品茶弄啡 (Closed)

Lunch食得太飽想飲茶消滯一下，行行下經過品茶弄啡，見到人山人海，見到人多我又要排隊試下先。出名的是手炒黑糖珍奶、咖啡、茶等，更有茶葉賣，朋友叫的願望鐵觀音 $30，即是芝士奶蓋，奶蓋與鐵觀音茶相當分明，即是夠厚身。奶蓋有少點鹹香、質感幼滑，然後45度飲可以奶蓋連鐵觀音一起飲下，茶味清爽不澀，配合得不錯。黑枸杞洋甘菊水果茶 $40: 紫紅色好靚，有好多生果如西柚、橙、蘋果、提子、青檸、檸檬等，果茶是開胃的酸味，黑枸杞甜味隨後出來，當中更有蘆薈粒，增加口感。

今日經過漢口道見小店裝潢別有用心, 只是聽店名品茶弄啡已經覺得好有意思, 顧名思義有茶亦有咖啡選擇, 實在有別於一般珍奶店..本身不太喜歡咖啡無緣一試, 不過咖啡迷預期幫櫬星記都可以幫櫬下小店一試水準... 我就點左店主推介手炒黑糖鮮奶 ! (女孩子等待期間可以過對面le creuset行下 😂)! 試過好幾家黑糖珍珠奶茶, 這杯性比價也不錯! 有好靚嘅老虎紋, 不過黑糖較厚身要先搖晃才品賞 ! 富有鮮奶味而且珍珠有嚼勁, 大大杯絕對抵飲。

今日同個老友出黎食下飯，咁我地就簡簡單單咁樣食左碗雲吞麵，食完之後就佢話請我食麵，我就回禮話請佢飲野啦！咁行過漢口道嘅時候，見到e 間飲品店門口都有幾個人排緊隊，咁我就一向都係鍾意幫襯d客人多嘅舖頭呀！因為客人多d野先會新鮮呀！埋去望下佢個餐牌先。見到個menu都有好多款飲品，有茶，有奶茶，有水果茶同咖啡系列等，但係由於太夜啦，所以我就唔選擇咖啡系列啦！咁我就好多口問下個靚仔店員有咩推介啦，佢就唸都無唸就話手炒黑糖珍珠鮮奶啦，重解釋話d黑糖係自己炒呀！咁有誠意，無得唔點啦！另外我朋友就點左杯願望鐵觀音啦！咁等左一陣就有得攞啦，杯野都係同其他店果d一樣，好靚，好多虎紋，杯上面抹果d黑糖好靚，咁我就搞一搞佢就開始飲啦，第一啖飲落去就飲到好香黑糖味，d黑糖飲落去唔會一舊舊，都幾均勻，到黑糖珍珠啦，珍珠不會黏在一起，有嚼勁，煮嘅時間剛剛好，而且都幾香黑糖味，個鮮奶都好香奶味，初步估計係明治奶，整體黎講成杯野我會俾滿分，靚仔店員無介紹錯。到願望鐵觀音啦，我朋友話好香茶味，珍珠好好咬，而且佢話食到蜜糖味，我就食唔到啦！佢都話好好飲，下次我會早d去試下佢d咖啡呀！因為太夜我就唔飲得咖啡，驚訓唔到呀！

今晚同朋友係tst食完飯，行行下，大家都覺得有d口乾，想飲d野之際，「品茶弄啡」就出現係眼前，朋友話呢間好飲，仲飲過好多次。今日天氣熱左好多，廿幾度，大家都想飲d清新d既，消下暑咁。我地揀左 「黑枸杞洋甘菊水果茶」and「桂花烏龍冷泡茶」✨黑枸杞洋甘菊水果茶 ($40)本身聽到一杯茶要40蚊都覺得有d貴，但呢杯飲落又覺得幾值。入面有大大片西柚、蘋果、火龍果，用料充足，絕對唔係落果味糖漿就算。茶底方面就偏淡雅既，用左有清肝明目、降血壓，同埋有清熱安神功效既洋甘菊。而黑枸杞，據聞就有補血安神既功效。朋友就話呢杯好清新好好飲。✨桂花烏龍冷泡茶 ($24)之前聽d同事講，冷泡茶有益過用熱水沖，話會keep到d兒茶素咁，但我一直都飲咖啡多，少飲茶既，就冇乜機會試冷泡茶。今次一於就試下啦，原來都幾濃味wo，唔一定要熱水先可以將茶味迫出，冷泡茶幾令我驚喜。間中飲少次咖啡，飲下水果茶呢d，健康d都幾好啊！

去開尖沙咀食飯，見有一新開茶店，門面裝潢甚有特式，以茶罐作擺設，好捨意的感覺。「品茶弄啡」當然要試下啡同茶啦, 啡叫了手炒珍珠黑糖鮮奶咖啡$34，手炒珍珠煙韌彈牙，黑糖味夠濃又香甜，咖啡味唔算濃，可較將奶味偏重。 茶方面，叫了黑枸杞洋甘菊水果茶$40，強烈的檸檸味，入口茶底有輕微的洋甘菊味，夾雜了水果鮮香，有蘋果、西柚，橙，而驚喜是超多蘆薈粒，又清甜，又爽。飲到最底時，建議打開蓋再食埋啲生果，都好新鮮架。其實餐牌仲有好多茶類同咖啡類，下次再試下其他先。

二月中旬星期五，天氣回暖。下班後相約在尖沙咀拿點東西，需知道下班時段的尖沙咀街頭人潮多得恐怖，走了一段路後大家都口渴起來，路經這家小店就走近看看。香港手搖店比便利商店還多，想要突圍而出就要從其他地方下手。這家店走休閒文藝風，店員看到我們舉旗不定，於是推薦我們幾款特色飲料。我要了一杯玫瑰油切，油切是指減少人體的脂肪吸收，這杯就是玫瑰綠茶無糖，最欣賞是沒有冰塊令茶香下降。一開瓶玫瑰香氣撲鼻，呷一口，清香滿腔，茶包可以再泡一次，瓶子還可以循環再用。友人的桂花烏龍茶一打開桂花香濃，試一口，就好像在吃新鮮桂花糕一樣，也是無糖無冰塊，我們對各自的飲料非常滿意。小店還有新推出的兩款飲料，下次經過一定要試柳橙味道的巧克力咖啡。

旺角、尖沙咀都開滿了黑糖珍珠奶茶、奶蓋的台式茶飲店。唯獨呢間台式茶飲店不論是室內裝修、餐單還是飲品都不落俗套，沒有一般茶飲店庸俗之感。尖沙咀漢口道感覺是給旅客購物的地方，所以走過呢間茶飲店時，覺得佢既風格別樹一幟，被他簡約懷舊風所吸引。雖然它也有一般茶飲店的珍珠奶茶，但我還是喜歡他的調配茶和願望茶系列。最後點了一杯熱的黑糖薑母茶，因為今天有點頭痛和生理痛，我每次沖杯黑糖薑飲，都會舒服好多。今次直接買呢杯，唔使自己沖，方便好多。黑糖味較重，中和微辣的薑味。飲完成個人暖哂，個肚都舒服好多。除了薑茶，其他花茶和水果茶都好靚，好似好好飲咁，下次會試下水果調配茶。

呢間品茶弄啡已經bookmark左勁耐！去開幾次tst 都同佢冇緣，今次終於飲到了😍👉🏿✨手炒黑糖珍珠鮮奶咖啡 Hkd 34 💸📌之前同事飲過已經讚不絕口，仲要講到呢間係佢飲過最好飲既第一味！有佢既comment打底，自己都對呢間期望好高🤨📌飲之前真係要搞勻佢呀！平時飲珍珠奶茶就多，今次變珍珠咖啡都係第一次😂但又真係幾好味喎！可能啲黑糖溝埋啲咖啡，入口甜得黎帶微苦，咖啡既香味真係完全為呢杯野加晒分！係真係幾正既，起碼冇失望先🤣

係遠處見到發哂光既招牌-品茶弄啡，就係咁我就行左埋去條龍又畫得幾靚，有選擇困難症可以睇睇呢個飲品龍虎榜成間台式飲品店就有哂呢d飲品，係附近返工仲可以一齊叫外賣添呢款唔知係咪新春限定呢天氣冬仲可以試下限定熱飲呢款我去到既時候已經賣哂😩呢杯抺茶紅荳鮮奶層次分明，頂層係綠色，中間係白色，最底部係紅色搖勻之後飲一啖，奶係冰凍且鮮，夾雜抺茶啖啖既甘苦味，紅荳仲非常甜蜜呢杯都幾驚喜，因為d芋頭好淋，整到好蓉，所以飲既每啖都有芋頭蓉架

這間台飲店完全是一個驚喜新發現，間店裝修得好靚。因為最近迷上黑糖鮮奶，成日心思思想飲。所以見到呢間台飲店有唔少人等緊就睇下有咩飲啦，見到可以加芝士$6，就問下黑糖珍珠鮮奶可唔可以加，店員竟然話可以！正呀！我叫了No.1 的手炒黑糖珍珠鮮奶加芝士，OMG, 邪惡到爆！！！ 芝士奶蓋好好飲，好香芝士味，有少少咸，好creamy, 而且有好多，好開心。黑糖好似有d龍眼味，好特別！記得一定要搖均勻，否則會好甜。另外我亦叫了黑枸杞菊香水果茶，入面有很多水果有香橙、檸檬、火龍果、蘋果同埋有好多蘆薈粒。入口有少少酸味和水果的甜味，茶味不太濃，清清地又好飲又開胃！下次去尖沙咀，我一定會再去買多杯手炒黑糖珍珠鮮奶加芝士丫，唔該！

<台式飲品 品茶弄啡>🥛☕呢一兩年台式飲品 好似黑糖珍珠 水果茶 甘興 , 雖然有好多間 但好味既或者叫啱香港人普遍口味其實唔多。 而呢間品茶弄啡我個人覺得十分唔錯 menu上面都幾多野擇 咖啡奶茶 果茶 拿鐵都有👍🏻 而我同朋友點左兩杯🍴手炒黑糖珍珠鮮奶 中 size 28 蚊 熱🔥🥛第一次飲熱既黑糖鮮奶 聽老板講佢所有材料都係台灣番 . 的確 佢個黑糖味係好香甜 熱飲仲顯得出佢既鮮奶夠香濃 🥛用左不透明既熱飲杯 睇唔到珍珠。 其實佢既珍珠係細粒 十分彈牙煙靭 配熱鮮奶十分唔錯🙂🍴台灣蜜芋頭鮮奶 30 蚊 中 size凍 🥛用左台灣古早味整法既蜜芋頭 整碎 同鮮奶合而為一 所以鮮奶好香甜 而且口感密度好高 🙂 配合鮮奶奶味香濃 正😋#鮮奶 #黑糖珍珠 #蜜芋頭 #黑糖鮮奶 Score 平均分 <7.2/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#品茶弄啡尖沙咀漢口道

珍奶風一直吹都未停過，台式奶茶店開遍全港。甚至會風靡一時得去用一兩小時去等一杯珍奶，自問沒有這種能耐我只會關注一啲小眾、隱藏店，有時嘅出品反而更有驚喜一般茶店都主推珍珠奶茶，其實除左奶香，茶底亦好重要。「品茶弄啡」顧名思義係以茶同啡出名，亦係我係香港接觸過嘅第一家同時有咖啡出品嘅茶店可惜太夜唔敢飲咖啡，所以今次就先試手炒珍珠黑糖鮮奶及願望鐵觀音一般嘅珍珠唔係過硬就太腍身、無口感，但呢杯手炒珍珠黑糖鮮奶，除左珍珠彈牙之外，黑糖同牛奶嘅比例岩岩好，飲得到黑糖嘅甜，亦有奶嘅香，唔會變左一杯奶至於對奶敏感或者唔想飲新派野嘅朋友，可以飲茶。願望鐵觀音，查實都唔明願望兩個字放係度有乜用意，不過佢又確實係完成左我一個願望。落完order先發現想飲芝士，點知出到黎見到有一陣白色泡沫係鐵觀音上面，Yeah✌🏼 輕輕芝味，口感軟滑，小小咸，同鐵觀音嘅甘甜係勁match⚠️不過就一定唔可以用飲管

紅左多時的焦糖奶茶，係我心中的熱情卻未減退。其實係尖沙咀呢類的台式飲品店大大話話都有20-30多間，我飲呢間係我去完isquare路經見到門口幾文青。不能不試佢個手炒黑糖鮮奶啦! 呢個亦係店長推介 。排隊個陣，就已經斷斷續續咁聞到嗰陣香味呀! 個陣味係突然間有，突然間又冇咗呢?最後我終於知道喺邊度嚟呀! 原來就係黑糖，據講係用好滾嘅黑糖沖入去冰凍嘅奶裏面，令到啲糖同奶融合，除帶出左香味之外，更令到黑糖嘅味道非常突出。店員提醒我飲之前要搖勻。飲落去覺得奶好順滑，黑糖又唔會太甜。 另外一個係好夢幻的水果茶，就係黑枸杞洋甘菊水果茶。水果茶好香同埋入面載滿水果，雖然有橙和檸檬比較酸的水果，但係底部有粒粒蘆薈，中和左酸味。

台式飲品真係越開越多， 在街上唔難找到一間， 尤其是尖沙咀差不多每一條街都仲有一間， 但不是間間都有水準的。 朋友在尖沙咀上班，他說最近尖沙咀漢口道開了一間"品茶弄啡", 所做的珍珠奶茶好得喎,現在他每日lunch後都會買一杯返公司慢慢歎。 見佢讚口不絕，我今天剛剛到漢口道整頭髮， 路經這間小舖二話不說入去揀返一杯手炒黑糖珍珠鮮奶咖啡， 然後在髮型屋慢慢歎。 我要求少甜少冰 ，剛剛做起的琥珀顏色好靚喎， 店員叫我飲之前搖勻，咖啡同奶都很香滑， 我欣賞他們的珍珠，黑糖味重，小小甜煙煙韌韌， 做得相當唔錯。

呢間品茶弄啡位於人流極高嘅漢口道，地點非常方便，平時飲珍珠奶茶就飲得多，但珍珠咖啡就真係未諗過，而更加估唔到嘅係真係有人會用咖啡去代替奶茶，呢D 咁新嘅野我就當然要去試試佢啦而家咁大熱嘅黑糖當然有份啦搖完之後我覺得仲靚過虎紋TIM由于早排食得太多珍珠，為免消化不良我決定走珍珠呢杯黑糖鮮奶咖啡飲落味道唔錯，我個人覺得佢地嘅手炒黑糖比起大部分賣台式黑糖飲品嘅味道更濃OREO 芝士MOCHA 咖啡味重，加埋朱古力同芝士嘅味道感覺夠新鮮，值得一試以下附上飲品列表