可樂士多

Open Now

Now Closed

牛腩炒油麵（$35）+ 熱朱古力（$15）炒粉麵飯（白飯、出前一丁、油麵、幼麵、河粉），材料除咗雞蛋、菜、洋蔥，自由選擇叉燒、雞肉、豬扒、牛腩、豆腐配搭。即叫即炒，上枱時熱辣辣，夠哂味道，而且都有些少鑊氣。油麵彈性欠奉，但還是可以的。牛腩係員工推薦的，有肉有筋，煮得夠淋又入味，的確唔錯。

放假，朝早8點獨自帶埋狗🐶仔係屋企出發，行行後花園，柴灣哥連臣角道上石澳郊野公園，砵甸乍山落大浪灣。嚟到大浪灣中途的補給站，緊係坐低食個早餐。大浪灣的可樂士多是我食早餐的不二選擇，不是沒有其他選擇，只是這裏的老闆十分隨和親切，食物質素亦都不錯。雖然只是簡單的雞蛋丁面，但是有用心的煮。丁面軟硬適中，滷水雞翼醃得入味，太陽蛋煎得窿邊，仲搭有好幾塊西生菜，坐喺呢度舒舒服服地食個早餐，享受下寧靜啲環境和清新的空氣，士多行出約30米便是大浪灣沙灘，當日天氣己開始凍，但仍有好多人衝浪呢。再起步上山，上返龍躍徑，落返小西灣海濱公園，行返屋企，全程10公里左右。

雞翼雖然唔滑但好入味西多岩岩炸起煉奶畀得慷慨兩樣加埋$45—————————————————睇佢menu啲泰式炒河都係$35 牛腩河都係$30 —————————————————好多街坊食 應該係遠近馳名嘅穩世廚房😘😘😘😘😘😘😘😘正呀！！！！！！—————————————————下一次再黎留下肚食佢啲炒野

Took a day off and had a long overdued catch up with my buddy at the big wave bay; we've picked a mom-and-pop store for our chit chat over lunch.Although it's a small store, it serves various types of food including local Hong Kong style instant noodle as well as Thai food. Their friendly staff and good food have made a pleasant experience.The curry beef fried rice portion is not particularly generous but it's tasty enough and adequate for its price; that means i had more room for the evil fren

放假襯好天去了石澳附近遊了轉車河，本來想到石澳附近食午餐的，但見到泊滿了車的停車場，便即退守去大浪灣找東西吃。在大浪灣有兩間士多選擇，分別是可樂士多同棠記士多。因之前已試過棠記，所以今次選擇了可樂士多來醫肚。我們分別叫了泰式肉碎炒飯和咖哩豬扒炒河。因為即叫即炒關係，等待時間會比一般餐廳長少少。首先講講這個泰式肉碎炒飯，我選的是豬肉碎，而他們的飯底分別加了洋蔥和蒜來炒的，再配合香葉辣椒和一隻半生熟的太陽蛋，味道一流，甜甜的洋蔥撞上辣椒，令人開胃到不知不覺整碟食完。而咖哩豬扒炒河的豬扒亦要讚一讚，入味之餘還要肉質鬆軟，食了一塊豬扒後會喜歡上呢！泰式肉碎炒飯🎯9.5/10咖哩豬扒炒河🎯9/10

趁聖誕節假期我同行山友去行山樂，行山是一件很快樂的事，而且行完可以食番邪惡的午餐。今日約好行山友行龍脊到大浪灣， 我哋攀山越嶺竹行了兩個小時行到去大浪灣。時間剛剛好午餐時間到，我到就係大浪灣搵士多食餐肉蛋公仔麵，唔知點解總覺得行完山要食返個麵。其實士多數量寥寥可數，1間coffee, 3間士多，我同行山友就選擇了可樂士多，士多雖然細，只有5張檯面食客已坐滿的，而且感覺親民，見到咁多熟客幫襯，點都要去呢間。坐底已經聞到好厲害的鑊氣由廚房撲出嚟，單聞已經留晒口水，見佢哋送食物上檯賣相及味道都非常吸引，尤其是炒飯、蛋包飯及西多士通通都叫人睇到都吞口水， 肚餓指數急性。但我同行山友都指定要午餐肉煎蛋出前一丁， 慰勞自己咁辛苦行完整個過程。好呀～ 餐蛋出前一丁終於出現了， 圓形厚切的午餐肉， 如果可以再煎燶一點會更香， 煎太陽蛋非常漂亮， 出前一丁主動軟硬度剛剛好，好美味呀～我可以講性價比極高，呢碗麵只係$25蚊，市區同大排檔都做唔到呢個價。如果要杯凍檸賓都係$15蚊，價錢超級親民，唔會好似其他行山區食店開天殺價。我會下次為了這家可樂士多，再來大浪灣行山的，我要再試埋炒粉麵飯，突然我覺得石澳街坊

話說琴日一朝早入去大浪灣滑浪，咁就食返個早餐先，都係可樂士多，無計！係個度租板唯有焗食🤤咁我就叫左杯熱奶茶同雜菜奄列，心諗上次個牛腩米都奶奶地野，希望今次無事奄列來到好彩係熱嘅，出奇地個今次幾好食，有種泰國風情既味道，可能落咗好多油，煎好似西多個皮咁，大家可以放心食

今日滑完浪，平時都無係度食野，剩係租板同locker多，但今日水太凍，所以沖完身就叫左個牛腩湯河。個湯河黎到，諗住係熱辣辣，點知係暖既...失望（叮熱比我都好丫🤕）牛腩同個湯係好入味既，唔似出面個d味精feel,反而似住家媽媽整既口味，份量都算多，25$係熱既話都不失一個選擇黎既

每次去大浪灣滑浪都必定幫襯嘅小店。一去到，喺可樂租塊板就落海玩，滑到攰上去食個飯補充體力再玩過，完咗仲可以買條雪條食住走。非常親民嘅價錢，加上老闆嘅人情味，係一間可以令你無憂無慮喺海灘享受一天嘅人情味小店。食物大概有午餐類（炒飯面、雙併飯、湯面）、同下午茶兩種。我自己最鍾意食雙併豬扒雞翼飯，夠大份又好味，佢嘅辣醬亦都非常惹味，食飯類時候可以試下落啲。如果想食得輕盈啲，下午茶嘅油脾都係十分好嘅選擇。最緊要係價錢非常平，一碟飯$30-$40，而且份量十分足夠，唔洗怕去到石澳就預咗一定要比好貴先醫到肚。

一年一度的行山日，揀條適合一家大細走的龍脊郊遊徑，走到去大浪灣，全程也花不了超過三小時，都算還可以....來到大浪灣，本想馬上乘車到筲箕灣開餐，但小友此時大嚷肚餓，看來也等不及坐車出去了，於是乎在這間士多仔坐低吃點東西，之後去筲箕灣再食過....小友點了火腿芝士西多，太太則點傳統的淨西多，但最後由於阿姐漏單之關係，最終只能吃到了芝腿多....西多以半煎炸的形式弄成，卻入口不見太油膩；芝士很自然是呈半溶之狀態，口感豐腴；最特別是醬汁方面以煉奶取代蜜糖，甜度以至邪惡度自是更上一層樓....吃完後，仍然意猶未盡，決定乘車出城再吃....

入大浪灣必要留心一間吾顯眼嘅士多仔。牛腩係要試的、咬落軟熟炆得好焾入味。不是市區大部份咬入內死實實的、他的軟化度感覺很不錯。湯底也甜、吃下去是舒服的。下次一定會試他們的西多士、是日太飽吃不進去了。

行山愛好者當每次從龍脊郊遊徑下山後，第一時間就是找一間小店慢慢去補充一下，這一間"可樂士多"，小弟真心地推介一下，充滿著本土小食風味，合適大眾口味，士多來說，選擇種類算多，而且價錢相宜，最緊要的是服務態度一流，不妨行完山之後，可以嘗試。

身為一個沙灘愛好者夏天成日都會去大浪灣，貪佢有浪玩加易泊車。入邊都係得兩三間野食，呢間就平得黎有水準。每次黎都會食佢個豬排炒飯，豬排煎得好入味。不過呢度好似河粉比較出名我自己就未試過喇。

涼風送爽，天朗氣清，最適宜郊遊。昨晚與死黨C飯聚，突然興起一齊去行山，相約今早由小西灣藍灣半島後山，步行往大浪灣。雖則是日掛起1號戒備信號，仍無助我倆行山意欲。不過，人家需時約一至兩小時，我倆邊走邊聊，以龜速前進，花了近3小時先到達朋友推介的可樂士多。一睇可愛士多門口擺放淺藍色、設計新穎的易拉架餐單，頗為吸引，選擇頗多，價錢又大眾化。士多除經營餐廳，售賣飲品零食及沙灘用品外，還有售賣及租借浪滑用品。店內店外，一塊塊色彩耀目、閃閃發光的滑浪板隨處可見，小妹不其然想起我在墾丁天氣晴的日子……大風吹，吹走悶熱和煩憂，讓人心曠神怡。負責招呼的，是一名中年留鬚的男子，似是老闆，浸過洋水，會以英語招呼西人。這解釋了何以易拉架及餐單設計新穎特別，在傳統中見新穎，更與大浪灣的環境融為一體。見鄰桌一人一樽樽裝可樂 ($7/枝)，處身可樂士多之中，豈能不叫可樂呢？況且，剛走了萬里路，身體極為飢渴。一人一樽，開懷暢飲，天南地北，不亦樂乎？C飲後表示，d氣及味道均較鋁罐裝為佳。物以罕為貴，也許，正是這個道理吧﹗或許，我倆太累、太餓了，導致大腦間歇閉塞，竟叫了兩碟極為邪惡及油膩的食物 - 自家炒公仔麵和豬扒炒飯