嚐喜大不同特式餐廳小廚 (Closed)

Christmas Day 同女友行左成日街，夜晚飯前去按摩完想食返啲暖身野，點知盲鐘鐘俾我哋去到呢間一直想試嘅嚐喜大不同特式餐廳小廚！由於我地兩個都唔算太肚餓，所以就輕輕咁點左兩樣野黎食就算。1. 黃金鮮淮山 - 呢碟野作為前菜絕對係會令人食過翻尋味！香脆可口之餘鹹蛋味十足，加上係係淮山，我地食落完全係零罪惡感，停唔到手！2. 剁椒田雞煲仔飯（另加臘腸）- 天氣凍又點少得一煲熱辣辣嘅煲仔飯。姐姐上菜之後幫我地倒入煲仔飯豉油之後等一分鐘。開蓋果一刻啲香氣瞬間一擁而出，令人欲罷不能！田雞臘腸嘅份量適宜，啲飯粒粒鮮明，飯焦脆得來又唔會太過燶。呢個煲仔飯果然名不虛傳！整體而言成餐飯好溫馨 ，未試過又想搵間好食嘅煲仔飯，呢度係值得一試！P.S. 下次帶埋屋企人黎試下佢個古法清湯羊腩煲！

天氣凍特別想食煲仔飯，上網搵咗幾間人氣煲仔飯~北角呢間「嚐喜大不同特式餐廳小廚」係其中之一，連KOL雪姨都話佢成日食呢間，所以決定同男朋友去試試佢~ 🧡剁椒肉餅飯（$75）同傳統煲仔飯差唔多，但比一般煲仔飯好食少少~白飯夠乾身，粒粒分明，有少量飯焦！剁椒肉餅好惹味，椒味好出，個辣都幾刺激下，不過係好食嘅~ 🧡蒜蓉粉絲蒸娃娃菜（$70）份量超多，娃娃菜好大條，好重蒜香又惹味！

每次係北角鰂魚涌食lunch都會嚟，每次都有驚喜！平民價唔在講，佢d餐選擇多，快餐6款，客飯22款，價格都係48 - 53. 菜色特色又惹味，廁所衛生﹑大堂正常冷氣夠，睇出老闆好有誠意！十級推介！今日仲要忘了帶cash同服務員講，佢好有禮貌話食完先，出面又大雨，真係好窩心！今次食嘅，係午餐沙拉蝦球配涼瓜蛋角，味道適中，蝦球小脆，完全唔覺肥膩，好少有地方食到幸福嘅感覺，呢間小店真係做到。有機會晚上來試試，支持良心小店！

呢間係七姊妹道既煲仔飯餐廳，菜式好多，咁岩人流唔多，可以食個快飯。叫左個剁椒蒸魚雲，幾細份，唔多肉，但味道不錯。仲叫左個豆腐煲，普普通通，份量一樣唔算多，不太抵食。另外佢既服務態度都好一般，趕時間，侍應落少左個豆腐煲又唔知，我哋知道落少單想取消，啲侍應又唔認冇落單，只係一味話個豆腐煲即刻整好快。

Went there with a friend, especially for the clay pot rice 煲仔飯，ordered a mushroom with chicken 北菇滑雞煲仔飯clay pot rice and an egg with beef clay pot rice 窩蛋牛肉煲仔飯。They served the rice then put soy sauce in then keep the lid on and wait for a minute before u eat it. The beef one tasted a bit weird, don’t like it, the chicken one was quite good, chicken were quite tender. 果然係滑雞😂But overall its just average, wouldn’t come all the way just to eat here.

叫咗個下午茶，叫咗個蕃茄湯豬潤米線，諗住係依d小菜館食野，實無大問題啦，一見實物，我靜了，豬潤得果3，4片，如果好食都唔緊要，一放入口，成碗面，唔熱嘅，又唔係凍，但唔熱囉。。。成家店已經客都無個，整碗面都可以hea到咁，無下次

冰鎮菠蘿咕嚕肉   98元   4/5分份量較少,但作為此店的招牌菜不得不試。5分鐘就可以上碟,到底是有多神速呢?咕嚕肉的粉好薄,味道都好正宗,菠蘿就不夠甜,只能說好食但太少~黃金鮮魷    88元   4.3/5分這是一道好有驚喜的小菜,實在無想過鮮魷可以炸得如此薄身,咬口一流,咸蛋黃醬可以更多就好啦~田雞煲仔飯   80元   3.5/5分同樣是嚐喜必點的煲仔飯,本來想選白鱔田雞,可惜白鱔沒有貨,只能單點田雞。以為單點田雞會多一些,但依然太少~飯粒分明爽身,煲仔有點過焦,是炭火的味道,可是沒有金黃飯焦,非常可惜~田雞看上去有點粉紅,就是擔心不夠熟? 比預期中失望,但都合格有餘。此店的小菜絕對有驚喜及出色,價錢就比普通茶餐廳高,上菜速度就快到嚇死人,5-10分鐘內就會立即上碟。環境不算太好,如果喜歡吃小菜和煲仔飯都可以一試,在北角地鐵站附近都好方便~

上次同大家介紹過係天后嘅嚐喜大不同，今日發現原來佢喺北角都有分店，雖然舖頭網絡比天后細，但唔知食物質素點呢，今日同大家嚟到食佢嘅午餐😍😍蘿蔔炆牛腩配豬扒煎蛋飯 $46叫既時候都覺得怪怪地，覺得兩樣嘢大纜都扯唔埋，但呢度之後就知道其實係兩餸飯😂😂一個價錢兩個享受，酥炸豬扒好鬆脆，又厚肉，正👍🏻👍🏻👍🏻👍🏻配合埋煎蛋，成個組合好邪惡😈😈主菜蘿蔔炆牛腩都好出色，牛腩好林唔會太un，蘿蔔有好入味，一個字正❗️❗️整體來講係不過佢想食平價五餐嘅話，佢係你嘅選擇👍🏻👍🏻

我曾經試過買兩個煲仔飯，晚上6點下單，他說好1小時30分後可以取。 7：30回去取，他們根本未開始煲，那好催促他盡快，伙記也說馬上做。最後我等到8點還未做出來，我懷疑他們仍未開始做。這店待客態度很有問題，而且菜色份量越來越少。

不過呢一邊早餐嘅選擇都幾多主要係餐廳嘅選擇都多所以身為住北角嘅都是不是周圍走下睇吓每一間茶餐廳嘅早餐會唔會有唔同所以會去到一間新嘅餐廳都要試吓嗰度嘅沙嗲牛肉麵因為平時都食開所以就最容易攞來做比較, 湯底就比較青但沙嗲牛肉就諗好多唔起邊凍奶茶就嫌佢少少多奶得滯但因為係用黑白淡奶所以味道都夠晒正宗另外一定要加一蚊轉多士因為夠晒熱同埋夠脆就可能會好過牛油方包

侍應哥哥好有愛既小黃店💛呢間餐廳其實我好耐之前已經同朋友嚟食過一次架啦 我覺得佢啲嘢食都幾好食 尤其係佢個冰鎮咕嚕肉😍😍今次我哋就試咗其他幾樣嘢食 全部都相當唔錯 食得超滿足🤤·剁椒滑雞飯$75呢一個係我男朋友喺門口見到佢推介嗌既 超正 個剁椒簡直就係畫龍點睛😍😍佢係切好曬撈埋落啲飯度嘅 係醃過嗰種椒 帶少少辣味同埋麻味 超級惹味而且撈埋啲飯口感好好🤤佢啲雞都超級嫩 而且佢個飯焦做得超級出色 係真係成個鍋底都係 脆得黎唔會淨息得憹味 食得好過癮😎不過我覺得我哋加$12過條臘腸就麻麻哋啦 條臘腸本身唔係好好食 不過食煲仔飯硬係覺得要嗌條臘腸啲飯先會香啲🙊🤣🤣·馬拉盞啫啫芥蘭煲$70呢一個一上到枱勁香 我自己幾鍾意❤️佢個芥蘭係炒到啱啱好 而且唔會太苦澀 配埋個醬汁勁正 不過係最後食到底嘅時候 嗰啲菜浸得太耐會有啲太鹹 不過係最後幾條姐🙊·糟鹵鴨舌 $48我哋本身諗住嗌個小食嚟食住等啲煲仔既姐 點知呢個超級驚艷🤩佢係有少少好似花雕醉雞嗰個味 超級惹味 又帶少少辣 勁啱送啤酒又或者有氣嘅嘢飲 完全係食唔停口😏😏·沙薑雞腳$45呢個係我哋見個鴨舌咁好食 所以加單嗌嘅 佢個沙薑味真係好重 而且都幾

經過同事介紹，今日去咗公司附近嘅餐廳食晚餐。人唔多得四個人，我哋嗌左四個餸，都已經好夠食。叫左同事介紹的三個招牌菜加個菜。菜冇特別話有邊個推薦，大家隨意叫返自己平時食開嘅就好，我哋是但叫左一個都覺得鑊氣十足。冰鎮咕嚕肉 細 ($98)冰鎮咕嚕肉係整好之後即刻倒啲冰落去，令到佢外脆內軟，外冷內熱。食得出佢嘅咕嚕肉嘅皮同平常咕嚕肉有唔同，會比較脆。亦會見到個碗係特別設計，中間隔住左，下面全部都係啱啱啲冰融落嚟的水，咁啲咕嚕肉就唔會浸到淋左。白鱔煲仔飯 ($80)白鱔煲上枱果下即刻落豉油，然後等1分鐘就食得。煲仔飯最緊要就係飯焦，食到脆脆的飯焦。黃金牛腩呢個餸好似唔係menu上面，不過照叫就可以。黃金代表鹹蛋黃。呢個餸係用咗鹹蛋黃做外面去炸牛腩。值得一讚嘅係牛腩炸出嚟，外邊果層蛋黃唔會好厚。第一啖食落去唔知點解食到鵝味，之後慢慢陣鹹蛋黃味就出咗嚟，再食多啖就食到牛腩味啦。

【臘腸白鱔排骨煲仔飯🥘】$85尋尋覓覓咗咁耐終於揾到一間滿意嘅煲仔飯😍呢個煲仔飯真係喜出望外，比想像中出色好多👏🏻 白鱔勁滑嫩，排骨勁入味肉質唔老。最出色嘅一定係下面嘅飯焦，全部金黃色剛剛好且超級脆口，真係令人食唔停口🤤極度推介加多10蚊多配臘腸，煲仔飯真的不能沒有臘腸，而且加多十蚊會唔會太抵呢？如果你同我地一樣揾緊啱口味嘅煲仔飯，不妨試下呢間😋

中伏大不同今日同屋企人普通食晚飯，叫左個鹹魚肉餅煲仔飯, 炒芥蘭，蠔餅，椒塩鮮魷！鹹魚肉餅煲仔飯煲仔飯正常發揮，肉餅味道適中，但豉油無咩味！價錢尚算合理！但完全對唔住上過冬要要排隊食煲仔飯個個水準！炒芥蘭普通炒菜，油落得比較多！但出得黎食野都預左，所以合格！蠔餅完全唔係個回事！變左好似煎蛋餅咁！仲要燶燶地甘，但係d蠔又整到唔係幾夠熟！所以我食左兩啖都無食了！椒塩鮮魷收咁貴價錢，但係得幾舊！食兩舊就無哂🤷🏻‍♀ 而且炸粉太厚，所以唔係太好食！總括來講之前食過呢間的早餐，合格的！但晚餐我就不會再黎了🤦🏻‍♀🤦🏻‍♀🤦🏻‍♀

今日落去同屋企人食晚飯，試咗個翠塘海鮮蒸蛋白，同埋嗰個冰鎮咕嚕肉，加多個啫啫通菜煲，食物水準穩定，服務良好，老闆仲介紹翠塘海鮮蒸蛋白撈飯一流。同埋食咗一個剁椒肉餅煲仔飯，仲有一個比較少有嘅食物係砵仔焗魚腸。比坊間煲仔飯嘅飯焦水準較佳，肉餅味道適中，價錢尚算合理下次可以試多啲佢哋嘅燉湯，同埋可以試下一個叫做炭燒海蝦煲仔飯既東東。