四季正宗家鄉盆菜 (Virtual Shop)

Open Now

Now Closed

團年飯，唔想煮，買個盆菜就咩都有，今年試左四季嘅鮑魚節日盆，雖然遲左少少先送到，不過年三十，都預左會遲。佢地唔送上樓，一拎到返屋企就即刻加熱，等待果然係慢長嘅，終於聽到啲汁滾起嘅聲，一開......真係超足料，啲雞同鵝都好廋，蘿蔔芋頭超冧超入味。 等都值得。 入面有齊傳統盆菜有嘅嘢，上圖係8-10人份量，因為好足料，超飽的，超建議配可樂之類唔太健康嘅飲品，因為超夾。整體嚟講，呢間係我食過嘅外賣盆菜最好食果間。

一年一度的盆菜夜，今盆$1038有鮑魚吃。數數餸料有12隻原隻蠔皇吉品鮑魚、玫瑰白切雞、明爐燒肥鴨、家鄉炆豬肉、油爆海虎蝦、魚蛋、紅炆大花菇、爽口魷魚、炆枝竹、醬油爆豬皮、南乳燴蓮藕、酥炸芋頭、白蘿蔔。可惜是今盆確是煮得比往盆差，鮑魚、白切雞、燒鴨、虎蝦、花菇都已經是煮得味道與質感正常，再下層的豬皮、蓮藕、魚蛋等等低調食物，根本是沒有炆腍兼未入味、入口是淡茂茂，最期待的家鄉炆豬肉卻炆得未夠鬆化，豬肥膏仍然吃到讓人膩……看來是店家太旺，為應付新年所以未能把所有食材妥善地烹煮一番。

其實真係未試過食傳統盆菜，頂龍試過大XX果類快餐店。趁住新年就同同事叫盆菜外賣，當日大概12點到送到嚟，慢慢熱住佢到一點食lunch。姐姐好細心用錫紙包住，又有張memo提醒我地食嘅次序、食法咁。一夠鐘開出嚟，香到爆，一開始食咗啲貴野雞呀、燒鴨、大蝦、冬菇，樣樣都勁入味，食材都係靚料。雖然一大盆上，但味道都調教十足啱啱好，既唔會太咸太味精，又入味。食到底連平食材都好入味，尤其是羅白同魚蛋，加個私伙公仔麵或者烏冬勁滿足！

話說新年過年時，公司條team開開心心咁，想食個盆菜，但我地又唔知邊間好食，唯有上網搵下萬能嘅GOOGLE啦，GOOGLE哥哥話俾我知，四季盆菜好似幾正，於是就即刻叫個平平地嘅富貴榮華家鄉盆黎試下，佢服務態度好好，我打電話BOOK兩日後，佢每日都會打黎再確認多次時間地點，之後佢用van仔送黎，不過司機態度就差啲，而且要自己落去拎。一送到過黎好似幾細個咁，但係拎落幾重手，一打開都幾唔錯。如圖：拿拿林拎個電子爐煲番熱佢，幾乎樣樣都好食，蠔同鮑片都算多，其他雞，冬菇果啲正正常常，不過佢個汁幾惹味，加咗好多分，最令人出乎意料之外係佢啲豬腩肉！勁勁勁好食！入口即溶又唔肥膩，勁快就俾同事們清哂，最後自己加多個烏冬落去撈汁，一流！總分：90/100

預祝大S生日兼且姑仔有朋友帶兩位可愛的小女兒回港渡假, 大舉人在奶奶的家裏吃盤菜及生日蛋糕。預早兩天訂了一個中盤, 叫做金玉滿堂節日盤 , 價錢 $1188, 足足夠11人的份量。因為當晚紅隧塞車, 所以比預期時間遲了半小時送到居所樓下(但又沒有在塞車期間致電通知, 要我打電話到食店查問, 再等店員覆回我有關情況。)  幸好, 是我與丈夫一起在樓下等盤菜, 因為店方只是用厚膠袋把盤菜盛著(有塑膠蓋覆蓋盤菜, 放心), 沒有紙盒幫忙, 只靠厚膠袋上的結作手挽是很危險的, 唯有分工每人捧住行一段路直至回家 (盤菜還是熱、要快又要顧平衡, 全部人的晚餐就在我們手上, 要知道它的重量都有六、七磅, 捧著它的手臂會很酸)回到家後再為盤菜稍稍加熱便可以吃, 料真是很足, 有鮑魚片、油爆海虎蝦、貴妃雞(比較鹹, 但肉厚而爽)、燒鴨(有鴨臊味, 鴨皮還有點脆, 一扯之下有肥美脂肪伴著, 鴨肉厚身而不柴)、蠔豉、鮑汁鴨掌、花菇(厚肉滑身、炆得入味)、家鄉炆豬肉(未夠腍身, 入口還覺有油脂味)、大魚蛋(孩子至愛, 有魚味但不腥)、醬油爆豬皮(半腍半爽口, 入味)、大魷魚(好韌)、腐竹(入味非常的鮮腐竹,

每年新年都訂盆菜回家吃﹐ 試過大X樂﹐ 美X﹐洪X, 南X。 不是太鹹就是份量不夠﹐ 食快餐一樣﹐ 無風味。 朋友介紹下試了這間四季盆菜﹐ 開頭都驚話會遲送。試下啦﹗他們說 5-7pm到來﹐ 6pm 就到我何文田家。 ok bor. . 拿上手都幾重﹐ 應足料吧﹗ 加熱15分鐘﹐ 有香氣飄出後打看錫紙﹐ ok wor!, 好滿﹐ d 蝦幾大隻﹐ 我個是大盆﹐ 約有20隻﹐ 雞都應該有1隻﹐ 其他都ok多當然每樣食物都食下, ok bor. 不太鹹﹐ 雞好滑, 腩肉魚蛋豬皮都入味﹐ 尤魚都幾爽。 腩肉有肥膏﹐ 啱阿媽口味。 食完不太口渴。我們10個人都吃不晒。 整體10人都滿意。 ok 值得介紹﹗

母親大人要提早團年, 大家唔想佢煮到一頭煙, 提議叫個盆菜.上openrice搜尋, 口碑最好的幾間位於元朗, 山長水遠, 又冇車, 頭痕結果聽阿妹介紹, 話以前食過呢間四季盆菜味道唔錯, 最好係有得送貨.打去問, 服務態度良好, 總人數是八個, 都唔係好擦得, 佢推介個細盆$488, 要鮑片鵝掌蠔鼓就加$200.長沙灣區送貨係5-7點, 毋須落訂. 一切好似好順利咁, 到了團年當日, 3點幾, 有個女職員打嚟, 話個盆菜要7點3至到.預感會出事......預感會出事......預感會出事......預感會出事......結果大家都估到, 等到7點3, 開始打去催, 佢話叫司機覆, 覆鬼覆馬咩, 結果遲成一粒鐘.我都知, 就嚟過年, 生意好忙, 樣樣都貴, 要節省成本, 慳住慳住, 係都唔租多部車, 話知個客等到頸都長, 寧願俾人鬧..........其實租多部車, 除勻一個客幾多錢啫 因小失大, 都唔知佢係精定笨?講返個盆菜, 雖則是4-6人, 咁我地6大2小當然係食唔哂啦. 內容方面, 正如佢外賣紙所的, 有蘿蔔(最多),枝竹(好味),豬皮(好味),花菇魷魚(唔錯,)腩肉(好硬)