君煮 (Closed)

有驚喜，有水準，冇欺場，食得好满足中秋同家人食飯，不想再去一般的連鎖式酒樓，(因為次次都食得好氣頂，覺得嘥錢)，想食私房菜。揾到這間在屋企附近的私房菜，又覺得食評推介的菜式幾啱食，於是决定一試。真好彩，竟然比我試到這間私房菜，第一度餐前小食(椒鹽獅頭魚)已經有驚喜，跟住其他菜式都有水準，味道剛剛好，不會太濃或太淡，食物冇欺場，食得到厨師的誠意，份量足夠，服務又好，一家人都覺得好满意。一定會有下次和會推介比朋友

中秋節同屋企人食飯做節, 搵左幾間私房菜試, 終於搵到一間一家四口都有讚無彈既私房菜!!! 媽媽對佢地自家製xo醬極有興趣的, 原來可以買架!!一句講完: 台上一分鐘, 台下十年功~~屋企最新飯堂!

第一次到君煮食晚飯，每道菜色水準也不錯，尤其是那道懐舊小菜「仙鶴神針」，味道非常對胃，非常值得推薦。很用心及有誠意的私房菜，服務員態度也很友善，期待下次去試別的菜色。👍🏻

幫個同事搞farewell dinner,大家都想食私房菜.自己知道觀塘就有很多選擇,但同事搵到公司附近也有一間,於是就試下這間.這個椒鹽鮮魷剛剛炸出來加埋冰凍的啤酒簡直係絕配. 其實仲有兩個小食(紫薑皮蛋和土豆絲),但我忘記了影相.兩個菜式都十分醒胃.自己醃制的紫薑酸酸甜甜,土豆絲切得幼细爽口.這道冰鎮鮑魚是他們特色菜,擺設有D心思.鮑魚大大隻很入味,雖然不是乾鲍卻做得軟心效果.蘭度很幼嫩,侍應哥哥話把芥蘭切頭切尾把最靚的給客人.這道菜炒得很幼滑,不鬆不散,一D燶味都沒.洒上松子和金華火腿茸就更加香口.仲以為天山雪蓮,原來係雲南黎的雪蓮菌,這種菌係香港我都係第一次食.個湯十分清甜,問佢用咩材料燉出黎,侍應哥哥話就係果幾樣.這道菜原來大有來頭,經典名係叫(鮮鶴神針). 除佐係鴿肚釀有魚翅,鴿面更舖佐一大疏魚翅.侍應哥哥先給我們影相,然後把乳鴿的胸骨起佐,再gas爐助熱.佢話加熱至令到個汁有少少燶燶地,這時係最香最好味.仲以為龍躉會很鞋,但一D都沒.新鮮龍躉肉配合黑蒜棗茸很有新鮮感.最後兩道菜係時蔬和炒飯,没物特別就吾多寫.但最後個甜品就一定要寫哈！吾使本拱噃。D同事話遠睇似大菜糕,大佬

終於大家可以夾到時間食餐飯,順便補做母親節及預祝父親節. 未食過私房菜,剛好搵到這間就脚,就膽粗粗試下. 裝修就沒物架喇，但好在每圍枱都有屏風隔開感覺有D私人空間.洗手間在餐廳出面同衛生麻麻. 差不多等佐半個鐘都未齊人,侍應哥哥就叫我地食住餐前小食慢慢等.椒鹽白飯魚送酒一流,當造紫姜更加醒胃,但皮蛋我就麻麻.鮑魚口感QQ,好入味而且好大只.這度炒鮮奶十分香滑,可見大廚功力.這度菜鴿皇釀魚翅初初以為只有一煲,但一上菜原來有兩煲.除佐鴿肚釀魚翅，係個面到都放上大梳魚翅。值晒門票價這條魚起碼兩斤重,十分新鮮其實還有幾度菜,掛住食吾記影相.最後一度甜品有D俾佢嚇到,甘大個人都未試過有甘大杯燕窩任你筆.

是咁的，公司樓下開左間新私房菜，於是決定同啲同事去食下，入面有幾個餸好食到不得了，無辦法唔推介一下。廢話少說，第一個招牌冰鎮鮑魚，實物比佢門口廣告嘅圖片更大，鮑魚入味有口感，仲洗到勁乾淨，啲女同事影左足足10分鐘先肯食，睇都已經值回票價。第二個雪蓮菇螺頭片燉豬𦟌，一睇落以為係家常小品，點知個湯清甜到無朋友。一飲就知無味精，連鹽都無乜點落，但係絕對夠味。第三個就係蟹肉炒魚肚，佢呢個菜係比大家好似泰式生菜包咁，用生菜包住食，再落少少乳豬醬，非常之有層次感。這裡不得不提，佢地啲生菜全部都剪成圓形，方便到不得了。整個菜都炒非常乾爽，蛋絲爽而不老，一顯大廚深厚炒功。整體黎講，啲食物基本上都係五星級酒店水準。家庭飯局，小型聚會呢度都會係好選擇。美中不足就係佢只有鑵裝啤酒提供，飲其他酒就要自己帶去喇。

地點：我駕車的，所以不難找，附近街道可隨意泊車。環境佈置：地方不算大，餐廳設計簡約，店主一定是基督徒，因內𥚃有些基督教的掛畫。服務：服務員很年輕，很健談，服務態度不錯。食物：講真的，每樣餸菜都很有水凖，聽聞大㕑是一位很有名氣的師傅，曾經招待過很多政要名人。我特別想讚讚某幾個菜，前菜小吃椒鹽鮮尤，尤魚非常新鮮彈牙，超好吃。蘭度鮑魚，好鮮味。忘記了是用什麼菌燉的螺頭湯，湯十分甜，絕無味精。燕麥花膠，手掌咁大隻，好入味。招牌君煮炒飯，用蝦醬蝦仔魚仔一起炒，好好味呀。食後感：一間用心製作的私房菜，食材新鮮，絕對物有所值，我一定會再次回來。

菜單：(1) 四小碟: 木耳，椒盬白飯魚，腰果，海蜇(2) 冰鎮介蘭飽魚(3) 黑棕菌炒蝦球(4) 黑野米遼蔘(5) 羊肚菌螺頭燉湯(6) 黑蒜蒸沙巴龍蠆片(7) 生炒骨(8) 蝦醬鹹魚粒銀魚仔炒飯(9) 雪梨川貝南北杏燉雪耳糖水～ 食物有質素有水準，每一度菜也製作認真，味道完全符合要求。～ 小二哥型得黎態度親切，笑容滿面，就算我是男的也非常滿意他的服務。~ 環境舒適寧靜，只需用普通音量談話。枱與枱之間有屏封分隔，有 privacy。~ 位置離港鐵站約六分鐘步行路程，第一次去唔多識路，感覺上行多左路，下次去應該會好好多。~ 因為是用工厦洗手間，所以不要要求太高，但衛生情况尚算整潔。

好耐冇寫過食評了, 耐到已經唔記得自己LOGIN.呢間好味到唔單止要即刻book下一次, 仲要上o黎推介下, 等呢d小店可以好好做落去!花膠白肺湯: 呢個湯真係比到幸福o既感覺, 湯熱騰騰端上桌, 一飲就知好足料, 濃濃的白色有黏口的感覺, 證明落左唔少花膠. 而事實上跟住上桌的湯渣可見, 件花膠有成隻手掌咁大隻!魚: 呢牒應該係龍躉片, 一見到呢牒我就疑問做咩唔係成條魚上, 反而要上魚片呢? 呢個廚真係有自信, 魚片好新鮮, 蒸到剛熟, 滑不溜口. 個廚掂呀!釀雞翼: 好juicy! 雞翼釀入紅蘿蔔等蔬菜, 外脆內爽, 只嫌一人一隻太少了, 我一個人可以KO四,五隻呀!以後同班FRIEND又多一個聚腳點啦!

值得推介 環境,食材,調味,衛生都滿意 甜品係花生合桃糊(冇影相), 真的假不了, 生磨花生合桃宜家好少食到喇...餐廳調味較清淡, 冇落味精, 有時都要用XO醬/蝦膏/頭抽加味8度主菜鮑魚花膠班魚, 埋單$370, 任坐3個鐘, 仲唔駛加一, 不得了

朋友介紹嘅私房菜，話走傳統手工菜線，聽落幾吸引。咁啱又要搵同班friend慶生嘅地方，一試無坊。唔計頭盤，第一味係冰鎮飽魚，每隻都幾大隻，覺得佢個秘制醬汁幾特別，有少少鹵水味＋肉桂味，唔係清酒煮咁悶。 跟住嚟個碟露筍黑棕菌炒蝦球，足料，黑棕菌幾特別，好爽，响香港未食過。黑蒜蒸龍蠆。 登登登凳...終於嚟到我最期待嘅黑野米遼蔘。好大好「淋」好肥美，最驚喜係個黑野米，好有咬口，本人覺得重好過拼鵝掌，D friend 都LIKE爆！ 私房菜梗係唔少得湯啦，今晚係佛手瓜燉乳鴿，冇錯，係燉，唔係煲，清甜足料有誠意。D人話check個廚掂唔掂可以食佢個生炒骨。一見生炒骨係响個proposing menu裏面，已經知個廚自信十足。果然粉薄脆囗，加埋D細細粒脆脆雲吞仔，連嗰幾個唔食肉嘅小朋友都食得好開心！ 跟著重有好幾個餸，都掛住食冇影到相。終於到湯水（其實已經飽到行唔到），好彩唔係嗰D飽飽杰杰嗰D糊，而係清潤嘅燉雙雪，Perfect!總括嚟講，工業區收三四百幾蚊位聽落好似唔平，但係無論用料味道份量都真係好過好多酒店酒樓。一定有下次！

估唔到我第一次寫食評就寫私房菜，平時睇就多，寫就第一次。因為姑丈係隔離楝大廈返工，又因為係婆婆生日，想搵個唔會太人多既地方同佢慶祝，所以揀左君煮試一試。當然訂之前都有做少少research先既 我地訂兩圍，私房菜以人頭計。訂果陣老闆話我地都25個大人，果晚成個場留比我地。7點準時去到，好快就上第一度前菜，但係大家都好肚餓喇，所以無影到相呀，哈哈...四碟中其中有一碟炸魚係特別好味既，唔記得左個名。之後就係個個都影左先食既冰鎮鮑魚介蘭，鮑魚勁彈牙，每人一隻，如果可以食多隻就好喇。跟住到上炒蝦球，老闆話呢隻黑棕菌香港好少地方有得賣黑野米遼參就好受姑姐們歡迎，不過d小朋友就畀哂阿爸阿媽食，因為小朋友唔係太鍾意遼參個樣~好彩之後就黎左碟小朋友之最愛龍穿鳳翼，真係好好食，無骨架~正~超足灼料燉湯，見到哂花膠同螺頭炒飯伊麵又影唔到，狂風掃落葉，兩野畀佢地食哂。炒飯係佢地招牌炒飯，我d 表弟妹話好好食。總括黎講，每一味都好食，鮑魚同班朳係真係絃出色既。不過最好係老闆會為你介紹食材，同埋最重要汽水任飲，無切餅費，無開瓶費。第一次寫食評，希望寫得唔差