四季甜品-外賣王

Open Now

Now Closed

元朗四季甜品新開張老闆很熱情用力推介甜品糖水更說不好吃不收錢就支持一下看一看價錢牌偏向小貴但寫著出自酒店甜品師傅應該有保證叫了三個招牌甜品和小食芒果小丸子+芒果雪糕芒果肉不太新鮮雪糕融得很快而且很小一碗很空洞很單調的一碗甜品索價$42很不值藍莓香蕉班戟真的是即製的班戟皮是仍暖的但皮太厚賣相很一般忌廉多生果少最好吃反而是這個避風塘炒腸粉甜品店好吃的竟然不是甜品而是小食不過有點太辣魚蛋是比較硬的迷你肉丸不太喜歡總括而已甜品賣相和味道仍有很大的改善空間看得出老闆是有一顆熱心的但要有美食才能留得住食客吧而甜品是出自哪家酒店師傅真的不得而知加油吧

前兩天遠赴去到元朗, lunch hour 係附近覓食, 見到店試業中, 好似開咗無耐我哋食咗多汁又好好味黑松露意粉, 廚師有額外就我哋口味, 同我地有講有笑, 最後見我哋係學生俾埋飲品同埋生果, 真係好有人情味啊!!睇好呢間店越做越旺

店舖聲稱「有強勁車隊，甜品可極速送到府上」，而且「不設最低消費，一碗都送」，因此吸引我光顧了。的而且確，店舖剛開張時回覆快、送貨快、食物好，惟最近兩、三次落單，不是漏單就遲大到，最離譜一次是差不多4小時才把外賣送到，食物更加沒有剛開張時好吃，榴槤非常非常的生。我欣賞店主開店時滿腔熱誠為全元朗區的街坊提供外送服務，惟一路經營下去，實在有愈做愈差的感覺，令人非常失望。

甜品做得好慢。 好求其。外賣好慢。比我見到個芝麻糊係用微波爐叮熱-直接膠兜叮熱，就唔想食。一D都唔新鮮，一定唔係即磨，而係用粉開。 返到屋企就即刻倒了。不會再幫襯。

未食晚飯行過雞地，見到呢間新開嘅鋪頭，店員不停叫我地試下，雖然主要係食甜品，但店員話有意粉食，就坐底試一試因為未食晚上嗰餐，即刻叫咗個黑松露鴨胸炒意粉，店員話即叫即炒。一上枱有就聞到黑松露嘅香味，意粉唔係平時食開嘅長意粉或者通粉，個形狀比較特別。個汁食落好甜，唔係平時忌廉汁或者卡邦尼汁，鴨胸好咸，而且食唔到黑松露味，唔值得一試另外叫咗個雪糕窩夫，一開始係叫芒果窩夫，落左單之後店員先話一係要芒果一係要雪糕，最後決定左要雪糕（雲呢拿同曲奇味）。窩夫外脆內軟，上面重有d煉奶，食落口甜甜地，味道唔錯，可以一試最後就係墨魚丸同魚蛋，諗住呢d小食會好快有得食，點知最後先有得食。墨魚丸幾好，食落比較實唔會鬆散，好香墨魚味，魚蛋係like咗佢地facebook送嘅，細細粒好彈口。個辣醬係泰式嘅冬陰功味，呢個有驚喜

返工收得夜，十一點幾十二點附近已經冇咩嘢好食，多數都係買嘅老麥就算，有次咁啱住yoho，平時又係係雞地搵開食嘅朋友係介紹話好食，我唔信，今日收左工特登單飛過去試下。本身鍾意食榴蓮，於是試下叫左碗榴柑歲月，碗糖水黎到賣相唔差之餘，味道又ok wor，而且真係實在比我想像中足料，啖啖榴蓮肉，本身打算都試下其他嘢，但係一碗就已經ko左我🤣，睇黎都要留翻下次🤦🏻‍♂️今次真係無緣佢地個獨家嘅即叫即焗榴槤拿破崙🤤

住咗雞地咁耐，平時好少會食甜品原因附近嘅甜品糖水舖真係好一般連鎖嘅木公記😖同小店金xx堂都唔啱我口味但最近開咗間四季甜品大大隻字寫住酒店主廚仲要送外賣喎，膽粗粗試吓佢星期六晚上點餐，15分鐘就送到門口真係好適合我依啲咁宅咁人（說穿了就是懶😅）點了榴槤拿破崙 同埋 無間地獄拿破崙不同於平時，佢地係酥皮面中間夾果舊厚厚嘅榴槤肉榴槤夠香夠新鮮店主夠良心，榴槤肉大大舊完全唔吝嗇👍🏻之後嘅無間地獄說穿了就係涼粉蒟蒻西迷露加雪糕😅但佢個雪糕入面有啲好似果仁嘅東西食落都好香口依間糖水舖絕對會回頭

今日男朋友既朋友話帶我哋去試新嘢，話比一糖仲要好食，我哋當然要來睇下究竟，聽佢講前名叫 "明朝人氣甜品店" 依家改頭換面重新開舖，原因就唔去追問了。 門口睇到芒果及榴槤拿破侖賣相好吸引，仲係酒店級師傅主理，我就決定先試最愛既榴槤拿破侖先，男朋友完全唔鍾意榴槤，佢㨂咗富貴黃金屋，佢朋友同我一樣係榴槤發燒友，我哋簡直惺惺相惜、臭味相投。富貴黃金屋，我試咗幾啖，超濃既芒果味，唔算太甜。朋友食榴柑歲月，佢話榴槤有點而少，我睇都唔算啦，靚榴槤都好貴架！終於輪到我既榴槤拿破侖出場，點解同張相有咁大出入，不過兩件都幾大件，我都唔知從何入口，先試佢既酥皮，真係好鬆化，榴槤餡都唔少，甘香可口，只是食得有點呢hea，總結都好好味，款式各方面都好多選擇，環境方面有點欠佳，坐街，好彩尋晚好大風好舒服。

而家先5月，已經熱到唔想落街，但一到夜晚就會口痕想食碗糖水，見到打住元朗「一碗都送」嘅旗號，咪try try lo!叫左碗我至愛嘅芝麻糊，見佢有得加杏仁豆腐，又加黎試試。可能我住得近，送貨都算快手，$36黎計就唔算平，但係都正常size唔會好細碗嘅。味道方面呢，芝麻糊都夠滑，同幾香，反而個杏仁豆腐如果唔係一早知佢係杏仁豆腐的話，真係食唔出，冇咩杏仁味，但當係奶凍嘅口質都唔錯嘅。如果特登去食嘅，就未必值，但如果你同我一樣懶懶地又口痕，真係唔錯嘅！

第一次食評奉獻左比呢一間新開張既外賣甜品店係雞地長大睇住呢度一間又一間小店既開張、興旺又感嘆一間又一間小店既衰落、結業最近見到間四季甜品新張開門面大大隻字 以「酒店師傅主理」為招徠店面細細 但客都幾多店員對客人好殷勤感覺到佢地既熱誠*白雪芒撈黑糯米* $45非常非常足料! 💯好多芒果粒同椰果粒芒果冰甜度、黑糯米軟硬度適中誠實之作唯一詬病既餐牌寫住既*椰子冰* 完全無左影?!估計係客人太多 廚房太忙 一時落漏左?!白雪芒撈黑糯米 變左 芒撈黑糯米?!不過整體黎講都係好味既👍🏻*陳皮魚蛋* $10/10粒即叫即滾辣醬味道可希望呢間小店會做得住😆咁以後落街食糖水 除左松記又多一個選擇喇❤️

雞地有好多不同既餐廳、唯獨沒有甜品店...但近期終於開在間外賣甜品王...晚上仲想食甜品就唔洗行到咁遠啦....鮮雜果楊枝甘露：有很多時令生果，絕非得4-5件...有西瓜、哈蜜瓜、青提、菠蘿、蓮霧仲有芒果...而楊枝金露足料、唔會太甜....亦都唔會好稀...芒果拿破崙係呢度主打(酒店師傅主理）.....咁我地當然要試下啦...外層有脆脆嘅酥皮，又有厚厚既吉士醬...仲有大大塊芒果...真係冇得輸..！今次既食後感...真心覺得唔錯、一定會再有下次...！