四眼仔腸粉

Open Now

Now Closed

介紹親粉嶺都會被提及嘅四眼仔腸粉，好多人慕名而來，甚至刻意揸車入去食。好多時候都要排隊，見佢地做到唔停手。好彩佢地分工得好好，分咗2個工序：1.下單+上碟2.包裝+收費所以即使多人，都可以好快買到！6蚊有腸粉4條，3蚊有魚蛋6粒，3蚊有燒賣3粒，3蚊有粉果1大個，3蚊有牛肉1粒，3蚊仲有豬皮一份。而於食物質素方面，腸粉並唔係我食過最滑果間，而魚旦係較為實心，有陳皮味果隻，都OK嘅~我叫左9蚊野食(6蚊腸粉加3蚊魚蛋)，已經好夠飽，抵呀！CP值高，但除咗糧尾外，我食完唔會掛住囉~

四眼仔腸粉喺粉領算係一間出名嘅舖頭，但佢出名嘅原因係好食?!um......都有少少保留！我覺得係因為平，cp值ok咁喇~一朝早見有人排隧，都係當早餐食，如果平平地，又真係唔錯嘅~

聽說四眼仔的腸粉除了非一般的滑溜，價錢亦非常便宜。圖中一大包腸粉，魚蛋，粉果都只係十五蚊。先講腸粉，厚度中等，軟硬度適中，而且真係好滑溜，油裡面還有一陣誘人的香氣，是豬油嗎？粉果不知道是蒸放著已一點時間，一夾就散，皮也太軟糯了，餡料普普通通和分量比較少。看著在爐裡翻滾著的魚蛋，眼看著以為是那種彈牙，帶陳皮香的魚蛋。但吃下去是有點點魚腥味，散粉口感的。不過這價錢，這個質量是絕對接受的，腸粉這價位，客人實在是有賺了。

真係唔係講笑，食過四眼仔嘅腸粉真係返唔到轉頭，喺出面冇可能搵到間可以同佢比 😆佢啲腸粉真係滑溜到冇朋友， 啲醬又撈得好正 👏👏👏當然唔會淨係食佢啲腸粉咁齋啦，加埋魚蛋簡直無敵。好一個下午茶， 超滿足😋😋😋

朋友帶路下初訪四眼仔，下午時份門口已經排住一條六，七個人嘅隊！小店賣嘅野一個牌睇晒，價錢超平，三蚊起跳！腸粉魚蛋燒賣（$15）腸粉幾滑溜，魚蛋同燒賣都唔錯，另外仲有豬皮粉果牛肉可以叫，全部都只係$3！如果佢開喺我住個區，應該會成日幫襯😆

街邊的魚蛋腸粉向為小人鍾愛之物，好食與否，一吃便知龍與鳳。先試魚蛋，炸過的皮似以前街邊的串串魚蛋，煙煙靭靭的，超級好咬口，魚肉結實，咬下還有汁……同樣好嚼頭，別嫌棄細粒，是以前的味道。(^_-)腸粉未至於滑不溜口，但吃著就讓人有一份情意結，暖暖的混和心間；再加上混醬芝麻，吃著滿口的滋味，昔日的回憶全歸來了。據聞很多大明星都曾經到來光顧這兒。說實在的，今時不同往日，那管大明星又如何，是好食的就是好食。

聽過好多次四眼仔腸粉平時好少入北區揾食，不過今日揸車就入去食下啦。而呢間4眼仔腸粉其實就係好多唔同途徑聽過佢個名啦，就算要排隊都要食啦。好彩唔洗排好耐，不過今日聽女朋友講四眼仔唔係到坐陣，真係可惜。不過好彩食物水準冇變，仍然好正。一睇個餐牌，嘩，咁平既。腸粉6蚊4條，魚蛋3蚊有6粒，燒賣3蚊3粒。而家香港地仲有咁平既野食架咩？我地叫左24蚊野食，已經一大袋拎走，抵到癲！腸粉汁好出色，又滑，完全將腸粉昇華。而魚蛋係我最愛既陳皮魚蛋，好香辣汁好入味。反而貴啲既燒賣失色好多，可能因為冇平時啲燒賣豉油同辣油。我覺得每款野應該分返開裝會再出色啲！不過，咁既價錢咁既水準，四眼仔，好野！

同朋友行完山，就去粉嶺附近搵野食，本來想食群記，點知已經收左，知道附近有間腸粉都出名就過黎試下，黎到門口都有條人龍，價錢好平，除左腸粉，仲有魚旦，豬皮，蘿蔔，牛肉球，粉果，燒賣等等。。。叫左牛肉球，腸粉，燒賣，咖喱魚旦，豬皮，魚旦係陳皮魚旦幾好食，腸粉都滑，醬都OK，但其他都一般。

第一次食四眼仔...門口閒閒地企咗10個人排隊...所以條路收得比較窄...買走食...反正邊行邊食都方便hmm...ok滑啦...略嫌d腸粉厚身咗d...乜醬物醬都係一般...最愛食麻醬㗎嘛，竟然落咗好似無落一樣咁...so sad 😢 芝麻亦唔夠香...烘吓會好d囉都係 大埔宜昇 好食d...

每次經過聯和墟都必食，腸粉加燒賣加魚蛋，混醬超正，每次經過都見一定要排隊，但佢兩個人係入面做都好快手，見到十個人排都唔洗驚都好快會到你，貴錢真係超抵食，以前係十字路口位返學時期已經成日買黎食，依家搬左去斜對面前少少都一樣咁多人買黎食，腸粉超滑口！價錢黎講真係吸引到唔少學生哥幫親。除左群記外，此四眼仔腸粉已經成為左聯和墟第二間必食之店鋪。個人建議買左即刻企係門口即食味道更佳。平民價錢，街坊小食，值得推介！

魚蛋腸粉燒賣一直係我地成日街頭食既小食尼間四眼仔腸粉其實都係食平日收工放學或者早餐會買既魚蛋腸粉牛肉球燒賣粉果豬皮點解咁深得民心大概係因為佢價錢一直都好親民味道也很不錯吧一個中午平日時段一直都有人排隊雖說不算多但對於平日中午也算多人了店鋪不大只有兩個人手大多是外賣，堂食也是站著吃的有本土風味吧款式簡單 價錢實惠 親民$36已經滿滿一大碟吃到飽魚蛋彈牙有辣有吾辣牛肉球有牛肉香味粉果夠咬口雖說料不算多燒賣有咬口但就沒有魚肉味但味道不差腸粉就真係夠晒滑同多醬尼個價錢食到真係好抵經過真係要試下啦

見到雜誌介紹粉嶺聯和墟有間好出名嘅腸粉店名叫四眼仔腸粉。 每次去到都大排長龍， 人頭湧湧， 大約等了15至20分鐘啦！我每次嚟到呢度都係主要食腸粉同魚蛋，腸粉好滑， 加上大量甜醬， 變得更加惹味。 魚蛋細細粒， 有咖喱同普通味兩種，可以讓客人任君選擇！正 ！ 價錢十分平民化，好抵食！我叫咗粉同魚蛋， 大大份都只係$9，真係平到無朋友！ 超抵食！ 腸粉： $6 有4 條魚蛋： $3 有6 粒仲有豬皮、粉果同牛肉球，價錢都好平， 下次一於叫齊咁多樣野食，大吃一頓！

大家小時候👶🏻有無同小豬🐷一樣小學放學時都會叫媽咪帶去食呢個小時候的回憶呢😜？今次來到粉嶺得到朋友介紹的一間叫《四眼仔腸粉》的街頭美食店，小豬🐷去到首先不是比佢地腸粉吸引而是比佢地價錢赫到😱😱，⚠〔💲6-4條腸粉，💲3-6粒魚蛋，💲3-3粒燒賣 💲3-日1份豬皮…、〕💯💯💯💯💯💯💯💯💯點解會這樣平❗❗，朋友話之前重平！！嘩！香港已經少見，小豬🐷叫左4條腸粉同魚蛋➕燒賣，小豬🐷一食眼淚已經好想流出來😭，因為食到小時候的味道👨‍👨‍👧‍👦，好懷念的味道👶🏻。今次小豬🐷想說的是食物有時不一定在於好不好食而是在於一種懷念和有回憶的味道，因為現在好多時食物都比一d著重包裝而忽略了味道，所以找尋到小時候的回憶的食物都有一種特別開心的感覺😊。

粉嶺地膽知我好鐘意食腸粉,就帶我嚟食呢間佢細細個就幫襯嘅小店. 雖然係星期六,但聯和墟人唔多丶好寧靜,似90年代嘅香港,好舒服~ 唯獨呢間小店門口出現一條小人龍. 小店看似簡陋但其實是簡約,沒有不必要的用具丶裝飾,老闆娘平均15秒就弄好一份order,然後交俾囝仔按客人要求落醬. 好有效率!! 值得一提,老闆娘同囝仔都有帶口罩,老闆娘要切腸粉唔會掂$,囝仔負責收$,衞生意識好好!! 腸粉入口超滑!! 真係第一次食咁滑嘅腸粉!! 而且佢卷得好實淨丶分明,食到一層層㗎! 𠵱家出面啲腸粉一舊粉之餘,仲有一陣怪怪麪粉味. 呢個腸粉好爽口,食完唔滯. 一份四條只係$6,就算$12我都會買,實在太!!魚蛋係細細粒丶最原始嗰種,絶對係兒時回憶!!粉嶺地膽果然無介紹錯!!

今早路經粉嶺做野，又行過四眼仔腸粉店，見到魚旦由3蚊7粒改至3蚊6粒，燒賣由3蚊4粒改至3蚊3粒，我覺得變相加價都算合理，所以我仍然繼續幫襯，只要食物質素冇變差就ok，今日再食過魚旦後，一樣彈牙，品質冇變