大三圓 (Closed)

本人於年初三（即2月18日）跟公司同事一行17人 喺呢間酒樓食開年飯。揀呢間酒樓唔係因爲啲嘢好食，只係因為佢話會畀房我哋，同埋喺公司附近。 點知就食到一肚氣。我哋喺2月14號預訂枱嘅。因為我哋多人所以訂枱時已清楚要求要有房。 而當時佢哋亦喺張訂金收據上面寫咗話會比房嘅。 仲帶去訂枱嘅同事睇到 時會間房個位。點知當晚我哋去到嘅時候，變咗係坐大廳。 我哋當然嘈佢啦，佢又話我哋冇講。 跟住我就拎張訂金收據出嚟，咁佢就冇得出聲啦。但係因為 當時所有房已比其他檯嘅客人用咗，最後我哋就焗住要喺大廳食。呢啲咪叫做貨不對板囉。做生意唔係咁做嘅。啲嘢食係點，都唔好嘥氣講啦。去過食嘅人都知， 唔可以叫好食囉 。以後唔使錢我都唔會去食囉！

作為一個土生土長地道香港人，隔了一段時間冇飲茶食點心，就會渾身不自在 ⋯⋯ 所以今日就揀了這一間開張不久的【大三圓】以滿足口腹之欲。去到門口，已經覺得似曾相識；等位期間，望望擺放在前台旁邊的餐牌，名字竟然係【粵園】。記憶立即湧上腦海，大約半年前正是在同一地點飲茶食點心，只不過當時酒樓名字是【粵園】，今日已經變成【大三圓】。室內裝修及陳設基本上完全一樣。特別為了酒樓改名一事問經理，只尷尬地笑着回應：「都係同一個老闆，只不過想改個名字罷了！」心中嘀咕：「開設傳統中式酒樓的老闆都應該有返咁上下年紀、又多數信風水，一定係為了增加生意而改名吧！」既來之則安之，儘管試一試有沒有進步。出於八卦心理，即刻搜尋半年前的食評，將當日和今天的點心價錢作一個比較 ⋯⋯ 雖然兩次飲茶所食的點心差不多完全不同，但從點心紙的大中小點價錢就發現，重新裝修之後大約便宜了10～15%。名牌小籠包（大）($36)。自從試過幾次很難吃的小籠包之後，除非有特殊情況，不會再在廣東酒樓點這一個點心，今日因為見到鄰枱叫了一籠，遠望過去好似幾好食，就俾一次機會。一籠只有三個，雖然皮薄（可以隱約看見內裏湯汁），但整體賣相不算理想；尤其小

月前朋友生日，在大三圓宴客，試過了很豐盛的一餐。食物質素跟很多中餐名店相比，不相伯仲。很久沒有品嚐過的靚乳豬，上面是一層薄薄的脆皮，下面則是肉質幼嫩多汁的豬肉，值得推薦。當然還有其他食物如脆皮雞，水煮魚等等菜式也是可以加入推薦行列。今天特意與朋友再度上去試試午餐，看看質素又如何？估不到價錢原來十分相宜，點心與一般銅鑼灣酒樓差不多，但是質素較為優勝。除了點心外，我們點了兩客龍蝦168套餐，每人除了有半邊清蒸龍蝦外，尚有點心，內容豐富的例湯，很鮮味的魚湯浸時蔬，义燒雙併，炒飯等等。每款都味道啱啱好，超值。極力推介。如果服務能夠改善一點，將會是近來去過的最好食店。

原來高水準，不一定高價錢，大三園就是—個好例子。今日同老板出席商务午餐，有同事推薦了這家飯店，這裡的點心價錢公道，手抓羊腩味道豐富, 潮州粉果晶瑩通透皮薄餡香, 叉燒味道濃郁 肉質鬆軟 入口即溶, 最要讚的就是那個花生鳳爪,鳳爪非常之淋， 好食到連花生都食埋， 整體非常超值。老闆們一路講他們的百萬大計,我就一路吃我的美味午餐,最後還要提一提那個手撕雞,同蝦仁炒蛋,這兩個菜式貌似簡單,但是那手撕雞入味到要連骨都要食埋，那個蝦仁炒蛋，我老闆說啲蝦應該是新鮮蝦，不像雪蝦，我就真係唔知道嘞，蛋可能是湖南蛋，因為色澤很黃,其實我都係睇電視聽鼎爺講,知少少扮代表咋。

慶祝中秋節午餐，幾個同事約埋去咗飲茶！未食過呢間大三園，亦都似乎唔覺佢有其他分店喺金朝陽中心搭𨋢上去8樓，一出𨋢就到酒樓，門面好乾淨企理，牆邊有幾個大魚缸，侍應都好友善我哋好肚餓，即刻叫咗一枱點心椒鹽豆腐好好食，大小啱啱好，入面嘅豆腐夠滑，外邊嘅脆皮又唔會太咸蜂巢芋角都係高水準之作！重點係唔會太油另外鮮蝦菜苗餃同埋蝦餃著值得食，個皮好薄，又夠多饀同事都有大讚四季豆煎薄餅，話個薄餅皮夾埋下面啲餡好夾，不過我唔鍾意食四季豆所以冇食呢個午市孖寶A入邊嘅魚湯米線，超級好食！奶白色嘅魚湯完全冇味精，侍應姐姐話係用咗好多斤魚熬出嚟，夾埋啲蕃茄好清甜，我哋每人都食咗兩碗，打食評呢刻諗返起，都好想再食呀免費送嘅蓮子海底椰腐竹糖水，清甜度啱啱好，好多料有勁多蓮子同海底椰，係呢一餐嘅完美句號埋單每位$178，銅鑼灣區飲茶來講唔貴，但每樣野都好精緻+好好食，絕對係CP值好高嘅一餐

到香港哪幾個月，吃過很多美食，如今最讓我印相深刻的，就是大三圓的叉燒，看似簡單的一道菜，吃起來卻軟嫩多汁，非常入味又好吃，味道一直到現在，都還存在我的腦子裡，去大三圓一定要點的一道料理！

有日朋友生日係銅鑼灣一間大三圓食飯境然有意想畢到驚起 佢地既燒肉夠香又且皮又超脆。而且點心食得出有師父既心機。蠔又炸得好脆又保留到豪既鮮味。我誠推介大家一家大細 食飯。朋友聚會既好地方