大師兄 (Closed)

好鍾意食點心，但係唔係好鍾意去茶樓，所以差不多每逢週末我都會去食大師兄。不過最近由於疫情，佢淨係改咗做外賣，冇堂食所以我都少食咗。點心質素係唔錯嘅，不過就一時時，有時人多都會炒車，所以最好少人啲嘅時候先食。例如我試過潮州粉果係夾唔起，一夾就成舊爛咗，一pat野咁好恐怖。環境來講就係好擠迫嘅小店，服務都唔好要求有啲咩，基本上就係家庭式營運，不過呢啲來講我都唔係好執着，最緊要係食物。蝦餃王和燒賣王兩件裝各$18，兩個人食啱啱好，推薦！腸粉都滑嘅，隻隻都唔錯，個人比較鍾意食叉燒腸同埋蝦腸。滋潤紅棗糕$16三件，香甜軟糯。鹹水角外脆內軟煙煙韌韌，$18三件。蒜蓉蝦春卷$20三條，新鮮出爐非常香脆，入邊隻蝦仲要好大隻。馬拉糕$16，呢一款就一時時，有時好好食有時唔好食。避風塘炒蘿蔔糕，少少辣，脆，好惹味！茶剩係得兩款，我通常都係飲普洱，佢啲茶唔好飲，叫做好過飲水。整體來講食得過，性價比極高！平視我兩個人食大概點六至七款點心，埋單$120-130。

晏晝喺附近諗唔到想食乜嘢，見到呢一間點心店就去試吓啦，叫咗流沙奶黃包，炸鹹水角，同埋鳳爪排骨飯，前兩樣點心正常質素，鳳爪排骨飯就比起我食過咁多間酒樓之中更好食，而且大大碗，十分驚喜。大家嚟試吓佢啲蒸飯啦！

我返外家前都會在附近吃過午餐才回去！很多時想一盅兩件就會去幫襯小店大師兄吃點心！ 每次都會吃甜酸炸雲吞＄18，可惜這趟有點像翻炸吃下有點油膩，但他們的甜酸汁調得很好味當補番數！ 大師兄蝦餃皇＄19一籠只有兩粒，不過就比正常的大件吃下去口感超滿足，吃下去皮爽餡足亦富鮮味絕對好吃的！ 我最愛吃的祕醬蒸鳳爪＄19這兒都弄得很好咬口，不會炆至散爛但又夠淋身我好喜歡！ 綿花雞＄28魚肚份量足沒有腥味，索了香菇雞肉的香味好正，雞肉亦口感嫩滑弄得不錯。 蜜汁叉燒腸＄22皮不算薄但入口仍夠滑溜，叉燒餡亦很足是飽肚之選呢！其實店家的蒸飯都十分有水準的留待下次再來吃過！

今日無心插柳行過荃灣搵嘢食見到有間小店寫住有點心食於是就睇睇佢老實講我都唔知呢間鋪係咪真係自己做點心，還是係入貨。佢將餐牌同某添字頭嘅餐單都似似地。第一碟係避風塘炒蘿蔔糕佢註明係自家製調味料，好可惜蒜粒明顯過火，食落好苦，搞到成件蘿蔔糕都好苦，蘿蔔糕其實味道香脆可以但就被蒜頭破壞了點心方面叫咗幾款其中蝦餃鳳爪芋頭包...蝦餃皮唔算太薄未到可以蝦肉都爽口；鳳爪唔算好辣味道唔算好重，適中尚可；芋頭包唔知係入貨定自家製，包皮尚算軟熟但芋頭蓉味道一般可以不試另外仲叫咗燒賣同章魚肉餅砵仔飯....燒賣唔算多肥肉咬口唔錯，上高鮮蝦到頗大隻，味道OK；砵仔飯做得幾好，飯粒分明水份適中唔會太濕亦唔會太硬加埋豉油的確幾有風味，肉餅份量味道唔錯唔算太多肥豬肉總括然而，大部份點心表現唔算10分突出但我覺得如果真係手工制都值得一試，不過餐廳清潔程度的確可以更加改善，譬如可能因為人手不足老闆老闆娘都出嚟又執枱又落單，但係亦都會準備食材呢一點對食客觀感真係唔係咁好，餐廳環境枱面清潔程度亦都一般

只能夠說唔難食唔好食唔洗特登去食係在附近工作或住， 想飲茶可以去下， 但有小朋友都唔建議去，地方細，坐得好迫唔舒服兩個人食記左1. 避風塘炒蘿白糕（呀姐話推介嘅）避風塘味不足，炸蒜粒唔夠鹹鹹辣辣，唔係好惹味 而且炸得唔均勻，唔夠脆口最重要係粉多蘿蔔少2. 脆海鮮腸粉但腸粉皮係ok ， 唔會太厚， 少少癡牙，唔會太淋，口感不差，但個內餡太油，脆粉太多，蝦太細隻，引致頭尾都無蝦食而且無甜豉油，差點味道3. 咖哩魷魚完全唔係咖哩魷魚，連味都無咖哩味，　但個魷魚正常，唔會硬曬4. 薑蔥牛栢葉一般５. 紅棗糕我喜愛的紅棗糕應該係香香糯糯，QQ彈彈的口感但係呢舊不夠煙韌，　有點硬另附上螞蟻一隻，證明佢係甜的蝦燒賣睇得出應該係自己包的，但係成舊都係肥豬肉，毫無口感

炸雲吞蘿蔔糕同埋小籠包 都唔錯雖然皮厚小小但係好多汁個人就鍾意食牛肉腸如果啲皮薄少少就好最後食唔曬仲可以打包服務態度好好荃灣廣場附近可以一試但你可能要講先開冷氣。

不嬲都幫襯開大師兄，貪佢食物好食，性價比高。每次幫襯都係外賣自取形式，因為佢啲點心蒸飯都係即叫即蒸，所以老闆建議客人可以預早20分鐘打電話叫定外賣，然後自取。但最近兩次遇到極奇怪的待遇。一次係上星期五，有個廣東話都未講得正既阿姐打黎吹攞外賣，20分鐘都無，吹到褲甩。今晚又遇到同樣事件，又係嗰個眼大白淨廣東話都未講得正既阿姐打黎，我問佢其實你吹咩呢？都係20分鐘啫，我求先搭緊巴士剛剛先落車，宜家趕緊過黎，有得快我都想快啲，你係咪好趕住收工呀？跟住佢好有道理咁話，哦…唔係，我驚你啲野食凍咗唔好食啫，吓... 咁都得? 啲食物係我既，冷熱又如何呢？反正我返到屋企都要等埋屋企人返齊先開餐，唔通我又好似佢咁打電話吹我啲屋企，然後話，無...我驚啲野食凍咗唔好食啫。唉...真係唔明內地同胞既想法。呢啲咁既阿姐可能平日太得閒，老闆若果睇到呢個食評，記得比多啲野你嗰個又勤力又關心食客既伙記做，好好發揮員工所長，善用資源，唔好浪費咗佢既才能。

避風塘炒蘿蔔糕$26賣相已經相當吸引，炸到金黃色。一碟有八塊，呢個隔左一陣先食依然好脆口，入面果心係好夠熱大師兄脆炒腸$28一碟六塊，感覺好似春卷被一層腸粉包住，但依然係脆口，入面仲有陷呢個我最愛既香煎虎皮椒$26呢個魚肉比例好好，唔會得少少魚肉，係釀得好足料，滿晒，超辣🌶上湯鮮竹卷$25湯汁唔會過鹹，腐皮包住既陷配搭剛好，不過不失，可以接受咖哩魷魚🦑$28咖哩汁調得唔錯唔會太辣同太假，魷魚食落爽口，仲有蘿蔔墊底整體而言，味道唔錯，價錢超值

好鍾意飲茶，蒸點炸物種類多，加上每樣份量都係得兩三件，可以樣樣都試啲但去酒樓飲茶要睇時段好彩而家有唔少點心店，咁就算過左下午茶都食到點心啦今次介紹嘅「大師兄」點心店，喺荃灣廣場戲院出口對面。因為店附近係車房同五金店容易睇漏眼。店內面積較細，繁忙時間要同人搭檯，檯同檯之間會有啲逼，但環境係乾淨嘅。除左常見嘅點心，仲有一啲特色嘅，例如缽仔飯、避風塘炒蘿蔔糕、脆竹腸⋯嗌左6款食物：手拉布拉腸-可能蒸過龍縐縐地，唔算好滑但都好食嘅。（冇麻醬、甜醬供應）腐乳唐生菜-腐乳味道啱啱好鮮炸雲吞-啱啱炸起，好脆熱辣辣之餘又唔會太油，好味蝦餃皇、潮州粉粿-好大粒，好足料，點辣椒油食，好味黃金炸鏝頭-都係熱辣辣唔油，內脆外軟

鍾意食點心嘅朋友呢間係荃灣嘅點心小店 點心質素幾高😁 價錢合理原隻鮮蝦燒賣皇 $18燒賣好大粒🤤雖然得兩粒但係佢一粒就等於平時酒樓食燒賣嘅兩粒而且入面全部都係肉嚟嘅 足料！鵪鶉蛋燒賣 $22佢嘅餡同燒賣一樣 食到好蛋黃味原隻鮮蝦腸 $26白如雪，香滑可口 入口食到蝦既味道 ⭐️避風塘炒蘿蔔糕 $26避風塘炒蘿蔔糕不得了👍🏼 $26重點係一啲都唔油！食佢嘅感覺好似食椒鹽豆腐咁🤤無錯入面係豆腐甘滑章魚肉餅缽仔飯 $30加臘腸$5個飯就冇太大驚喜 但一碗好嘅飯係做到粒粒分明 佢就做到啦😃🍴推介度：❤️❤️❤️

食點心唔一定去茶樓，這間大師兄是茶餐廳的價錢，酒樓的質素鮮蝦腸粉好滑，蝦肉大大粒又新鮮馬拉糕非常鬆軟，又唔會太甜，是我們每次必叫的點心還有這個必食蘿蔔糕，即叫即炸，外脆內軟，面頭仲有脆卜卜既炸蒜，蔥同辣椒，實在令人食指大動這款北菇蒸雞飯好抵食雞肉比例仲多過飯，啖啖滑雞再加埋甜鼓油好好味呀！大滿足

星期日是母親節例牌當然返外家，而我的午餐就由車爸爸話佢代表車車和Wagon請我飲茶！這些日子當然不會去酒樓跟人迫啦！我們經過大師兄店心店竟然有位太幸運了那就放肆的一天吧！ 眼闊肚窄點上6款點心，最後當然吃不完打包當下午茶！  大師兄蝦餃皇＄19這兒的蝦餃得兩隻，其實我覺得挺好像我倆一人一隻剛剛好，澄皮厚度適中內有彈口鮮味大蝦口感挺佳，味道鮮味中不過鹹而且個子也不少呢！ 車爸爸愛吃安蝦鹹水角＄18，炸得皮脆內煙韌，內餡豐足很原始的味道，可惜我只能吃一件！！ 上湯鮮竹卷＄25這個鮮竹卷是比較弱的一款，首先上湯沒甚味道可言，但鮮竹卷質感和餡料都很好，可惜就是欠缺香味如您是清淡口味的粉絲或許會歡喜！ 秘醬蒸鳳爪＄19從來是我最愛的點心，醬汁很惹味鳳爪質地夠淋佢不散爛好味道！  忽然想吃懷舊糯米卷＄18皮薄餡靚 ，糯米軟熟調味恰好很正宗！ 最後還有原小籠馬拉糕＄20足足6件這價錢超抵食，口感鬆軟味道香甜不膩，我倆各吃了一件連同鹹水角、糯米卷各一件全數打包當下午！

本身小弟也十分喜愛港式點心的，剛好今天在荃灣的小巷中見到一間港式點心的小店，就立即進入餐廳內試試了，這間餐廳就是大師兄點心店。由於我十分喜愛食蒸飯，所以就立即點了一個鳳爪排骨飯，這個鳳爪排骨飯可以選擇加辣椒或者不加，店員跟我們說加辣椒會頗辣的，另外也要加$3 ，所以決定都是不加了。另外點了一個蝦米叉燒腸，油菜及炸饅頭。先剛剛那個鳳爪排骨飯。雖然份量不是很多，但賣相不錯。放在眼前已經有一陣飯香飄近。這個蒸飯味道相當不錯，鳳爪蒸得很琳，排骨也十分入味，真心的覺得好味。其他的菜式水準也很接近其他知名的港式茶樓點心質素。而價錢也不算貴，有機會的話我會在試試他的其他點心。

大師兄點心店，環境擠逼的小店。有好味亦有不好味的點心。馬拉糕，外形賣相好，但食落冇乜特別普通而已。避風塘炸蘿蔔糕，呢款點心好好味。蘿蔔糕外皮炸得好鬆脆，加上尚香和蔥香的配料非常好味。香芋流沙包，熱辣辣的流心和香軟的外皮。味道就淡了一些。蝦餃一籠兩個，大大粒好好味。有蝦味有肉汁味，皮薄餡靚。菜苗餃一用兩個，餡足好味。鹹水角，外皮脆，內餡咽韌好味。燒賣一籠兩粒，大粒足料好味。排骨砵仔飯，排骨骨多冇乜肉，味偏鹹。酥炸魷魚鬚，都好食嘅，分量少一些。鮮蝦腸都OK。這間點心小店是中上之選，可以一試無妨。

荃灣真係有好多好野食，今日同事提議去飲茶試下小店嘅點心，為食嘅我哋當然舉手去啦﹗1點去到，全店滿座，等咗約15分鐘就入得，店子細細，所以坐得好緊密。小店標榜即叫即蒸，而點心紙上每樣點心價錢可以話係物超所值，點解﹖睇落去就知﹗大師兄脆竹腸 ($28) - 賣相精緻，一咬落去油炸鬼好脆，入面仲有好多餡料，有木耳、紅蘿蔔絲、肉碎等，口感好豐富﹗必食﹗避風塘炒蘿蔔糕 ($25) - 好香﹗蘿蔔絲刨到好幼細，唔會覺得好粉，而且每邊都煎到燶邊，辣辣哋，好惹味﹗原隻鮮蝦腸 ($26) - 好耐無見過咁晶瑩剔透嘅腸粉，好靚，食落仲好滑，好似會SIR落去咁，蝦都好大隻兼爽口﹗蒜蓉蝦春卷 ($20) - 春卷皮脆卜卜，入面有粟米加蝦，好香口﹗沙嗲金錢肚 ($24) - 味道好濃，牛肚好嫩滑，一D都唔韌﹗酥炸魷魚鬚 ($32) - 炸漿一D都唔厚，魷魚鬚條條都好大條，但有D韌，好難咬得開﹗大師兄蝦餃皇 ($16) - 可以話係皮薄餡靚﹗鮮蝦隻隻都咁大隻﹗皮唔乾，入面唔會乾爭爭，仲好JUICY﹗順便講埋蟹籽鮮蝦燒賣皇 ($16)，豬肉加埋蝦攪埋一齊，扎實唔鬆散，又係非常JUICY，但SORRY，張相唔見咗﹗灌