大尾篤麥師傅 (Closed)

入秋....bbq好時機.....門外有多個泊車位置.......入場費.....每人$150........開爐費$50...........帶我們入座了..........明明爐已開........還收開爐費.......有蓋頂.......煙都散不了.......一開始....每枱一盤......再拎盤去取野食......真是失望.....表面好入味....食落冇味....！ 根本不入味.....要再改善一下......場內有其他遊玩設施...帶小朋友放電很適合

我都知我朋友係BBQ愛好者，但無諗過佢連夏天都唔放過BBQ嘅機會🤦🏻‍♀️呢間BBQ場係朋友係大埔試過咁多間最好味嘅～ 呢度出名自家醃製嘅食物，仲有乳豬燒架～平時燒開嘢食都係主打雞翼同埋丸，但經過今次老闆麥師傅嘅指導之後，原來豬扒同牛扒都可以燒得咁出色、咁好味而且所需時間同丸都係差不多，我地照住麥師傅嘅方法同技巧去試，不知不覺間已經燒咗好多塊，個個個肚都飽到脹哂好辛苦呀～（師傅仲送咗啲秘制醬汁）呢度嘅服務都好好～ 我覺得老闆態度如何，員工態度亦必如何～覺得老闆真係用心做好啲食物，真心想客人食到好嘢～ 仲好好心機咁教每枱客人燒嘢食嘅技巧，麥師傅係出色嘅（試過一間BBQ場貴過麥師傅，食物xx不特止，連蜜糖都溝水，乜味都無）

大尾篤游海賽，當然順便去燒烤啦！泳會一早book好晒， ＄110一位任食， 12點至五點，真係可以飽到嘔！但中午時段，天氣熱到high high ！有基本野，雞翼豬扒牛扒腸仔紅腸等等。有個長洲大魚旦，比較特別啲！食物質素，真係好一般，個豬扒叫做比較好食，係厚切！個咖喱魷魚，真係唔好試！我哋order左隻燒乳豬，另外要比錢，隻乳豬即燒即食，又真係幾好味！麥師傅幾好人，又走出黎教我地點樣燒，仲幫我地燒，又請我哋飲汽水。飲品,任食係包一罐汽水，$13一支烏龍茶，都唔係貴！可能天氣太熱，雪糕，雪條，竟然全部賣晒！

麥師傅見我地燒得無技巧 麥師傅即刻親自燒 所有野食肉嫩多汁燒牛扒大火低燒 如果細火變牛肉乾燒牛扒豬扒避開油火自從麥師傅指教下 以後燒野都唔會浪費食物麥師傅無得頂無得輸 下次一定會再黎

去到大尾篤，一定要燒嘢食啦！今次同朋友專登由沙田踩單車入大尾督，做運動出身汗後，就去麥師傅食燒烤放題醫肚，慰勞五臟廟。😬因為地方實在太大，可以容納成千人，所以唔使訂位，去到walk in就OK啦！俾錢後就入去自己搵個靚位，跟住就會有專人幫你透爐，十分之方便。而同時就可以去玩嘢食先我哋只係兩個人燒嘢食，但係都比咗一大盆食物我哋，有腸，雞翼，豬扒，牛扒，魷魚等等，目測應該有三至四人份量，當然多人嘅話，大部份嘅食物都係可以任添嘅。🤤要品嚐到好味嘅食物，用料同埋燒烤嘅技巧，兩者缺一不可。我最鍾意就係芝士腸同埋雞翼，芝士腸外皮香脆，入邊嘅芝士汁香濃，爆發一刻陪感滋味，而雞翼大隻得嚟，肉質十分之鮮嫩，好食到要encore幾次！👍🏾雖然入場只係包一罐罐裝飲品或者一支水，但係飲品嘅價格尚算相宜，有啤酒、竹蓆茅根、果汁汽水等等，所以燒嘢食都唔駛怕口渴冇野飲。😋時間過得好快燒左三個鐘頭，終於食飽喇！人頭費每位＄140另加透爐費＄50，唔想踩單車入嚟咁辛苦，亦都可以選擇搭巴士小巴，揸車入嚟有得免費泊車添！下次去大尾篤又可以再試過！

個價錢乜都唔包，粟米同蕃薯都冇， 應該話係乜蔬菜都冇 ， 全部要額外再畀錢去買 ， 番薯十蚊條粟米百蚊條 ， 雞碎咁多 ，去過咁多個燒烤場， 呢個最搵笨。又話有羊架食 ， 畀錢都話冇得食 ，豬扒醃得唔入味， 好嗎好似牛肉乾咁， 芝士腸同埋香腸唔知用啲咩垃圾牌子好難食， 雞翼都唔好食， 咖哩魷魚得個辣字， 山楂骨唔好食， 撈金魚唔準拎啲金魚走， 其他活動例如入沙瓶， 玻璃畫貴， 吹氣彈床 細到無倫， 比三歲bb玩？完全搵笨

第一次黎麥師傅燒烤，扒類好正，勁多肉汁，好好味👍🏻👍🏻我地仲遇見麥師傅，師傅親自教我地燒野食～仲燒埋比我地食～勁nice🤗最後仲送埋兩樽秘製醬汁我地✌️✌️醬汁有少少辣，好惹味～🤤

今日生日, 揀左去BBQ HEA 下, 唔想諗去邊度食又限時限刻咁~同埋冬天係要BBQ 既~ 今日咁凍, 岩哂!!!平時去BBQ 一係揀屯門, 一係揀大埔~不過身為觀塘人都係覺得大埔近D, 而且有FD 住大埔, 就好順利成章咁去呢度啦~今次係第一次黎麥師傅, 以前有試過去門市買BBQ野食返去村屋度自己BBQ~個時食過豬鞍扒已好正~咁我都相信佢開得市食賣野食唔錯之下, 個BBQ 場都應該唔會衰得去邊先.價錢$140 有5個鐘都算公道, 以前去開係附近既BBQ場已加到幾離地, 所以今次先想試新野~可以自己帶野食, 不過唔好帶飲品喇~ 其實佢地飲品都唔係賣得好貴, 一般便利店價錢~我地5點入到黎~唔太多人, 任坐~佈置都唔會迫到冇位行同聽到隔離台講野咁~有充氣彈床畀細路放電~入場後有派飲品劵同食物劵, 4人份量分左一大盤野食先.唔好睇佢D野好似好淡口冇乜吸引咁, 樣樣衰衰但燒出黎夠味又好味~自制豬扒包~尤其係個尤魚, 好夠味, 不過就比較咸左D喇~~~好多醬料都已痴左係個網度, 食落都重好咸呀!我地自己都帶左個網同夾, 買左D 海鮮去燒~中間我地有買左盒, $10 既蒜蓉牛油黎燒海鮮~畀佢賺

聖誕同朋友燒野食，見麥師傅幾出名咪同朋友去下！節日加價好正常！每人180！我地10個人原來得兩包炭！唔夠就要30蚊包再買！拎野食先激氣！要排晒長龍等等等！每次排15分鐘有多！排到仲要次次話無依樣嗰樣！喂！你出面價錢上面寫到明有乜食㗎！日光日白入到去已經無一口牛！豬頸肉無！魷魚無！金沙骨食完一次又無！雞中翼得一隻味！啲扒要等配給！！10個人你比3塊扒我，肉已經一係無一係叫我下次再拎！叫你丸又話要留俾後面！係咪每次都要10個人出黎坽先拎到每人一塊肉呀！任食但樣樣都無嘅！勁！勁搵笨！呃錢！！！

肯定會有人話，自己買嘢食去效野公園/屋企燒，有酒飲有得買靚嘢燒都可能係貴小小有人起埋爐，有人執手尾，唔使自己攞嚟攞去，百三四蚊真係低到爛，任食仲要唔趕你走咁滯，你屋企又可以咁嘅價食到幾天荒地老？咁當然價錢同食物種類質素成掛勾，種類絕對唔少，丸呀腸呀快熟類都一大堆，豬扒牛扒雞翼全翼金沙骨雞扒骰仔牛雞腎仲有我推介嘅魷魚翼最厲害就真係麥師傅親手即燒嘅乳豬，熱辣辣，皮超脆不在話下，肉勁多汁非常嫩，一口滿滿嘅幸福。不過哩個就要另外加錢㗎

服務超差，日頭就話唔比開風扇，問佢點解，佢話唔知，老細話唔比開。夜晚部分位無左燈，通知佢地叫佢開，佢地話唔知，咩都話唔知。d野食勁咸，咸到都食唔到。總括食物質素差，服務質素更差，下次一定唔會幫襯囉！

麥師傅真係會教燒烤技巧！唔講真系唔知！啲食材味道整得豬扒牛扒金沙骨雞翼豬頸肉li個價錢食到咁既食材，真系唔錯！睇得出師傅用心經營！仲有即場燒乳豬！真係一間幾唔錯既燒烤場場內又有比小朋友玩既設施！

一向去開大欖、屯門嘅燒烤場，貪嗰邊平靚正玩成日。但朋友推介麥師傅，話食物醃得好味，咖哩尤魚必食添。今日慶祝女兒生日，就試下新地方啦！加上呢度有個大型吹氣彈床滑梯，啱曬小朋友。一去到，就見到有工人喺度清潔彈床，呢點要讚下但今日氣溫30度，中午太陽曬到彈床滾熱辣，小朋友睇到玩唔到，要忍4點零收咁啲太陽先玩到。如果燒烤場可以加番個蓬遮下就好嗱！食物方面，種類多，肉質和醃味的確比去開嘅好味，真係一分錢 一分貨牛柳粒，叉燒粒，咖哩尤魚都推介另外，黎燒烤場玩都無話要咩服務嘅，但食物領取處嘅阿姐嘅態度，臭寸非常，攞野食好似我乞佢咁。我地16個人，每樣比兩件，話要多啲，就虎虎氣氣咁叫我食完再攞話完佢就比番多啲入場時存起左個蛋糕，去問惡姐攞番佢話：你自己入黎攞啦（惡）我話：你咁多個雪櫃，我點知邊個呀！呀姐！咁佢先去雪櫃攞比我希望下次阿姐態度有待改善！

今日一早出門，同阿仔老公約埋一班朋友到大尾篤踩單車，見到天晴氣朗大家就决定去烧嘢食，聽朋友介紹去麦師傅烧烤埸，但入到埸之後，員工的服務态度极差，食物食完之後好口渴，我哋一棚人共十二個只俾用一張抬，只可以講一次過，冇下次

趁住天氣仲未熱，燒埋最後一轉嘢食先。女朋友話見到報紙麥師傅成日教人燒嘢食，咁今日就試吓啦。平日黎價錢好抵，每人＄100再加開爐費，不過嘢飲就唔係任飲。一開始就拎飛去換一盤嘢食，之後再拎嘢食都係用返嗰個盤。入邊基本丸腸都會有，牛扒豬扒雞翼金沙骨咖喱魷魚等等。咖喱魷魚好正，魷魚夠厚身，大火燒，外脆內juicy,咖喱味又香！金沙骨都醃得好入味，大件又夠肥。之後記得要出去拎牛柳粒！牛肉味好香濃，必食！雖然呢度冇其他海鮮，不過夥計話可以自己帶入嚟燒冇問題，係唔可以帶嘢飲！