四眼仔腸粉

Open Now

Now Closed

今次去到粉嶺，去左四眼仔腸粉一試👍👍。四眼仔腸粉係粉嶺算係幾出名既店鋪，之前黎e頭幫朋友拍片都見到店門外大排長龍。今次就試左個腸粉，牛肉球同魚蛋1. 白滑腸粉腸粉口感嫰滑，好白，唔會黏糊稠身，好好味👍👍👍2. 牛肉球我覺得牛肉球又唔算非常特別，中規中矩。3. 魚蛋（辣）我自己唔算食得辣，所以食一粒試下味就收手。辣味好夠，味道可以接受👍價格便宜，性價比非常高，值得大家黎粉嶺一試。😂😂👍👍

今日下午我們喺粉嶺聯和墟食完粉麵之後，行過和隆街有間叫「四眼仔腸粉」嘅小食店貼著大大張話魚蛋$3有7粒，豬皮$3有1份，心諗覺得真係超抵食呀，而且當時店內都有幾多人排隊等買，所以我們就買嚟食吓！我們買咗$3魚蛋同$3豬皮，魚蛋嘅質感食落好硬身而且係淡而無味，仲要有啲腥！至於媽咪最鍾意嘅豬皮竟然爽口到唔似係豬皮咁，感覺有啲「怪怪地」，好似未煮熟咁，可能係因為有太多人買，未完全熟得熟，而味道亦都係一啲味都無，要靠啲咖哩汁嚟將味道帶出，仲要唔係好似想像中咁好，真係令我們覺得非常失望呀！

今日，又黎到粉嶺聯和墟呢個小天堂，揾寶寶食下午茶，經過四眼仔腸粉，見到長長人龍，排隊黨又出現了？？當然唔係，四眼仔魚蛋腸粉係真係抵食又好味，雖然好似話加左價，但都仲平過外面一大截，良心小店，唔怪得咁受歡迎。平到笑 3蚊魚蛋燒賣。。去邊度揾！最低消費六蚊，好易過放心！大大包都係15蚊咋，我地買左：6蚊腸粉，腸粉爽滑，凍左都唔會痴埋成舊粉。3蚊魚蛋，魚蛋無加發粉，係走煙韌路線，食落隱若有一股陳皮香味。3蚊燒賣，魚蓉燒賣有咬口，唔係粉。3蚊豬皮，豬皮爽口好味。

粉嶺聯和墟除咗豬手麵、雞脾包出名外，仲有呢一檔-四眼仔腸粉🤓無論我幾時去，門口都總會有一條人龍👭👫👭無計啦，呢到啲嘢食性價比實在太高😍等都係值得😂😂佢地賣嘅嘢食唔多，只有下面呢6樣：佢地腸粉係必點的！又白又滑，唔錯！雖然佢地係有最低消費$6，但我覺得一啲都唔過份！已家香港地，閒閒地搭程車都十幾蚊嘅時候，6蚊又算得啲咩呀😔所以話，已家呢啲良心小店真係買少見少❗️大家有機會嚟粉嶺嘅時候，不妨可以試吓！

住粉嶺甘耐都未去過四眼仔食認真失禮今日下午無所事事決定會一會佢去到1點鍾左右都有少少人，大約排7，8個左右間鋪開左十幾年，都幾有歷史叫左腸粉，燒賣，魚蛋先係12蚊魚蛋仲係細細粒果隻陳皮魚蛋兒時回憶番曬黎呢隻魚蛋得番唔係好多間有

今日又揸車到處找好野食，一早上網睇下邊到有好野食，睇到一篇大件夾抵食既四眼仔腸粉。就即刻揸車過去試試佢。點知發現果然唔錯，腸粉又香又滑，魚蛋價錢更是平中之平，竟然可以3蚊7粒。燒賣就不過不失吧。唯一美中不足的地方係無座位，一係企係到食，一係拎走。咁我當然買走上車食啦。總結價錢超抵，性價比超高的一間小店。題外話：四眼仔腸粉沒有一個是四眼仔，反而黎食野的顧客就全部都係四眼仔，哈哈，可能是咁岩吧。下次都會過黎食，推介。

豬皮、腸粉、魚蛋、燒賣加埋都只係$15，今時今日去邊搵，腸粉幾滑，魚蛋最好味，$3蚊7粒好抵食，燒賣就普通左d，豬皮就無乜味好濕，早餐黎講都食得好飽，滿足😄。

今朝去粉嶺工作，經過聯和墟，見到有間小食店好多人幫襯，去門口望一望，係賣腸粉、魚旦、燒賣、粉果⋯⋯，價錢好抵，$3/7粒魚蛋，橫掂未食早餐，就買左6蚊腸粉及6蚊魚蛋試下～腸粉算滑，而魚蛋係陳皮魚蛋，配合價錢，確實抵食～

呢間四眼仔腸粉屹立粉嶺聯和墟多年，相信好多粉嶺上水街坊一定食過， 而我會揀選呢間腸粉嘅原因，除咗因為佢近我住嘅地方外，仲係因為一種情意結黎呢度食嘢唔會介意佢嘅裝修，亦唔會介意佢嘅環境。但係就會喺呢度搵到而家好多餐廳無嘅嘢 童年回憶呢度嘅食物價錢基本上出面完全搵唔到，因為絕對係抗通脹嘅價錢 正所謂蔗渣既價錢燒鵝既味道講番腸粉，呢度嘅腸粉又滑又軟唔會好硬， 而最特別嘅係佢用鯪魚肉嚟做魚蛋， 魚蛋唔會腥仲好入味， 同出面好唔同! 腸粉魚蛋燒賣大集匯， 夠飽醫肚之餘又夠平

呢間四眼仔腸粉我由細食到大，老闆好好人食物咁多年都冇點加價，由於近期一個電視節目令到呢間鋪頭又再為人熟悉，我地點左八條腸粉，＄3豬皮，＄3魚蛋同朋友兩個人食已經覺得好飽，可以喺香港食都咁抵食嘅小食已經越嚟越難得了，而且啲腸粉真係好滑，唔會好似漿糊咁'癡粒粒'，加埋老闆自製嘅豉油，真係好美味，令人懷念豬皮都好入味，一般我都會叫老闆另外再加咖喱汁，而魚蛋因為加左少少陳皮同出面嘅魚蛋有好大嘅分別，好少地方可以食到今次咁特別嘅陳皮魚蛋啦！

難得去到粉嶺一定要試埋十大粉嶺美食 之一嘅四眼仔腸粉 。估唔到呢間舖頭真係超多人食，第一次買小食都排長龍。不過睇咗佢嘅價錢牌就明白排長龍既原因，真係超級吸引!!😎五蚊有四條腸粉，三蚊7粒魚蛋， 三蚊有四粒燒賣。呢個價錢好似返返以前小學年代嘅價錢咁，唔好以為佢平質素就差，腸粉夠嫩滑, 魚蛋魚肉味濃，唔會好似出面嗰啲得粉咁，唔怪之佢咁多人呢排隊真係好抵食!

難得入去粉嶺，梗係去聯和墟覓食啦，試下呢區出名的小食啦。火車站行過去聯和墟大概十五分鐘，就會搵到呢間「四眼仔腸粉」，見到一條長龍，同埋見到老闆的眼鏡模樣就知係呢度喇。睇餐牌，確實每樣都好抵！通漲猛於虎的情況下仲可以十蚊以下食飽，真係好滿足。丫！但排到我果時腸粉賣哂！佢地話：「阿妹，賣哂喇。」唯有淨係食燒賣、魚蛋。佢地話6點前都大點機會有得食，可以提早點去。但剛剛去到我果時，老闆又話淨低果2粒燒賣俾埋我，所以呢到咁多都只係$6咋！嘩！好味呀！抵食得黎，又香綿的燒賣，同魚蛋彈牙，好似番左小學小食部的感覺。

腸粉已是香港人數一數二的美食，又細食到大都不會厭，今天專程到粉嶺聯和墟試一試四眼仔腸粉。今天大概下午一時去到，在街口已看到人龍，趕快腳步去排隊，小店沒有座位，只好拿著碟熱辣辣的腸粉在門口吃！這裏的食物真的很便宜，$6就有4條腸粉，魚蛋$3有7粒，豬皮$3一份，燒賣$3有4粒...這些價錢，在香港真是小見，只需十元八塊便可吃個飽。腸粉（$6）腸粉$6元有4條，加上甜醬、蔴醬、辣醬和芝蔴，真是百吃不厭。腸粉、魚蛋、豬皮（$12）魚蛋$3有7粒，豬皮只是$3, 一句說「抵」。

聯和墟四眼仔腸粉，算是有點名氣的小店。每次經過和隆街，總會見到人龍在此店門外。如果人龍短，我都會去排，多人的時侯，我又覺得唔值得排上半小時以上吃腸粉。我差不多每次也是吃以下腸粉組合:$3豬皮--有時唔夠淋，唔入味的。$3燒賣--一般魚肉燒賣，味道普通。$3魚蛋--細細粒的，形狀大小似陳皮魚蛋，但又唔覺有陳皮魚蛋的味道。$3腸粉--滑滑的，我每次也要齊所有醬汁，會好味好多。對於四眼仔腸粉，在我心目中，便宜是其賣點，$12能吃四款食物，現今真是很難找了，味道似乎只是水平以上。

今天專程到粉嶺聯和墟遊覽，並順道尋找地道美食，找到了四眼仔腸粉。鋪面細細，食客要排出鋪外。看看價錢牌，有驚喜！腸粉6元4條、魚蛋3元7粒、燒賣3元4粒等等，呢個價錢係邊度搵呀？總共12元！超正呀！