大尾篤麥師傅 (Closed)

好耐無燒烤了，見天氣涼涼爽爽，一班好友來個吹水+現金抽獎夜！朋友話大埔「麥師傅」好抵食，$130/位任食，爐頭每個收$50，已包埋炭、燒烤用品、麵包、蜜糖及飲品一份。是夜6點几到場，周六關係，特別多人，齊齊排隊入場，我地一行15人，開兩個爐，配給兩大盤已預備好嘅燒烤食物！兩大盤食物當然係大路野喇，但求質飽各位來賓，yo...使乜驚？！我地人多食量大，好快ko兩大盤，再出去攞唔同嘅嘢食先！兩大盤之中，最好味要數係咖喱魷魚，勁大塊又入味，辣度適中，肉質爽脆，燒極唔厭！豬扒又係勁大件，肉質十分鬆軟，燒極唔硬，好易口趙！雞翼就有陣雪味，唔多討好！搞到我唔敢燒雞扒添！燒賣，食落係成口粉嘅感覺囉！什丸如魚蛋、墨魚丸、貢丸、芝士丸等等，毫無彈性，一啲都唔爽口！金沙骨，惹味有咬口！腸仔、紅腸好味！麵包，加咗蜜糖先燒，好似烘多士一樣，香脆美味！外面攞嘅嘢食有好多，如芝士腸、多春魚等都好好食！特別推介雞腎，口感好，非常脆嫩！豬頸肉，燒完效果似叉燒，肉質滑嫩又香口！如果想燒海鮮、羊架，就要另外收費了！飲品有多款選擇。燒乳豬要預訂，由於今晚要即場籌集資金玩大抽獎，所以我地唔訂燒豬了！行過見師傅幫緊客人燒豬仔，

即食要即日打食評你都誇張.未試過咁誇張, 燒嘢食時已經連飲 3 罐汽水+1 支雀檸檬荼都止到口渴, 回家仲不停飲水...請問你哋落咗咩去醃???雖然價錢唔貴.大人$130包飲品一罐/燒烤叉, 開爐費另加$50 包2包炭, 一蜜糖和半包方飽,係方便但真係超級口渴.

聖誕節到此場BBQ。之前見到的食評已麻麻。但因為生日的朋友猛話可接受,所以先勉强一試,但一試就想死。的肉又唔新鲜又超多味精。啲丸係粉球。飲品完全唔夠飲,包一様,明叫你再買重要貴到劈死你。炭2小包二小時唔夠已用完,咪又要你去買。佢比個盒燒烤包4個大人,得一塊牛扒,一塊雞扒,2片猪扒,大量丸,紅腸。。。買相已客死人。但唔明而家香港人是否喜歡食垃圾！？？的食物真係差無可差。就算唔駛錢再比返佰幾蚊叫我食,我都叫佢節省啲。

趁住天朗氣清,就同男友去BBQ. 成日聽大埔人講去麥師傅,今日都要試一試.一去到停車場,我地都好迷茫唔知泊邊,不過有個叔叔就好好禮貌咁指導我地泊邊到,之後就買飛入場啦130一成人,加50開爐費.價錢算便宜.去到搵個位坐低,不過地方環境好惡劣.當然我唔係expect好優美.不過達爛地好多積水同埋水氹,好難先簡得岩D位,又好多蚊.之後就梗係去拎野食,點知去到唔係自己簡!係拎張飛去俾個呀姐,俾一大盆野你.救命呀.呢個係咩玩法? 入面又唔係我鍾意食既野,掉又係唔掉又唔係.入面係D基本野啦,腸仔丸類牛扒豬扒雞扒由魚之類. 根本唔係自己鍾意食既野,所以係唔會食得晒!後尾就去食物部到攞野食,D野食又收收埋埋咁,唔係SHOW出黎俾人睇有咩食.突個頭入去都睇唔到. 雖然門口係有寫有D咩野食,但你唔係諗住個個都會記得嗎?你去放題都有紙仔俾人剔啦!食物方面算係中等. 個豬扒最正. 厚切豬扒,燒完入面都好JUICE,係一整塊,無切半的.我都食左2大塊.而且食落唔覺係落左好多鬆肉粉去醃爛晒D肉,呢個係要讚!其他都係不過不失,又唔係差過人不過又唔係好過人咁啦.出面好多小朋友玩樂設施,有充氣跳彈床,撈金魚,玻璃畫,

員工會地氈式搜索你有無帶飲品入去仲落力過為你服務搜到的話會登記你貴姓叫你走嘅時候拎返走但佢其實寫明帶外來飲品入場會每支罰五十如果D員工真係咁做的話你惟有當俾乞衣吧不過呢間嘢每人只提供一件飲品香港有好多BBQ飲食都會有一支水加一樣飲品有得揀做咩一定要揀呢間?燒烤方面, 嘢食一開始會俾一大盤唔理你啱唔啱食大雜會食晒先去拎第二盤因為食物都放同一個盤而且一開始第一盤食物已經定好唔可以改腸類、丸類、扒類、雞翼唔同醃料食物擺埋一齊味道自然大打折扣有試過其他BBQ任食會將不同食物分開膠袋雖然唔太環保, 但分隔唔同醃料對食物味道係好重要有師傅會嚟指指點點你燒嘅方法唔啱仲整亂晒D炭搞到個火細晒等你可以食一肚火下次再同朋友BBQ一定唔會再揀呢間

啲肉類好唔新鮮，豬扒牛扒醃得已經嚐不出肉味⋯最後都係食左啲丸類算罢⋯個樣都好令人😷😷😷⋯飲品都只得每人一樽⋯冇蔬菜，得啲椒，問佢，居然話要自己出邊買⋯除左入場收費同開盧費，其他都要另計，譬如燒烤網。真係超級失望的一次體驗，絕對唔會來第二次。

第2次嚟呢度燒野食，仍舊人多。相中燒緊羊排、牛排、瓜同椒。肉類講真無咩味而且有少許雪藏味，調味不味，唯有不停加上自備既辣醬、豉油之類作調味。最完全還是燒蔬菜、丸類。

一行四人點了一個最基本的燒烤套餐，盤子內有豬牛扒，好像沒看到雞扒、腸仔、墨丸、雞翼、紅腸、魚蛋、 魷魚。由於同行友人表示扒類醃得非常軟林，好像沒有什麼口感，感覺不像在吃豬扒，因此我也沒有費時間去燒了。 燒魚蛋、墨丸、腸仔都沒有什麼特別，味道屬於正正常常，只要不是雪到死硬，輕輕一燒，其實味道都不會太差。雞翼醃得相當不錯，燒兩下外皮有點兒香脆， 再塗上一層蜜糖，內裏又有點肉汁實在不錯。金沙骨類似物體，骨頭部分挺多，志不在吃肉，在於聊天搞笑，燒完金沙骨塗點蜜糖，意想不到竟然較美味。 麵包反而不太美味，看似是紙皮一樣，又好像是麥包，燒烤前後都是乾乾的，味道不太好。最基本的盤子就是選擇不多，要選擇更多食品就要加錢。 現場環境似乎比其他燒烤場較佳，帳篷起碼抵擋得了大雨，不容易沾濕顧客。只是下雨過後，要走泥地離開有點兒狼狽骯髒，不過鄉郊地方就是這樣。

職員態度惡劣，尤其是入口收銀短頭髮嘅女人，洗手間無厠所冲水（情況自己想像吓），同職員講，佢話喺咁架啦！十個人去，每次俾3隻雞全翼，2塊豬扒！弧寒就吾好做任食。下次吾會再去！大大隻字寫麥師博教客人點樣燒，好心麥師博教吓D員工先啦，食物好亦都不是只有你一間燒烤場嘅！

今晚歡迎同事，大家提議燒烤，唔想自己買嘢，所以去呢啲燒烤場，同事話呢間燒豬好正，所以去呢度試下，乳豬要先過數訂，坐同事車來到，門口空地可以泊車，地方好大，水泥地，每個爐都有棚遮蔽，場內有幾隻唐狗，佢哋會偷吃，所以紙碟最好放在枱面，閒日可以坐到攞食物嘅屋仔附近，今日閒日無乜客，入場即刻比錢！一個人$100，小朋友要度高（135cm以上當大人）每人包一樣$8嘅飲料，要補差價！食物只係普通丸類、扒類同雞翼任燒，蔬菜蕃薯粟米菇類就要另買！醬料只包蜜糖，其他嘅另買（抵唔抵就自己唸，不限外帶食物，不過唔可以外帶飲料，去到已經好快開好爐，爐係石油罐，好闊好好燒食物用膠盆盛裝，叉好就燒，男店員又會燒下，間中攞啲燒好嘅食物比我哋，大家傾下偈飲下嘢就一晚！場內嘅食物雖然大路無驚喜，不過味道唔錯，尤其魷魚、牛扒同一字排，好淋唔韌，仲好入味，雞翼好滑唔會帶雪味！乳豬就要麥師傅開車送到，佢親自燒，都要燒大約一個鐘，佢會比我哋影相先斬，皮脆肉嫩，又唔會好肥！好好味！我哋外帶了海鮮，好好味！不過要買個網架燒海鮮（又$50）不過個網架就幾好用！架起好方便燒！店員服務就比較粗糙，例如門口阿姐，我哋到場時，問佢我哋訂咗豬

在等待期間已受到職員的不禮貌對待，由於我們人多的關係，職員叫我們排隊入場，但態度其差，並叫我們如認到不是我們的人便推開他!! 我心諗就算不是我們的人，都不用推開他卦?! 諗住入到場燒完就算啦~~ 點知燒完拎野食要去櫃檯排隊，感覺就像配給一樣!!! 大佬...你個場成幾百人，條隊長到呢!!! 又熱又曬!! 唔使開爐都火晒啦!!! 最新奇是任食係不包括蕃薯，粟米，面包的食物，要另外加錢買的!!! 你冇睇錯...係比左成$100入場後再要加錢買的!!! 去左咁多個燒烤場燒野食，連呢啲野食都唔包既，真係第一次!!! 真係貼錢買難受!!! 總之就冇下次啦!!!

秋高氣爽, 正是外出燒烤的好季節適逢有人吹雞包團去燒烤, Pさま和薯就跟機了~小時候還沒有那麼多燒烤場要在超市買食材和燒烤工具抬到效野公園 BBQ現在要燒烤很簡單, 直接來到燒烤場甚麼都一應俱全不過通常新手包附送的食材都久缺新意這邊的康樂部部長一早為咱們做了客製化升級服務!所以和一般的任食入場的食物會有所不同, 敬請留意~有栗米, 番薯, 和大量的生菜!薯見康樂部員一朝早就在洗菜辛苦了!另一邊廂, Pさま就在偷可樂喝...基本上有專人負責起爐點火, 所以就算甚麼也不懂也不怕~不過補炭就要自己來哦~然後就是咱們特別食物小隊登場了侍火勢弱了後就轉燒些不用猛火的東西~燒了一下後, 然後真正的Boss 出場了!真的是原隻燒豬呢~ 初時還怕那麼大隻豬咱們不懂燒會浪費掉和麥師傅商量了一下後, 他竟然親自幫咱們燒! 超感動!然後在薯的心中就響起了Monster Hunter 的燒肉歌~麥師傅果然超有經驗, 在燒那雙超重的豬時還能指著薯燒烤叉上的豬扒:「豬扒放太高了, 放低一點猛火燒才好吃!」給麥師傅指點了一下後結果薯用低空猛火燒那塊厚達 2cm 的豬扒不但沒燒焦, 還保留肉汁超好吃!!興奮的薯怎也要

麥師父開左新場！再唔係叫大尾篤燒烤王，唔好去錯喎！係正以前燒烤王隔離乍，老麥加油呀 ﹗今晚麻煩麥仔幫我留個靚位，自成一閣。第一次來臨，地方比以前細左半，但乾淨齊整骨子左好多 ﹗石屎地、食物提取處、飲品部、兒童樂園。最重要係個新男仕廁所好乾淨呀 ﹗但只有兩格，無尿兜。 依家七點半差不多八點都 full 左 70% 喇 ﹗有班大陸公司搞 party、又有班大學學生搞活動 ﹗每次都係港式用叉自己燒，今次特別改用網燒，因為我地買左海鮮加餸麻 ﹗麥師傳養既狗狗，比以前少左好多隻喎 ﹗聽老闆娘講，舊舖燒烤王個新老闆唔鍾意狗，自己 call 捉狗隊黎捉走晒狗囉，最終咪又係人道毀滅？好過份呀 ﹗海花蟹、連殼生蠔、貴妃蚌、大蜆，燒左自備海鮮先 ﹗燒本地生蠔原來勁好味架！超級鮮甜濃郁又彈牙，唔洗開直接燒，肉汁唔會流失得太多，全熟生蠔依然肥美飽滿，正呀！蟶子皇都甜到不得了！燒到乾身即啪入口，鮮爽多汁帶碳燒香味，太美味 ﹗最初唔記得要左海蟹先燒，係好難熟架 ﹗Lucky 勁多膏，蟹肉又鮮甜。大蜆、貴妃蚌、花蜆同樣新鮮味美，全部只係三百幾蚊乍！最遺憾收工太晏買唔到龍蝦囉！燒連殼生本地生蠔唔洗開，燒到差不多