也公道

之前係朋友家叫過這間外賣，對於外賣無什麼要求，但那次竟然有驚喜，所有餸夠熱仍能保持溫度，讚！酸菜魚，魚片夠滑，多配料，當晚連湯全清！虎皮椒肉厚Juicy....對這店留下印象。同朋友今日去葵廣逛街，未食lunch順路去店試試！全店滿，等了一陣有位！今次再點酸菜魚中辣，鹽焗雞午餐，黃金軟殼蟹今次點標準酸菜魚（一斤）仍然保持水準，魚片大片夠嫩滑，足料，金菇，芽菜，酸菜，萵筍，闊闊薯粉！湯頭鮮味，加入黃椒令酸辣味道更富層次，酸辣調味平均！鹽焗雞，$78 有半隻雞，足份量，很入味！黃金軟殼蟹一上枱充滿咸蛋黃鹹香味很吸引！咬落非常脆口不油膩，脆漿夠薄，外脆内嫩，滋味非常。。。估不到的驚喜，讚！忍不住，食完再食。。！飲品青檸梳打，芒果乳酸，甜度剛好！服務友善，做街坊生意！

上星期二老遠去了葵芳跟幾十年老友吃生日飯！一行6人早3天已book好位了！一坐下老闆就問我們是否吃招牌酸菜魚，可以先煮住先，當然要啦！我們點了一碟大的，老闆話份量足有一斤魚肉！之後我們再慢慢點其他菜！酸菜魚魚質大大片好爽滑，完全不腥，配有芽菜、寛粉，份量都好足，湯底都好鮮甜但味道只屬一般！四川辣子雞、生炒骨、牛柳粒，味道也可以！另外餐牌還有黃金、避風塘、椒鹽系列，真係啱晒我們熱愛炸物的香港人！點了椒鹽鮮魷，黃金軟殼蟹，避風塘茄子，熱辣辣脆卜卜真係吃得爽呀！美中不足就是魷魚粉漿偏厚！茄子大大件也不是吸了好多油，屬中上！軟殼蟹是我們評分最高的，啖啖肉浸出咸蛋香，一流！最後點了啫啫生菜煲，肉碎加咸魚，真是咸香又惹味！炸物最啱配啤酒，但因為明早要返工，所以沒點！而隔鄰檯好多人點了大檬樂、大奶茶、大咖啡，大大杯見到都開心晒！相約三五知己吹吹水這類小店最適合不過！

週末去葵芳探個朋友，之後肚仔餓，要醫肚，朋友就帶咗我嚟呢度開餐，佢話呢度嘅「酸菜魚」好惹味，仲食得佢好開胃😆- $188 嘅「酸菜魚 - 特選海鱸魚🐟（標準）」：用一個超大鍋上桌，幾有氣勢😆；叫咗小辣不過味道都已經幾濃郁😋，鱸魚🐟鮮甜😋，肉質軟滑又幾結實，仲落咗大量配菜，包括有酸菜、紅辣椒🌶️、芽菜、粉皮、萵筍、花椒 等，材料都相當豐富😆- $78嘅「避風塘茄子🍆」：茄子🍆用脆漿包住炸過，好香口😆- $22嘅「菠蘿🍍梳打」同埋都係 $22嘅「大檸樂」：凍冰冰，好大杯（特別係嗰杯「大檸樂」），配辣嘢食，好夾😋

呢間位於葵涌的一間主打川菜的餐廳，熱門菜式有水煮魚、毛血旺和酸菜魚。仲要全日免收加一服務費！所以今日我地午餐就叫左一直好想食既酸菜魚！$188標準酸菜魚 （小辣)餐廳選用海鱸魚，好滑身，完全食唔到骨！由於唔太食得辣，所以就叫左小辣，但其實餐廳有5個級別既辣度提供俾客人選擇！而酸度適中，仲配有金菇，酸菜，大荳芽，紅薯粉條。標準份量足夠兩人分享，仲會跟一碗白飯。$52 干炒牛肉烏冬 (午餐Set)呢碟烏冬炒到好惹味，色澤均勻，而且唔會話食到成嘴油但又好入味，完全唔會油膩！午餐仲送熱飲 加$2仲可以轉凍飲！$98 四川辣子雞 雞肉整到香脆，肉質外酥內嫩，辣得黎又好爽！$22 珍寶凍鴛鴦份量足足係正常茶記份量既三倍！超抵$22 鮮青檸梳打味道好fresh，非常有助解辣！

由於今日有朋友仔準備去外國離開香港😔所以就約咗一齊食餐飯🥺 臨走前佢話想食酸菜魚🐟於是近近地就朋友收工😝揀咗葵芳友義氣之前有打電話去book位 📞但只接受Walk in🥲大約晚上7:30到時都見到人山人海🏔大約等咗半個鐘之後就可以入座酸菜魚: 作為店舖招牌菜黎講不過不失🤔魚身都比較滑🥰但酸菜味唔夠強🥲不過辣味可以接受🙃湯汁用嚟送飯一流🤤毛血旺: 紅油湯底非常惹味😆 毛血旺入邊會有午餐肉 、魷魚、鴨血、金錢肚等等🤤再配上呢個湯底都非常之入味🤩令人好想食完一碗飯再食一碗飯😋四季豆炒牛肉: 鑊氣十足😛拍得住出邊大排檔😍而且份量都唔細👍椒鹽鮮魷: 正正常常🥲味道可以接受🫠但粉漿略嫌太多🧐如果可以少啲就會再正啲🤏乾炒牛河:相信呢間鋪嘅廚房 真係大排檔出身😎 炒得非常之乾身🤩 亦好有鑊氣👍 值得一讚❤️

酸菜魚（標準） $188我地今次兩個人食 叫左一個標準試下先～點知上到黎都好夠食 份量都唔錯！我地都覺得好抵食 啲魚全部都好嫩滑 不過有啲會有少少骨 所以食個時小心啲😚 酸菜好惹味👍🏻 裏面仲有啲配菜跟埋，有金針菇、芋絲、萵筍、芽菜！ 全部都好吸味😍惹味虎皮椒 $58甜甜地 少少辣 如果配飯食會好正！因為都好送飯🤣黄金大蝦球 $125蝦球有大舊🤣 而且蝦咬落好彈牙～荔枝乳酸 $22呢杯幾好飲 不過偏甜左少少🤏 裏面仲有啲乳酸爆珠🥰鮮青檸梳打 $22呢杯都夠酸 但可以再fresh啲😆

🐟友義氣•酸菜魚 (葵涌)#友義氣酸菜魚 #葵涌 #酸菜魚我哋梗係叫咗佢個招牌酸菜魚，佢個酸菜魚可以選擇嘅辣到有不辣/小辣/中辣/大辣/魔鬼辣📋$188 標準 酸菜魚(🌶中辣)配菜方面：🔅萵筍 🔅芽菜 🔅酸菜 🔅寬粉 🔅金菇上枱已經香味濃郁。食落去鱼肉好有驚喜🙌🏻處理得好好完全係冇骨❗️魚肉係又滑又嫩🤤十分鮮味。每一片鱼肉都好大塊❣️湯底食得出係冇落味精，又酸又麻又開胃👍🏻👍🏻攞啲湯汁撈飯就一流。💁🏻‍♀️美中不足的是，個人認為辣都唔係好夠，建議食得辣嘅朋友仔可以叫大辣😆📋$58 雞絲粉皮 分量幾多下🙌🏻濃濃嘅麻醬香味，落咗好多醬汁👍🏻雞絲也毫不吝嗇。粉皮質地爽口，配上青瓜絲的清爽，正❣️🍹我同有人一人叫咗一杯特飲▫️$22士多啤梨乳酸▪️$22 菠蘿梳打 -兩款特飲都加有爆爆珠增加口感 。🏘設有卡位，整體環境枱面乾淨。 🤵🏻🤵🏻‍♀️ 態度良好，一去到就會問你會唔會叫招牌酸菜魚，可以幫我哋落咗先，就唔使等咁耐👍🏻小菜就叫我哋慢慢睇。📍 地址：葵涌榮芳路9號恆景商場地下G01&11A號舖 (港鐵葵涌站D出口步行約8分鐘)

（下午茶2-4pm 85折)👇以下係正價👇干煸四季豆飯 $48 特飲 大檸樂+$8青檸乳酸 $22雞絲粉皮 $58唇舌飄香水煮魚 $198.下午茶嚟食真係超抵！！！本身價錢都唔貴，下午茶仲有85折真係不得了，仲要味道同份量都比出面其他同類型餐廳優，相信因為咁，餐廳都好受歡迎，而且越開越多分店。餐廳招牌菜係連湯都飲得嘅酸菜魚，但今次就冇試到，試左佢個水煮魚、水煮魚麻辣味香，魚起骨起得十分乾淨冇魚骨，啖啖肉滑捋捋，配料亦相當多，叫一個夠哂兩個人食，真係抵食夾大份😍 另外仲試左佢個小食：雞絲粉皮，份量同樣一啲都唔孤寒，粉多雞多汁更多，正呀。佢晏晝都非常抵食，48蚊（未計85折）包飲品，一個干煸四季豆飯，啲豆處理得好好，爽口，食落唔會ee聲，亦都冇衣，有四季豆仲有個飯送水煮魚，認真唔錯！呢間真係抵食又好味，絕對推介！😉

排了半小時安排入座。一坐低就點了酸菜魚同毛血旺。酸菜魚一般，冇d人講到咁好食，入面啲薯粉好似檫膠。。。。好咬得。。。。毛血旺有幾塊鴨血，餐肉，豬肚同埋雲耳金針菇，越食越唔想食。。。。太油見人講到咁好食去食，不過冇下次了

媽咪好鍾意食酸菜魚，今日特登帶佢嚟呢間試吓，好似好多人都有推薦呢一間酸菜魚，果然一去到真係好多人，好多附近一家大細都過嚟食飯～ 可能因為我哋兩個人，所以好快就安排咗入座，啲姐姐仲驚我哋坐得唔舒服，特登安排咗卡位俾我哋添😍等咗唔係好耐酸菜魚就到咗，果然名不虛傳，好香好香，忍唔住即刻試咗啖湯，酸菜味好突出，有少少辣但唔會太辣，好過癒😎 魚肉都非常之滑，而且唔腥，絕對係心目中完美嘅酸菜魚😚 成日都好想返轉頭再食多次😍另外我哋仲嗌多咗個煲仔炒生菜，係用個火爐慶住個煲仔上菜，勁有鑊氣，估唔到商場嘅小餐廳都咁有好味～～ 推介推介🥳