名羊天下麵店

Open Now

Now Closed

喺尖沙咀諗住行落旺角，剛剛落完雨咁就不如去食碗羊。之前見過呢一間，咁就順便過嚟試吓。星期六中午時間我入去一個人都冇，都行到廟街呢個位咁就硬着頭皮衝入去。今次第一次嚟，淨係叫咗客羊肉麵。跟住喺雪櫃攞咗一包嘢出嚟就走左入廚房，轉個頭5分鐘碗麵就上堂。一睇啲羊肉，好似打邊爐啲羊肉片咁，個刻打左個突。食落去同打邊爐啲羊肉冇分別。再試埋個湯，係有少少同平時食開嘅羊肉嘅湯唔同，偏甜少少，都特登冇嗌嘢飲等睇吓陣間食完之後行出去會唔會有口乾嘅感覺，好彩最後都唔算真係口乾。反而個面底平時比較少食呢種，似北方麵條，口感有啲特別。整體上唔可以還好食，但唔係我想要嘅羊肉麵。