圓方餃子粥麵

Open Now

Now Closed

👍🏻魚湯韭菜餃 $21/8隻味道不過不失，豬肉既比例偏少，但依個價錢黎計，絕對收貨🤣魚湯偏淡，就算怕腥都食得下午茶時段$21，係我地見過最平既餃子😂如果大家知道有仲平既餃子，歡迎報料🤣味道：7/10性價比：10/10-📍#圓方餃子館深水埗福華街104號地舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #深水埗 #深水埗美食 #深水埗好去處 #深水埗打卡 #雲吞 #餃子 #圓方餃子

一向都好中意食餃子，今次就嚟左深水埗呢間好出名嘅餃子店🤤佢餃子嘅款雖然唔算多，不過全部都好平，$30就有8隻餃子/ $30就5隻餃子加粉麵，於是我叫左碗白菜豬肉餃加河粉😋餃子嘅皮真係好薄，而且餃子夠大隻，咬落去好多肉汁，好滿足！😍大家經過深水埗不妨試吓呢間餃子店！😋👍🏻

春夏秋冬都岩食既餃子，夏天無乜胃口天氣涼涼地，食一碗餃子，滿足又幸福🥰我同咩咩🐏本身都成日食，今日睇翻@kikimay 出片介紹，口痕所以捉左🐏過黎食，仲記得疫情前夜晚都仲要係門口排隊，依家唔洗等位直入～🥟西洋菜豬肉湯餃 $29/8隻🥟韭菜豬肉湯餃 $29/8隻望落去塊皮已經好通透，餃子皮似係用雲吞皮咁，食落去滑嘟嘟，大大隻都好飽滿。菜同肉既比例大概係7:3，用料新鮮。西洋菜，韭菜無渣，整體味道好鮮甜，清新。係其他餃子店食唔到既味道。魚湯方面，尼間都出名魚湯正，見其他人都有飲曬，仲可以額外再叫魚湯，但我同🐑就覺得都有魚味既，但無話特別出色，🐏通常都會加醋加辣椒油🤣（佢食雲吞麵個d次次都加醋🙊）😋😋UMAI：8/10🥟韭菜豬肉煎餃 $17/3 隻尼度就靜係得韭菜豬肉有煎餃，不過就好大隻，外表煎到脆卜卜，不過就要趁熱食，擺耐左會lum，建議食到差唔多收尾既時候先叫，食物都黎得好快。餡料方面同湯餃有d唔同，會比較濃味，好多汁。不過就有d油，建議可以點醋食。😋😋UMAI：6/10🍝炒麵 $15同普遍港式炒麵有d唔同，麵體比較幼身，欠缺口感。用左蔥，韭菜，芽菜炒，唔鍾意既朋友仔要自己挑走啦～整體

廳餐員工上餐時發現碗嘢疑似小昆蟲，差d上枱給食客見到，即時拿去廚房處理，怎料廚房員工只是蹲下用手將疑似小昆蟲拎走，沒有倒掉，原碗再上給食客食，非常冇品又不合衞生，我坐在附近見狀，也不會再幫襯，太恐怖了。

呢間位於深水埗嘅圓方餃子，一直以來我都食咗不下十次，最鍾意食佢嘅西洋菜餃同韭菜鍋貼鍾意嚟呢度食嘅原因係湯餃嘅湯底係魚湯，有鮮味，而餃子亦都包得好結實，有喺屋企食嘅感覺，如果喺屋企懶得包又想食餃子的話嚟呢度食係一個唔錯嘅選擇每次過嚟食，都會見到有兩至三個阿姐喺度包餃子，可見佢啲餃子係非常之好賣但係最近兩次去感覺到水準大失，大不如前，首先講湯底，雖然都係白白地，但係完全冇鮮味啦已經，而餃子嘅餡料亦都十分鬆散同埋食得出餃子餡料嘅醃料唔同咗，就係冇之前咁好食希望店主見到可以改善下啦

比想像中乾淨，一台最多4 人，要搭台。見到個個都話要試西洋菜餃，所以試左：西洋菜湯餃，八粒30蚊好抵，但係每粒比較細。仲可以加$8 要碟菜本人係非常之鍾意韭菜餃嘅，所以另外加多三隻煎韭菜餃$18。反而呢個就好大粒，抵食，味道普通。本身冇期望㗎，以為淨係啲人覺得平先話好，點知真心唔錯，多菜少有肉，感覺都健康！下次會再黎！

是老熟客了 每次在深水埗都會諗起呢一間食店食咗一次之後真係返唔到轉頭成日都心思思諗住佢 平時喺出邊食嘅餃子多數都係豬肉餃同埋韭菜餃呢度最特別嘅同埋最好食嘅係上湯西洋菜餃簡直可以用完美來形容 皮薄餡靚湯底係用魚湯 飲落都好正 次次都會飲埋湯西洋菜餃依家$30一碗 有八隻 食完都好夠飽叫多一杯豆漿 真係滿足晒嗌多一份煎韭菜餃 真係錦上添花兩個人share一份就啱啱好另外仲有生餃可以買返屋企煮 不過我都係鍾意喺現場食多啲 因為可以飲埋魚湯

強制安心出行第一日早上去服務普通，量完體温，姐姐揾左個單人位比我因為望住啲姐姐，有講有笑咁包餃子，覺得特別開心有 heart。皮薄，夠熱，應該一定唔係第二煮既餃子。隻隻餃子分得好開，餃皮係有彈力的魚湯，只是一般，我飲到有少少洗碗水味，因我只接受飲到第二湯匙腸粉，只是普通豆漿，我 Sir 一聲就一啖飲左半杯。好味我應為啲湯碗要換過啲細碗，賣相應該會吸引啲魚湯，要再試第二次先比到真意見

這間餃子店在深水埗可算是數一數二的「名店」，而招牌西洋菜餃更是令人一吃便愛上，魚湯奶白鮮甜，喝後亦沒口渴反應。而西洋菜餃以外，還有白菜餃及韮菜餃餡料可供選擇；但堂食湯餃就只可三選二，那就下次才再試白菜餃吧。餃子皮薄餡靚，菜肉比例適中，有肉香更有菜的甜香。價錢不貴水準出色，一於買多兩包生餃子看門口，就至好不過了。#留意生餃可只可儲存7天#圓方餃子粥麵地址: 深水埗福華街104號地舖電話: 27200855

電視節目入面，一提起深水埗餃子店，就一定會介紹圓方，其實我多年前都有幫襯過，印象中並非如此出色，但最近又有節目介紹，所以就再一次嚟俾多次機會佢。門外已經有大大個餐牌，非常清晰。呢度除咗有著名嘅餃子之外，仲有粥粉麵飯、腸粉油器等等。嚟到圓方一定係食餃子，我就揀咗西洋菜餃拼韭菜餃，雙拼都唔使加錢，$29有八隻，價錢合理。魚湯比較啖口，不過勝在夠雪白又冇腥味，用嚟餃子放湯配搭唔錯。因為兩款菜都屬於深色嘅蔬菜，所以憑外表係分唔到兩款餃子，但食落就味道分明。西洋菜餃同韭菜餃都係多菜少肉，基本上係九比一嘅比例，我就幾鍾意。餃子皮不厚不薄，尚可接受。但佢嘅豬肉食起嚟有啲筋，我吐咗幾粒，不過太不雅不便拍照。諗住淨係食餃子有啲dry，但食粥又成肚水咁，所以就叫咗碟腸粉食。我揀咗鮮滑牛肉腸粉，不過就令我覺得好失望。首先佢嘅腸粉一啲都唔滑，皮亦都非常厚，仲可能係佢嘅豉油味道，令我覺得食起上嚟微微帶酸，不過我見佢係新鮮製造，所以都冇要求更換。另外佢嘅鮮滑牛肉一啲都唔滑，目測簡直係好似煲湯瘦肉咁鞋口，最後我都冇食哂。其實深水埗仲有好多好好食嘅餃子有待大家發掘，特色嘅餃子餡又有，更加皮薄餡靚嘅亦有，所以大家除咗睇

間店不大，排隊都要排出街。而且店面門口就是巴士站，人多非常亂。大部分香港上海雲吞都皮厚，但圓方就皮薄，口感好好多。可惜不住附近，所以必須特登去食。我因為鍾意上海雲吞所以只食過上海雲吞。

前幾日又同咗個friend去深水埗覓食 ，見網上面嘅評論呢間中式粉麵食店都好多人推薦，所以今次就試一試佢我同個friend 對於韭菜餃都好著迷所以煎嘅同湯嘅 嘅韭菜餃都嗌咗一份 。煎餃非常之香口 煎到卜卜脆唔會好油膩， 而湯餃就食得到九菜餃嘅香味。 佢嘅炒麵都唔錯 ，抄得唔太油加埋啲牙菜食落好爽口。 最緊要食咗咁多樣嘢都係90蚊有找，絕對性價比一流! 值得一試再試

圓方餃子區內有係響曬朵呀，但係佢所在之處這一啲都唔起眼，具體啲講B出口行出嚟，沿北河街行有機會就見到佢。咁店名都話畀你聽要食咩㗎喇，但水餃嚟講首推就真係西洋菜餃，配唔配麵呢影響不大，肚餓建議你都可以食個麵，因為佢最重要嗰個位呢就係佢個湯底：鮮白嘅魚湯，去第二度食唔到嘅。個名可能誇張，食落又唔係真係你想像中咁鮮甜嗰種， 但我覺得已經稱得上好食，西洋菜餃呢亦都相當配合。而今次外賣自取嘅亦都食咗佢嗰個煎嘅餃子鍋貼呀， 因為外賣關係呢我覺得就未算太好食亦都冇爆曬汁， 我認為食到個水餃已經值回票價。

圓方餃子店的確係深水埗區內嘅名店，一直有聽到朋友遠道走來深水埗買外賣，今日咁岩喺附近經過，就一於嚟試下佢。呢度唔止有餃子，仲有粥、湯麵、炒麵、唔同嘅食物款式，不過當然最受歡迎嘅就一定係魚湯餃子。今日我都試咗一份魚湯雲吞，即係白菜餃，魚湯的確好香好滑魷魚味，而且相信係冇味精嘅。餃子方面餃子皮好滑，而且入面真材實料。另外呢度有煎餃子， $18得三粒， $6.1隻其實都幾貴，不過又真係幾好食嘅，個皮剪得好香脆，而且餃子好大隻，質素的確很高。

圓方外是窄窄的行人道，再往外走就是排檔，座落位置十分之不顯眼，換來是較便宜的租金，更平民化的價錢吧。菜牌不是茶餐廳般的種類繁多，主力還是餃子和粥麵。還未到中午，食客人數不多。防疫措施祇有大塊的膠板置於每張大檯之間，相信能起的防疫作用不大。中午飯之前，就叫了一碗他們的招牌菜，魚湯西洋菜餃子。總共有8個飽滿的餃子浸於白白的魚湯之中，伴以綠油油的蔥花，賣相挺吸引。餃子皮很薄很軟，入口即溶，輕碰即破。剁碎了的西洋菜，氣味新鮮清香，混和了少許豬肉碎，風味走清新路線。魚湯有少許魚腥味，但魚肉味卻欠奉，喝下口以鹽鹹味為主。