Video
6-min walk from Exit F, Austin MTR Station
continue reading
Telephone
31019855
Payment Methods
Above information is for reference only. Please check details with the restaurant.
Recommended Dishes
之前也有食過中國廚房的紅燒牛肉麵都幾好！但因為價錢不便宜，所以都冇經常性食，都係偶然先會試吓！今日中午興起同同事一齊去食紅燒牛肉麵，去到嘅時候服務員嘅態度沒有以前咁友善，同我地講冇lunch set，我哋都冇所謂!因為嗰刻真係好想食！入到去我哋叫紅燒牛肉麵，等左成半個鐘，終於等到先發現阿姐落錯單，我哋又要繼續再等多10分鐘！都算啦！點知紅燒牛肉麵湯底冇紅燒牛肉嘅味道！牛肉都冇牛肉嘅味道！！啲面太淋，一啲咬勁都無！！買單嗰刻真係好肉赤！！用左$100蚊都唔知食左啲乜！！！
continue reading
一向以為這間餐廳主要做遊客生意，所以常常經過也沒有試過。今天有同事力推這家店的午餐，我就試一下吧！這間餐廳位於廣東道中港中心，位置十分就腳方便，我們就隨侍應的吩附到了七樓。一步入餐廳，七樓的景緻開揚，裝修古色古香的，感覺高雅。最意想不到的是在尖沙咀有這樣的環境用膳，而他們的午市皇牌套餐只索價$45-$62！仲包包主菜、飲品同涼菜一款，無加一，認真抵食！涼菜/蠔汁烤夫：雖然細細碟，但是一點也不馬夫。烤夫十分入味軟稔，滿有蠔汁的鮮味，味道唔差。涼菜/香菜鮮腐竹：這個腐竹口感有點硬身，有點乾，感覺一般。叉燒燒肉飯$50嘩啦！這個叉燒燒肉飯十分足料！差不多完全蓋過飯面！叉燒肥瘦剛好，帶點焦香，味道香甜，肉質軟稔有肉味。而燒肉的皮脆卜卜，燒肉半肥瘦，帶點脂香，味道唔錯。加埋軟綿的白米飯，十分滿足。台灣紅燒牛肉麵$62這個牛肉麵質量不錯。牛肉是牛𦟌部分，炇得入味，肉質好稔但又不失口感。而麵條是幼條扁身的那一款，質地比較稔，口感滑溜，配上富醬油味的湯，味道沒有想像中濃郁，味道可以。以$62包小食、牛肉麵同餐飲，性價比算不錯了。奶茶這杯奶茶夠熱，茶味香濃，也有奶滑口感，不下糖也不澀口，同茶餐廳有得fight.檸檬茶這杯檸水有成四片檸檬，檸味十足，有助消化。雖然味道未致驚喜，但以環境舒適度、價錢同食物質數，相信這兒將會變成我的尖沙咀飯堂。
continue reading
位於廣東道既#中國廚房 x #台灣牛肉麵 睇住佢咁多年都未食過，今日終於試咗喇！牛肉確又香又淋，麵條Q彈，湯底咸甜適中，盛惠$78！其實還可以。可惜原來係遊客價😅 可能以為我地是遊客瓜！其後被發現其他人一碗牛肉麵連小食及餐飲都係$55，仲有茶費$12/位，當堂覺得自己係水魚🐟。試埋蚵仔煎$88，這個就不合格，沒有一點台灣味。失望！
continue reading
係呢度食飯，我真係唔知我係邊，其實我只係中港城啫。環境係可以接受嘅，都算乾淨，可能未到lunch hour，唔算多人。一睇餐牌，我真係懷疑我自己返左上去餐廳所寫嘅價錢係用人民幣，港幣係用括弧細字啲寫，呢點真心失望。。。明明我地係香港，點解要咁樣嘅表達方式呢。。。我唔認為正常常寫份餐牌會無生意，亦唔係咩優惠，真係唔明。叫咗佢招牌嘅紅燒牛肉麵同叫左碟菜share，味道還好，牛肉都夠味嘅，有酸菜伴，份量夠飽嘅。價錢貴咗小小，一碗要78元。
continue reading
位於廣東道嘅一間台灣牛肉麵，望到個門面都似係做大陸人生意，所以知道呢間鋪頭好耐，但一路都冇試過。突然間心血來潮真係想試吓，估唔到都幾有驚喜，味道都好唔錯。呢間台灣牛肉麵味道會比較偏重，因為我鍾意濃味嘅關係，所以我覺得OK。我哋兩個人叫咗兩碗面，分別係紅燒牛肉麵同四川擔擔麵。紅燒牛肉麵個湯底好香牛腩香味，麵質都唔錯，係比較硬身嘅。我最鍾意嘅係佢嘅四川擔擔麵，好香芝麻同麻醬香味，麵質好滑，非常惹味。另外小食都叫咗紅油抄手同糖醋茄子，紅油炒手裏面嘅肉質唔會好容易爛。另外糖醋茄子，酸酸甜甜，好開胃。所以真係估唔到，以為做大陸人生意嘅餐廳質素一定差，其實食物質素唔錯。
continue reading