Video
4-min walk from Exit C, Yau Ma Tei MTR Station
continue reading
Telephone
53808363
Opening Hours
Today
11:00 - 01:00
Mon - Sun
11:00 - 01:00
Above information is for reference only. Please check details with the restaurant.
Recommended Dishes
今日經過廟街見到有一間專食羊肉嘅專門店，睇到佢哋嘅餐牌價錢都幾吸引，於是就入咗去試吓食。如果你係一個非常之注重衛生嘅人，可能呢一間未必啱你。鋪面都算係乾淨，羊肉嘅味道比較冇咁濃。本人唔太鍾意食太濃嘅羊肉味，所以我都覺得唔錯。燒羊架 （半份4件$148）比較意外，係佢哋嘅燒羊架做得唔錯，燒到外脆內軟，唔會影響肉質嘅味道口感。蒙古羊奶芝士奶凍（$38）我覺得冇咩羊奶味，反而比較重甜嘅芝士奶凍味。肉夾饃🥙（$38）羊肉味道比較濃，對比起咖喱羊肉嚟講更加濃。
continue reading
幾個朋友行咗成條廟街，都唔知食乜好？咁啱見到間羊肉店就係入去試吓，入面環境好特別，有啲燈籠仔掛係度，好有特色⋯⋯叫咗個羊肉串，出面食個d好細串，呢度就幾大串都係$38一串，另外仲叫埋個羊排試試$148有4排好低食，仲有個芫茜汁配埋，芫茜控一定鍾意😍😍仲有肉來膜入面都係係羊肉有丁點的辣⋯生蠔，雞泡魚干，甜品有個羊芝士奶凍好特別，因為香港真係末見過有得食，好滑，有驚喜，老闆好親民，最後食飽會主動問下我哋食物嘅質素👍👍
continue reading
喺尖沙咀諗住行落旺角，剛剛落完雨咁就不如去食碗羊。之前見過呢一間，咁就順便過嚟試吓。星期六中午時間我入去一個人都冇，都行到廟街呢個位咁就硬着頭皮衝入去。今次第一次嚟，淨係叫咗客羊肉麵。跟住喺雪櫃攞咗一包嘢出嚟就走左入廚房，轉個頭5分鐘碗麵就上堂。一睇啲羊肉，好似打邊爐啲羊肉片咁，個刻打左個突。食落去同打邊爐啲羊肉冇分別。再試埋個湯，係有少少同平時食開嘅羊肉嘅湯唔同，偏甜少少，都特登冇嗌嘢飲等睇吓陣間食完之後行出去會唔會有口乾嘅感覺，好彩最後都唔算真係口乾。反而個面底平時比較少食呢種，似北方麵條，口感有啲特別。整體上唔可以還好食，但唔係我想要嘅羊肉麵。
continue reading
見網上平台做優惠，呢間鋪啲相片都幾靚，就即管試吓，同事就叫咗羊脾飯同羊脾麵，我就叫咗幹窩肥腸牛肉飯，送到黎一望。個黃黃黃地個幹窩完全無炒嘅樣，同網上相片完全兩回事，係水煮嘅樣子，我真係孤陋寡聞，第一次食啲豬腸白色，完全冇鹵過，好難難接受牛肉好韌，絕對係水嘅味道加花椒油，仲要冇煲滾過種。最後，真係覺得水嘅味道太難食，食咗幾啖食唔落至於送嘅飲品，真的高估左佢，以為竹蓆茅根水之類，原來係清茶😂 個茶清清地咁味道
continue reading
又去探索”羊”店，今次又係去廟街，估唔到呢間有驚喜喎，最起碼唔會比人扮笨，不過呢呢度環境就麻麻地。🥢燒羊什 $38 ⭐️⭐️⭐️⭐️雖然我唔知呢串羊什有乜部位＇但口感同味道都唔錯，最正係有嚿脂肪嘅物體，咬落去會”卜”一聲。🥢肉夾饃 $38 ⭐️⭐️⭐️𥚃面個餡係羊肉，仲有洋蔥，少少辣，不過羊肉唔係好多，味道亦唔突出，但個酥皮係幾鬆脆嘅。🥢蒙古羊排湯麵 $68 ⭐️⭐️⭐️⭐️⭐️個湯麵真係值得比5粒星，羊排大件夠羶，湯底唔油但超羶(不過咸咗啲啲)，麵爽口彈牙，無得輸！🥢蒙古羊肉湯飯 $58 ⭐️⭐️⭐️⭐️呢個羊肉都好味，份量都唔少，不過個湯飯就真係咸咗啲，要扣分，但我又越食越起勁喎。🥢可樂 $10二人共消費：$212
continue reading