味仟食店

Open Now

Now Closed

田雞煲仔飯 打包69返到屋企打開入面只有四塊田雞腿，滴飯唔錯，料就好少，抵唔抵見仁見智，如果你話深圳食唔食到咁葛味，答案系肯定有，食一次體驗吓應該唔會再幫襯，可以間中返深圳食嚇

18:15到達我已經排第四位，咁鋪頭18:30先開，咁就排下隊先，但等到19:00終於有人開門喇。由排隊到開餐等左1個鐘頭3個字，雖然有啲耐，但個飯黎到真係好香，落埋鼓油局多2分鐘🤭食得🤤我叫左毛家田雞加潤腸，個飯色香味俱全，有飯焦😚勁正

📍味仟食店 ⭐️暖笠笠炭火煲仔飯呢間係我嘅中學回憶🥹記得嗰陣時都係冬天，溫書溫到夜一夜，又凍。轉角見到間煲仔飯，就行咗入去。熱辣辣送上嚟，一開蓋啲煙湧出嚟，好香！事隔多年再去食，係回憶的味道🥰雖然佢而家要大排長龍😂我同朋友仔鋪都未開就去排隊！建議大家都要早少少，佢夜晚6:30開舖，大概6:15左右去到就差唔多！如果唔係有排等，因為佢舖頭好細🙈✨ 毛家辣田雞煲 $75👍🏻👍🏻👍🏻食辣嘅朋友仔，一定要揀毛家辣！有辣真心香口好多！同埋佢其實都只係少少辣，如果再辣啲會更加好食！😋呢間嘅煲仔飯粒粒分明，仲要有飯焦，好正！朋友叫嘅田雞，其實我唔係好食🤣盡我所能試咗一舊，都真係好滑，但係始終克服唔到心理關口🙈✨ 窩蛋牛肉肉餅煲仔飯 $84 👍🏻👍🏻👍🏻叫咗一個唔辣嘅試，三拼，可以叫多幾個餸！呢三樣嘢撈飯真係好正！最後忍唔住攞左毛加辣嘅飯撈埋一齊食🤤正！！！窩蛋上咗之後焗多一陣，會更好食！🤩

呢間位置唔算太方便嘅煲仔飯店晚上六點先至開，未開門已經有人等緊位由於鋪面超細得四張枱真係需要等一段時間先至可以食到🙇🏼‍♂️🙇🏼‍♂️曾經因為佢嘅炭火煲仔飯而馳名而家好似已經唔再用炭火啦Menu嘅上方亦都遮住咗個炭火二字毛家辣鮮雞臘腸煲仔飯$76分量正常，雞件都幾好食到夠滑，臘腸都幾香口，毛家辣唔算係好辣都幾惹味，煲仔飯最緊要有飯焦，佢都有飯焦，不過唔算係好多亦都唔會太燶👍🏻肉餅油鴨髀煲仔飯$76肉餅都幾大塊，唔會好乾身都幾入味👍🏻油鴨髀係切件上，有三件，初頭以為真係有隻細既油鴨髀，原來係諗多咗🫣😂個人認為有少少鹹，不過送飯一流👍🏻👍🏻總結：由於排隊要等太耐嘅關係，大概要30分鐘至一個鐘，肚餓就真係要諗諗先，價錢上都正常可接受範圍🙇🏼‍♂️如果想食炭火煲仔飯，佢已經冇左🙇🏼‍♂️

元朗一間出名食炭火煲仔飯既小店🍚位置都幾偏僻 人手同座位都有限是日夜晚九點黎到我地排第二 等左十五分鐘就有得入座拉✍🏻落完單再等多十分鐘 比平時快👍🏻我地叫左兩碗 雙拼係$70🥢鮮雞臘腸煲仔飯 $70🐔雞肉好新鮮好滑 食煲仔飯一定要有蠟腸🥢魚腩潤腸煲仔飯 $70🐟總結地方有點污糟 無裝修如果唔介意可以一試 食物還可以⛑️🌟Cp值:🌟🌟🌟👩🏻 回頭指數:👩🏻👩🏻📸打卡比分:📸📸

來到元朗一定要去試吓人氣炭火燒煲仔飯，尋日吾系太多人👍🏻排左一陣隊就可以😌食到，店其實系好細只有4張枱，家庭式經營人手有限所以大家要等 ～鳯爪排骨煲仔飯 ～梅菜排骨臘腸煲仔飯 ～馬拉盞炒通菜下次再到元朗會再去食，支持小店❤️😋

🔎味仟食店 (元朗)炭燒煲仔飯 得3張檯 除非第一輪入座 如果唔係最少都要等成個鐘🫣🔹毛家辣鮮雞煲仔飯 $65特製辣汁嘅煲仔飯 辣度有中辣左右 愈食會愈過癮 飯量都唔少 比起其他煲仔飯算多 雖然係炭燒 但未至於食到炭香味 只係個熱度幾平均 飯焦都岩岩好唔會太硬太乾身🔹排骨臘腸煲仔飯 $73叫多咗個唔辣嘅試下個原味 煲仔飯必加臘腸 有啲油整體都好食啲📝整體係出色嘅 但如果要等成個鐘就不了 緣份到了就自然食到 外賣都唔少人嗌 會起埋飯焦俾你 住得近又唔想排隊嘅話都可以考慮吓📍元朗安興街40號地下🍴搵返相關地區👉🏻 #90sfoodieshare_元朗#食在元朗#煲仔飯

排咗一個半鐘 等左勁耐 諗住排咁耐一定冇死 點知都係中咗伏一共叫左3碗臘鴨髀田雞煲仔飯 臘腸潤腸煲仔飯 黃鱔煲仔飯 煲煲食落完全係餸同飯分離 臘鴨髀潤腸臘腸啲油香完全冇落到個飯度 飯又好似未熟 飯焦又燶晒 硬而不脆 咬到牙痛都未咬完 最重要係一啲都唔香首先個臘鴨髀多骨少肉得兩舊 田雞冇醃製 一啲味都冇臘腸潤腸中規中矩 偏瘦 但似係蒸完個飯再放2條蒸熟咗嘅臘腸潤腸喺面 冇油脂滲透落啲飯度黃鱔起咗骨算係三碗入面嘅餸比較放得入口總結: 唔會再黎

Happy New Year 各位✨🫶🏻2023年第一日加上天氣又凍緊係食好啲啦 煲仔飯就至岩喇近期發現呢間隱世煲仔飯（其實可能都唔隱世🫢）17:45去到已經開始排隊店內環境細 得三張台好幸運地我地係第一批加最後一張台🥹✨三餸煲仔飯$81窩蛋 肉餅 臘腸窩蛋 排骨 臘腸毛家辣肉餅飯加牛肉窄菜窩蛋令到賣相 正啲 但食落好無感排骨好有肉好有質感 比起肉餅更好食而臘腸係煲仔飯必須既🥹加埋豉油一流不過佢啲豉油就比較淡味至於毛家辣唔太辣食落仲惹味啲tim 煲仔飯熱辣辣再碗上飯焦 簡直一流呀👍🏾食完出到黎已經勁多人排隊 連外賣都要等成個鐘 不過無辦法因為店比較細少 加上係夫婦經營佢地連電話都唔得閒聽 連野飲都沖唔到但煲仔飯真係好真材實料 炭香的

秋風起，食臘味，令人不禁聯想起煲仔飯🤤元朗呢間小店絕對係必食系列👍🏻煲仔飯用炭爐即叫即做，配合埋招牌毛家辣汁，真係舌尖上既享受☺️試完就會明白點解有人排一粒鐘都要食。毛家辣排骨臘肉炭火煲仔飯$70必食推薦毛家辣汁👍🏻一開蓋就聞到好大浸炭香同臘味香味🤤，排骨同臘肉舖上大量蒜粒同指天椒🌶，加少少豉油撈均，令味道更均勻，白飯吸收左臘味既油香，再加埋辣汁，味道非常香濃惹味，配合埋飯焦既焦香，卜卜脆，一食就上癮。臘肉同排骨本身都夠味，加埋辣汁飯焦一齊食，更加邪惡，唔經唔覺一個人都可以食晒一大煲煲仔飯。田雞炭火煲仔飯$62火候岩岩好，田雞肉唔會過老，食落嫩滑，加少少豉油已經好鮮味，唔落毛家辣汁，更加食到原始既炭香飯味😋用炭爐即叫即做既傳統煲仔飯愈來愈少，小店堅持用炭爐逐煲飯煮，每煲要20-25分鐘左右，味道夠晒地道傳統。老闆娘有時間都會同食客傾幾句，幾nice😊💡溫馨提示大家：小店堂食空間唔多，而且無冷氣，煲仔飯可以外賣，想食可以提早落order😉好味：4.5/5環境：2.5/5客服：3.5/5

此店開門時間完全沒有時間觀念，一副愛理不理的樣子，喜歡什麼時候做生意你管不上，每次來都必定遲開，然後才慢慢準備，上次是遲20分鐘，今次遲40分鐘，縱使炭火煲仔飯味道不差，但要我消費還需要乞求，永遠不會再來！

1 無水招待2 無得洗碗3 廁所地面又濕又污糟4 豉油王炒公仔麵是 6熟公仔麵加豉油 無味炒什麼5 辣魚腩煲仔飯 無辣 無辣味呢間鋪連辣油都無，是否頂左手 我不知道為了什麼我走錯店嗎？

限聚令下好多餐廳都停業，依間位於小街既小店依然營業做晚市外賣。冬天特別想食煲仔飯，預先打左電話黎落單講定幾點黎拎飯就可以了 😁 今日九點打電話，夜晚十點黎到餐廳個飯岩岩好煲完，比錢走得 🤣 返到屋企即刻急急開餐，本身預左外賣無左個煲仔，味道一定打個折，點知依然keep到炭火味，仲有不少既飯焦 😍😍 雞係用雞比肉，又滑又啖啖肉，臘腸膶腸都毫不孤寒，每樣足一條 😋 特別一提，臘腸唔係肥到見到一舊舊肥肉個種，非常岩我口味 😝 下次一定要試下其他菜式 ~

呢間舖頭好細total剩係得12個位，我哋等咗大約半個鐘先有得入座，見到老闆娘同埋啲客人都好熟，應該都係做啲街坊生意比較多喺香港仲係用炭火黎整煲仔飯嘅舖頭真係已經唔多，之前喺西環食過一間，都好好食，今次呢間仲要好特別就係煲仔飯加佢哋嘅特製辣椒，啱晒我呢啲好鍾意食辣嘅人，加咗辣椒之後啲煲仔飯香味更加突出我哋嗌左兩個煲仔飯，分別係毛加辣鮮雞煲仔飯同埋毛加辣田雞煲仔飯，但係我自己就覺得啲田雞比較少同埋比較瘦，鮮雞就唔錯，比較大件同埋都係有雞味，食到尾之後發現成個煲底都係返飯焦，可以差唔多成個鏟起，真係啱晒我呢啲勁鍾意食飯焦嘅人，如果呢間舖頭唔係喺元朗咁遠，我諗我會成日走過來食

由於呢間店長期排長龍，所以我哋平日星期四545pm就去排，竟排第一！結果6點開鋪，點飯，差不多625pm先有得食第一煲，第二煲就隔多5分鐘。第一煲係「潤腸臘肉飯」，由於有臘味架油份，再加上火喉，個飯焦形成脆卜卜，太好味呀，不過呢，個豉油無味gei，唔咸唔甜唔香🤔第二煲「黃鱔飯」，無左油份，唔香唔特別，個飯仲有少少濕，應該未夠火喉，所以個飯焦一般者，同埋得好少好細舊架黃鱔，賣相一般呢，個豉油都係無味！總括，叫油份多架材料比較好，但小心胃差架朋友會比較滯，飯焦算好味，脆口又唔痴牙，但唔係兩煲都做到，個豉油唔得，飯唔算香！