名棧京川滬拉麵小籠包 (Closed)

此店食品一般都算了，但服務態度的差劣則甚少見。叫寫菜，叫取碗筷，不理不睬，也算了，叫多一次，仲要被晦氣回應：聽到了，等下喇。吃完比錢，收銀櫃枱無人收錢，也算了，等了很久，叫一下：請收錢，又被呼誨氣呼喝回應：等下喇。在荃灣吃了幾十年，遇到此店，算是增長見識了。食物整體只是一般，但在今時今日，在荃灣這個食市琳立，競爭激烈的環境下，竟然仍有這種趕客走的差劣服務，實在很難理解。不要說食物不是好，即使是五星級食物，以後也不會再去這間食店了。

約咗舊同事食飯，朋友想食上海菜決定去呢間試吓，環境幾好都算乾淨，唔需要等位一去到就比到位我哋啦。我哋六個人叫咗個四人餐， 加一個蝦鍋吧，樟茶鴨，兩籠小籠包。先來小籠包皮薄多汁肉唔會太肥唔錯唔錯👍🏻依個四小碟我最鍾意食嘅淆肉都幾好、熏魚唔會太甜好好味，牛展一般、豆腐冇乜特別樟茶鴨、一個字鹹！一般蟹其實個味係幾好！但係蟹肉唔新鮮啲肉梅嘅！另外有雞冇影極差，雞好大浸雪味！唔掂👎🏻銀絲卷好味！蝦肉窩巴、一般！一句講晒唔會再去！

服務態度差，食物品質差，環境差，酸菜魚片不是魚片，是用急凍魚柳切件冇魚味口感差，回鍋肉不是回鍋肉，豬柳片沒有經過油炸就加入漿料炒熟上碟，根本沒有回鍋點叫做回鍋肉。

此店值得大讚是三免，免茶免加一免小食，講真一點小食(花生一碟)還是送的，紅油炒手先來，要了小辣，果然十分溫和，但生熟蒜及汁料配合正好，皮薄軟兼肉餡料香。另外酸辣湯麵麵質頗煙靱湯味濃，仲有似吳孟達在蘇乞兒内找到了肉絲的驚喜啊！最後小籠飽皮超薄湯汁也多，十八摺無花假，比更貴氣的店還好味。要彈的是星期日到此街外外傭搞到環境似羅湖地踎。此餐共$104質豪價低！歎香港做生意難，一間好鋪俾週日的街外環境搞cheap哂要做下價菜，強烈建議只適合星期一至六幫襯。

某日經過荃灣路德圍見到有間新開既上海餐廳，就已經係心目中mark底，今晚一於去試試，晚上815分，餐廳全滿，到門口，有位職員好落力去拉客，比人既第一印象都不錯同男友被安排到二人卡位，吵鬧中的一點寧靜新開業，分別都有幾款小菜特價中，我地揀左小籠包。本以為最好食既會係小籠包，誰不知竟然係魚香茄子煲，好香，配飯食真係好正，小籠包反而比想像中差，沒有任何特式，湯不夠熱，皮不夠薄。其他小菜其實都是3.5/5，但係有一缺點就係太多油，食到落個底，直情可以見到係用油浸住左啲菜

是咁的 我今日去宜間餐廳食野 叫左一個酸辣魚湯 先泥就講左個飲品 講完無落到單 咁我明白人總有疏忽 所以我叫人落多次落 佢居然無幫我落到 我叫佢多三四次先落到單 咁好啦 主角泥啦 酸辣魚湯 佢遲遲都未泥 我唯有追單 點知 佢聽完當我廢up 係個場行個圈就當幫左我咁 唔係只有人個咁做 個個都咁做直到我話要走先比我 我果下真係想講粗口 奉勸大家 有機會都唔好食宜間野 食到我真係向左走向右走

來到京川滬店，來一個擔擔麵試下。先來的感覺是湯底較稀，喝下去便知和想像的一樣，質感不夠之餘，味道也很淡，麻醬味很不足，導至真的太淡口。而麵質也過軟，一點都不能想像這是一所京川滬的專門店。有點失望。

兩公婆吃下午茶，叫了兩碗豬扒拉麵及1客兩粒小龍包!猪扒好味，麵爽口湯底清甜，小龍包有汁好味，服務態度oK，凍咖啡好飲，但熱金桔甜度就少左D!下次可以再去試其它食物，或再约多D朋友去試晚餐!

個蝦賣相勁差，份量小，魚又係好细條，豬手一般，小寵包干身少汁唔夠熱野食已經十分一般,唔好食又未至於難食, 我都明白甘既價錢唔可以要求D咩, 最想講下個經理, 唔記得MENU 菜單D NUMBER又唔睇MENU, 結果落錯晒D單, 錯左埋黎話對下D野食岩唔岩, 當無事發生甘, 我地6個人岩岩食完晒D野, 想飲下水, 就開始收晒我地D野, 見我地無咩抗拒.係無叫埋單之下特然放低張單, 個FRIEND忍唔住講,我地無叫埋單WOR, 個經理"哦"左一下, 就收返張單, 到最後簽完卡, 單手比返張卡你就算, D服務真係衰過荼餐廳.

由於小編在荃灣上堂的關係，剛經過依間滬菜餐廳店舖面積都算大，而且見佢又唔駛等位，最重要係午餐價錢唔算太貴，所以小編二話不說就入左去坐~在大約10款的午餐中，小編選左上海粗炒配熱豆漿這個組合 ($45)~ 等左大約5分鐘，熱辣辣的上海粗炒已經係小編面前~ 麵質軟硬度適中，也不算太油膩，味道唔錯，但又未至食完有叮一聲既感覺~ 熱豆漿味道正常~環境方面，由於午餐時段較多人，所以一般都需要搭枱，但都算坐得舒適~ 以這個價錢來講，值得一試~

早排黎開路德圍多數都係食泰國菜，幾年前得金坊一間無得揀，成日排隊排成晚入面d位又勁逼，後尾有咗水晶晶同泰特色就好好多喇。一大班人嘅時候就去泰特色，d位闊落裝修又靚，不過人少少嘅話就通常去水晶晶，貪佢近地鐵站，一落荃錦或者力生就到 尋晚收工約咗朋友TGIF，諗住一齊去水晶晶食咖喱蟹，點知去到先知原來佢搬咗去大鴻輝，宜家轉咗做上海菜。難得路德圍多咗間上海野，正門可以見到師傅係度整小籠包，門口侍應又好nice好有禮貌，就決定入去試下。估唔到真係有驚喜！比起泰菜多年輕人，名棧呢間中菜似乎比較多一家大細同上咗年紀嘅人，難怪Openrice上面都無乜食評。等位嘅時候聽到有個婆婆話佢一個星期起碼黎食三四次特價下午茶，今晚仲特登訂檯叫埋孫子孫女一齊黎試下 😁 吹吓水等咗大概15分鐘就有位啦 👏 係門口就見到話新張期內做緊全日免加一同埋星級四重奏優惠。本來仲擔心星期五晚唔知叫唔叫得四重奏，點知完全無問題，而且仲可以4樣都叫曬wor! 😍 除左四重奏之外Waiter哥哥推薦上海粗炒同元蹄，不過今晚天寒地凍我地都係想食返d熱辣辣嘅野暖吓身先！結果我地叫咗小籠包 、砂鍋雲吞雞、酸菜魚塊同擔擔麵！等上菜果陣瞄

荃灣少有嘅好食上海菜😁😁😁因為平時經常要過黎荃灣上堂，所以都會係路德圍食個lunch先至過去上堂但係食黎食去都係泰國菜同米線都有d悶今日突然發現左係宏利粥店隔離有間上海菜就即刻入去試下不過午市時候都真係幾多人，不過都係等左一陣就有位，環境都幾乾淨😊上菜速到好快，而且有質素小籠包好juicy，仲熱辣辣tim，然後個上菜粗炒d面好彈牙，完全唔同出面果d咁淋身！價錢仲要唔貴，午餐加小籠包仲有優惠tim真係快靚正真係快靚正，啱曬我呢d去食個黎

原本想試下呢間新開的餐廳的set lunch，點知比我預料中差好多 ，d侍應的態度差&串，毫無耐性！D食物一黎到 ，更加o曬咀，lunch好似d下午茶餐一樣 ，一個面真系食兩啖就無，$48一個午餐系食唔飽一個人的 ，味道更是淡而無味。至於酸辣魚 ，味道ok，但total可數到一共得6細塊魚片 ，如圖甘，真系飲湯飽，乜料都無..唔會再去第二次咯！！真系差差差到極點。