多點心

Open Now

Now Closed

終於家的附近開了一間新食店, 於是"無飯夫婦"又再出動, 去試試這間點心專門店。可能是人越大, 越來越喜愛飲茶吃點心。 但上茶樓真的有點花時間, 又真的要多幾個人才可以吃不同的東西。近年新興的點心專門店就很適合倆口子, 除了主打是點心外, 上菜速度亦較快, 而且還不時有新式點心, 有點新意。多點心這分店的地方頗大, 空間感十足, 不會出現和鄰枱太親密的情況。裝修佈置都簡單乾淨, 沒有太多花巧, 看來也是主打街坊熟客吧。看點心紙的選擇都幾多, 與一般酒樓茶市相約。下班後果然很快肚餓, 我們很快就點了幾款。想不到第一碟送來的是原隻鮮蝦腸, 我還以為即蒸的要耐一點。兩條腸粉包得胖胖的, 幾可愛。每條都有兩大隻蝦仁, 而且還蝦肉還幾爽口的。腸粉本身較為黏耐, 加上不是很熱, 有少少失望。幸好臘味糯米飯挽回不少分數。$25 一盅真的不算貴, 味道調得幾好, 不會太感, 糯米軟硬適中。臘味粒不算太多, 但有花生和蔥花已令整個飯很香了。另外的蒸點鮮蝦菜苗餃、蒸鳳爪和馬拉糕一口氣送上, 我們也要加快速度, 凍了的點心不會好吃的。蒸鳳爪的醬頗濃, 幸好蒜味不會太重, 鳳爪亦不會有雪味, 就如平常吃的那種

平日中午食飯都會去飲茶，一班同事好開心咁食飯，講笑，講下是非。放工同同事一齊去九龍灣shopping ,佢話知道有一間新的點心店，建議一齊去食。同事住得寶花園，所以好熟附近地方，好彩係平日，所以都有位，入到去感覺地方好寬躺，好整潔。侍應好快送上我們必點的香片，先飲一口，好香茉莉花味，有驚喜，茶錢10蚊位，飲左杯茶都覺得好值。再睇吓餐牌（其實是一張點心字），真係平到不得了，一碗粥都係10幾蚊，點心都係有十幾蚊起，我同同事一齊點左好多嘢食，當然價錢平係好重要，食物質素先至係我哋最關心啦！最貴的點心都係25蚊, 十幾蚊的點心選擇都好多, 盡情滿足為食的我們。最後點選了以下 : 蝦餃皇  $25有4粒, 皮真係做得簿, 蝦餃彈牙~中哥流沙包 (唔知中哥係咪師傅^^) $20流沙包,真係熱食先係最好, 因為能夠做到流沙的效果, 包皮好鬆軟.南翔小籠包 $20外表普通的小籠包, 最初唔敢期望太高, 點知竟然皮簿,肉汁又豐富, 一啖一口灼青菜 $15竟然15蚊有碟菜食到, 真係叫多碟都唔肉赤鳳爪排骨飯 $25份量唔會好大, 但2人SHARE一碗就夠, 我欣賞它的排骨好入味, 好爽口皮蛋瘦肉粥 $18

一早去到拎張2号飞，點知睇住3,4,5,6,7,8,9号飛全部入曬，都未到我入。 唯有自己入去揾位坐。如果食開既客人係有得即入，唔識人有慢慢等食物大約等二十分鐘，但味道，質素就比滔香還差。唯一好處係近屋企。但一定無下次

與友人途經得寶商場的時候橫街窄巷中隱約看到眼前一亮的點心鋪即便晚上 也能止一止我的點心癮門口已有很多人在等待外賣 對於住在附近的市民又是一個新選擇呢店內環境雅觀 想不到場地頗大不過椅子的高度有點尷尬 地面給人的感覺也有點潮濕灼合時蔬菜  15無菜不歡的我 先吃點清菜打個底西生菜翠綠爽甜 而且價錢便宜澳洲金錢肚  25金錢肚比一般坊間的較為厚身 多點心的切割也較為大塊 很滿足鮑汁鳳爪  25雞腳尚算肥美 可惜不夠入味 花生不夠稔滿天星星腸  22看見點心紙有個大姆指的符號便點來試試嫩滑的腸粉包裹著剛炸好的網紙內裡是健康的青豆栗米粒 配搭輕怡 值得一試多點蝦餃皇  25蝦餃比較細小 幸好皮薄多餡 美中不足的是不是以原隻鮮蝦包裝呢南翔小籠包  20當晚最愛小籠包幾乎拳頭般大小 皮薄多汁用筷子一夾就破了 要小心對待而且湯汁味道清甜 個人覺得不沾醋較好吃以往跟朋友去得寶商場都只為了那一間出名吃比薩的食店 現在有空也可以換換口味啦 員工的態度也不錯沒有黑面神降臨 茶芥只收取五個大洋 又沒有加一 晚市來說可說是超值以上。

在附近上班，發現了一開新開的點心小店。看上去裝修漂亮舒適，就去試了一下。餐牌上可以找到各款平時最愛的點心。最驚喜是流沙包，芒果布甸和鵪鶉蛋燒賣，令人十分回味，比很多五星飯店還要好味，價錢卻只是他們的一半。如果來這裡一定要試一試。支持這家小店，希望生意興隆，一定會經常再來。

收工好想食粥，地方選擇唔多，搵到呢間幾新開嘅點心店，去到門面光鮮，而且粥嘅選擇都幾多！入內地方好大，格局像西餐廳多啲，白牆及淺木傢私！除了燈罩有中式陶章店名！桌椅唔迫！枱面已經放好餐具及熱水壺！店員問咗我飲嘅茶款！轉頭就沖好比我！之後就自己加熱水！自己劃好點心紙！好快有得食！茶位（$5）香片茶，水夠熱，茶味都幾香！滿天星星腸（$22）睇名完全唔知係乜！經店員解說說揀咗！原來係腸粉皮包住啲炸脆嘅網紙，入面有大粒爽脆馬蹄，粟米粒，同蘿蔔粒！爽爽脆脆，又有嫩滑腸粉皮，加上甜豉油！好夾好好味！而且感覺好新鮮！第一次食咁嘅配搭嘅腸粉生滾牛肉粥($22)粥底夠熱夠綿，唔會好鹹，鮮牛肉片唔韌幾滑！細細片！加上爽脆薑絲（平時唔食薑絲，今次唔記得走薑絲）唔會好辣！另有一小碗配料另上，有蔥粒同脆片！不過我無落！成碗粥食晒！食物有驚喜！店員有禮，我問店員啲菜色嘅詳情！佢哋都好樂意解說，上菜時加豉油同胡椒粉之前都有問過我！幾好我個位比支射燈照住（所以啲相都重暗影）其實要型格都唔使射住食客啫！可以照住其他位置！點心唔錯！

通常食開點心都係響茶樓，今次就黎左呢間新開嘅點心餐廳裝修同傳統嘅茶樓好唔同，門口仲有個screen可以睇倒menu，側邊有啲凳俾人等外賣。入面仲有好舒服嘅梳化坐除左單點之外，menu右下都有啲點心餐，我揀左we星光熠熠多點心果個。呢個拼盤有五款點心，每樣兩件，岩哂兩個人黎食。咁樣可以食多幾款又唔會太多阿嘛個點心拼盤就係咁樣嫁喇，粒粒都係正常size冇縮細嫁。我最鐘意就係佢個菜苗餃，佢入面啲菜係一條條過嘅，唔會好似平時果啲切到碎哂食到一牙都係咁，而且啲菜好juicy。啲汁好似上湯嘅味。叉燒腸入面有好多叉燒，咬左一啖之後就跌哂出黎千絲卷個面頭好脆，入面啲蝦好爽，芝士味都幾重，不過芝士唔係好多，所以一啲都唔溜。小籠包入面勁多汁，啲汁倒出黎有一隻匙更咁多，流哂出黎。食嘅時候小心燙親！流沙包，睇佢個樣好似冇乜特別咁，不過一咬爆到成碗都係汁食第二個嘅時候，我輕輕撕開左佢一下已經流到落個包下面。而且流出黎嘅汁絕對唔稀！食落有小小沙沙地嘅感覺，較為重蛋黃味。食左咁多先係一百五十幾蚊都幾扺，最重要係呢度真係坐得好舒服好岩傾偈

去以點心做主打嘅店舖開餐，一盅幾件，大快朵頤，實屬人生一大樂事！九龍灣區不乏食點心歎個茶嘅地方，但係普遍價錢貴又未必好食，今日比我發現呢間位於"邊緣"，又有點隱世嘅點心店，仲唔即刻寫返個試食報告咩！門口細細，大量卡位，隱身於民居當中……以招牌名字雕成嘅吊燈燈籠，又幾清雅……呢度有玄米茶飲，梗係試下。$60 蒸點拼盤，有鵪鶉蛋燒賣、蝦餃、菜苗餃、燒賣、馬拉糕各兩件，真係好抵食，味道亦唔錯，係必食之選！睇睇廚師推介……叫埋流沙煎堆仔，香脆芝麻皮，包住熱辣辣流心奶黃，正！玉姐黃金餅，係咪玉姐整我唔知，只知塞滿豆蓉嘅饀餅口感綿彈，似豆沙窩餅+日式燒餅嘅混合體，過癮！再加個金山蒸排骨和糯米雞，前者以芋頭墊底，排骨大粒入味，荷葉包住蒸嘅糯米雞都幾大隻，中間有原粒蛋黃，好有舊式茶居情懷。茶錢每位$5，不收加一，是日消費$152，捧住個肚走。

同事話佢樓下開左新點心舖，話想去試下，都好吖，咁近公司，放左工一齊食完先返屋企。雖然話係點心舖，舖面都好濶落，仲有卡坐，枱大張，沙發好坐，感覺良好。茶錢五蚊，點心十幾蚊起，平過上茶樓，今晚就點呢幾樣啦。新開張，啲餐具全部都好新淨，白雪雪。叫左潽珥茶，幾香幾滑，入口唔錯。先叫左個套餐，有飯有湯有菜同一個點心$65好抵食，飯選了窩蛋牛肉飯，店員提醒說佢地係煎蛋黎，流心煎蛋仲正！牛肉打成牛肉餅，軟腍，混了芫荽馬碲等，有肉味又有口感。飯不過腍，蒸飯黎講算唔錯，唔少得好味嘅甜豉油啦。套餐送例湯，是晚係紅青蘿蔔湯，好濃下，味道清甜。套餐仲有油菜一碟，西生菜，都幾大碟。點心選了鳳爪，醬汁勁濃超入味，鳳爪蒸得軟腍，吸滿汁好好味，底用了芋頭墊起，醬汁落左去都好正，唔怕油食哂佢。另外點了皮蛋瘦肉粥，但賣哂，轉左柴魚花生，粥較稀，但味道正常，花生有咬口。店員推介的滿天星星腸，腸粉包住炸過的春卷皮（?），紅蘿蔔粒，粟米粒等，腸粒滑溜，內埋香脆，雙重口感不錯喎。仲有芝士千絲卷，炸物包住蝦肉，很爽很脆，不過油左啲同無乜芝士味。最後甜品作結，芒果布丁～香甜芒果味加花奶，入面仲有粒粒果肉，幾好味。茶錢五蚊位，不用加一