喜點.鮮鍋粥底火鍋點心專門店 (Closed)

今日叫左個豬骨螺頭湯底，好濃厚既豬骨湯，大大舊豬骨仲有好淋好淋既豬肉食。豬骨係淋到一夾即散，證明係長時間淆出黎。9/10之後會有海鮮拼盤同一次性丸類。海鮮方面有海蝦，龍蝦，象拔蚌，大元貝，鮑魚。所有海鮮都非常彈牙新鮮。係蜆帶少少沙，除此之外所有海鮮都啖啖肉咁真係好正，最喜歡係元貝，鮑魚同龍蝦。超正9/10一次性丸類有蟹肉黑松露餃，蟹籽蝦丸，即炸響鈴待等。響鈴可以點辣醬即食，蟹籽蝦丸超級彈牙，好重蝦味，應該係用左大量蝦打成既蝦丸。仲有一碟牛頸脊，兩人份量只有六片左右，雖然好味但份量實在太少了。7/10仲有好多任食食物可以選擇，其中有貴價烏冬，花膠等等。

偶爾經過長沙灣發現呢間喜點.鮮鍋粥底火鍋點心專門店，就即刻諗起我某位熱愛海鮮的好朋友，於是約左佢一齊去食！餐廳位於長沙灣天悅廣場，距離地鐵站不算遠，地點都幾方便每位$298就可享用「忘不了海鮮火鍋套餐」，套餐已經包左生猛龍蝦同五款時令海鮮，仲有一碟肉類，另外仲有50款火鍋配料無限追加。四位以上仲會奉送刺身拼盤，八點半後入座係優惠時段$258一位咋！火鍋湯底有多款選擇，有辣有唔辣任君選擇，我同朋友就揀咗淮山豬骨螺頭湯，夠火候又夠味，好有住家老火湯的味道，攞黎打邊爐就啱哂生猛龍蝦+5款時令海鮮時令海鮮分別有扇貝、聖子、鮑魚、大蜆等等，乾淨又大隻！生猛龍蝦都好厚肉啊！扇貝同大蜆煮幾分鐘就食得，好鮮嫩鮮甜哦。鮑魚肉質結實又新鮮，好高質！龍蝦肉質爽口彈牙，啖啖肉，大滿足呢另外仲有跟餐必有的八款火鍋配料，用料特別，口味獨特。分別有瑤柱韭菜餃、瑞士芝士牛丸、蟹肉黑松露餃、招牌水餃、蟹籽蝦丸等等。芝士牛丸融入左牛肉同芝士香味；餃子類皮薄餡靚，肉餡好鮮味！即炸響鈴同脆炸魚皮魚皮好香脆，大大塊，點湯食更加滋味！即炸響鈴係溫熱的，點酸甜汁食好美味肉類可以選頂級安格斯牛頸脊或櫻花黑豚肉。我地就揀咗牛頸脊，肉偏

係附近返工，收工約埋幾個同事過去試下佢個粥底海鮮火鍋，心大心細想試 A餐（無配料任食）or 任食餐（但海鮮就廚房師父話事）最後因爲想食多寶魚，所以叫咗A餐。蝦，元貝，聖子等海鮮口感新鮮，任選 8款配料都幾好，份量足。舖內環境都幾乾淨，係 d 餐牌有啲「痴」手。食到最後，整埋個粥底食，員工都幾有經驗，望下個鍋，會話「要加返 d 湯底先...」感覺好 warm。除咗夜晚做粥底海鮮火鍋等，朝早仲會做點心果 d，點心就未試過。

有時食好嘢!未必一定價格跟食品質料成正比。就正如哩間火鍋店，可能地區關係做開街坊生意，性價比甚高｡百多元就有交易。拍得住千幾二千蚊一餐埋單的所謂手工火鍋。首先最令人驚喜的就是自家即製酥脆魚皮,鬆化響鈴，如果唔新鮮呢兩樣野都唔可以即食，一定要放湯，但反而侍應落枱時，特別提點厨師話最好即食特備酸甜醬用來點，可想言知新鮮程度100分。海鮮非常新鮮，圖見鮑魚還在收縮活動。丸類及餃類都是自家制,鵝肝墨魚丸同芝士牛丸必食。肥牛雪花均勻｡竹蔗水加龍眼肉,用料用心｡本身個餐食完已經好飽，再追加50款食物都冇點到， 老闆真係唔怕你大食，最怕你唔飽 😂臨尾順帶一提這裡地方寬敞坐得好舒服，但就唔記得影相唔好意思😅

小編平時去依邊多數都係食糖水多但見到附近有海鮮邊爐打就去試下啦🤩-#忘不了海鮮火鍋套餐 $298/位依個套餐都有幾多海鮮最正嘅係有龍蝦 而個size都唔細同埋每兩位都有一碟牛肉或者豬肉比大家揀要邊一款而且仲有幾種丸同埋餃🤤個人嚟講 小編鍾意蝦丸同埋芝士牛丸蝦丸明顯係用鮮蝦打 食落好爽口而芝士牛丸係牛丸裏面包咗粒芝士細個成日喺小肥x食 依家比較少見🤓其他餃類都好足料 每款都脹卜卜除咗依啲之外其實仲有得任嗌蔬菜類 其他丸類 同埋肉類小編建議大家要嚟嘅話 可以揀閒日嚟咁就可以同朋友慢慢食又有時間吹下水🥳

之前嚟喜點食過粥底火鍋，今次試吓佢嘅忘不了海鮮火鍋套餐。每位$298可以食兩個半小時。最矚目當然係龍蝦加5款時令海鮮，包括蝦、蜆、鮑魚、帶子等等。鮑魚有半隻手掌咁大，肉質厚實，幾鮮甜。龍蝦size都幾大，肉質非常結實，美味可口。蝦得兩隻既話我覺得比較少，不過肉質有彈性，一樣都係非常鮮甜。值得一讚係餐廳提供筲箕俾我哋碌啲蜆，非常方便。蜆無沙非常抵讚，味道亦清甜。除咗海鮮拼盤之外，套餐仲包括多款水餃、丸類。我最鍾意當然係蟹肉黑松露味餃另外仲有兩款炸物，分別係即炸響鈴同蝦油條。平時飲茶食蝦多士食得多，蝦油條一定未試過，口感更加香脆。另外即炸響鈴熱辣辣，就咁食都冇問題。肉類方面可以揀頂級安格斯牛頸脊或櫻花黑豚肉。作為牛魔王嘅我哋當然揀前者，每人有4件左右，牛味非常濃郁。套餐有大量配料無限追加。不過食晒上面講過嘅食物都有八九成飽，可以叫左菜同鳥冬。每人仲有一大支竹庶茅根，真係非常抵食。

I came here to eat with my family after seeing it on tv. The environment is fairly crowded and the tables are too small to lay out all the food, some have to be stacked on top of the other. The seafood is fresh and the meatball is actually really good. I was really looking forward to the congee at the end but it was all Color and no taste. It was supposed to be made of crab paste but instead it was made of smushed pumpkin. Kinda disappointed

朋友話深水埗有間任食海鮮火鍋好抵，所以幾個人就約埋一齊去食啦！坐低梗係揀咗湯底先啦，見到佢有六款湯底款款都好似好正咁，最後揀咗淮山豬骨螺頭湯底，咁我四個人食嘅佢就會送個刺身都幾正嘅！ 咁佢寫明海鮮係龍蝦再加五款時令海鮮，啲海鮮見到超新鮮，隻鮑魚仲識郁嘅而且隻蝦勁鮮甜，主角龍蝦亦都好好味！而且佢有啲手打丸同餃子，勁有質素，尤其係蟹肉黑松露餃，超香松露味！咁我哋四個人有得送兩碟靚嘅肉，安格斯牛頸脊同櫻花黑毛豬，咁我哋梗係豬牛各一啦，安格斯牛頸脊識落牛味濃，超正！咁佢呢度嘅飲品呢就有免費嘅竹蔗茅根水同有機豆漿，打邊爐有得飲呢啲超正可以下火！之後仲有好多款食品可以任叫嘅，不過因為已經食咗超多野，所以就唔係叫得好多，不得不提嘅係佢嘅魚皮餃係幾好食嘅！

喜點.鮮鍋粥底火鍋點心專門店之前都食過，感覺非常不錯，於是今日經過開黃金電腦商場買電腦配件，就一於去回味回味。這店位於青山道的天悅廣場，長沙灣地鐵站行過去又得，深水埗地鐵站行過去又得，好方便。店舖一如以往，門面光鮮，座位亦闊落唔會迫，而且仲有電視睇，食火鍋都可以食得好悠閒。這裏有幾個套餐選擇，我們今晚選了忘不了海鮮火鍋套餐，包括鍋底、生猛龍蝦、5款時令海鮮、頂級安格斯牛頸脊及50款無限追加的火鍋料和自助形式任飲的竹蔗芧根水及有機豆漿。鍋底選了猴頭菇鯊魚骨湯鍋，鍋底入邊有四分一隻雞，還有少量魚肚、猴頭菇、鯊魚骨等，鍋底味道鮮甜有濃厚的雞湯味，絕對真材實料。海鮮的擺盤好靚，而且好新鮮，龍蝦、鮑魚、海蝦、馬刀貝、蜆上枱時還是會跳動的，真的是即叫即劏。生猛龍蝦是有羔的，入口爽口彈牙，鮮甜無比；新鮮鮑魚，洗得非常乾淨，新鮮爽甜；新鮮元貝肥大肉厚，入口爽彈鮮甜；生猛海蝦，頭無黑色的，非常新鮮，爽口鮮甜；馬刀貝肉厚而且爽口彈牙；海沙白、黃沙蜆無沙，而且都新鮮，隻隻煮完都賬卜卜，整個海鮮拼盤都超高水準。頂級安格斯牛頸脊，雪花紋好靚，而且有濃郁的牛味，入口濃郁滑溜。手打的瑞士芝士牛丸、法國鵝肝墨魚丸及蟹

今日同朋友途經長沙灣，大家都好肚餓未食飯，經過見到一間火鍋店，就諗都冇諗入左去。坐底左之後我地發現餐廳有個「忘不了海鮮火鍋套餐」，見佢個名咁特別，我地一於決定試下佢有幾忘不了。先黎既有兩款炸物，響鈴同蝦卷都係即叫即炸，十分好吃。海鮮拼盤不但款式多，份量也不少，有龍蝦、帶子、蜆、蝦、鮑魚和蚌。普遍來説，海鮮拼盤都好高質，當中以龍蝦，帶子同蝦最鮮甜。對比之下，蜆明顯比較遜色，不但唔算大隻，鮮味都唔明顯。丸餃方面，鮮蝦黑松露餃同瑞士芝士牛丸都帶到驚喜比我。鮮蝦黑松露餃黑松露味突出，但係又冇喧賓奪主，蓋過左蝦肉既味。值得一提既係蝦肉很爽，使餃子很好吃。瑞士芝士牛丸方面芝士味很濃，口感豐富，非常吸引。法國鵝肝墨魚丸就比較平凡，鵝肝味不出眾，同普通墨魚丸分別不算很大。肉類方面，頂級安格斯牛頸脊肉味尚算濃，脂肪分布平均，係肥牛以外嘅另一選擇。湯底方面，我哋揀咗猴頭菇鯊魚骨湯底。湯底又香又濃，內有原隻雞比和花膠，十分推薦大家去試。整體來説，海鮮新鮮，丸餃有特色，湯底也很出眾，係一間值得一試嘅餐廳。

約了久未見面朋友聚舊，大家都想找一間可以慢慢坐傾計餐廳，朋友推介這間位於長沙灣的喜點鮮鍋粥底火鍋，一於試試！ 餐廳設計闊落，每張台之間都有充足空間，十分適合朋友相聚 餐廳有兩款套餐選擇，我們點了$258一位的套餐，包了8款海鮮及8款配料，十分豐富！先上海鮮，分別有龍蝦，多寶魚，海蝦，鮑魚，貴妃蚌，聖子王，蜆，每樣都極之新鮮！上檯還在郁動，很少有, 龍蝦肉質結實，鮮甜，讚！ 配料點了肥牛，西班牙豬腩片，巨根蟹柳，韭菜餃，墨魚滑，炸響鈴，魚皮!!! 肥牛肥膏勻稱，食落爽口不油膩!!炸響鈴一淥即食，食落無油益味，食得出新鮮炸起! 韭菜餃咬落多汁，餡料十分充足!! 吃到最後只要加入粥底，南瓜及芋頭，就變成一窩盡得精華的粥！好味得不得了，極之鮮甜!! 以這價錢可以食到高質素海鮮火鍋，實在十分難得，值得推薦！

為了迎接四天連假的來臨，一早就約了朋友於假期前一天打邊爐慶祝。經友人介紹來到了這間位於長沙灣主打海鮮的「喜點」火鍋點了《忘不了海鮮火鍋套餐》$298/位湯底是印度椰子雞鍋，足足有半隻雞，仲有海底椰同竹笙tim...未飲都覺到滋潤主角上場啦...龍蝦、鮑魚、海蝦、帶子、白蜆同扇貝，每人一份，永不落空。主菜點了蟹肉黑松露餃、法國鵝肝墨魚丸、瑞士芝士牛丸...食得出係自家出品，因為味道係出面未曾食過的。講番D海鮮，每人半隻龍蝦，肉質鮮甜彈牙；海蝦、帶子...樣樣鮮味十足，絕對新鮮👍🏼不得不提，這裡的竹庶水是任飲的，而且不會過甜，還有比較少見的豆漿🥛除了以上的還有多達55款配料任均選擇，絕對值回票價😍

不得了，不得了，見男朋友咁鐘意打邊爐，就孤且一試。估唔到咁嘅格局嘅火鍋都會有咁多驚喜食物同選擇，真係食到好滿足嗌左哩個忘不了海鮮火鍋套餐，飲品任飲，有豆漿，有蔗水等等可以自助任攞，配料仲可以無限追加，有海鮮，有肉，有菜，應有盡有，真係好啱一大班人一齊喺度食！嗌左藥膳雞煲，真係好有水準，雞都未落落去就已經好香藥味，加埋雞落去，真係絕配！啲雞成盤咁上，本身係用酒浸住，真係好有味道，好入味！套餐跟嘅肉就揀左牛肉，大大塊又好有鮮味，無得頂！淨係頭一轉嗌嘅配料都已經多都食唔晒跟海鮮，有雞，有餃子，有丸，有炸魚皮，響鈴等等真係食得好豪咁樣，重點係一啲都唔貴，仲有得無限追加好多配料，真係可以開心咁樣食食食海鮮種類夠晒多，有手掌咁大嘅扇貝，仲有元貝，鮑魚，聖子，蜆，蝦，仲有龍蝦，樣樣都好新鮮，隻鮑魚送到黎嘅時候仲郁緊 tim 淥完都係咁大隻，無縮水，厚肉之餘仲要好有鮮味，真心一流炸魚皮同響鈴都炸得好脆，亦無油益味，大大舊真係好正！

隨意搵到這間火鍋店，見佢今期有個海鮮套餐好正咁，放左工就同朋友黎左開餐。今次黎就係想食哩個餐，$298一位，亮點係食龍蝦同鮑魚呀！仲有多款配料無張追加。竹蔗水同豆漿免費任飲，餐廳自家製的，我拎左瓶竹蔗水飲。哇！上枱時鮑魚識郁嫁，超新鮮，仲有扇貝、蜆、蝦，龍蝦，見到龍蝦d膏都流晒口水。除左海鮮，套餐仲有包安格斯牛頸脊，哩個同海鮮係冇得追加，丸同餃類。我地係食晒哩d野唔夠先追加野，要惜食！鍋底揀左椰子雞鍋，真係真材實料有椰子同新鮮雞自己落去鍋，啖湯好鮮甜。落料之前飲左啖湯先，奶白色雞湯，清清甜甜。蝦眼仔突突幾新鮮～每人有大半隻龍蝦食到，岩岩熟肉質爽口，好正！其實套餐包既野咁多食完都幾飽，我地追加左生菜、粟米等蔬菜，咁就食飽飽lu。

又到四月尾，五月頭，決定同朋友係final之前打下邊勞，餐廳唔難搵，從長沙灣地鐵站出發，大約行5分鐘就到，黃色明亮的既門牌，比人一種精神愉快既感覺，店內既裝修同環境都算乾淨整齊，而枱櫈既擺位都幾寬鬆，好好坐。海鮮火鍋一定有海鮮啦，今次叫左個二人套餐，個海鮮盤係睇時令而上既，有四隻蝦、一堆蜆、一隻龍蝦、兩隻鮑魚同幾個貝類。全部海鮮都好新鮮，冇腥味，蜆煮落去有9成都係開既，平時都係食開炒蜆，而家煮蜆就索哂湯底啲汁，幾清甜。蝦肉唔會霉，係脆肉既，鮑魚唔太韌，幾好咬口，龍蝦肉同手掌咁大隻，切開左一半，配合湯底好鮮甜。成個海鮮盤既份量岩岩好兩個人share,最緊要係唔腥！點咗丸同餃有5款，每款2粒，一人一粒，仲要大大粒，浸左落個有海鮮既湯底，索哂啲海鮮湯味，幾好味，不過有咁多海鮮同有其他八款自選配料，其實都好飽。自選配料有：肥牛、荀、金菇、粟米、娃娃菜、花膠、蟹棒等，材料夠足本同新鮮，份量俾得唔多唔少，兩個人黎食都係食到8，9成野食。所以無點再加追過。飲品餐廳度有個雪櫃，野食係任飲，但選擇比較少，有豆漿、竹蔗茅根同啤酒，豆漿同竹蔗茅根味道比較淡，但清淡下湯底既濃郁，平衡下個味道都適合既。最後就係