Video
Read full review
2017-01-14
377 views
早排黎開路德圍多數都係食泰國菜，幾年前得金坊一間無得揀，成日排隊排成晚入面d位又勁逼，後尾有咗水晶晶同泰特色就好好多喇。一大班人嘅時候就去泰特色，d位闊落裝修又靚，不過人少少嘅話就通常去水晶晶，貪佢近地鐵站，一落荃錦或者力生就到 尋晚收工約咗朋友TGIF，諗住一齊去水晶晶食咖喱蟹，點知去到先知原來佢搬咗去大鴻輝，宜家轉咗做上海菜。難得路德圍多咗間上海野，正門可以見到師傅係度整小籠包，門口侍應又好nice好有禮貌，就決定入去試下。估唔到真係有驚喜！比起泰菜多年輕人，名棧呢間中菜似乎比較多一家大細同上咗年紀嘅人，難怪Openrice上面都無乜食評。等位嘅時候聽到有個婆婆話佢一個星期起碼黎食三四次特價下午茶，今晚仲特登訂檯叫埋孫子孫女一齊黎試下 😁 吹吓水等咗大概15分鐘就有位啦 👏 係門口就見到話新張期內做緊全日免加一同埋星級四重奏優惠。本來仲擔心星期五晚唔知叫唔叫得四重奏，點知完全無問題，而且仲可以4樣都叫曬wor! 😍 除左四重奏之外Waiter哥哥推薦上海粗炒同元蹄，不過今晚天寒地凍我地都係想食返d熱辣辣嘅野暖吓身先！結果我地叫咗小籠包 、砂鍋雲吞雞、酸菜魚塊同擔擔麵！等上菜果陣瞄
比起泰菜多年輕人，名棧呢間中菜似乎比較多一家大細同上咗年紀嘅人，難怪Openrice上面都無乜食評。等位嘅時候聽到有個婆婆話佢一個星期起碼黎食三四次特價下午茶，今晚仲特登訂檯叫埋孫子孫女一齊黎試下 😁 吹吓水等咗大概15分鐘就有位啦 👏
係門口就見到話新張期內做緊全日免加一同埋星級四重奏優惠。本來仲擔心星期五晚唔知叫唔叫得四重奏，點知完全無問題，而且仲可以4樣都叫曬wor! 😍 除左四重奏之外Waiter哥哥推薦上海粗炒同元蹄，不過今晚天寒地凍我地都係想食返d熱辣辣嘅野暖吓身先！結果我地叫咗小籠包 、砂鍋雲吞雞、酸菜魚塊同擔擔麵！等上菜果陣瞄到隔黎檯對情侶食完3籠小籠包之後仲要再叫多兩籠攞走 唔通真係咁好味？呢度嘅小籠包即叫即蒸，要等15-20分鐘 👍熱辣辣咁上檯，小籠包入面好多湯好鮮甜，不過食嘅時候真係要小心d，辣親條脷事小，漏走曬d湯汁事大呀哈哈哈！朋友A就係一個例子，見佢咁可憐，我地唯有割愛將最後一個小籠包讓俾佢食啦 估唔到砂鍋雲吞雞好大煲，真材實料，d湯一飲落去就成個人暖立立，岩曬我地3個成日都無乜湯水落肚嘅人呀！酸菜魚塊係朋友B堅持要叫，話突然間好想食魚wor d魚塊都幾滑幾好味，唔使好似成條魚咁有骨，酸酸地唔係好辣，幾開胃 😘 最後不得不提嘅係擔擔麵！呢個擔擔麵真係不得了，朋友A話係佢試過最好味嘅擔擔麵 搞到減緊肥唔食澱粉質嘅朋友B都要破戒食返碗 食飽之後真係好滿足呀，郁都唔想郁 😂 呢度d waiter都幾好，見我地食完仲問我地使唔使加d水，一d都無趕客，不過我地見外面咁多人排緊隊都唔好意思霸住張檯阻住人地做生意啦，輪流去完廁所(p.s. 廁所出乎意料地乾淨)就埋單嚕！
上菜嘅時候發生咗段小插曲，黎錯咗碟回鍋肉，原來係後面果檯嘅，好彩我地即刻同個侍應講返。不過後面果檯依然好盧嘈，其實都唔使咁勞氣嘅，人地都道咗歉啦，忙中有錯好正常，間間餐廳都會有咁嘅情況，放鬆d啦香港人 😌
整體黎講呢間餐廳性價比真係好高，小籠包原價35宜家減到26，雲吞雞就168減到98！價錢比起上海婆婆上海姥姥翡翠拉麵小籠包實惠好多，而且味道一流，頗有水準，地點又方便，可以話係荃灣區內食上海菜嘅首選呀！
以後除咗泰菜同甜品之外，黎到路德圍有多一個好選擇喇！ 下次一定要encore兩籠小籠包同試下上海粗炒呀！
酸菜魚 + 擔擔麵
44 views
0 likes
0 comments
Post
