四川風味 (Closed)

次次行過呢間四川小店都覺得好吸引！款式算多而且價錢又平，味道都唔錯！咁平又多野揀，次次都好貪心想試多d，麻辣野食極都唔厭調味料都有好多見到調味果時都係樣樣加d有好多涼拌揀，真係花多眼亂今次點左涼拌皮蛋，揀左bb辣所以只係少少麻辣，不過當中有一件皮蛋麻麻地新鮮涼拌海帶絲份量都幾多，好爽口，好飽肚，減肥食最岩仲有川北涼粉，好好味，酸酸辣辣，涼粉好易斷，夾果時唔可以太大力，好快就食晒仲有好多想食，下次行過都會再買

我自己本人真係超級鍾意食辣所以四川野真係啱我食，自從遇上呢間四川風味之後成日都心思思想食平時都係喺葵廣嗰間外賣店度買今次嚟到荃灣見到有分店又有得堂食一於坐低食返碗涼皮先———————————————————————🔸四川涼皮($25)+豆乾(+$8)通常食涼皮都係叫開中辣一定要多辣菜脯‼️‼️呢度嘅豆乾都好正喺出邊食唔到呢種酸辣真係好啱我口味越食越停唔到口———————————————————————四川風味 (荃灣)荃灣西樓角路202-216號荃昌中心昌寧商場1樓48&59號舖

又一個唔煮飯, 又冇得堂食既晚上。經過一連串荃豐商場返屋企, 行過四川風味又想食啦! 今次我叫左涼拌海帶絲, 仲留左第二日返公司當LUNCH。因為已經係熟客, 店員已經好記得我要D 咩。佢地態度親切, 一齊有講有笑。買完之後, 老公打黎話煮左餃子, 於是決定留返明天LUNCH 先食。雖然放左喺雪櫃一晚, 海帶絲依然爽脆, 冇淋晒。店員裝到滿滿一盒, 雖然LUNCH 只係食呢一盒海帶絲, 但係已經好夠飽。

忙碌嘅星期六, 連午飯都冇時間食。約咗家人買嘢, 好肚餓但又未到時間食晚飯, 喺呢D 尷尬時間, 買熱嘢返去食又會淋晒同凍晒, 於是就諗起去四川風味買嘢食。門口貼晒有咩嘢食, 實在太多嘢食啦, 每次都會有選擇困難症呀! 今次買咗川北涼粉同涼拌土豆絲。川北涼粉 - 第一次試川北涼粉, 都幾好食! 因為我好鍾意食海帶, 就加左$5, 不錯呀! 涼拌土豆絲 - 自從細個返過大陸食過土豆絲, 自始愛上。呢間嘅土豆絲好爽, 我本身叫咗BB 辣, 但係食落好辣, 唔係平日食開嘅辣度。但係以$20 嚟計, 份量都幾多, 性價比高! 

有時放工唔想煮, 又想輕食, 又或者經過都會去四川風味外賣返屋企食。呢間餐廳主打賣四川涼皮、粉皮、涼麵、涼拌野, 另外要熱食都有擔擔麵同酸辣粉。辣度由BB 辣到大辣, 又可以多醋! 總會調到岩口味。基本上, 如果唔特別大食, 一個涼皮 (唔加餸), $25 已經夠飽，價廉物美。川北涼粉 - 呢個係我最喜愛既食物涼粉係比交幼身, 好似河粉咁, 但係薄過河粉少少。呢個加左海帶絲, 只要加$5, 淋既涼粉加上爽口既海帶同青瓜, 仲有脆脆炸荷蘭豆 (只有中間粒豆) 店員溝既酸辣又剛剛好 (我要BB 辣同多醋)! 簡直令人垂涎欲滴! 手工涼皮 - 呢個手工涼皮比較大塊同個質地係比較厚身, 仲有麵筋, 我食左一次覺得唔太鍾意就冇再買了。基本上外賣絕對冇問題, 試過一次堂食覺得地方都幾污糟, 以後都係外賣好了。

我成日都好想食片皮鴨, 2丁友又食得幾多..又唔想只叫一隻鴨咁齋, 所以成日得個恨字......今日終於夢想成真喇餐牌好多選擇, 好多人都係食掠拌粉麵但貪心既我就鍾意叫幾款小食咁食飽雖然係堂食, 但唔知點解會比外賣盒醬汁小麻小辣好開胃, 惹味易入口雞份量多, 雞肉唔鞋口有勁多青瓜絲墊底, 清新爽脆期望好耐既片皮鴨, 雖然樣子唔吸引, 但片皮鴨應有既都有齊雖然每卷只有一條鴨肉, 但啖啖都咬得到青瓜絲同大蔥都響入面, 塞到滿一滿靈魂甜醬都份量剛好, 夠濕潤去平衡乾乾既外皮, 啖啖都食到淡淡甜甜地好奇下叫埋呢個鹵肉卷, 但翻焯指數唔高入面包住塊腩肉片, 但肉有D柴同埋入面都係有大量青瓜絲同大蔥但醬汁太小, 味道唔出之餘, 仲越食越口乾每次都太心急要食, 下次要影埋片皮鴨入面先雖然唔可以同酒樓片皮鴨比, 但$20又過到癮, 我已經好心足

四日前行行下經過聞到一陣酸味 突然發現自己好想食啲酸辣涼拌 即刻停低腳步 望下隔離間四川風味嘅menu 見到都有唔少選擇 除咗涼拌麵 涼皮等之外 連熱食酸辣粉都有 陣陣濃烈嘅酸氣真係令我當刻抵抗唔住 買咗一個外賣四川撈涼皮一碗涼皮$25蚊 好足料 食到我好飽 除左大量涼皮 仲有好多豆乾 加上秘製醬汁以及大量芫荽真係令我流晒口水呢碗涼皮色香十足 味道上都中等至中上水平 唯獨味道上略嫌過酸 酸得有點削胃 有點刺激 絕不適宜空肚嘅時候食 不過總體而言絕對合符經濟！

今日(6-6-2020 Sat)大雨,爸爸放假唔買餸煮飯,咁我o地買外賣食啦,我記得呢間,於是請老公喺呢喥幫我買涼粉皮,佢就用$30.00同$25.00買咗鴨胸同唔辣涼粉皮.涼粉皮係唔辣,口感同青瓜絲一樣爽,有少少酸味,成個都好正常.鴨胸係煙鴨胸,佢o地係撈咗辣油,但又好彩唔辣,老公話夾埋青瓜絲又唔錯.上次食評: https://www.openrice.com/zh/hongkong/r-%E5%9B%9B%E5%B7%9D%E9%A2%A8%E5%91%B3-%E8%8D%83%E7%81%A3-%E5%B7%9D%E8%8F%9C-%E5%9B%9B%E5%B7%9D-r622924/reviews

食完小辣都好辣後，又要食返啲唔太辣，中辣最多都只係人地小辣，但份量較多，亦較平，雖然都行得遠，但已係附近最近，今次食土豆絲比較淋，全部都辣咗啲，果然依啲嘢好睇心情。

Went here because it strangely served Peking Duck Rolls for HKD20.The prices were quite affordable so ended up having some chilled noodles for HKD25 and a drink which was only HKD50.The duck was a bit disappointing as the wrap was like the bing crepe pastry and the hoisin sauce was not strong enough.Basically Mr bing does it better.Next were the chilled noodles which are freshly tossed in the Sichuan sauces and seasoning.The spiciness was just right with a tad of msg and it wasn't too oily.Overa

四川嘢常俾人好辣嘅感覺，近幾年越開越多，證明港人越嚟越食得辣，但唔食得辣就永遠食唔到？又唔係，有舖頭越做越辣嘅同時，亦有舖頭越做越唔辣。到底越嚟越食得辣嘅人多，定做唔食得辣嘅市場聰明？依間舖以前去葵芳我一定去食，但至從荃灣開咗，都唔知幾耐無過去。一向都食小辣，始終立食成身汗都幾辛苦，荃灣之前已分享過，但無特別評論，第一次食已覺唔辣，叫過中辣，佢知你唔夠辣，過次又做到好辣，搞到我一段時間唔敢叫。直到依次，有位女士叫小辣，隔離男士即刻話要大辣先真，仲同女士講依間唔辣架！不經意間我看了他一段時間，直到被回望。真係唔辣？那我都試多次中辣！涼拌粉皮，青瓜、豆乾，再加上烤到乾脆嘅黃豆，同辣而滑溜嘅粉皮非常格，夠吸味！覺無肉可以加雞絲。粉皮同腸粉囗感其實好似，更似河粉？但河粉似乎更油，而腸粉就無幾間有梗滑，而調味感覺亦無梗邪惡。剛開始經常賣哂，之後大都食返涼麵，份量都差幾多，始終飽肚係主食嘅重點，亦唔建議太辣。涼拌土豆絲，即係薯仔絲，經常俾我當主食，都大盒，絲絲嘅薯仔加上辣汁，有口感之餘亦夠上味！但唔算吸味，中辣一開始唔覺，之後慢慢辣起，唔算太勁，保持口腔都有辣味，都食到，試過叫小辣同中辣之間佢都無

噚日 (27-4-2019 Sun)落荃灣整嘢,整完同老公食晏,由於唔餓,所以想食輕盈啲,老公又諗起呢間,是但吧.我哋去到,啱啱有客人走就有位.睇完menu後,我決定仍要$25.00嘅唔辣涼皮,加$12.00配雞腎.老公要$25.00嘅小辣嘅涼麵,加$8.00嘅豬耳同$15.00嘅豬肚.要多兩包$5.00嘅檸檬茶.好快,雞腎到嚟,咁多嘅?會唔會誤會我,俾咗$38.00嘅小食我?因為我見個老闆同另一個客人解釋唔係咁平.算啦,$38.00就$38.00啦.我落單時,都問問老闆呢個辣唔辣?佢答少少,唔係好辣.我戰戰兢兢下試,係唔辣,OK 嘅,而口感係爽.之後我嘅唔辣涼皮到嚟,涼皮依然咁爽滑,今次完全冇辣味,連麻都冇.而老公嘅小辣涼麵加豬耳豬肚呢,啲料就放晒上去,睇到豬耳同豬肚份量比雞腎少好多,我食吓先,一樣唔辣,爽口嘅.而小辣涼麵呢?唔太辣嘅,口感亦爽.然後老闆俾張單我,收$95.00嘅,我計計數,係啱,雞腎係收$12.00,但未俾兩包檸檬茶我哋,我哋就提佢俾,佢好似唔明咁,我話張單訐咗檸檬茶,佢攞返話計計先.計先話係喎,計咗兩包檸檬茶,唔要.我哋即答唔係唔要,係你未俾我哋.佢至明白,就攞俾

大前日 (22-4-2019 Mon)復活節最後一天假,老公晏晝落荃灣整嘢,整完返嚟時,喺喥買咗一碗嘢俾我食,佢話好食好滑嘅涼皮.打開睇,都有幾多料,青瓜絲,炸豌豆,芫荽等,食落有少少辣,但老公話已經係買唔辣,唔緊要啦,嗰種辣應該係本身都要有,食食吓重有麻嘅感覺,亦有少少酸味;涼皮都幾滑,青瓜絲爽,炸豌豆脆同味道幾濃,好味,呢碗涼皮幾啱喺夏天食.麻,好似永遠要同鄗一齊,今次食到麻而唔辣嘅嘢,唔食得辣嘅人都有口福喇.