均香餅家 (Closed)

每年農歷新年，我都必吃酥角。前幾天在電視看到這家位於深水埗42 年老餅家，每日新鮮出爐的酥角，我也想去買一些。想不到平日下午4點幾都要排隊，我仲要排咗2小時，到晚上6點幾先至買到，最後買咗2磅。係咪真係咁好食？😳花生酥角(HK$140/一磅)．新鮮出爐的酥角，熱辣辣的，咬一口，是非常酥脆，凍咗之後食，口感依然好酥脆，不油膩，好乾身．角仔體質比較大隻，花生餡料好松脆．好好食呀，明年我一定要早啲去買😋

什麽業主迫遷，轉到新店，端午節想去買糉食，但好多人買要排長龍最終放棄無買。近期經過買了兩隻糭和半磅雞仔餅試食，的咸肉糉很淡味糉米煮得未夠火喉未夠軟熟，咸疍黃和豬肉衹得一毫子咁大細，真是質素言過其甚，比一般的粥店所賣的糉還差。雞仔餅無南乳味衹得一個甜字無厘好食，太子的奇妙餅店所賣的雞仔餅好食好多。所以不要為所謂的悲情故事去買其食品。

很久沒有吃角仔了，之前朋友介紹均深水埗香餅家，所以就去試試！除了角仔，還有蛋散，笑口棗，米通等...而角仔也有不同口味有原味，有榛子味👍🏻角仔真係很鬆化，類似酥皮，就算放咗幾日口感也一樣，不會淋曬！

年廿九去深水埗辦年貨☺️之前睇YouTube介紹賀年食品所以今日都算係特登過嚟買番啲返屋企自己食同埋俾屋企老人家食🙈均香餅家喺隧道隔離初頭以為都係得幾個人排緊隊啫點知原來排到去隔咗一條巷口嘅酒樓門口😂一場嚟到冇理由唔排所以就踏上左呢個排隊嘅旅程啦排左差唔多45分鐘終於叫做企到去近少少均香餅家門口排隊期間仲有個dee dee 捧住啱啱出爐嘅笑口棗出嚟比排隊嘅人試食呢個動作真係好貼心啊❤️亦都成功吸引到我哋買咗一磅笑口棗返屋企😂因為新鮮出爐嗰陣真係非常之好食！勁鬆脆再喺門口等多左15分鐘左右新鮮炸起嘅角仔終於出場啦🤩基本上每一炸籃只係夠三至四個客人買前提仲要係每個人都只係買一磅返屋企😂如果有人大手入貨咁就真係有排等啦角仔$75半磅，$140一磅笑口棗$80一磅豆沙軟角$70一磅我哋買咗:一磅角仔一磅笑口棗同埋$40豆沙軟角一拎到上手即刻要拎返嚿角仔出嚟試吓先！熱辣辣咁食更加香酥個皮係酥皮嚟嘅睇到有一層層加上個餡係花生碎成件事非常之香脆🤤爭少少就食唔停口🤣凍咗之後食雖然冇咁出色不過都仲係好食嘅 唔會有油溢味至於個豆沙軟角就麻麻地啦非常！非常！非常之油食落好似淨係得油嘅味道咁樣今日叮翻熱佢嚟食就好

整個聖誕假期幾乎都留在家中，日日除咗食同打機，就係食、食、食，食好友送的幾款甜食⋯⋯油角、米通、芝麻花生糖😄朋友做通宵班，上年凌晨經過，小店尚燈火通明，各式應節食品不停出爐。呢間餅家的自家製油角好受歡迎👏，每年農曆新年前都大排長龍。油角除咗傳統嘅花生芝麻餡，少甜👍，還有肉鬆餡，咸咸地，好好食😋。芝麻花生糖，香脆唔太甜，好香花生味，正。米通，脆卜卜。今年疫情影響到各行各業，希望小店撐得過，大家繼續都有好嘢食。

曾幾何時成日嚟買蛋卷，記得第一次嚟跟住Google 行都搵咗幾耐，因為實在唔近地鐵站，遠遠望倒係老舖嘅裝修，好懷舊，位於深水埗更覺風味❣，當時好似2x一包蛋卷，無label, 無招牌嘅包裝，簡簡單單用透明密實袋入住再heat seal.今次唔係自己買，係同事買俾我💕，買咗一包花生糖同買咗一包椰絲芝麻鳳凰卷😋。花生糖好香👍，因為有黑芝麻，咬落少少偏硬，入囗唔黏牙，幾好。鳳凰卷係我至愛之一，平時去澳門一定買，同澳門相比，均香一定抵食好多（雖然今次有人請我唔知幾錢🤣), 咬落幾鬆化，都幾有蛋香，不過椰絲芝麻鳳凰卷其實唔係好夾，都係紫菜肉鬆夾啲。

正宗港式傳統小麵包店提供多種傳統手作餅乾,雞仔餅,大餅,棋子餅,合桃酥老婆餅等等店既年齡還要比我老前鋪後工場,左邊賣麵包右賣各式餅食中西款式都有,雞仔餅40蚊磅,25蚊磅豆沙月餅長年都賣,10蚊3隻!好抵呢!麵包全部都好新鮮,趕及佢收工前來到買今次見到老闆焗好雞蛋餅雞蛋餅不同雞仔餅,純粹由雞蛋麵包焗香,簡直d講就係雞蛋仔既粉漿焗成既曲奇就係某大品牌所推出既手信,相信都係抄呢種做法烤得好脆口,拿上手仍然是暖的,蛋味濃香,甜味散發,沒有雞仔餅的油膩感,但味道更香甜仲有蛋卷,鳳凰酥,差不多有十年沒來過了...幸好仍然營運,令人回味的味道

同事食晏時提起想買包雞仔餅，穿過一條隧道仔就見到間餅店，佢話均香係老字號出名。佢就買了一磅雞仔餅($40)，都幾貴。我好少食雞仔餅所以唔係好知乜味，但食咗嚿就覺得一般般，唔會令我鐘意上呢樣食品。外皮唔脆，味就鹹鹹哋，係南乳味?🤔，食一嚿已經好飽。題外話，呢到仲有好多其他食物賣，皮蛋酥、雞蛋餅等中式港式餅；而且亦有麵包類🍞，餐包、蛋撻、豬仔包、蘿蔔包、蛋糕等。同時賀年食品同端午蛋王咸肉粽都應有盡有，食品款式眾多。不過價錢普遍都偏貴！另外，均香有參與成為💞愛心麵包計劃機構，善長人士可以捐錢，餅家就會喺星期三同六早丄十點免費派100個麵包比長者有需要人士！如果有興趣做善事嘅，可以留意下，各施各法幫忙有需要嘅人😉。

人怕出名豬怕肥，老餅走樣吾處奇一年多前去過均香餅家買雞仔餅同江蘇餅，老婆贊不絕口，當時都無乜人介紹；所以今日掃完街特別去買今日雞仔餅包裝有D吾同，之前都系散裝，現在開始有半磅一袋，25蚊得10個，比紹香園差不多啊！即場有些溫暖，馬上試一個，OH MY GOD, 點解吾同曬啊？無曬南乳味，仲見到好似肥肉啊！希望睇錯，外皮絕對不脆啊！當天回家老婆又馬上食，食完話以後吾使再去買。再試埋個江蘇餅，20蚊3個，外皮黃黃地，吾似以前老餅店D白雪雪，帶些粉系面，咬開絕對吾系以前的 texture真系比D電視雜誌介紹完又出小小名的舖頭都會變，可能年輕接班人覺得哩D至系現代的味道，但我話絕對已經吾系嘍。失敗。

不知為什麼，某個電視節目，近來竟然不斷採訪這些中式唐餅餐廳🤔，這次經過，就毅然買了兩包。看到包裝，發現相當新式，因為是透明膠袋，上面有可再封膠條🤔。但是這個可再封膠條，其實沒有什麼意義，因為它本來也不是密封的，一打開就可以，可能亦是這個緣由，兩種食品都有少許回氣🤨。雞蛋餅經已算是比較脆，細細粒圓圓的模樣，脆得來只有輕微蛋香。炒米餅，一定要夠硬夠脆，但竟然不太硬，咬下有輕微回氣，不算是硬要咬不開的那種質感相比起「生隆」及「八仙餅家」，這個深水埗的中式唐餅店，味道及質素就非常普通，應該不會再來。

之前睇好多post都有報導呢間《均香餅家》今日特意黎買下佢既產品。位置唔算方便，係地鐵站出口行左成10分鐘先到😝😛（近美荷樓）店面長這樣...有好多唔同種類既野賣（面包、角仔、笑口棗、燒餅、雞仔餅...應有盡有）我有好多種都想試下，但因為一定會食唔晒既關係，我忍手係咁多樣野中揀左-雞仔餅😛😛$25/半磅 $45/一磅 我買左半磅（即試！好煙韌！ 係我鐘意既texture ah!) 😍😍😍雖然唔係好大包 但都應該可以食5至7日🤭🤭一日食兩塊，小食多滋味嘛（睇圖都大概有15-18塊）不錯不錯👍🏻

去買左個三文治食，見佢個蛋幾大舊，都係買$10 , 不過佢個蛋放係中間，所以成個三文治要整個一齊咬黎食，味道普通，不過平平地試下。再買了半磅朱古力角仔，分兩袋。$65 ，一睇，原來半磅得11粒😂😂😂都幾貴😂😂😂一咬開，朱古力醬唔算好甜，都幾足料，塞滿晒成個角仔，不過朱古力配落角仔到無乜特別，似係食緊朱古力酥，朱古力批甘。加上價錢又唔平，試過就算了。😃😃😃

以前行過門囗很多次，完全無留意，早二日睇到電視介绍糉子，介绍呢間鋪仔，有傳統囗味的糉子，咸肉糉及豆沙梘水糉，我已经睇到流口水，好想快D搵日去買番兩隻糉子食，尋日終於行到附近，就立即去買，可惜得番咸肉糉，買咗兩隻返屋企，今晚試咗果然係傳統好味好多，真材實料，夠味各方面配合得好，下次—定要再去買多些其他食品。

這天, 我同P大人出深水埗買D野, 行行下見到呢間好似好舊式既飽餅店, 我地諗左諗停左落黎,望下望下有咩包, 終於比我望到有我兒時最愛菠蘿豆沙包, 買三個抵D, 所以一次過買左三個。睇個樣我心諗應該食得返我想要既味道了!果然冇令我失望, 菠蘿包係比較濕同實正個種, 入面既紅豆好足料, 甜就係甜D, 不過以前D包係咁架喇!呢一晚我食左兩個~超級飽呀!!總結~我同P大人其實特別鍾意留意一D老店, 因為往往一D老店都會帶比我地遺忘左既驚喜~下次再行經既時候一定會再幫襯, 試下佢其他包正唔正