和拉麵

Open Now

Now Closed

新界有不少日本拉麵🍜店，更有不少是岀名，每天都有人在排隊的，我當然是不愛排隊的人士，所以去了一間很隱世的真正拉麵店，日本人對拉麵的烹調方法很講究，所以無論去哪一間都會十分好吃，而我今天選擇了和拉麵🍜我選擇了一個豚骨原味拉麵和一碟煎餃子，廬筍豚肉卷。豚骨原味拉麵，當店員一上枱，在肉眼上看沒有什麼特別，但原來味道十分令人驚喜，叉燒是師傅自己醃製的，更帶有日本風味，醃製的方法是日本的做法，很獨特，而菜類是很新鮮的，那個溫泉玉子非常流心，令人有一種開胃的感覺。至於拉麵的湯底，湯底是豚骨做的，飲得出師傅是很用心地用了十多個鐘頭烹調，而湯底也沒有味精，因為就算整碗飲完，都不會口渴，而且大有很濃烈的豬骨味，湯料很豐富，又不會很浠，有結結的口感！再配上少量豚肉，令味道更岀色！拉麵的麵身是粗的，很彈牙，有口感，是在日本空運過來的！小食方面的煎餃子，這個也很特別，因為外皮煎得脆，在內真的餡料充滿肉汁，感覺都是物超所值的，麵粉不會過多，大家不妨值得一試！至於廬筍豚肉卷，入口豚肉滑溜，肉汁滲透入廬筍裡面，廬筍清香及口感爽，非常新鮮。

是日放工一個人覓食～行到黎大埔墟巷仔，見到呢間掛滿燈籠既鋪頭，睇左餐牌覺得唔錯就想試下～食拉麵最中意就係飲佢個靚湯底，但好怕飲完之後會口乾，加重味精既湯底～呢間拉麵鋪果然冇令我失望～門面好多燈籠好搶眼～ 個白底紅字招牌幾簡約～入到去同一般拉麵鋪一樣可以見到師傅煮拉麵餐牌有好多野食，但係由於一個人既關係，食唔到太多野，所以淨係叫左個面加左辛子高菜～見到辛辣拉麵都想試下，不過唔係好想食辣野住所以留番下次先THE 10: NIKE BLAZER STUDIO MID X OFF-WHITE US9呢個係店家自製既芽菜，辣辣地好開胃！ 店員好好咁推介我試下因為係即叫即整既關係，等左大約10-15分鐘終於有得食啦！！我揀左香滑湯底，個湯底的確夠滑，面底就普通硬度～個湯底飲落細滑，充滿住豚肉味，同時間唔會太漏面底硬度岩岩好，唔會太軟，非常之彈牙叫左多蔥，d蔥都食得出好新鮮，有時去d餐廳會食到d蔥有唔新鮮既口感，但呢度d蔥吸左湯底之後口感更佳流心蛋有半隻，好有蛋味唔會過熟～竹荀我個人就麻麻，但呢度d竹筍唔會有陣難閒既味值得一讚紫菜個面一上就食左！仲脆木耳爽口彈牙！但唔夠多，下次應該要追加最後就係個叉

之前跟咗屋企人去大埔，見到open rice 嘅和拉麵幾多好評，所以就諗住去試下👻。.餐廳都幾近大埔火車站。由大埔火車站行過去餐廳大概7-8分鐘就行到。餐廳差唔多係條街最入面，唔熟大埔嘅人第一次去可能要揾下路。.餐廳裝修係日本風格，門口嘅裝飾都幾靚。餐廳入面燈光柔和，背景音樂是日文歌(有d係動漫歌)。客人傾計都唔會好大聲好嘈，氣氛唔錯。.侍應服務態度良好，當客人坐底之後會每人俾一杯水。當客人飲完水後，侍應會主動斟水。.餐廳環境乾淨整齊，桌面都乾淨企理，而且仲有芝麻提供。.食物味道唔錯，拉麵嘅湯唔會好鹹。而且落單個陣有得揀蔥同蒜嘅份量，設計好貼心，啱哂d唔中意食蔥蒜嘅人。而且連拉麵嘅硬度都有得揀，就算小朋友食都冇問題，可以揀軟d嘅拉麵。叉燒係燒過嘅，都幾好食。.小食都好好吃，只係蕃薯天婦羅嘅醬汁食唔出有咩味道，但係就咁食蕃薯天婦羅都好好食。.一份章魚小丸子嘅份量都幾多下，幾掋食。

雖然已經開咗sem 好耐 不過十月先約到中同食開sem飯 見大家都好忙 就近近地揀咗大埔嘅和拉麵 嘆下拉麵😋餐廳風格都好日式 門口仲掛咗個大燈籠 好有日式傳統餐廳同懷舊風味 入面仲可以見到師傅親自煮拉麵 近觀師傅煮拉麵嘅功架叫咗一個豚骨原味拉麵 湯底幾濃味 不錯不錯 平時食拉麵就食開軟身的麵底 但今次就一於大膽叫咗硬身 發現原來硬身嘅拉麵都幾有口感 軟硬度幾滿意 揀咗多蔥有蒜 真係爆多蔥😍 配料配埋拉麵幾不錯 再加埋師傅親自炒嘅辣芽菜真係好吸引 個種辣味好刺激味蕾 辣得黎係會令人越黎越想繼續食 味道好豐富至於叉燒部份 叉燒相對厚身 不過肥瘦均衡 叉燒仲要燒過 食落有少少炭燒味道 而且唔會油膩 十分滿足之後仲同朋友叫咗幾碟小食 都幾多炸物類嘅小食 幾喜出望外 啱晒鐘意成日食炸野嘅我叫咗一份章魚小丸子 小丸子啱啱整起熱辣辣的 外脆內軟 而且入面仲唔算太多粉 兩個人食份量都好足朋友好鐘意食蕃薯 就叫咗一碟炸蕃薯天婦羅 呢個小食唔係到到有得食 所以難得見到有就一定要試下 蕃薯幾厚身 炸得鬆脆 清清地幾好食 同一般嘅炸蝦天婦羅口感唔同 幾特別小食仲叫咗個炸魷魚鬚 都好不錯👍🏼佢唔會太粉 魷魚鬚仲

鋪面不大，座位雖然唔多，但環境不錯，乾淨簡潔，企企理理，坐位尚算舒服。一坐低就遞上水，服務幾好，拉麵可以自選軟硬到，配料份量等等。叫左豚骨原味拉麵，以及小食蕃薯天婦羅，章魚小丸子，脆炸龍王鬚。落單一陣，便送上拉麵，香滑湯底味道不鹹但夠香，溏心蛋剛剛好，豚肉肥瘦均勻，食落爽口，選了軟身拉麵，但都唔會糊口。仲有師傅自己炒嘅芽菜，帶㣲㣲辣味，可以隨喜好自已加份量。而小食蕃薯天婦羅（四件）炸粉不厚，蕃薯味道夠香，軟硬度都好好，但天婦羅醬汁相對較淡。脆炸龍王鬚一樣炸粉不厚，唔會太痴粉，而且係炸起，上到枱到仲係熱，味道都相當唔錯！。章魚小丸子性價比比市面好好多，不會只有粉，每粒都有章魚。埋單後一人一粒檸蜜糖，清清口腔味道！

其實大埔有好多野食，只係我每次尼都係食鍋貼，朋友介紹尼間好食所以就轉下場。入到去感覺好整齊好舒服，雖然店鋪唔大，但唔會比人擠迫的感覺。佈置，擺設都有少少日本feel，而且仲可以望到師傅煮拉麵，好似日本咁呀D staff仲好nice我叫左豚骨原味拉麵麵的份量都算多，我叫左普通軟硬度的拉麵，口感唔錯，唔會太硬但未至於一夾就散豚肉肥瘦分佈剛好，而且好香炭燒味，連肥肉都食埋而且仲要大大塊拉麵仲可以自己加芽菜，佢係師傅自己親自炒，帶有少少辣。同拉麵一齊食會提升整個味道，但唔會搶左拉麵本身的味道我地仲叫左番薯天婦羅，炸皮好薄，番薯好甜。唔需要點汁食都得仲有章魚小丸子，唔同出面街果D，個皮唔會好焦，整個小丸子都好soft椒鹽魷魚鬚，炸皮一樣好薄，椒鹽味好香，但唔會過鹹，魷魚唔會太韌下次要再食

上回提要，因為母親大人去了旅行，所以我們多了外出用飯，但是小黃剛好颱風後要去修理，我們就開小黃來了大埔破財小修一下，都用了我們一個下午，修好後都晚上了，我們就用openrice 找找附近有什麼好吃。跟住胖蕉選了吃這間拉麵，還好喜歡人家門口的燈籠。一坐下就見每人用紙點自己的拉麵，而我就選了豚骨原味拉麵，少蔥，麵要硬。先一口湯，哇，好濃啊！再吃一啖麵，我和胖蕉都覺得這家居然好食過屋企樓下有名的拉麵好多，湯底濃而不渴，味道香而不油。麵質我覺得硬嘅話，好岩胃口，拉麵就是要shi起來爽口。叉燒2塊油脂層和肉層分明，有咬口又爽，最後一口吃的流心蛋入口即融，甜甜的。我們還點了一份厚燒芝士玉子，一口咬落，好熱，但香的芝士味融入口中，有些木魚帶來有點咸香，玉子帶甜甜的，很合拍。很可惜這間在大埔，不是修車部分零件都少來，不然可以常來試其他。

拉麵店之前都試過幾間，但如果落味精重手，就會好咸唔好食，今次見呢間標榜正宗博多拉麵，湯底純正好味，就即管嚟試一試我地好早就嚟到，晚市啱啱開始未好多人，可以慢慢揀下野食同睇下個環境店面好舒服，有梳化位，佢個廚房係開放式，俾人睇哂師傅點整麵，相信冇番咁上下水準都唔敢俾人睇拉麵自己揀味，由湯嘅濃度，到小至蔥蒜同麵嘅質感都有得揀佢仲有好多小食可以揀，款款都唔錯咁，不過個胃qouta有限，唯有揀1、2樣試下先日式炸物一定唔少得原來中午嚟食仲抵，套餐有齊哂拉麵+小食，仲配飲品我叫左個味噌拉麵，個湯好香呀，有少少味噌加醬油味道，味道又唔太咸叉燒食得出有特登處理過，食落少少香脆，好味道連隻蛋都好靚，D荀食落冇渣，細節位做得幾好老婆叫左個豚骨原味拉麵試下，味道較清，但一樣好香我鍾意食雞翼，所以叫左呢個芝士餃子雞翼試下入面鑲左芝士真係好好味，咬落啖啖肉，脆卜卜另外叫左和風雞軟骨，好香脆，我有加D檸檬汁，用嚟做餐前小食真係幾開胃食緊中途店員推介呢個芽菜，係佢地自己炒，辣辣地幾好食食完呢餐覺得好滿足，因為個拉麵好香好正，唔洗食到D勁咸拉麵，有番咁上下水準，下次有時間會再嚟食過

今晚獨自一人食飯，當然係食日式拉麵啦。睇 Openrice, 見到大埔呢間和拉麵幾多笑樣，一於試試。和拉麵主打三款口味：豚骨原味拉麵、辛辣拉麵、味噌拉麵。今晚想食重口味少少，一於點味噌啦。拉麵賣相精緻，未食已經聞到好香嘅味噌。淺嚐兩口，夠晒香滑。叉燒係經過火炙嘅，除咗豬肉本身嘅香味，仲沾滿味噌湯底嘅濃郁，perfect match。拉麵硬度合格，都幾入味。仲有其他拉麵必備嘅配料：荀、紫菜、蔥、蒜，真係一絲不苟。好似話，可口可樂配拉麵，係最夾嘅。最鍾意呢種半生熟嘅質感！自己煮真係點都煮唔到。$6 加多半隻日本糖心蛋，好滑！店員介紹，每日都會新鮮炒辣芽菜，伴拉麵真係好惹味，完全就係畫龍點睛！好食到飲晒拉麵啲湯！正呀！如果有彩蛋，寫返幾隻字，例如「完食感謝」，相信會更有驚喜。店內播放啲音樂好懷舊，但我只係聽過廣東話版，日文版真係第一次聽，反而覺得新鮮。拉麵店有提供其他日式小食，有兩個或以上嘅朋友 share 就多滋味，一個人食就眼闊肚窄喇。今餐拉麵，係正嘅。Enjoy!

我家小朋友最鍾意食嘅就係拉麵，如果好味嘅一定會成碗食哂所以今日帶佢嚟呢間鋪試下D拉麵一入去即刻睇下有咩食先第一時間睇左個拉麵menu，有3個皇牌拉麵可以揀仲要湯底好得意，我第一次見有得揀埋湯底嘅口感，有香滑同特濃可以揀，第一次嚟就揀左個香滑試下先再睇睇佢個大menu，好多小食可以揀，樣樣都想試下仲有好多炸物同天婦羅揀order左食物之後周圍八卦下原來平時中午嚟食都幾抵，$80就有個拉麵+小食+飲品,有機會都要嚟再試下個lunch見到枱面好有心思，擺定芝麻、七味粉同餃子汁重點嚟啦我呢個係味噌拉麵，一嚟就試左個湯底先個湯有少少味噌味，唔太咸，好香，拉麵係幼身嘅，D肉食得出有輕輕燒(或者煎？)香左，所以食落好香軟另一個係豚骨原味拉麵，湯底一樣咁香滑，D麵唔會太淋，好味呢個紫芋甘栗薯餅好好味，D芋泥好滑，仲有粒粒栗子，好味呢個和風雞軟骨好脆，一定要擠少少檸汁，加埋沙律醬就好惹味staff好貼心話我知，佢地有提供自家制芽菜，試左味係辣辣地，夠開胃因為鋪頭有其他客人，費事影到人地唔好意思但真心想讚下個環境真係幾舒服，而且staff態度好好，下次會再嚟

在同一條巷中的另一家拉麵店比較多人等位見這店還有位子，便來試試啊！剛好有最後兩個位子而不用等位我要了豚骨原味拉麵老公則選味增拉麵另外還點了一客日式煎餃子兩碗拉麵的湯底都是選香滑的，拉麵軟硬度都是選普通～麵的軟硬度及蔥蒜份量都可按個人口味去選擇另外也可追加配料，不過我們都沒去追加啊～～豚骨原味拉麵，湯底並沒有很奶白豬骨湯味清而不膩，很香的豬骨味而不會過濃過鹹湯底不錯！麵質是幼身的一種，但依然夠爽口，不會太軟稔配料有叉燒﹑溏沁蛋﹑木耳﹑筍和紫菜叉燒稔滑入味不會乾身，肥瘦均勻，帶點焦香溏沁蛋夠溏沁，但不是鹵得好入味的那一款～～味增拉麵，老公說味增味香濃但因為他選了多蒜，不太對我的口味所以我不能對這款湯底作評價！日式煎餃子，一客有4隻熱騰騰的上桌皮不會太厚，煎得夠香脆餡料份量適中，而且帶肉汁～～沾餃子汁來吃，是一道不錯的小食！！店員的服務慇切有禮他們都有多留意客人，一見客人沒水喝，就會主動加水而且由入店的一刻開始，店員都有笑容有禮貌所以整個用餐環境都好舒服！整體來說，這拉麵店的食物味道不錯服務又好，值得再光顧呢～～

和拉麵-位於大埔嘅小店，一直都好想試吓，而且招牌字眼非常大隻，好易就搵到。店員服務周到，隨即俾咗兩杯水我哋，還向我們推介拉麵店嘅招牌食物。重點係全日都係免加一，非常抵食。朋友就揀選味增拉麵，我就選擇咗豚骨原味拉麵。豚肉味道湯底非常香濃，而且配料甚多，驟眼見到有蔥粒、紫菜、溫泉蛋，仲有一大塊豚肉片，拉麵非常入味，食落去好有口感，唔錯。小食方面再叫左一份唐揚雞塊，賣相非常吸引，而且份量都比較多，炸得非常香脆可口，食落去雞肉肉質鮮嫩，好滑。除此之外，仲order左芝麻雞翼、玉子燒同埋小丸子等等小食。最後飲品叫咗支裝可樂，飲完即刻成個人爽晒加飽曬。唔好睇一間細細間嘅拉麵店咁普通，原來食物嘅味道都好好味，一定會再推介比其他朋友。

大埔墟原來好多美食，當中近馬會有一間拉麵店好似幾吸引，就入去試吓。店員安排我哋坐門口嘅四人枱位置，枱面有餐牌之外，更有拉麵紙可以比客人自己選擇自己喜好再落單。拉麵方面有三款選擇，我就揀咗味增拉麵，餐紙上更可以選擇麵條嘅軟硬度、湯底嘅濃度同埋追加嘅食物，一目了然、清晰可見，圈出之後比店員落單，非常方便。味增拉麵嘅味道遠處都已經聞到，試一啖湯底，味道非常濃郁，而且質感香滑，仲有我最鍾意嘅竹筍係入面，食落去好入味。除此之外，豚肉半肥瘦，肉質鮮嫩，非常滿足呀。小食方面，我就揀選左套餐中嘅章魚小丸子，另外再叫小食唐揚雞塊。章魚小丸子外皮香脆，薄薄的外皮配以入面一粒粒嘅章魚粒，食落去香脆之餘，更加非常滋味。係進食過程，客人不斷光臨，最後全場滿座了。食咗咁多野都只係＄200左右，每人平均消費＄100已經可以食到拉麵，非常超值，而且食物質素高，必定會再次光臨。

今日女朋友發脾氣，話成日同佢食茶記，好悶咁，叫我去搵下有咩好食，其實有時真喺是但見到一間就試架啦嘛，今次我就搵左一間喺食拉麵同一間食冰室，咁佢揀左拉麵，又話冰室可以留返下次先試去到入去佢見到環境裝修都幾開心，因為睇落都好正宗，咁我哋兩個就拿拿聲叫野食啦，叫左兩個拉麵同小食拉麵黎到真心我都開心嘅，見到日籍廚師整野食好用心，見到佢度醬汁都做到好仔細，加埋燒豬肉片香到成間舖都聞到跟住我女朋友見到都好開心終於有好嘢食，佢大讚小食至拉麵每一份餐廳都整得好味真係好好味，我就喺叫咗原味豚骨濃湯，揀咗香滑，個湯底真係冇得輸，唔油唔肥膩，我好奇問咗師傅原來喺冇味精，所以我就成碗湯底都飲晒，飲完一啲都唔口乾，好有驚喜好後悔冇叫濃湯，因為佢個湯底真係好好飲，如果喺濃湯一定好濃味好正，就連我女朋友平時唔飲湯飲咗大半碗都話正麵底我就鍾意食軟，同日本拉麵店一樣，可以隨自己鍾意揀麵底軟硬，要蔥走蒜等等，自由度極高厚燒芝士玉子，玉子唔會燒得好老，面頭撒咗木魚絲，好香口，而且咬落去仲係好嫩滑，少少蛋醬夾主芝士，好Juicy好暖中華海蜇，夠凍，加上好香芝麻同油香，海蜇好爽口，好食煎餃子，餃子好多餡，外皮唔會好厚，煎得好香

聽大埔區老友介紹 先知原來呢區開左間超地道日本拉麵 仲要真係零味精 完全真材實料真吾真呃 所以今日放工就去試下係大埔墟站出 行左7分鐘左右先到原來間舖係我平時只會行過既街入面 吾怪得之我住大埔都吾知啦就係呢條街入面行去最入 門面係十分地道既日本拉麵裝修最鍾意就係呢d有特色既小店 未食已經覺得朋友冇介紹錯平日既夜晚 都十分滿座 睇黎都好受街坊歡迎ar~師傅專心製作拉麵 真係超有日本既拉麵店feel ar店內貼滿小朋友畫作 一問之下 原來係周圍d街坊熟客送比呢間舖頭的超有人情味既餐廳呃餐牌Order紙 中英對照 超窩心我叫左䐁骨原味拉麵個湯真係超清兼真材實料！！！！！吾係講笑 係香港食拉麵 十居其9都係味精湯呢間小店既湯係好香但一d味精都冇!後來我對老細大讚 老細話係自己朝朝開檔前落足料去熬好欣賞老細開店既決心同對拉麵既熱誠香港地有幾多間呢d良心小店?!希望大家都支持下呢間有質素 兼有人情味既良心小舖