吉祥茶樓

Open Now

Now Closed

今日因為工作原因，係廈村附近做野有幸黎到呢間叫吉祥茶樓既茶餐廳食飯，行一層樓梯上一層有好多位，冷氣又夠凍，而我今次叫咗芙蓉蛋飯，個飯一黎到嚇親我，個蛋大到同個碟一樣大，咬落又夠脆，味道夠，有哂驚喜。

今朝踩住單車去試下，叫左個排骨飯，連茶30大洋，門口呀婆開左茶比我，咁之後同呀婆講左兩次要個排骨飯，我系坐出面，當時我叫野呀婆有望住我，等左好耐，入面個外傭同個中年女人應該話我要叫野，我故系咁，因為系入面，睇到聽唔到，跟手佢出黎問，攞野比我時我笑笑口講話，仲以為無人理我添，佢即時話，你自己入黎叫呀，你系出面鬼睇到咁多呀⋯⋯頂你啊，我叫野果d系咪你茶樓既人？你有規矩唔緊要，我接受唔到我唔黎姐，問題系我唔知啊⋯⋯如果你睇唔到咁多，你可以叫我坐入去，無問題，又要做生意又面濃濃，想點？之後有個西人入去，即時笑笑口，你系咪情緒管理有問題定系睇唔起我呢d耐不耐先黎一次半次既人？

工作中午餐，同事帶我去呢間名字懷舊，店面懷舊嘅茶樓，懷舊feel難免殘舊，餐具都要洗過先放心，餐牌都係茶餐廳嘅菜式，好快點好，即叫即製！西芹雞柳飯（$52）賣相簡單，飯餸分開，白飯鬆軟，西芹爽脆無渣，雞柳比得多，半肥瘦唔嚡幾滑無雪味！獻汁杰身，味道唔太鹹ok熱檸水（跟飯）玻璃杯，水超熱，檸檬🍋比得多，酸味清爽！幾好同事食：魚香茄子炆米（$52）蒸水蛋飯（$52）熱檸蜜（跟飯）食物幾好，店員勤快，有人情味，話說我哋嘅熱檸水原來已加咗糖，咁我同同事都係走糖人，但都來咗，我哋細細聲講緊嘅時候，其中一個店員見我哋啲表情動作（因為佢距離遠，一定係聽唔到）即刻過來問我哋係唔係唔要糖，取走再換比我哋！好窩心，因為主動，唔係我哋開聲而係佢留意啲客人動態而估到！加晒分！無單據只需行去收銀比錢人情味懷舊茶樓

這麽近，那麼遠，呢間吉祥茶樓真係可以用"無雷公咁遠"去形容，我揸車接兩個朋友，一個係天水圍西鐵站，一個係洪水橋輕鐵站，接完兩個人，再繼續再開車都仲要揸多接近十五分鐘先到達，而且並非一帆風順的，因為 google map 都多次未能指示正確路線，好彩最終都搵到，但我相信睇緊呢篇文章的你(外區)，都未必輕易找到。 年紀大左，負擔亦隨之增加，良朋共聚，約腳食野已經不如年輕時那麼容易，你有你既生活，我有我既忙碌，要約齊人確係難過返印度。 難得今日太平紳仕心情靚，取得“行街紙”，梗係竭盡所能，出來伸展一下啦。 排骨飯+可樂樽菊花茶，原來呢間茶樓最最最出名就係"蒸 排骨飯"，幾乎每一台客都必點。 排骨飯，我啱食，蒸得恰到好處，肉汁在蒸時沿著飯粒滲透，令每一粒飯都充分油香。 菊花茶稍甜，但良朋共聚係暢談時，又會變得好好飲了。