吞餃旺 (Closed)

星期日呢條街間間午市都無位,唯獨呢間。諗住求期一餐半餐算。所有食物加熱飲都要加$5叫咩又無咩。價錢又唔值咁貴,本身一個普通油菜飯已經$48,如果加杯熱奶茶已經$53。味道又唔好食

上水依個美食沙漠終於有一間係可以比我稱為飯堂❤本身自己係好鐘意食水餃，食到依間嘅水餃的確係好有心機，好健康嘅，尤其係佢嘅湯底有得揀魚湯同鷄湯，魚湯個感覺似屋企煲嘅老火湯，帶甜味而飲哂都唔會口渴上海面口感有韌度，唔係一夾就斷，非常好食雪菜豬肉同韮菜都推介雖然後者同出面其他鋪嘅係有分別一咬開成個餡都係綠色而且唔見到有韮菜嘅老闆話因為想經過攪拌成菜碎後菜汁可以帶入餃內而不會浪費掉很好的心思而且感覺菜比較多食完自我感覺良好今次介紹嘅係我成日食嘅肉燥拌陳村粉(sorry太肚餓食到一半先記得影相)肉燥好食，味道一d都唔味精，似自己做嘅屋企味道陳村粉本來就唔多地方有得食，即使係有，都通常會整到勁油，成件事好膩見到有食評話依度陳村粉一舊舊唔好食，但係依度就係因為冇乜油，而令拌陳村粉做到唔膩，配埋肉燥一流小籠包唔錯，皮唔會太薄而一夾就穿會一直幫襯

首先我唔係個d打開美食既kol，但係睇到個食評我覺得需要為呢間小店平反，呢間小店由佢開頭試業個時我已經食，初頭我係因為夜晚收工返到上水，而呢間野係我屋企附近，加上我好鍾意食餃子咁開正我嗰瓣，再加上我覺得係上水其實係冇咩野好食，見新開咁試下啦，認真第一次食可能因為係試業關係，d野食係偏淡味既，但係佢令到我再返轉頭既原因，係因為我飲到碗餃子個湯，係真係同屋企阿媽煲個粉葛鯪魚湯一樣味(我記得我係叫魚湯個餃子叫左咩就真係唔記得)， 因為咁之後第二個禮拜我就再去食，我自己係比較鍾意食d厚身既餃子皮同雲吞皮，而我鄉下仔亦都未食過，一塊薄既雲吞皮可以裝到個餡又裝埋d湯而粒雲吞係唔穿唔散既，可能係有人食開灌湯餃當雲吞啦，咁其實個粒係餃而唔係雲吞，而我不懂，算喇講返d野食，雲吞係既塊皮比出面d雲吞皮厚既，但係我覺得唔影響個味道囉，呢間鋪餐牌入面既野，雞湯魚湯藥膳，雲吞餃子有8成我食過，咖哩，肉燥，陳村粉，近排仲多左個狗仔粉，仲有佢地食湯餃/雲吞會跟一小碟菜脯，碟菜脯次次我都清哂，食有湯既野我一定飲哂碗湯，我想講陳村粉唔係好多地方有得食，一碗餃子加麵收你四十幾蚊你話貴，請問你係唔係平時食開廿蚊碗，可唔可以

我當日入上水做啲野，見樓面呢間都唔錯。。咁入去試下，好耐冇食過狗仔粉🤭狗仔粉幾好味，同啲料都幾足，感覺都幾老實🤭🤭餃子個皮幾好味，比較重面粉味，記得細細個呀媽包果啲都係咁樣😆平時出面食餃子好重味，我覺得呢個味淡淡地都幾ok總括，有下次！。

工作時 路過食個快飯見人少少 唔迫就試下茶仔一間本來無期望但揀麵餐見到湯底可選魚湯 或鯊魚骨雞湯 又好似有啲料到主打上海菜，北方雲吞 及水餃於是點了個豬扒韮菜餃上海麵一試 正喎個湯好鮮味 唔肥膩 食到尾畀我飲埋餃子 堅多菜 餡料綠油油 食到忘了影豬扒有調味 入味 大大塊厚切唔包嘢飲44元 價錢ok侍應nice 似住附近街坊婦女食客問路又詳細教我要食藥又畀暖水如果開喺屋企附近 一定成日幫襯

雲吞水餃一向也是我們祖傳下來其中的美食。由小時候幫媽媽包雲吞，就意識到那份親情，那份味道，那份細膩。上水開的吞餃旺，一心打算品嚐一種感受和味道~~~但，實在太失望了！ 其實我覺得偏貴~~哈哈！ 對個鯊魚骨老雞湯有點興趣。 豬軟骨鯊魚骨老雞湯，白菜雲吞，上海麵~~真心，個湯是不錯，不過我不明白雲吞皮為何用厚皮，其實湯上理應用薄皮... 厚皮這樣，湯入不到雲吞中心...BTW，反而這樣可以吃到....原來這個雲吞沒有味...=.="雖然健康重要，但基本的少少味也應該要有哦.... 之後，職員說服我們叫這個四色蒸雲吞餃子~~好，可以吃到雲吞和餃子！ 見到已經很失望.... 我真心蒸雲吞和餃子也不是這樣....最重要，超級無味，又分唔到雲吞還是餃子...我一個行外人也清楚雲吞和餃子是用不同的皮哦！！我本人叫了一個紅油抄手伴麵，陳村粉....這個真的不要叫！即使大家想中伏！！ 成碟都是色~~但就甚麼味也沒有！ 這是甚麼食物??我只是在吃色素下肚的感覺！ 沒有味到一個點... 我自己整仲好過食這裡的，又貴，而且入面不是飽滿的！我一邊吃已經一邊罵了！ 不會再光顧！

工作中午餐，本來想試第二間餐廳，但嗰間要排隊等，所以去咗呢間，店門口有姨姨A拉客，招呼我呼入內，但比較驚係當時中午時間，居然無客，心唸會不會中伏？坐靠牆位，地方乾淨企理，茶餐廳格局，店員放低一大疊餐牌，見午餐都幾抵，每人叫一個！上菜開始出現問題，第一上錯餃子，我哋其中一款紫菜餃子無咗，變咗第二款，我哋都無出聲，上菜嗰位姨姨B，上菜完全唔知手上嘅係乜野，放低就算，問佢佢就天然呆樣，之後上我飲品發現錯咗（我叫豆漿，上咗鴛鴦）我同姨姨B講，佢大大聲同姨姨A講：幾號枱改飲品呀～～～，我即刻火起🔥🔥🔥，大聲同姨姨B講，唔係我改飲品，係你哋落錯呀，佢即刻龜縮話，我咪咁講囉（佢到呢刻都唔知自己衰乜！）姨姨A就唔出聲，改翻啱張單比我哋！（期間姨姨B攞咗豆漿比我）最憎啲店員嘅心態，唔係我錯唔關我事，係個客要改啫，一啲擔當都無😡，後來我發現第一張單係落啱豆漿，我哋加小籠包時，姨姨A唔知點解改咗做鴛鴦！同事想轉米線，姨姨A又話唔得（其實餐牌有寫有幾款麵類）姨姨A話午餐唔可以轉，總之好難理解佢哋啲行為！白菜雲吞上海麵：一碗6隻大水餃，皮較厚，而且較粉，餡料豬肉唔乾，白菜爽甜，但皮唔好味，上海麵又係粉唔彈牙，湯

與友人晚飯，看見是新店，特意前來一試！晚飯選擇頗多，有碟頭飯、籠仔蒸餸、咖喱飯、少不了的招牌雲吞水餃麵...我們一行4名女生，點了䓤油拌麵配涼拌木耳（跟阿華田）、尖椒豬頸肉飯配白灼時菜（跟咖啡）、四色籠仔蒸雲吞水餃加麵！䓤油拌麵：味道還好，但少量麵條糊糊的，黏在一起....尖椒豬頸肉飯：尖椒少辣，豬頸肉還好，但整體餸量較少，飯粒偏硬（個人不太喜歡）涼拌雲耳、灼時菜：正常貨色，但配上大量豉油...四色籠仔蒸雲吞水餃：個人覺得雲吞水餃都一樣，只是包法、外形不同...不知是因我放涼了才吃還是什麼...外皮偏乾和硬，內餡亦無特別...（加麵$8，正常上海麵，但湯底似乎帶有點藥材...有驚喜😄）或許女生胃口較小，三個主食都飽了，每人承惠$37....香港地晚飯來說，實在很抵，只是質素比較一般...

好高興寫第一個食評。因為店主熱情款待及介紹，我感到不能不為這鋪直言一番。湯底是老火湯，有魚湯，牛肉湯，菜乾雞湯好有心機煲，飲得出無味精麵是上海中size麵主角雲吞自己包，都唔錯，再大隻少少更好環境良好，但廁所位置超”線“ ，我差點跌倒，需要盡快改善。辣椒油好特別，係店主自製，味道不錯鬼馬餃子名字特別，為店主所創，內有豬肉，油泎鬼等。。。如果貪得意的話，可以一試。我倒最想試蒸餃子8隻，因為40元幾抵最後覺得食一碗下午茶的白菜豬肉麵32蚊，得到老細用心分享，實在感恩，我會再幫襯^__^祝生意興旺，個個都喜歡你的食物