台灣蘋果姐姐牛肉麵滷肉飯 (Closed)

近來瘋狂熱愛食台灣小食及小菜，特別是滷肉飯，一聽到有地方做得不錯的，便馬上衝過去。更何況這一所叫蘋果姐姐的，是身處於本人的地頭龍城區內，那就豈有不試之理 ?甫一坐下，根本餐紙喵都不用喵，就點了一客滷肉飯。這裡的便當式午餐除有主食外還附有小吃及台式飲料，價位不貴，都可算是相當抵食....先喝一口凍冬瓜茶。大大杯非常抵飲，出盡力最後還是喝剩不少；味甚惹甜，說實在是不太合不愛甜的我的口味....主角滷肉飯其後登場。由滷汁以至飯的量確實甚多，滷肉有淡淡的酒香，味甜跡近入口即化，基本上一放進口就差不多全然化掉於舌頭上，沒有丁點的咬口，感覺不似在吃肉般；墊底的醃菜味頗鹹，口感又是跟肉一樣，淋至將近入口即溶；滷蛋則普普通通，蛋黃個人略覺太乾....小吃選了煎三星蔥餅。上桌一睇就知應屬較油膩之作，咬一口，果然整張嘴頓變油淋淋；肉饀好處是甚juicy，一咬底下就馬上爆汁；蔥香也見突出；但缺點便是肉的口感稍偏嚡了些....吃過後，感覺還是帶點失望的。要尋找一客好的滷肉飯，可是仍要繼續努力呢....

一直想去試試屋企附近的一間傳聞很正宗的台灣餐廳。剛好路過，就去買左一個控肉飯試試。味道不過不失，有少少偏甜，控肉肥肉唔錯瘦肉就差左少少。服務態度就唔錯，幾有禮貌。不過個外賣盒個人就覺得需要改進啦。首先失去台灣便當盒的造型和便捷，導致好似食外賣盅頭飯咁，失去台灣味。其次因為有鹵水汁，攞到返屋企就已經成袋都係汁，一開更加不得了。

香菇肉燥飯味道類似屋企飯 鹹度適中 肉燥份量適中 不過香菇可以加多d 整體而言，值得一試！值得下次再尼光顧！價錢合宜 適合學生族尼食lunch喔 仲有水供應 係自助式架 啱晒唔同顧客既需要 覺得幾好 配料亦係自己攞架 寫openrice食評可以有免費台式飲品一杯架

好少經過尼附近，今日咁岩見到有台灣牛肉麵，咪試下囉。原汁同紅燒牛肉麵兩款都係比較清淡，個人黎講ok因為自己係食得唔重口味。叫左蘋果姐姐水果茶，幾好味，尼間店嘅台式飲品價錢實惠，比岀面一般手調飲品平。見到其他人叫滷肉飯同乾麵，好似都幾吸引。

台灣是我喜愛去旅遊的地方之一，與我喜愛台灣菜和台式飲品有很大的關係。去唔到台灣，食台灣菜啦～店名叫「台灣蘋果姐姐牛肉麵滷肉飯」，要點什麼最好？一目了然吧！正宗滷肉飯 （$18 細），滷肉味道比較帶甜，正是我杯茶！紅燒半筋半肉牛肉麵 （$61）湯頭可選濃稠度，我們只選正常濃度湯底。湯頭已很濃郁，味香而且帶微辣。牛肉牛筋滷得腍滑入味，麵質很好，完全沒有半點鹼水味！鹽酥雞（$35）炸得香酥，調味做得好，味道恰到好處！不過，鹽酥雞很難會做得難吃吧！炸花枝丸（$40）說是採用基隆的新鮮花枝，手工揑製而成，花枝味濃？？但我卻略嫌味道普通，$40 只得四粒，有點點貴的感覺。最特別的倒是他們的味碟，是寶島地型的！滷味拼盤（$45）- 芑芑不吃雞翼尖，要求走尖換滷白菜，靚女店員一口答應，很nice喔！飲品方面，芑芑點選萍果姐姐水果茶 （$22 ），是以綠茶底配以鮮橙和萍果 ，雖然是招牌茶，味道平平。同行的點的是珍珠奶茶 （$18），水準還算可以。店內不斷播放着台灣金曲，牆壁上一邊貼上夜市地圖和照片，另一邊則是食物化妝照，單就實物與照片沒有多太差距一點，便值得一讚！牆壁上亦有十數張寶島美女模特照，我猜是

今日難得黎得九龍城，本身打算食泰國野，點知睇到呢間台灣野食，決定幫襯呢間蘋果姐姐。我就揀左台式排骨飯，排骨十分鬆軟，味道適中，尋回係台灣的味道。而另一半就揀左香菇肉燥湯麵，味道尚算可以，麵質可以接受。另外還叫了宜蘭三星蔥肉餅，惊喜之作。飲品則叫了黑糖珍珠奶茶，略為甜了一點，還算可接受。

九龍城食肆林立港人無人不知，而主要的泰國菜已開到成行成市。這間蘋果姐姐算是第一間開進九龍城的台式食肆。說實話，其位置頗為偏僻，接近城南道尾。内部枱椅屬街坊式的硬席，祇宜食後速離開，並不宜與友詳談。牆上有較特色的台灣佈置，令客人有點身在台灣之感。水、牙簽及調味等物要自取。牆上一角掛上在openrice寫食評會送台式飲品一杯的告示，怪不得該店有不少非常簡短且相片都沒有的食評了。是日與友光顧，因並不太餓，所以祇叫了少量食品和飲品。先來的鹽酥鷄賣相尚可，咬落感覺彈牙及鮮嫩，調味亦適中。紅燒牛肉湯麵有台灣牛肉麵的水準。麵具口感，牛肉稔熟，軟硬度亦適中。少量配料微辣爽口，增添整碗牛肉麵的滋味。鹵豆腐賣相特別，外觀似大件豬紅，咬開見到奶白豆腐的踪影，味道尚算清新，令人有健康食材之感。水果茶尚算可口，飲到尾見到小片橙及蘋果踪影，給人真材實料之感。可用八達通找數，省卻找贖之麻煩且能鼓勵顧客多光顧。總括而言，該店出品一般能達水平之上。說到服務方面，是晚的一位小姐侍應服務週到且笑容可鞠。另一位侍應先生說話語氣尚算有禮，但抬頭一看，其說話與表情並不配合且欠缺笑容，宜注意及改善。

由媽媽介紹嘅九龍城台灣牛肉麵小店今天晚上一家人👨‍👩‍👧‍👧去食，可嘗試多款小吃喇!香菇肉燥飯招牌焢肉飯半筋半肉湯麵香菇肉燥亁麵鹵豆腐牛蒡天婦羅好有地道台灣口味，一個字正！撞啱今晚至喜愛嘅珍珠奶茶，特惠價大大杯都係$10，正上加正！

去九龍城食飯, 想平平地又唔想食泰國野, 就揀左呢間試下。見今日成日無點食野, 就叫個焢肉飯, 焢肉我初頭都唔知係乜, 見好似呢度特有, 就揀佢。朋友叫左滷肉乾麵, 我地再加個滷水拼盤share食👐🏻原來焢肉好似東坡肉,半肥瘦得黎唔油膩, 仲煮得好入味, 正, 推介！d 飯一般la, 因為個汁淡左d, 滷蛋就正正常常！滷肉就好似將焢肉碎上，感覺冇咁肥，撈麵一流，伴麵嘅酸菜同滷水好夾！不過如果係配闊條刀削麵就更好😂幾款餸都好入味，係翼尖淋左d! 同埋冇留意焢肉飯都有滷蛋，兩個人要1人食1隻蛋，超標喇😂

星期日行完山，肚餓走到九龍城搵嘢食，遇見蘋果姐姐，見餐牌都不錯，環境也好，就走進去。見介紹滷肉飯及紅燒牛肉麵，就叫了，另加了些小食及飲品。兩樣招牌菜都很有水準，埋單＄138，超值！

前排去完台灣，返到泥一段時間想食下台灣野，經開九龍城見到呢間台灣野，入泥試下，點左紅燒牛肉麵 同魯肉飯，味覺晤錯，好食，魯肉不會只有肥膏，牛肉夠淋，湯夠濃，下次會再來

進去裡面老闆熱情的招待我們，我們都感到十分驚訝，感覺台灣的味道也好重喔！我們倆個人於八時多晚飯時間進去也是人不是太多，餐廳環境十分好，還有洗手間也是比我想像中的還要乾淨喔！

呢度的紅燒牛肉麵同麻辣牛筋面好正宗牛肉同牛筋好好入味，湯底飲晒都唔口渴😊👍🏻👍🏻👍🏻胚芽珍珠都好正，甜味岩岩好服務員態度又好一定會再黎，真心推介。😊估唔到黎九龍城都可以食到甘正台灣菜

同家人行九龍城找好西周圍都是泰菜，打邊邊悶悶的又想起早前老婆提起的台式野晚餐有決定了顢可以在次來食共他。鹵水牛肉湯面及紅燒牛肉•湯面。，，，，，，，，，，，，，，

滷水味道可以仲有其他珍珠奶茶招牌紅肉飯肉夠大夠仲有隻蛋好味再試呢個滷水豆腐滷水味好味⋯⋯有些東西都可以可以再次來....下次一定得再食紅燒牛肉湯麵水果茶馬勒牛肉再試再試