唯一豬什麵

Open Now

Now Closed

又到午餐時間！東大街好多美食！今日清清地食河粉！叫了個豬肉雞翼豬潤河粉外賣，好豐富之外，湯底清甜無咩味精，下次會再幫襯！飲品凍檸茶，茶濃多檸檬，天氣熱一飲真係正！

今日無聊搭叮叮去到筲箕灣， 門口見到佢招牌寫住大大個豬什麵， 好似都幾特別，就決定入去試下🤭一睇個價錢，不是嘛 只係$39 ， 咁抵？！ 宜家真係好少有咁抵食， 我最後叫左 豬什上海麵，一黎我都忍唔住嘩左聲😮😮因為估唔到呢個價錢 仲有超多餸， 有豬肉，豬手，豬肚，粉腸，豬潤，仲要份量超超多，碗麵好大碗呀🩷試埋個湯底，好有味，又無味精，忍唔住好想飲埋個湯🤭 仲有啲特別辣菜脯，好惹味又唔辣，令到個湯更惹味🤭正 🌻🌻🌻🌻🌻真心推介，好味又大碗👍🏾必試———唯一豬什麵 (筲箕灣)筲箕灣筲箕灣東大街53號東威大廈地下10號舖

逛完博物館去坐地鐵經過行過試下，45蚊大大碗淨豬雜，足料好味好新鮮，值得推薦！凍奶茶凍檸10蚊，平民價啦。上菜速度快，服務好，下次有機會可以再試下其他粉麵飯啦！

東大街都算出名的食街，聽朋友講豬什都幾好味，所以試吓啦，點咗淨豬什，佢用胡椒湯，$45，都足料，成碗滿，有豬肚，豬腸，豬灘，豬手，豬肉，生菜。啲潤好硬，煮到老晒，腸都好煙韌，肚就正常，但個湯好唔掂，普通嘢。另一個係胡椒豬肚肉片飯，個湯仲淡啲，可能有飯掛。

招牌豬雜上海面，－開始冇諗過寫食評，所以沒有影。好足料，豬潤爽，所有配料都好好味，足料，湯底也好味，值得一試，會再幫襯。豬肉也爽口嘅，招牌有豬肉，粉腸，豬潤豬手豬肚，正

一個人去到東大街搵食，見到唔係好多人，入去試一試，合理價錢合理味道。豬雜肉丸河份量都好多下，即叫即做，上枱熱辣辣，豬雜包括：豬手乾淨夠淋身，豬膶正常，豬肚軟身/少少咬口，肉片滾得岩岩好唔柴，粉腸好味，肉丸彈牙少少肉味，湯底鮮味有兩片咸菜，河粉超多，唔好預有好大驚喜，但就價錢而言絕對合理。豬皮豬紅又係份量多，豬皮超厚彈牙濃味，豬紅比較失色，好淡唔夠味，但整體包括碗麵就正正常常。睇相就知有幾大份。豬雜麵唔係度度整得好，我覺得已經唔錯，睇埋個價錢，算賣得幾平，東大街食肆多，有少少名氣既就會set好高價，呢類小店算係咁。我諗揀公仔麵底仲正！＋$8有凍檸茶

版規不能寫真實的負評，唯有修改一吓。特登到東大街看看有沒有新食店。見到這間唯一豬什麵。近排好興豬什麵就試試看。叫了個招牌鮮豬什麵，等了大約十分鐘終於上菜。大大碗的上海湯麵。先來一口湯，是清湯一啖。試試加少許胡椒粉，似乎好味些。再試豬腸，保留了「腸」的那種澀味道，其他的食材如豬肉、豬潤等都是經過清湯的洗禮。到這裡已沒有什麼心情食下去了。唯有加辣椒醬完成這碗麵。論價錢$38大大碗如對口味沒什麼要求，只是填飽肚的，可以說係抵食的。本人考慮會不會再光顧。