喜姐小食

Open Now

Now Closed

平平無奇的裝修，但內藏寶物：南乳雞翼、咖喱魷魚蘿蔔、香炆豬軟骨、清湯牛腩……墨丸要彈、雲吞要紮實、麵要「Al Dente」，呢一碗麵有齊….最吸引係餐牌有既選擇！南乳雞翼、咖喱魷魚蘿蔔、奄列配豬仔包等配搭係高級茶記先會Offer到！ 個榨菜炆雞翼唔會淡而無味，但又唔會落重味精，有水準丫！非常欣賞！

看了網上評論去長洲時，特登去一試 但是後覺得真係麻麻地，真不理解為何網友們會覺得好食， 雖然係即炸但餡料係乾沒有很多汁， 雲吞皮 再炸後 鹼水味很重， 37蚊六隻不是很 平或抵食， 家庭式製作服務ok，但不會再次幫襯。

入到長洲搵定openrice去人氣cafe，點知真係太人氣，排長龍。我們過了飯點又太肚餓，逼於無奈就地揀間小店就入咗去醫肚。.附近只有街坊小店，其貌不揚，無諗住寫openrice，所以一張相都無影。可能就係無期望，反而有驚喜。.叫咗個全日麵餐，奶油多和火腿omelet係正常發揮，最精彩的是牛腩米，那牛腩好入味好冧，而且個湯清得來好好飲，叫人眼前一亮。.如果要食氣氛、裝修、特色餐單就咩都無，看來超普通茶記一間，但勝在有一樣出色食物（只食到這個，其他唔知）。店員服務態度和店鋪清潔都正正常常的。

人人入長洲都係食大魚旦，我就喺網上見到有人推介呢間喜姐小食，試咗佢嘅炸雲吞同埋南乳雞翼！好有驚喜！炸雲吞唔係度度都有得食，呢度嘅炸雲吞係即叫即炸，每粒雲吞入邊都起碼有兩隻蝦，非常足料！同埋雲吞上枱時係乾身嘅，證明喜姐係有吸左油先俾你食！最正係有埋個酸甜醬俾你點，食落冇咁油膩！另外，呢個南乳雞翼有五隻，一上枱時已經聞到好大陣南乳嘅香味，食落係外脆內嫰，仲要係熱辣辣嘅，又係即叫即整！唯一缺點就係呢間嘅小食都比較貴，但係食到咁好味嘅小食都係值得嘅！

下午茶時間先入到嚟長洲，特別想食D小食，上網見到推介「喜姐小食」，個個都食奶油多，D相好吸引~MENU非常簡單，得D碟頭飯同幾款小食，相信唔使諗好耐叫咩好。方塊奶油多已經切成一塊塊真係食得好方便，兩啖一件，每件都已經沾左足夠醬，甜而不膩南乳(炸?)雞翼上網睇應該係炸嘅，唔知點解我地食嘅唔係 (炸嘅好似正好多咁...)，簡單好味炸墨魚春卷炸得唔算好油，墨魚味都算濃都彈，不過我嫌佢唔夠厚，所以口感打折加埋一杯野飲，埋單$101，但係店員主動提出$100就得，即刻有D感動價錢我覺得算好平，市區真係食唔到呢個價，入到長洲又未到正餐海鮮時間，不奶入去食少少野過下口癮，唔會令你失望~

行到累累地，可以去試下喜姐小食。個人推介南乳雞翼，雞翼好香，同南乳好夾！另外我食左西多士，有别於外面不同的西多士，他們的是一塊塊小西多士， 脆D香D！我朋友就食左車仔麵，佢話麻辣魷魚好味道!

唔休做又黑面 對話內容無禮貌對客人沒有尊重食物味道雖不錯但價錢偏貴生意只做自己人外來客都不歡迎態度不好有選擇都不會再來外賣出餐速度慢為了不用來客受氣不推介這所餐廳

假期冇野做入到長洲，硬係覺得人山人海好似出左旺角咁。當個個都爭住去食大魚旦呀丶海解，我就反方向行去長保仔方向搵食。今次就行入少少，專登去食喜姐的西多士同埋南乳雞翼。層層疊西多($25)炸得金黃的西多士配上牛油同埋煉奶，口感好酥脆而且唔會油膩牛油味好香，煉奶甜甜地幾好味👍左(豬扒包) 右(南乳雞翼)豬扒包個包都熱辣辣，豬扒比較乾身，但唔算太硬，熱辣辣食都幾好味。右面的雞翼好酥脆，南乳味好香。雞翼炸得好乾身，雞肉汁都幾多，唔錯唔錯！

聽過介紹呢度既層層疊西多士及酥炸南乳雞翼幾好食，去長洲玩就來試一試。喜姐小食位置就係天后宮、芒果王附近，門面看來好似士多。入面有冷氣供應，店內只有幾張枱，小店一間。卡位有點逼，牆上有一些牆貼，店內光猛，都坐得算舒服。我們去的時候是3:15，店內無客，但見外賣都有幾張訂單。店內有蒸飯、車仔麵、下午茶（餐牌的雞翼和西多不是出名的那款），而小食款色亦很多。酥炸南乳雞翼$35新鮮炸出黎等左幾分鐘，食落口差d燙親。食落唔會成口油，非常酥炸！而且聞落同食落好香南乳味，好食到想要白飯送！層層疊西多士$25係將多士先切成一小塊去炸，再加上大量牛油及煉奶。炸得好香口，落左煉奶都唔會太淋。但美中不足既，就係入面既花生醬有d乾。