四寶食堂 (兆安廣場)

Open Now

Now Closed

見好多好評，所以特登前黎試早餐環境光猛 多位坐同睇落新淨一坐低就同個女侍應點餐：我指住餐牌講想要沙嗲牛米點知呢個女侍應（金頭髮、戴橙色錶、粗框眼鏡、心口有銀色長形吊嘴）好惡咁話「睇唔到喎」我無發火，即時口講一次沙嗲牛肉米炒蛋熱奶茶佢又抄唔晒，再問飲咩當然我唔會發脾氣，因為唔需要，只有透過openrice表達我的不滿香港點解咁少客？咪就係因為呢啲員工囉lesson learnt: 睇好評之餘，更重要係睇負評先

之前食過呢度嘅晚餐，覺得內容好豐富抵食。今日起身晏左，所以試吓呢度嘅下午茶。二人下午茶$108咋，包括左芝士肉醬意粉，照燒雞扒咖哩飯同西多士。芝士肉醬意粉：拉絲的芝士在口中融化，與濃鬱的肉醬完美融合，醬汁中混合著的細碎牛肉和香料，讓人一口接一口；照燒雞扒咖哩飯：照燒雞扒外皮烤得恰到好處，鮮嫩多汁，淋上的照燒醬香甜與咖哩的厚重形成對比，使整個口感層次分明；雪山西多士：金黃酥脆的吐司裡夾了滿滿的花生醬，吐司邊緣的輕微焦香與黃油和糖漿交織在一起，一口下去，好美味；另外朋友叫咗個熱狗餐$32，可以加$15配個蔥油撈公仔，超級抵食。熱狗：香腸內裡肉質緊實多汁，與軟糯的麵包搭配，口感豐富；蔥油撈公仔：細膩的麵條在濃鬱的蔥油中滑動，微微的辣味和蔥油的醇厚完美融合。

今日約左朋友一齊去上堂, 上堂前是但搵間餐廳食飯啦. 求其食就揀左呢間四寶食堂, 都係一般茶餐廳. 但感覺上又比一般茶餐廳高級少少. 食店既座位之間都唔算係好迫, 起碼唔會同隔離枱痴得好埋. 佢既食品都比出面既茶餐廳係高級D既. 我地揀左燒春雞同埋封門柳. 初頭我以為個燒春雞係得半隻, 點知黎到既時候係成隻. 再可以任配兩個SIDE DISH, 我就揀左炒磨菇同西蘭花. 我係好鍾意食雞既人, 同一般人一樣, 唔鍾意食雞胸, 因為覺得好鞋; 而燒雞梗加係容易整到好乾身, 好鞋, 但係呢度既燒春雞令我有驚喜!!! 佢既雞胸竟然唔算好鞋, 完全係可以接受, 我可以食晒! 雞胸都唔鞋, 雞脾梗加唔洗講, 一定會滑啦!!!唔錯!!評分：👍🏻👍🏻👍🏻👍🏻/5而另外封門柳, 我地叫左3成熟, 上碟既時候雖然冇3成, 但係唔會去到7成或全熟. 因為好多時候茶餐廳食牛都係HEA 你! 上碟既時候已係一細舊, 方便容易食! 食落口時, 食唔出有梳打粉, 食唔出啲牛有 “嗱”過既味道, 食得出有牛味, 質地唔會好UN, 但又有少少咬口, 冇諗過係呢啲地方食得到呢種牛!!!評分：👍🏻👍🏻👍🏻/5 不過如果兩碟

四寶食堂地址: 銅鑼灣謝斐道482號兆安廣場地下1-3號舖4月好多紅日，留港消費，幫襯cp值高的餐廳。出名滑蛋叉燒同蔥油豬扒，看看menu 好似轉左。 $78 xo醬滑蛋蝦球飯，炒蛋呢度是必食，xo醬辣辣地超香，蝦都多大大隻食落彈牙$88 香煎加拿大豬柳拼雞扒，伴2個side 田園沙律同炒什菌。比了兩大塊雞扒同一塊豬柳，女朋友分了一塊雞比我，好大份堅有心。$15 菠蘿油，是跟餐加，當甜品。香脆像曲奇的皮，鬆軟麵包咬到中間是牛油，這美妙如身置天堂。留港支持消費。#四寶食堂 #香港美食 #香港茶餐廳 #香港茶記 #香港探店 #港式餐廳 #香港必食餐廳 #銅鑼灣美食

假期來到銅鑼灣行街，選擇了這間平民茶餐廳四寶食堂，很抵食，餐廳環境很舒服，牆上有一大片花海和裝飾。套餐的伴菜也很豐富，可以任選兩款，有牛油粟米，田園沙津，原個燒蒜，炸薯條，炒什菌，香烤蘭花苔，德國薯仔沙律。蘭花苔很特別有很多花，口感似芥蘭。❇️板燒美國頂級風門牛柳套餐$1887成熟的牛肉質鮮嫩多汁，口感細膩，濃郁的牛肉味❇️勃根地紅酒野菜燴羊膝套餐$148濃郁的羊肉味，羊肉一點也不騷，份量很大❇️香煎加拿大豬柳拼板燒紐約雞扒套餐$88份量很大，同時食到兩種口味❇️鳳梨百香果冷高山烏龍、蘆薈西柚梳打濃郁的烏龍味，很多鳳梨粒，很多蘆薈粒

放工同屋企人經過e間餐廳，覺得d套餐都幾抵食😍所以就去試下😋餐廳座位有d似茶餐廳格局🥰坐得都舒服🤩我地點左二人套餐，入面有餐湯，沙律，主菜同甜品，都幾抵食😍餐湯係白湯黎😋🌺我地點左香煎鴛鴦扒做主食😋入面有雞扒同豬扒👍🏻我地配左個經典卡邦尼意粉，佢個蛋汁加埋芝士一齊食😍好入味❤️🌺板燒美國頂級封門牛柳配左薯仔沙律牛油粟米，要左5成熟😋食落肉汁滿滿，口感嫩滑👍🏻🌸雪山西多士，西多士食即整嘅😍外脆入面係滿滿嘅花生醬🤤🌸 朱古力雪山，勁大杯😍d cream 帶奶香，朱古力🍫好香濃🥰

第一次寫食評，主要想比個like 四寶staff ，服務態度好（尤其戴眼鏡有個小肚腩嘅哥哥，好細心，謝謝你）帶住BB 幫襯，職員安排冷氣無咁凍嘅卡位，仲主動比支小匙羹🥄小朋友，好細心食物質素穩定，幾好食，值得Encore !

同朋友嚟咗呢間茶餐廳☕️🍴開餐🤣呢度有幾款 Dinner Set，Dinner Set 「晚市套餐」係「是日餐湯」+「伴菜二款」+「主食一款」+「飲品一杯」🤣$148「紐西蘭頂級草飼西冷牛扒🥩原個蒜頭🧄+香烤蘭花苔」：叫咗7成熟，西冷牛扒🐂🥩肉質幾軟熟；呢度仲有 Broccolini，將 Broccolini 翻譯成為「蘭花苔」，又學到嘢🤣；呢度嘅 Broccolini 爽脆又鮮甜，好好味👍$88「香煎加拿大🇨🇦豬柳拼板燒紐約🇺🇸雞扒 香烤蘭花苔+田園沙律🥗」：Broccolini 都係 爽脆又鮮甜😋跟餐加 $8「鳳梨百香果冷高山烏龍」同埋都係加 $8「蘆薈西柚梳打」：兩杯都叫咗少甜，清新幾好飲😋$48「西多士」：西多士🥪熱辣辣脆脆哋👍，牛油放喺西多士上邊糖漿放喺側邊，可以自己控制油度同甜度，非常好👍

今日兩點才和同事食飯。四寶食堂的下午茶已經開始。它的下午茶選擇多，又抵食，份量剛好。如果加$15加配其它，選擇更多。例如意粉、咖哩飯、菠蘿油、辛辣麵、薯蓉、沙律等。午餐則供應到兩點半。（下午茶餐）🏅百里香燒春雞半隻伴美式炸薯條（$52）🏅美式BBQ醬燒豬肋骨伴美式炸薯條（$52）追加：🏅黑椒蘑菇薯蓉（+$15）🏅田園沙律（+$15）（午餐）🏅澳門葡汁椰香龍脷魚意粉（$78）（飲品）🏅雪山紅豆冰（+$8）🏅朱古力雪山（+$8）🏅熱奶茶（+$0）燒雞皮脆肉嫩，還有肉汁。雖是半隻，但啖啖肉。燒豬肋骨有3條骨，肉厚而嫩。薯蓉幼滑。沙律清爽。龍脷魚柳有兩大片，煎得好靚。雪山紅豆冰和朱古力雪山都好飲，跟餐加8元好抵。紅豆香甜夠腍。朱古力夠料，飲到尾都仍然香濃。

這間四寶食堂是間新派茶餐廳，用上Tiffany Blue 做主色，比較有格調。今日係公眾假期，二點都有下午茶提供，價錢更優惠。食物款式比一般茶記來得高級，下午茶都有牛扒，燒春雞，燒豬肋骨等供應。一份美式BBQ醬燒豬肋骨配炸薯條都只是$52, 燒豬肋骨一排四件，下午茶份量剛好，醃得入味，醬汁惹味，質素可媲美西餐廳，薯條都炸得香脆，讚。蔥油撈公仔麵是餐廳的主打，當然要一試。這個大阪黑蒜蔥油撈公仔麵配自家制吉列豚肉眼只是$48, 黑蒜蔥油好香，又不會太油，跟撈麵十分恰配。吉列豚肉眼雖然比較薄身，但有手掌般大，而且肉質不會太乾。跟餐加$8 就可以轉特飲。加$15再可追加一客小食，黑椒蘑菇薯蓉跟KXC的薯蓉味道相似，好滑身，好味而抵食。

今日同朋友係銅鑼灣行街，行到有啲肚餓，見到有個二人下午茶，比較少見，而且睇落都多野食，價錢亦實惠，一於試一試。二人下午茶（$108）芝士肉醬意粉粒粒肉醬配上芝士粉，意粉都算爽口彈牙，無俾醬汁影響口感，肉醬調味算唔錯，剛剛好唔會太油膩。北海道照燒雞扒咖哩飯北海道照燒雞扒值得一讚，鮮嫩多汁，大大塊雞皮相當邪惡，咖哩偏向日式咖哩，配菜有新鮮沙拉。雪山西多士花生醬西多士表面再添上朱古力醬同忌廉，西多士上碟熱辣辣，似即叫即炸，有一定厚度，口感鬆軟，加上層層多士食落有層次感，相當有滿足感。飲品兩杯熱檸水凍奶茶（+$3）

銅鑼灣美食多，今天到了人氣旺的四寶食堂吃晚餐。墻上有一大片靚花，好適合打卡，燈飾也不錯。紐西蘭西冷牛扒炒什菌每一口都能品尝到牛肉的鲜美和独特的风味，吃到停不下！牛扒优质的肉质和口感令我留下深刻的印象！黑松露煙肉什菌忌廉意大利粉煙肉的肉质紧实而鲜嫩，入口时散发出诱人的香气什菌质地鲜嫩，多汁鲜美。它们的独特风味与意大利面的口感相互融合，使整道菜更加丰富多样！朱古力雪山柔软的奶油在杯頂好似一座雪白山峰，覆盖着一层细腻的朱古力碎屑，杯中是濃郁的朱古力飲品！奶油口感绵密柔软，奶油的香甜和朱古力的微苦在口中交织，给人一种浓郁而平衡的味道！

週末都想平平哋食個下午茶呢間連鎖飯堂竟然星期六日兩點至六點都有特價下午茶餐今日就試佢放喺第一列😎最promote嘅2人下午茶set $108真係晏晝唔使食 黎食都食到飽一飽份量充足既Tea～😋😋😋行過 想醫肚 要試吓🧐🌁雪山西多士😈邪惡野 中間花生🥜醬 做到外脆內軟🐥照燒雞扒北海道咖喱飯雞扒大大塊夠兩個人食日式咖喱味道可以😌🧀芝士肉醬意粉🍝份量係多嘅 肉醬嘅味道可以再多肉啲 同 加味飲品兩杯凍飲都淨係加$3

今日黎到銅鑼灣想食茶餐廳當然係去我既首選，四寶食堂黑蒜香油葱叉燒滑蛋飯叉燒肉質鮮嫩多汁，融合了黑蒜和香油的獨特風味。滑蛋的口感滑嫩，與香氣四溢的飯粒完美結合。每一口都能品味到叉燒的鮮香和滑蛋的濃郁。這道菜的味道豐富而濃郁，為西式餐廳增添了一絲東方風味香草白酒魚柳配蕃茄沙沙魚柳肉質鮮嫩，搭配香草和白酒的香氣更加迷人。蕃茄沙沙的酸甜與香草白酒的風味完美融合，給菜式帶來豐富的口感。每一口都能感受到魚柳的鮮美和蕃茄醬的清新。這道菜的味道鮮美又清爽，令人回味無窮板燒美國頂級封門柳封門柳的肉質柔軟，每一口都帶來濃郁的牛肉風味。經過板燒的烹調，肉質更加嫩滑，口感豐富。這道菜的味道濃郁而醇厚，給人一種滿足感煙三文魚卡邦尼意粉這道煙三文魚卡邦尼意粉帶給我一份海洋風味的享受。三文魚肉質鮮嫩，經過煙燻後帶來獨特的風味。卡邦尼醬的奶油和帕馬森乳酪的香味搭配得恰到好處，增添了意粉的豐富口感。每一口都能品味到三文魚的鮮美和卡邦尼意粉的濃郁。這道菜的味道美妙而令人陶醉

銅鑼灣出名多冰室，今日黎四寶食堂食下午茶又幾抵喎，下午茶時間仲要排隊入座♥ 牛肉丼 $52見至呢度有個牛肉丼睇落好吸引，飯面比滿滿既牛肉鋪滿，中間仲有半熟蛋，整穿佢蛋汁流落嚟撈埋米飯一齊食夠晒入味，牛肉味亦濃♥ 卡邦尼意粉 $52呢到既卡邦尼意粉🍝醬汁較稀身，但係夠濃味。忌廉汁伴隨蘑菇同火腿，意粉軟硬度岩岩好，掛起醬汁食份外滋味*下午茶餐都有跟餐飲♥ 菠蘿油 +$15下午茶餐追加菠蘿油只係$15咋，雖然激邪惡，但係都係要食返一個！菠蘿包夾住厚厚一塊牛油🤤