和樂餐廳

Open Now

Now Closed

雖然長洲都有唔少餐廳選擇，但鍾意香口嘢嘅我嚟親都會想食和樂嘅椒鹽魚飯。大新街本來已經係條後街，再加上和樂舖面細，唔太起眼，好容易會miss左。所以要嚟嘅話就要留意佢地放出嚟嗰張大大張過膠餐牌同埋塊黑板，咁就無咁易錯過佢嘅門口。椒鹽魚飯係用敏魚制作，外皮鬆脆可口，出嚟魚肉又唔會乾曬，而且佢唔係齋炸，係有用蒜同椒炒過，啱晒鍾意食香口嘅我。配埋一碟調味嘅豉油，味道啱啱好。配菜方面係椰菜同紅蘿蔔仔，雖然好過雜豆，但係齋烚完全無味，扣分。香芋珍珠，雖然好香香芋味，但佢嘅甜味好人造，如果唔係有冰，相信都幾漏。珍珠就正正常常。呢杯嘢我唔推，下次都係叫番普通茶記飲品算。

今日同朋友又入長洲玩，之前一直都經過呢一間茶餐廳，見到好多長洲居民都會喺呢間買外賣，我哋就叫咗個黑椒雞扒煎蛋飯當午餐😃黑椒汁俾得都幾多，雞扒正常不過不失，撈埋個半熟蛋都好好食👍🏻如果唔食得半熟蛋嘅話可以預先同侍應講要全熟。Overall $52 正常茶餐廳價錢，都算抵食！

喺天氣炎熱下想搵一間好味又坐得舒服嘅餐廳食下午飯傾下計。行左好幾間終於搵倒呢間好似幾多人食嘅餐廳，見到啲waitress都幾nice.咁就門口等左一陣（有枱櫈坐）就可以入去。肉燥日式咖哩炸蝦大碗飯加凍檸茶。都有三隻炸蝦天婦羅咁多，仲有少量肉燥，估唔同咖哩汁都好夾，配菜有椰菜同紅蘿蔔🥕仔都好新鮮。以一個自己唔會整嘅餸菜，都算唔錯嘅選擇。加埋杯凍檸茶少甜，茶味唔濃唔淡，同埋都好多冰，檸檬仲有四片咁多。下次再試其他。😂

店員有禮貌，小店地方很細，所以有點迫， 菜牌上食同飲都有好多選擇，台港日樣樣有，早餐午餐下午茶餐應該總有一樣岩你。日式咖哩芝士菠蘿雞扒焗飯……大大片菠蘿，芝士亦很足，但雞扒有點偏咸，加上咖哩味亦偏咸，一路食要一路飲飲料，食完有小小口乾感粟米芝士吉列龍脷柳焗飯…… 魚柳炸得好脆但有少少乾，粟米汁夠多， 芝士拉絲夠，整體算OK。紅豆冰……味道小小淡，我個人就啱啱好，比一般茶餐廳好飲薄荷朱古力……朱古力味好夠但薄荷味差少少，整體合格

待業期間唔需要同人逼喺週未先來玩，平日約朋友一齊來長洲行下，最近日日都陰天落雨，搞到個人都無曬心機，趁住天氣好，出來抖下氣，到海灘吹下風睇下海景，非常療癒，唔駛屈喺屋企。來長洲當然要試大大粒魚蛋，墨魚丸，我每次必食，有時仲會打包添。炎炎夏日之下，來一杯水果沙冰，超涼爽。我哋邊行邊物色午餐既落腳點，無諗過2點的餐廳都仲係座無虛席，最後我哋㨂咗呢間和樂，首先被餐牌吸引，價格實惠，選擇又多元化既餐廳，餐廳細細坐滿曬客人，我哋等咗一小陣就有得入座。我哋兩個都想食咖喱，最後㨂咗日式咖喱芝士菠蘿雞扒飯同秘制咖喱牛腩配油酥餅餐跟珍珠奶茶。來一個日式咖喱同秘制咖喱大比拼，日式口味甜甜地，芝士焗飯配埋蘿菠有清新感覺無咁漏，雞扒切件上好細心。而我哋都偏向喜歡秘制咖喱既香料味道，完全取勝，牛腩分量非常多，油酥餅再加多件會更完美。珍珠奶茶都意外地好味，茶味香濃，珍珠煙韌度剛剛好，推薦來長洲可以來試下呢間，平價午餐。我非常論盡，臨尾倒瀉咗杯珍珠奶茶，員工即刻攞大量紙巾畀我，值得嘉許，完全無怪責，仲安慰我，我真係好尷尬，臨尾撻Q。

星期日悶悶地入黎長洲行下，再搵右搵搵到間人人小小，環境又幹淨，叫左兩個tea set，賣相正正常常，無乜特別，但勝左好快就上碟，加上入到黎見到個價錢又唔貴，可以一試

平日放假一天，入長洲熱血踩車當天風和日麗，5月嚟講算唔係好熱兜入去搵吓下午茶補充能量島上其實好多茶餐廳，外面望入去冇咩人同較簡樸嘅我哋都唔咁敢入去試中得伏多和樂呢間，外面望落比其他餐廳正常呢個下午茶時間亦有幾檯客，放心了下午茶好多選擇價錢已包特飲，好似紅豆冰啦，凍珍珠奶茶啦（估唔到小店都有珍奶.....）（原來單點珍珠奶茶是$16，當然叫餐抵好多）點了厚多，要多醬少奶，$28跟飲品（我唔要珍奶叫了熱holic)由於多士即整嘅關係，佢係唔會好似啲快餐店咁即上比你要等10-15mins不過嚟得小島，就預了比城市慢活同埋服務員很親切，招呼態度好家庭式，always笑笑口即整厚多有燶邊我最愛好香口花生醬絕不吝嗇，查滿成塊包不特只，仲要查到好厚另一個餐是碎蛋牛角包配薯條/沙律（我哋選了薯條）+珍珠奶茶$35薯條係熱辣辣炸起，粗薯條正外脆內軟等10-15mins都值茄醬係店員上餐時問你要唔要先吱比你唔夠可以叫佢再吱仲有個牛角包都係用心之作雖然餡料冇咩驚喜，但個包係有烘過，顏色金黃仲有..........個包面係烘到脆嘅～～好似菠蘿包個皮咁脆同埋啲餡料大啖咬落去，好有層次感受到街坊小店好有心跟餐杯珍

近來派左尼長洲做野，人生路不熟，就係搵新正野食嘅時候，最快嘅方法，就係直接問當地人啦！當地同事就介紹了這間，細細間舖頭，裡面整潔，牆上貼滿食物相、報道及繩結板菜單簡單，家庭式打印，充分表現離島小店特色下午茶種類多，唔知點揀，好彩當地同事們介紹我食奶油多飲珍珠奶茶(套餐價$36)我見菜單有些外面少見的飲品，所以再點了蜂蜜蘆薈($16)，豬扒酸辣米線($47),沙嗲雞扒米線($47)同事hard sell 的珍珠奶茶，終於到啦！顏色同外面的一樣，喝下，的確香滑茶味濃，珍珠多彈牙奶油多：麵包香脆配上牛油煉奶沙糖，yummy蜂蜜蘆薈爽茶($16)： 嘩！勁多蘆薈粒，味道甜甜的豬扒酸辣米線($47)：豬扒醃得入味，酸辣湯酸辣度適中，米線彈牙沙嗲雞扒米線($47)： 雞燒得香脆，沙爹湯沙爹味濃，有花生碎

星期日在長洲最惱人的問題不過於-餐廳大排長龍；好在我早就想來品嚐一下「和樂」餐廳的美味了！11點多，我就先跑去排隊了！（因為聽說有時不開店和常常排很久隊）還好今天人潮不多，我就索性不等下午茶啦！直接選了午餐的3號餐-台式肉燥雞扒飯！還加選了珍珠奶茶！（因為只需要加$2）真的有夠超值！肉燥雖不是台式那種黏稠感，但是口感很味道上和粒粒分明的米飯搭配也是相當不錯了！雞扒表皮脆脆的，但咬開來汁都跟著一齊噴出來！就是那種外酥內軟的感覺；之餘旁邊的配菜個人覺得有點片軟了；不過加在一齊，整體感也提升了！

放假tea 一tea當然食炸雞翼薯條加紅豆冰啦，依間餐廳唔係成日開㗎，要食都要講緣份，下午餐兩點半開始，價錢合理，最重要係好食！雞翼醃得夠入味生炸得黎無落炸漿，外面香口肉滑，薯條用粗薯，有薯仔既囗感，紅豆冰就用大粒紅豆，當然下午茶可以揀珍珠奶茶飲添啦。老公叫左佢favorite 既肉躁米線轉湯麵，湯底超好味，但我唔知係咩湯底推介多樣野俾大家，佢地既清湯腩飯，唔係個個識叫，亦唔係時時有，但個湯真係超甜，諗番都回味。

每到LUNCH時間就頭痛,  間間餐廳都人山人海, 又熱又唔想迫, 唯有買外賣回家食. 不過叫外賣就最怕係等等等, 餐廳好多時都會處理咗堂食D 單先, 方便佢地快快食完可以做多一枱客. 經過和樂餐廳,  都係座無虛席, 佢有一樣野好, 就係叫外賣好準時, 多數只需等10分鐘就有得拎喇, 也是我外賣的首選.今次揀咗個日式咖哩菠蘿雞扒飯配台式珍珠奶茶. 凍珍珠奶茶唔駛加2蚊架,. 甜味恰到好處, 唔會太甜.雖然係罐頭菠蘿, 老實講無乜邊幾間餐廳係會比一大片菠蘿架.雞肉唔會好"鞋" , 跟菠蘿係絕配,每一啖飯都有足夠的芝士加日式咖哩汁, 好好食呀.

做野做到冇停手..全日早餐晏晝都冇食過就到下午茶時間..T^T本身想食格仔餅，但店員提醒我要等耐啲 想快？食個公仔麵算啦始終係小店，唔係快餐店，快極都等左15分鐘（然後我用7分鐘食晒個麵：）紅豆冰，豆既份量唔少，紅豆都夠稔身，攪拌後略甜（如果啲冰溶化左會中和番...不過我冇時間等😅）一片煙肉，一條腸仔，略嫌太孤寒..一個(?)公仔麵...煙肉、腸仔雖然浸於湯中，仍然食到師傅煎至香口（/油味？一上枱我第一反應：好多油馬上想起一句you are what you eat lol 誰叫我點了煙肉😅個公仔麵..或者說是湯，實在咸得很，只是用公仔麵條之間夾著少許湯，每一口內心都不禁說一句很咸（付錢時也忍不住對店員反映了）

我哋見長洲市中心咁多人, 就走咗去行山避人, 帶住百厭仔去睇五行石, 張保仔洞.... 行完真係又攰又餓. 路過見呢間餐廳有下午茶餐, 仲可配紅豆冰, 又即時有位唔使等, 就入去食喇.雞翼薯條 x2 各$25.00--雞翼香脆夠入味, 薯條夠脆有薯味(可能較粗身)沙律薯條 $23.00--沙律味道唔錯紅豆冰--豆夠林, 甜度剛好, 正!珍珠奶茶--珍珠韌度啱啱好, 唔會太林, 奶茶奶味較重, 啱晒我.埋單 $73.00