大三圓 (Closed)

大三園的出品，一向很好，不論晚餐小菜或中午飲茶，均有傳統粵菜風味中午的點心套餐，非常優惠，所以縱使疫情期間，也是全場座滿，訂了位置也需要等候他們的杏汁豬肺湯，也是招牌名菜之一，在中午只需加$20，便可享用，超值之選黑蒜燒賣，非常特別，坊間沒有，黑蒜味道，個人喜愛鮮蝦脆春卷，香脆可口，濃厚蝦味欖角醬燒骨，與晚餐所點的質素一樣，高水準之作，無可挑剔因為沒有了雪山焗叉燒包，所以改了蒸叉燒包點心與炒粉，也是滿意水準做了午餐優惠，更為吸引，所以久不久便過來用餐

一直都將這間酒樓收藏在我的飲食名單裏，今日終於有時間到來。午市全包套餐都幾抵，但2人食又好似多了，只是簡簡單單點了幾個點心。<大三圓蝦餃>雖然未達到皮薄餡靚，不過皮都幾煙韌，蝦餃和筍的比例平均。<南翔小籠包>夾起的時候沒有散，裏面都有湯汁。<菜苗帶子餃>菜苗幼嫩，帶子很細粒，有鹹味，皮在散與唔散之間。<蜜汁叉燒腸粉>這個皮薄，內裏包滿叉燒，繼“陶X”吃過最好吃的叉燒腸。<古法馬拉糕>馬拉糕很軟熟，我還隱約吃到些杏仁味。水滾茶靚，樓底又夠高，環境闊落，侍應服務態度都幾好。

讚1. 有啲野食的確係唔錯，頭盤既醃苦瓜係好味，馬拉棧夠香；豆皮好味；排骨又香又入味；呢幾樣野都好有水準彈1. 部份食物就麻麻，雞既醬汁太淡，肉質老；蝦飯係唔入味，蝦還蝦、飯還飯咁；點心既馬拉糕都好淡2. 有啲野食味道唔錯，但價位太貴，焗蠔賣二百幾，但用既係桶蠔而唔係金蠔；炒鮑魚近三百，得兩舊鮮鮑，銅鑼灣但直逼中環價3. 服務係西既，九點幾就問仲使唔使加菜，搭半已經問要唔要點甜品

This place definitely deserves more attention!! 無論食物環境服務都一流，係正銅鑼灣Mid Town又有大房幾適合大時大節啲家族聚會~不過算係價錢偏貴嘅中菜廳🤭 🍲鮮杏汁花膠筒燉白肺湯 (HK$68/位) 👍🏻👍🏻👍🏻一試難忘! 係我至今飲過最正的! 第一啖已覺驚艶入口好濃郁嘅杏汁香味 飲得出係真材實料 豬肺亦處理得好好毫無異味 如果唔係要食其他餸絕對可以飲兩碗🤭🐖明爐蜜汁叉燒 (HK$148) 👍🏻👍🏻👍🏻招牌菜點可以唔叫! 叉燒size比一般食開好似厚得多 肉質軟稔得黎有咬口🤤肥瘦比例剛好且有微燶邊 餸飯good!🐦脆皮燒乳鴿 (HK$98/隻) 👍🏻👍🏻上果陣仲熱辣辣 皮脆肉嫩 唔乾多汁 唔洗沾調味料已經好夠味🤤🐟陳皮鮮沙薑煎龍躉脊 (HK$298) 好少食咁煮法嘅龍躉🤭魚肉大塊新鮮仲有骨lun~除左龍躉仲放左燒肉 皮還是香脆的! 陳皮同沙薑呢個配搭令成道菜更惹味 十個讚!🐖新鮮菠蘿咕嚕肉 (HK$148) 咕嚕肉做得香口唔油膩 醬汁甜酸度適中 好開胃!🥬古法南乳炆粗齋 (HK$128) 成晚入面較失色的一道

到來飲早茶， 服務員們親切， 能見到場內滿滿熟客的。叫來了它們出場；叫個午市精選餐A， 有；住家老火湯，一小煲；四碗，湯底清澈味道濃郁，潤喉， 另分開付上一碟湯渣配埋豉油， 自用。荷葉籠仔鲜沙薑生煎雞蒸飯，好很嘢味的一籠， 生煎雞配合砂沙薑粒， 雞件們肉滿鮮香， 飯粒們吸取了荷葉及所有配料的味道， 淡淡都好好味。鲮魚肉煎釀尖椒，這些尖椒們雖然很辣但香煎的魚肉， 帶來真的很嘢味啊。南翔小籠包，皮薄內埋湯汁多而肉嫩， 附上陳醋， 要趁熱食。鮑汁花生雞腳，汁哋香濃而雞腳入味每隻的表皮內埋都保持爽脆， 弄得精美的一道菜。

其實銅鑼灣好食和抵食的粵菜也不少, 不一定第一時間要去鼎爺的, 正常如今次介唔的大三圓一様, 她的煮法是傳統中加了些西式配菜, 但又不會變得不倫不類, 例如是加上百里香炒的鱔球, 彈牙的後者加上前者的香氣, 配搭的味道相當有趣. 傳統的則有咸香雞和炒龍門文粉, 前者的新鮮雞用半煎炸的做法, 外皮脆但內裡的肉不會太乾, 我常常說, 只要是以新鮮雞煮成, 就一定不會差! 後者米粉色調不太好看, 但炒功是可以的, 沒有多餘的沾油, 爽之餘也不會炒得太散太碎, 配上蝦球和墨魚鬚, 相當美味, 又是另一個”人不可貌相”的例子!

間餐廳已經成為我哋家族聚會首選，皆因佢哋嘅嘢食一直保持水準，啲侍應又nice，環境舒適，總會令人有賓至如歸嘅感覺。因為每次來都係家族聚會，所以都會訂定位，提醒大家，如果大時大節，記得預早一個月訂座啊！呢到裝潢好有特色，仲有落地玻璃大水缸，新鮮游水海鮮任君選擇。招牌杏汁花膠白肺湯～每次都會點嘅，味道濃郁，材料充足，每一啖都清香優雅。明爐蜜汁叉燒～肥瘦相間，餸飯一流。鮑汁扣鵝掌～點埋個酸汁，開胃水煮魚選用咗上等花椒熬製而成，魚肉厚身，煮得啱啱好，有少少麻，辣得好過癮，不過我最欣賞嘅係啲粉！浸耐些少更惹味，師傅會跟人數比份量，絕對人人有份，永不落空。原隻炸蝦球～大大隻，已炸至成個卜卜脆，連個蝦頭都可以食埋。皮脆肉嫩嘅燒雞記得應該係有欖角、生薑等材料佢哋會有套餐，價錢中肯，份量會跟人頭數變更，每樣餸都選料新鮮，製作認真。除咗晚市，佢哋午市會提供點心，有創意得來又不失口感，推薦各位可以一試。

3個人叫左個四人餐食～～～～～～～全部都好好食，服務唔錯，價錢合理～～～～員工態度友善環境乾淨幽靜又闊落～～～～～值得推介！~~~~~~~~~~~~~~~~~~

我們不考慮就叫了二人餐$388一位。.首先要稱讚店員的服務態度，他們全部都有禮貌，友善和細心。 食物是有次序分別傳上。.杏汁花膠燉白肺湯： 杏汁味道濃厚，花膠有兩件，我最愛熱湯。蜜汁燒脆鱔 燒腩仔 ： 我不吃鱔的，燒腩仔一般的好。蠔皇原隻南非鮑魚扣鵝掌 ： 好味道！ 鮑魚軟滑，一流，非常入味。 但碟上的賣相就一般，淋上的醬汁有點不太美觀。上湯焗開邊龍蝦伊麵：好味道，龍蝦肉質爽，新鮮。 伊麵軟硬適中。 本人建議放在一隻大碟上會美觀些。蝦子海參燴豆腐：有很多海參，味道不錯。合時糖水  （蕃薯糖水）：一般。傳統馬拉糕 ：好味的。.食品質素是良好的，員工服務態度十分好。 主動提供服務，坐位也很舒適。 只可惜當晚其中一枱客人極度嘈吵。 他們四圍走，飲酒。 店員也很無奈，我們只想快快吃完離去。 本人欣賞店員主動對我們說 不好意思，嘈了。

日前朋友又邀請到此店出席飯局，有驚喜不斷，菜式整體水準在高水平之上，但價錢卻是平民價格（抵食），服務好，樓底高，坐位又寬敞，食得固然自在，此店是海鮮酒家，其中就叫了一味粉絲蟹煲來試試功力，果然一食難忘，極力推薦給大家！

大食夫妻同闖蕩，三餐四處浩浩蕩，圓桌放滿餚和湯，價格清楚唔會劏。當一名中年男子與家人在外共進晚餐，最重要係全家開心。與靚太拍拖食飯，最重要係食咩都好，只要合她意願和知道該處有利於她。❝大三圓❞ 的套餐採用了較矜貴的「青龍」龍蝦，所以立刻叫嚟試試，最後也無令我哋失望。❛ 杏汁白肺花膠湯 ❜每人只有一小碗，內有花膠三少片，不能免費添飲，所謂少吃多滋味，但總覺有少少不夠喉喔。❛ 蠔皇原隻南非鮑魚扣鵝掌 ❜ 所用之鵝掌與平常所見的大咗20個巴仙，軟滑中帶有骨膠質口感，相信十分滋潤加滋補。 ❛上湯焗開邊龍蝦伊麵❜ 實在係冇得輸，啲龍蝦嘅肉好實在，口感彈牙味道濃沃，可惜伴着伊麵的上湯汁，沒帶點龍蝦香味，也未能黏附在伊麵上， 真係食麵只有麵味啊！溫馨提示： 地方細，早啲到才有位呀。其他都幾好

經常會跟家中長輩一盅兩件，對於居住港島的家人，銅鑼灣算是一個方便大家的聚腳點。銅鑼灣食肆林立，但要找到適合長輩及一家人享用的點心，並凡易事，容我大膽說這麼多年仍未找到滿意的！ 那天我們選擇了名字甚有廣府菜及充滿懷舊氣息的「大三圓」！ 「大三圓」位於 Midtown 八樓全層，由於整層面積不大，故呈長方形的用餐區並不寬廣，遇上假日，桌子更是排得密集，不過不會過份擠迫，尚算是可接受的程度！ 飲茶是廣東人的日常，從小開始便接觸點心，對於一盅兩件絕不會陌生。在腦海中，點心就是廣東菜一大特色食品，可是隨著香港人愛好新鮮感和日新月異的烹調方法，究竟現在的點心還是帶著廣東的傳統嗎？ 「大三圓」走傳統粵味路線，這回首訪或可得到一些啟發。 蒸 點心 — 大三圓蝦餃 HK$38 「大三圓」的點心紙以幾大項分類，令人可第一時間從分類中找到合口味的點心，設計簡單，卻來得實用！ 先來品嚐大三圓蝦餃。蝦餃皮薄帶黏性，餡料爽彈、鮮美、多汁，自然流暢的味道直教人歡喜，不愧為招牌蝦餃。 蒸 點心 — 三鄉蒸蘿蔔糕 HK$31 老爺愛吃蒸蘿蔔糕，糕頂豐富的臘味和蔥花，令沒多下調味的蘿蔔糕添上生氣，只略嫌糕身蘿蔔絲不夠多，

母親節同一家人慶祝。本來諗住去媽媽鐘意嘅川菜，但為咗方便啲所以就去咗呢間位於銅鑼灣嘅大三圓。之前嚟過飲茶覺得佢嘅點心同燒賣幾好食，點知晚市原來有水煮魚同酸菜魚㗎！😍水煮魚🐟 加咗辣真係好夠麻好夠辣 可惜唔夠濃味~呢度係用石斑魚，第一次用水煮形式食石斑，啖啖肉、冇骨係好爽! 但係始終最愛都係水煮桂花魚☺️酸菜魚🐟酸菜同泡椒嘅味道加上魚湯嘅鮮甜，湯都可以飲幾碗啊！加上呢個真係少少辣㗎啫，唔食得辣嘅人都接受到。不過都係果句，用石斑煮硬係爭少少~ 不過呢一個酸菜魚嘅湯底真係大贊! ———————————大三圓地址:銅鑼灣登龍街1-29號金朝陽中心2期Midtown8樓價格: $200-400營業時間: 11:00-15:00 18:00-23:00電話: 29839899

well, service is lousy (it's OK in the beginning), food is mediocre, for the price you have to pay for a first class restaurant. Don't waste your time and money.

唔係數十年前那間大三元，環境價錢唔同但同樣是吃點心，我最開心是芋角(看照片就知)，好多茶樓唔做，有都唔係好掂，啲油同火都重要㗎，油舊會好難吃; “翠玉軒” 不妨一試，呢間就真係要試，仲要價錢平些