友義氣‧酸菜魚

Open Now

Now Closed

晏畫2點幾同朋友來到呢間友義氣·老壇酸菜魚，門口有自取排隊飛，幸好剛過繁忙食飯時間，不洗等就可入座。標準酸菜魚有不辣、小、中、大、魔辣等級，仲可以要求酸度。同朋友自問食得幾辣，所以點左大辣，表面見到不少辣椒、青椒粒，飲一啖湯，夠晒酸辣開胃，加少少落白飯更為滋味。鱸魚肉切大小剛好，夾起都不易散，肉質好嫰滑，沒有骨值得一讚﹗配菜有酸菜、芽菜、金菇、萵筍、粗薯粉，十分豐富﹗黃金鮮魷$108: 朋友話黃金鮮魷比椒鹽鮮魷更勝一籌，黃金鮮魷炸得好靚，咸蛋粉漿不厚，外酥裡嫩，表面咸蛋香味十足，內裡鮮魷保持彈牙口感。尖椒糖心皮蛋$48:切真好靚，軟滑香濃~荔枝梳打:冰份量適中，仲有粒粒爆珠，好夠清爽~鮮青檸梳打:有幾片青檸，夠酸開胃﹗

等了四十五分鐘又說冇下單又講忘記有咕嚕肉球要比客，別人一座下來就有野食而我爸爸等了四十五分鐘都冇野食，埋單的時候要我比番可樂的完價，仲講你都飲咗唔通要我自已比錢，這樣的服務態度我寧食s都不食它們的食物

2點入座叫座個午餐2：15分同我講叫我改第二樣食物，😡等到2：45分己經吹左2次都唔嚟跟位叫取消埋單，都要收我15蚊計我單飲，個姐姐話電腦入機改唔到，以後都唔會去再囉

🎖黃金鮮蝦球🍤.特登黎呢度主要食酸菜魚，魚係滑嘅，都足料既☺️有金菇、萵筍、大豆芽、寬粉😋啲粉都算係老人家我咬到既程度💕但係因為第一次黎叫咗微辣，個辣味就唔係好出😂😂所以就只係覺得佢正正常常🙈下次叫返小辣，試真啲先😁.反而係個黃金鮮蝦有驚喜😍新鮮蝦：又爽又彈🤤食唔停口，又唔會好膩👍🏻仲叫咗個福建炒飯，夠晒鑊氣😋.#fatfat4ever_葵芳 #平嘆美食 #fatfat4ever

🌸葵芳酸菜魚🌸友義氣🐟適逢政府宣佈繼續禁止晚市堂食，今天特意相約好友到一間位於葵芳的人惹味酸菜魚專門台-「友義氣」享用一頓滋味的酸菜魚午餐❗餐廳裝修簡約，座位寬敞❗店員殷勤有禮，會不時替客人收拾碗碟❗我們一行2人惠顧了以菜式：1️⃣🌟招牌酸菜魚（標準）$188酸菜魚份量十足，湯底經長時間烹調而成，味道酸酸辣辣，相當開胃。魚肉肉質鮮嫩香滑入味，配搭開胃酸菜、金菇菜、萵荀及彈牙寬粉等配料，魚肉鮮甜而且酸菜湯非常惹味，配搭相當豐富❗️2️⃣🌟干炒牛河 $52干炒牛河即叫即炒！相當有鑊氣，牛肉片肉質鮮嫩，河粉彈牙干身惹味，味道香濃❗️3️⃣🌟珍寶大檸樂 $22珍寶大檸樂份量十足，非常大杯！以新鮮檸檬片融合冰凍可口可樂，解渴一流❗4️⃣🌟珍寶檸檬茶 $22珍寶凍檸茶份量十足，非常大杯！以新鮮檸檬片融合香濃紅茶，味道清新開胃，解膩一流❗🌟為是次餐廳用膳的推薦菜色❗ 總括而言，此餐廳的食物質素高，食物是即叫即製，酸菜魚味道相當出色，而且全日不收取加一服務費❗餐廳鄰近葵芳站，交通方便，絕對是葵芳一帶的必食酸菜魚之選❗🔖總體評分：美味指數：⭕⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕⭕️ 5⭕️為滿分

今日同同事嚟咗葵涌度做嘢 經過呢間友義氣酸菜魚 見到幾多人幫襯就入去食下啦餐廳裝修風格好似香港茶餐廳咁 十分有親切感 卡位坐得夠曬舒服叫咗個二人份嘅酸菜魚 上菜時好驚訝非常大碟 魚肉鋪滿成個碟十分誇張 魚肉已經起咗骨十分細心 魚肉嫩滑得黎魚味香濃 酸菜酸甜味十足 湯底魚味香濃 下面仲有金菇 萵筍 紅薯粉等等嘅配菜 非常飽肚又索味另外叫咗個黃金蝦球 用咗新鮮蝦去做 肉質彈牙 外面個炸漿非常脆卜卜 加上鹹香嘅咸蛋黃汁 回味無窮珍寶咖啡 如果有食辣嘅就必點珍寶啦 真係非常巨型 解辣一流

之前試過係朋友屋企買過外賣上去食，已經覺得味道唔錯今次特登係葵芳行完街，過去門市到試下見到午餐套餐，下午茶時段仲有折但特登黎到就係想食酸菜魚可以選擇辣度叫左份標準，份量都唔少，用的是海鱸魚一黎到姐姐就建議我地先飲左湯先再食魚湯頭真係好香濃，唔會過酸味，花椒味好香魚片好滑溜，而且啖啖肉，完全唔會覺得有魚腥味底下仲有唔少芽菜，萵筍，金菇同薯粉，但個人都係鐘意配白飯，勁滿足另外叫左個椒鹽鮮尤炸粉不厚 幾惹味飲品就叫左個特大檸檬茶同青檸梳打特大檸檬茶超大一杯，22蚊杯真係好抵飲不得不說職員真係好有禮貌，好窩心

好好味呀！ 好耐無食過一個咁好食嘅酸菜魚～ 食完會想番嚟再食老檀酸菜魚 標準 $188只係叫咗微辣，但都係好辣，越食越辣🥵🥵另外其實佢最大不同之處就係佢用油泡過啲魚，所以食落去啲魚個口感好香仲有佢啲炒嘢都不失霸氣 ～ 好香。好正八珍豆腐煲水準去到酒樓小菜咁正色。香。味 齊哂～ 佢仲有*椒鹽* 野 都好出色架！ 下次再試再分享多啲比大家知

“𝐼 𝑙𝑜𝑣𝑒 𝑠𝑝𝑖𝑐𝑦 𝑓𝑜𝑜𝑑.”出得來社會 大家都係義氣仔女😎所以今日同大家介紹一間隱世小菜~.「友義氣。酸菜魚」🐠正如戴口罩一樣 食完一次唔夠喉 所以要食第二次✌️入到依間餐廳 感受到好濃厚嘅香港人情世故🥰樓面哥哥姐姐雖然唔算服務周到但佢地嘅粗聲粗氣中間又帶點關心同玩笑係咁寒冷嘅天氣帶來更多嘅溫暖🔥依間餐廳上菜要較多時間⏰不過唔緊要 因為所有野都係即叫即煮充滿鑊氣🧑🏼‍🍳港式餐廳又帶點「法國餐」嘅情調😂———————————————————————————〖老壇酸菜魚 （小辣）🌶〗💰188 （標準）以前食酸菜魚要番大陸食🙈依家香港「完善」左制度😏所以香港都有自己嘅酸菜魚啦❗️👏依間酸菜魚味道酸同辣嘅味道都十足又唔怕太濃太鹹會嗆喉👍叫小辣連湯都可以飲埋啊🤩用海鱸魚去製作啲魚好滑 唔多骨真正嘅 魚好食 湯更好喝🤤 戲好睇😂最正嘅係仲有啲寬粉 好入味好好食😍〖鮮果咕嚕肉🍍〗💰85菠蘿包冇菠蘿 但菠蘿咕嚕肉真係有菠蘿😂一上菜就見到佢有原條嘅切邊菠蘿放咗喺度好吸睛👀又多汁 好鮮甜 最重要係好開胃😂咁就唔怕會食到濟啦講番主角咕嚕肉炸粉適中 薄薄地一層 食落更香脆而且肉質好淋 好鬆弛💯一定要食

朋友帶我黎呢間試下，因為佢知我好鍾意食酸菜魚，佢之前成日同我推薦呢間，今次終於嚟咗果然冇令我失望！首先一定要嗌個酸菜魚先服務員好親切，魚到左姐姐建議我哋先飲左湯先，第一啖飲左之後瞬間開左胃，一定要叫碗飯先得，湯飯簡直一流，一人一碗飯先🤣 魚既份量比預期既多，坊間有啲貴得黎份量又小😌但呢間係CP值高，抵食又好味。同埋啲配料都夠，咩萵筍芽菜酸菜薯粉都比足份量。由於係lunch時間，都多人食同外賣，所以時間要等耐小小，下次黎就可以避開繁忙時間。但好似唔係幾夠喉，我地想試試其他野，兩個人就叫左個「干鍋大腸」，大腸係好香口脆既口感，食多幾舊會好膩，怕膩既朋友就唔建議啦，但總括來講鐘意食大腸既朋友不妨可以試試呀 呢間酸菜魚食果咁多間呢間價錢上品質上真心係top。唔好睇小餐廳細細間，裝修無咩特別咁，係度食酸菜魚先別有一番風味。要食左先知

午餐去食酸菜魚同埋水煮牛肉價錢多面好值午餐都系48至60蚊內包一杯熱飲加埋一個飯而酸菜魚都有包埋熱飲一杯同埋一個飯價錢上真係物有所值同埋下午茶時段會有85折係食品方面：酸菜魚份量好足 五會好似出面甘 魚件好小 同埋佢啲魚係滑身五鞋口，湯係鮮甜黎形容，五會油膩 下次會再去食

突然之間好想食酸菜魚，上網搵到依間友義氣，見價錢平而且食評唔差所以專登出葵芳試一試，點知中哂伏😥門口有得禁飛，但最後發現原來只要企近門口呀姐就會俾你入去😰坐低已經即刻落order，足足等左9個字先上第一碟菜🥸✨雞絲粉皮🐓個汁極酸🥶✨酸菜魚🐟叫左中辣但一d都唔辣，食耐左仲覺得酸到有少少苦😖專登加左錢要多d薯粉🤑聽到隔離枱話成碗魚得半條薯粉😂😂諗住我加左錢一定唔會係咁，點知加左都係得兩條(冇誇張)，同個靚姐講佢仲話今日份量好足嫁啦😨真係當堂嚇一跳🤥✨避風塘軟殼蟹🦀唯一覺得味道ok既一碟😀

今日行完新都會廣場之後，好想食下辣嘢，所以就去咗搵吓有冇酸菜魚食，最後比我搵到佢，一坐低已經聞到好香，佢有好多唔同嘅菜式，有水煮，又有辣子。小食就叫咗尖椒皮蛋，開胃菜來講都幾好食。今次叫左老壇酸菜魚標準小辣，一上到碟好大碟好多魚，因為佢依間標榜飲湯，老細話湯底用雞湯，我都飲咗幾碗。之後到入面嘅主角特選海鱸魚，啲魚佢整得好滑，超級好味。入面仲有好多唔同嘅配料，有薯粉、芽菜、金菇、萵筍，全部都係我嘅至愛。食完過魚之後口痕，叫左個黃金大虎蝦，又係大大碟，好香黃金味同埋好香口，但係夾到都食唔晒。兩杯特飲都好colourful 仲有好耐無食過既爆珠係入面 睇見都開心 菠蘿梳打味道都幾清新 唔會太甜朋友話佢杯水蜜桃乳酸都好飲

葵芳友義氣·酸菜魚CP值高，一大碟標準size $188, 晚巿都無加一。眼見枱枱都叫酸菜魚，人多的話叫多碟炒菜同咕嚕肉。先講咕嚕肉，酸酸甜甜好開胃，一片片菠蘿唔係係肉內，而係放在碟邊，一片片咁食！講返主角，酸菜魚肉質嫩滑，辣味有分唔辣、小辣同大辣。我們叫了小辣，味道十足，魚湯也好好味，酸味唔太出，反而辣味配搭花椒，就十分香和麻，十分好食！不得不提係裡面有蒟蒻，滑捋捋好好食！一碟標準酸菜魚+白飯夠兩個人食，配埋大檸樂，十分飽足！除左食物，要大讚服務態度！店員見到我拎住盒蛋糕，好細心問要唔要放雪櫃。又主動幫我們影相。對顧客的態度十分好，好親切！食得特別開心！

Happy Friday 是日試一間好出名既酸菜魚。叫左椒鹽鮮魷、小辣酸菜魚、清炒萵筍、椒鹽涼瓜、白飯一碗、熱茶走埋單每位$ 108 鱸魚勁香、滑、冇骨。些小辣椒、花椒、糊椒幫助提香。入面仲有粉皮、金菇、木耳、萵筍，有菜有肉，大家都有讚冇彈。5 個人share 都夠飽。清炒萵筍好清甜爽口，椒鹽鮮魷夠鑊氣，涼瓜藶咁，加碗白飯，配酸菜魚堅一流！熱茶走香濃夠茶味因為中午餐時段，未夠12 點已經好多人，好在等左5 分鐘就有位食飽出面仲係好多人等緊位，睇黎好受歡迎值得推薦