四川辣妹子

Open Now

Now Closed

嗰日收工，就同幾個朋友去試呢間雞煲/火鍋店。價錢非常抵，埋單每人只係大概$300度，而且老闆服務非常好， 十分友善。食物質素方面，啲小食非常之好食，而且係無限量任添食，我自己就最鍾意佢啲炸雞翼，而朋友就好鍾意食佢嗰個魚皮；不過，為免浪費，我哋都冇係咁叫小食😝主菜雞煲好香，好大煲，而蒜香蒸海鮮亦都好好食，有鮑魚、帶子、同埋蝦，食物非常新鮮，而且好大碟。去到之後，食完雞煲，就會轉做火鍋，為免浪費，我哋都係叫咗幾樣傳統嘅牛肉、生菜以及芋絲及粉絲等等，本身個湯底係有少少辣，所以非常惹味。而且，重點係呢度有KTV，大家食食吓飲吓嘢，都可以去唱返幾首輕鬆吓😆

呢度嘅雞煲~係我喺香港食過嘅雞煲最好食嘅一間，我地6個人有1個唔食辣，就叫左一個奇味雞煲同酸菜魚煲，雞煲一陣已經清哂，雞肉嫩滑香味撲鼻， 食完一嚿想再食第二嚿，非常惹味。另外，酸菜魚煲都好味道，魚冇骨， 酸度適中，湯好飲。仲有蒸或炒海鮮，火鍋任食，加上特色小食，同埋免費無酒精飲品，呢個價錢簡直係~"超值"又"好食"。服務態度值得一讚，親切有禮，開心氣氛，使到客人輕鬆自如。下次會再帶朋友黎試下包房唱K，讚！！！

少有嘅無限時火鍋雞煲，首先食物選擇多，連平時少有嘅佢都有，仲要係任食，20:00後可以唱歌，唔好話邊爐，淨食小食都食飽你，叫左魚皮，鯪魚球，皮蛋，皮蛋係黃金流心皮蛋🤩唔係隨便比個街邊皮蛋你，鯪魚球叫左2轉，即食又好食，海鮮人頭計，唔好以為唔夠食，其實咁多配料又小食，仲有甜品，點會食唔飽先，任食估唔到有牛黃爽，平時出面要單點先有，17:00可以食到23:00，只收你298再加一，你仲想點🥹想自私自己友唱歌傾計，包房低消都只係2500任食，抵啦

朋友介紹，帶我哋嚟食好嘢，話抵食又好味，果然無介紹錯。😋😋坐低先點了啤酒及幾碟小食.....鯪魚球、爽脆魚皮、單骨雞翼、炸雲吞、麻辣皮蛋等等，樣樣都野味😋，送啤酒一流。然後，主打鍋點了火焰海鮮雞鍋，很足料，每人有兩隻鮑魚，又有帶子、大蝦、蟶子......，配支白酒 - perfect👍🏻，跟手再加了十幾廿碟任食火鍋配料，靚牛肉、羊肉、牛白肉、脆鯇、魚標、鴨血、餃子、豆腐卜、蔬菜..........，更不斷任飲無酒精飲品，又食埋四川甜品 - 冰粉。老闆招呼很友善，同我哋有傾有講，適逢我哋前個月去成都旅行，老闆又同我哋傾吓成都美食，後來仲講埋重慶添。😄幾個朋友，飲吓食吓傾吓，就這樣食足3個幾鐘，任食套餐(不包酒精類飲品)唔使$300/位(其實仲可以有免費KTV玩)，超值！😬😬

沙坑爹腩鍋，呀唔係，沙爹坑腩鍋好食。之前食過呢度雞煲，胡椒豬肚煲，藥膳煲，烤魚，全部都好夠味，唔行貨。今次黎見到有新款煲好開心，次次黎都話上次個咩咩煲好食想再次，點知剛好次次遇到有新野。送埋海鮮。人頭計2鮑魚1凡立貝，仲有咩？太多，唔記得。反正都好食。300蚊內既無限時任食。無論個鍋本身定送既海鮮定小食都做得好好。火鍋配料既炸魚皮同炸枝竹係即炸，上到枱放隻手上去仲有熱氣。以前無任食，逐樣叫，比呢個質素好ok. 改左任食都仲係呢個質素，非常ok.ok到我唔明老闆點維本

已經好少喺香港可以食到咁好嘅四川火鍋， 尋晚同十個 舊朋友一齊去呢間餐廳食晚飯， 訂咗間房 可以唱埋卡拉ok，  星期六 $328任飲任食火鍋 無限時 還有卡拉ok ， 仲送海鮮拼盤，雖然唔包啤酒， 但啤酒唔貴所以我哋飲到醉曬 ，由七點玩到十二點幾 勁飲勁食勁唱，埋單每人 480， 我諗尖沙咀搵唔到咁好平靚正我哋揀咗兩個鍋， 一個係水煮魚 啲魚片好靚 新鮮冇骨 好好味， 我估係桂花鱸魚， 另一個係唔知咩雞湯 我飲咗兩碗湯， 食完兩個鍋就可以 加湯 任點 火鍋配料，火鍋配料又新鮮又靚， 比起其他餐廳任食配料靚好多送海鮮拼盤， 唔一定要做火鍋，廚房可以幫我哋蒸埋， 我哋揀咗廚房蒸， 海鮮新鮮 好快有得食冇酒精飲品任飲， 有好多都係識得嘅牌子， 仲有涼茶同梳打水 絕對唔係平嘢雖然啤酒唔係任飲但係好平， 有多款啤酒選擇， 啲啤酒牌子都唔錯， 仲買六送一，$18/支，$114/7支， 所以可以飲死好多款四川小食， 人未齊可以先叫小食， 鯪魚球好食我哋每人都食左兩粒， 仲有炸雞軟骨一路飲酒 一路咬， 朋友話雞翼好食但我食好方便， 夜晚十二點幾，食完飯一行出門口就有好多的士呢個價錢成班朋友玩一晚 真

我同d同事好日都唔食飯，今次一食飯就出晒事。開頭d小食其實幾正常，特別個單骨雞翼真係ok! 所以我全晚都係食雞翼食飽的。不過炸鯪魚球酸嘅！炸饅頭酸嘅！算啦，咁岩唧。到上爐啦，一字排開3個爐，好有氣勢架。有牛腩，有雞煲仲有醉雞。好似都穩陣嘅，剩係指個煲入面d野，不過之後d火鍋料到左，戲肉黎啦ok，芋絲帶有酸餿味，芝士腸又係餿，可能天氣熱又或者雪櫃唔夠位啦，d野有一半都係酸酸餿餿咁。全晚最爆嘅係個蒸海鮮我地多人，所以有三盤。不過呢三盤海鮮我差d想打去搵東張，d帶子係臭架，臭架！變壞左好耐似擺左兩個月咁！聞都聞到唔駛擺入口！ 我唔信邪，試吓咬一下，嘩！ 唔駛講大家都知道我會講邊4個字啦！ d蜆都係一樣臭左。算啦，海鮮唧，咁試下伴碟個粟米，喂！醃過架喎，蒸粟米可以蒸到酸嘅都為止出神入化！咁同職員講啦，三盤海鮮都臭嘅，個職員自已聞完都無野好講！ 佢居然補返一盤俾我地👍🏻 好彩咋，係一盤，大佬佢補個盤都係一樣又酸又臭。我投降！最後大家叫左人頭出前一丁加埋單骨雞翼。埋單成為$420一位👏🏻 俾四舊水食公仔麵同雞翼其實算啦，係最大問題呢間野好似唔覺得d食物變壞左係一個問題，完全無誠意處理，酸同臭，真係

卡拉OK房加+火鍋+超級好服務好開心渡過一個豐盛嘅晚上， 抵過北上有5個Stage, 食第一個Stage都差點飽左， 火鍋好足料， 好味！ 二百幾蚊任食， 仲可以幾十蚊就可以坐房！ 超正，唱K加火鍋， 配料都好多。酒水都好平!!!!老闆好好傾， 安排好貼心， 會為客的喜好提供見意， 亦唔怕我哋問長問短😅。房間卡拉ok好多歌， 絕對唔輸比大型連鎖店， 可以一個價錢， 又食又唱， 十分讚！ 仲要又食又唱到1點，所以勝價比超晒班， 在香港仲有呢啲地方，正！

經朋友大力推介，我第一次去食嘅［四川辣妹子］，真係好有驚喜呀，估唔到任吃小食嘅水準相當高，有黃金皮蛋，辣爽魚皮，香辣牛展，炸雞翼等，到主菜，足料花膠雞湯煲，惹味中辣羊腩煲，跟住到辣炒海鮮，清蒸海鮮，靚火鍋配料，牛肩胛，牛胸爽，鴨血，最後食清涼冰粉甜品……好好食，大滿足😍🥰今次包房環境舒服，，有獨立廁所，又可以聽歌同唱K, 非常適合gatherings ，可以好舒適慢慢食，一定有下次👍😍🥰😋

首次光顧，老闆招呼到位，介紹很詳細，讚！環境乾淨，座位夠寬敞，預早訂位可選VIP房。十多款飲品（重點有疏打水），十多款前菜小食，份量大，先不要太貪心，太多怕主菜吃不下呢。選了重慶雞煲(香辣、小辣)，吃不到辣的也可試試。二段選個蒸海鮮，也很野味，份量很足夠(已經很飽肚)。之後再追加了火鍋食材，食材新鮮、多樣化，不會雪到冰著，特別點了鮮魚標，很少火煱店有得點，爽口好食！位於尖沙咀山林道，交通方便，價錢合理！推介

前幾年在他們深水埗店吃過飯，但這幾年因為疫情，所以比較少外出吃飯。知道他們搬到佐敦/尖沙咀區，就來試試。老闆熱情推介烤魚，所以就決定下次再試酸菜魚，今次點了他們的烤沙巴龍躉（ 香辣 x 小辣）。有點遺憾是魔鬼魚鰭沒貨，但整條的沙巴龍躉也很好味 。 （我之前沒吃過... 昨晚第一次吃... ）他們的烤魚像辣雞煲，就是烤完再煮，一鍋上。吃完可以自己加火鍋料。我喜歡吃辣但不可以吃大辣，小辣剛好。吃完還另外加了一份羊肉片，兩個人吃剛好。另外點了炒萵筍片，也很不錯。昨天晚上只有我和老公撐枱腳，所以點得不多。希望下次可以再來試其他菜 。

新舖地點方便，座位充足，食物仍舊保持水準。屋企人喜歡食麻辣，最愛食佢地嘅烤魚，個人較喜歡食魚類鮫，如果平時少食辣，強烈建議先試微辣，真係好好食，頭都。出晒汗。老闆耀哥好細心，如果當日著得靚靚嘅女士，可以問佢地攞一次性圍巾，以免啲汁彈到成件衫都係，萬一真係唔小心整污糟咗，老闆竟然有清楚筆提供。此外，牛胸爽、羊、肥牛都好好食，小菜個人較喜歡麻辣豬耳。環境、食物質素同環境都好好，順帶一提，啲食具，洗手間都好新好干淨，連牙籤都同其他餐廳唔同，較為硬身唔會一用就斷，會再試其他菜式。