大排檔小炒 (金豐商業大廈) (Closed)

知道灣仔開咗一間專食大排檔嘅餐廳，肥妹仔就今晚去咗試一試。西芹炒魷魚近排肥妹仔成日出街食，所以去親食飯都會叫一個菜。佢嘅西芹好鮮甜，冇渣，而佢嘅魷魚亦都好爽口彈牙，味道清清哋，好好食。魚腩煲叫完一個清清哋嘅，肥妹仔都叫咗個重口味。佢呢個魚腩煲魚腩都幾多，而且佢係外皮炸到好脆，然後再去煮，食落去好香口。蠔仔粥肥妹仔好鍾意食蠔仔粥，因為貪佢易入口而且又鮮甜。 佢呢度嘅蠔仔份量都好多，而且都幾大粒，非常啲飽滿。豉椒炒鵝腸超正，佢嘅鵝腸係夠肥，但係又唔會超級多肥膏。佢嘅豉油王炒到非常之入味，攞嚟送粥或者送飯一流。生炒骨雖然係一個好普通嘅菜式，但係就可以見真章。佢個生炒骨個汁超級好食，酸酸甜甜，而且佢嘅骨炸到非常之香脆，好正。

朋友公司附近開左間大排檔小炒, 一向愛好小炒小菜嘅我, 當然唔會錯過,馬上約埋朋友一齊去試。一去到已經見到一大條人龍等候入座,好彩我地之前有book定位, 所以好快就入得。入到去, 付應安排我地坐喺個靠牆位置。同一般大排檔相比, 環境比較乾淨, 似餐館多過似大排檔, 因此相對黎講亦坐得比較舒服。一坐低我地就急不及待研究餐牌,我地點左客拔絲咕嚕肉,一客避風塘茄子;一客涼瓜肉碎煎蛋同一客黃金脆鮮魷。拔絲咕嚕肉味道酸甜醒胃, 亦能做到「拔絲」的效果, 值得一讚, 係我當晚的最愛菜式。避風塘茄子味道微辣,非常惹味, 配白飯簡直一流。涼瓜肉碎煎蛋, 涼瓜味道不會太苦,易於入口。咸香的蛋黃配上炸得金黃酥脆的魷魚不論味道和口感都相當令人回味。我地兩個邊食邊傾, 加上一人一罐忌廉汽水, 渡過了愉快的用餐時間。

喺灣仔探完朋友，路經天樂里已驟見有人龍在舖外輪候，於是行近點了解究竟，原來新開左間叫大排檔小炒，再睇睇佢門前既當眼招牌菜式相片同價格，我地就決定跟隊挑戰一下。雖說大排檔，但內裡裝修一點都唔馬虎，用餐空間雖不算特別寬敞，但配合坐滿全堂食客既熱鬧情景，與及掛牆垂直書寫既餸菜名牌帖，絕對不失大排檔既獨有風情!用瓦煲上檯既回味豉油雞，秘制既豉油汁甜甜地，味道恰到好處，雞肉鮮嫩，雞皮亦唔多皮下脂肪，連平時唔食既雞皮既我亦破戒食埋～大排檔小炒皇，黎食排檔又點可以唔叫返碟有穫氣既撚手小炒呢?唔好單睇賣相就以為平平無奇，仔細數得出既配料都有8種以上，包含土魷、白飯魚仔、蝦米乾、脆腰果、豆腐乾、蒜頭跟韭菜花，炒勻爆香後不單止色澤帶鮮亮油光，咸香味亦相當濃郁，細嚐之中口感又相當具層次多變冇雜質，一小啖伴一口飯食認真開胃。別不同醉爆蝦，中式蝦碌做法有好多種，除左慣常吃到好似豉油王煎、咸蛋黃、茄汁之外，我們就試一試帶酒香味道油爆既做法。放近咀邊經已嗅出陣陣玫瑰露既香氣，先把半部分既蝦身放入口，當然別立刻咬掉蝦殼，用舌根反細味面層芳香醇厚既酒香味及油爆後散發出咸香鮮味，才慢慢咬嚼內層爽彈白滑既蝦肌。店家已把大部

二零二零年第二天晚上，下班後，灣仔。去灣仔等友人下班，大家都想說可以試試小炒，就在網上找到這家新開不久的小炒店。正值吃飯時間，燈光明亮的門外不少人在排隊，雖然友人肚子很餓，我們依然堅持要等。等待的時候看到他們的菜單，就是一家室內大排檔無異，除了大排檔常見小炒，還有水煮魚，煲仔飯等其他菜式，而且主打現點現炒，有點期待了。吃小炒怎能沒有啤酒，點了兩瓶藍妹啤酒，這是香港知名品牌，基本上沒人不曉，去吃大排檔基本上每桌都是點它的，知名程度可想而知。而且，看到店員拿來的竟然是戰鬥碗，好興奮呀，終於可以一睹戰鬥碗的風采了，不管任何時候也要保持戰鬥狀態！別不同醉爆蝦，一上桌就聞到酒香氣，蝦殼爆得香脆無比，一整隻連頭也可以連殼吃，雖然蝦肉不算爽口，但是鑊氣非常夠，喝上大口冰涼啤酒就是爽快。拔絲咕嚕肉，本來友人不太想點，因為他不知道甚麼是拔絲，而且不少外面吃到的咕嚕肉不是太軟腍就是太乾，肥肉部分也佔很多，所以都不太敢點。這裡的拔絲效果跟脆皮口感做的很好，咬下去做到外脆內軟的感覺，豬肉的質量蠻高也不乾柴，很有驚喜。在室內環境吃大排檔小炒感覺挺特別的，雖然兩個人試不到很多菜，但是整體水準是很滿意的。

心郁郁想搵返啲充滿懷舊風味既小菜😋好想食下啲大排檔小炒 又想坐得舒服😆比我搵到依一間餐廳😍餐廳環境開陽 座位都舒服的入到餐廳聞到香噴噴嘅小炒已經忍唔住要點菜啦！即刻點左自己好鍾意食嘅椒鹽豬扒🐷$98濃香黃金蝦🦐$148 同一碟瑞士汁乾炒牛河🐂$88 有豬有蝦有牛 真係滿足晒我三個願望✨首先上左一大碗例湯 碗湯真係好正！係我飲過咁多間餐廳最好飲嘅❤️好鮮甜 唔同普通餐廳落咗好多味精 感受到好夠火候👍 等左一陣 上主菜啦😍椒鹽豬扒炒得金黃色 肉質食落好冧豬扒大細切得好岩口 最重要係食得出香噴噴嘅椒鹽味但又唔鹹 師傅調校得好好👍第二道菜就係黃金蝦 原來係鹹蛋黃炒蝦😍好香噴噴惹味呀！蝦頭仲有啲蝦膏 蝦殼冇剝開 鎖住左蝦肉既水份 食落就唔會咁乾身👍師傅果然勁！份量都足夠又新鮮！最後一碟菜就係乾炒牛河🤤一放上枱已經好吸引 份量好大碟 岩晒3個人食 仲有好多牛肉添！一啲都唔孤寒👍河粉好夠鑊氣！每道餸十足大排檔小炒！最欣賞係每碟餸菜都唔會好鹹 調校得好好！滿足到我嘅胃口😋好滿意呀！

“Dai Pai Dong” plays an important role of Hong Kong’s food heritage, popular for their down-to-earth and affordable menu, the dishes reminiscent the good old taste that we grew up with!Found this local eatery 「大排檔小炒」in Wanchai, as its name implies, it has provided nostalgia and comfort Cantonese Style Dai Pai Dong dishes. If you want to sample some classic flavours, this neat and tidy with air-condition Dai Pai Dong is worth exploring!拔絲咕嚕肉 （HK$98)👍👍👍👍👍One of the most popular dishes here seemed

第一次黎呢間野 見佢新開就試下啦環境唔錯 屋企人一早訂左隻蟹 如果大家想食蟹好似都要打去留隻嫁🥰🌟避風塘炒蟹蟹好大隻呀 新鮮好味 唔會太辣 辣到岩岩好 唔太食到辣既朋友仔都可以食得到另外仲叫左🌟蒜蓉蒸扇貝好新鮮 一樣咁好味🌟胡椒蟹煲賣相幾吸引 好香 不過太重胡椒同辣味可能我唔太中意胡椒 所以食落只食到胡椒味最後仲叫左碟炒菜 不過無影到相每枱都會有個小食 涼拌小青瓜 我覺得呢個好好食 😋員工方面好有禮貌 會同客人介紹菜式 有講有笑 整體方面都幾好 下次會再去試其他野食💛

見呢間新開又喺公司附近，咁啱又想食中式小炒，就揀左呢間食～7點半左右入座，餐廳已經好墟撼，等一陣先有位一坐低有小食花生同熱茶睇menu已經好想嗌拔絲咕嚕肉😋😋 一上菜即刻睇下佢點拉絲法！我地食完都覺得佢個醬比一般咕嚕肉嘅濃厚、傑啲，但食落一啲都唔漏、甜酸剛好！呢碟送真係要襯熱食，先食到佢炸到好鬆脆！個人非常推介呢味送👍🏻👍🏻沙嗲牛肉粉絲煲又係我同男朋友出去食小炒必嗌嘅～上菜時啲汁超級澎湃，好滾好大煙，沙嗲香味撲鼻！牛肉用左新鮮牛肉，更有肉味，因外面反而多數食到雪藏肥牛。呢味魚香爆雞球面頭密鋪左堆炸脆左嘅魚香，配埋炒香左嘅雞球食，啖啖肉味道好夾。唯一覺得調味可以輕手啲，咁就更加岩我口味！嗌埋個炒豆苗食下菜～新店開張，所以見老闆都周不時問下每台食客意見，都幾有心👍🏻

平時經過灣仔，我都會去一間威士忌店看看，行過時看到這間門面好像拉麵鋪，望真的招牌係叫大排檔小炒，想一想真的有點想食大排檔小菜，所以試試黃金脆鮮魷首先黎到是黃金鮮魷，金香的蛋黃漿連同鮮魷炸，外皮惹味香脆，新鮮的魷魚嫩滑彈牙，我想沒有人不會不喜歡這道菜拔絲咕嚕肉其實我是很喜歡食咕嚕肉，但坊間很少鋪頭合格，由其咕嚕肉有骨我就很不開心，因為有骨的叫生炒骨，或台灣的糖醋骨點解前面加拔絲?因為正宗合格的咕嚕肉是需要有拔絲的效果，因為芡汁做得好，才會黏住，夾起時有拔絲的效果，不是普通的醬汁就算而咕嚕肉的外皮需要炸的外脆，令味道強烈的芡汁不會入侵保護在內的豬肉，可清楚食到豬肉的肉質和肉汁，亦有外脆內軟的感覺，好久沒食過合格的咕嚕肉，只係這小菜已令我開心金獎煲仔飯本來諗緊都係煲仔飯，其實有什麼特別，估唔到亦有驚喜，首先煲仔飯黎到，不是立刻飯，是需要再焗多5分鐘，而煲不停噴煙感覺好似等緊食速成火鍋，等開蓋一刻香氣四噴，店員立刻撈埋，一路撈時同我講，因為落左豬油才令去煲，所以飯焦真的是脆，而不是只有硬實實，喜歡飯焦的朋友不要錯過

放工經過附近，見呢頭開左間標榜大排檔嘅餐廳，估唔到灣仔區都有呢類餐廳，係好奇心驅使下入左去試～裝潢類似中式餐館，環境方面比起一般大排檔好好多😂😂 食物選擇都幾多，甚至比起普通大排檔嘅菜式更多元化～原粒白胡椒蝦煲 （$158）呢個蝦煲真係不得了...蝦身香脆，係連蝦殼都可以就咁食嗰種～ 椒鹽味濃，好惹味，砂煲底有厚厚嘅白胡椒粒層，感覺啲白胡椒味係入面熏出來～ 大愛呢個蝦煲，配白飯一流🤤🤤豉椒炒蜆 （$88）佢一上菜嗰陣我有少少驚訝...估唔到啲蜆咁大隻😂 平時係普通大排檔食開都係細細隻嘅蜆，呢度用大大隻嘅蜆，比較有肉食👍🏻 豉椒汁都好香濃惹味，燈籠椒都幾清甜，又係一個好岩配飯嘅小炒☺️脆脆BB鴿 （$58）BB鴿肉質都幾juicy 嫩滑，應該係有預先醃過先會咁入味，表皮都烤得幾香脆～ 可惜因為佢只係BB鴿，所以骨感偏重，肉量唔算多～ 總結，呢間大排檔嘅食物和環境都真係唔錯，尤其係原粒白胡椒蝦煲和豉椒炒蜆，好值得一試！😊😊

灣仔天樂里有間新開張的大排檔小炒，全日不收加一和茶芥，性價比極高，難怪新開張也全場爆滿呢。入坐後先送上前菜小吃涼拌青瓜，蠻開胃的點了一份脆脆BB鴿，油亮色澤的外皮很是吸引，外皮香酥薄脆且骨頭軟脆鴿肉肥嫩多汁，充滿滷汁香氣，沾一點淮鹽來吃更滋味，讓人吮指回味呢蜜薯牛柳粒是我大排擋裡其中一道最愛的小炒菜式。香嫩的牛柳粒肉味香濃，薯角炸得金黃，外脆而內酥軟，均勻沾上美味的蜜汁，鹹甜摻半超好下飯！最後來份驅寒又暖胃的金牌煲仔飯。上菜後先焗一會兒，當掀蓋的一刻，獨特的煲香撲鼻而來呢。店員幫我們拌好再分兩碗，服務很貼心。材料有蔥花、椰菜仔和臘腸，特製豉油滲透到每粒米飯之中，粒粒分明又有嚼勁主角當然是底部的飯焦吶，金黃焦脆，入口焦香四溢，而香脆的口感更是沒得彈。來一支冰涼爽快的藍妹啤酒配小炒就完美了

在香港想找一間坐得舒服乾淨餐廳,但又可以食到大排檔風味的小菜,都不易找。我們意外地發現了一間在灣仔和銅鑼灣之間的大排檔小炒餐廳,食物美味,老闆和店員都好有禮貌，服務態度好,又nice。這間餐廳有好多小菜,小炒都好想食。經店員推介, 選了以下小炒。豉椒爆生腸$88豉椒爆生腸加了青椒,賣相已經好吸引,好有鑊氣。爆生腸好爽脆,有點辣,好正。拔絲咕嚕肉$98拔絲咕嚕肉賣相誘人, 夾起時有拉絲的效果。一食, 已停不了口, 好美味, 真是無得輸。我覺得送白飯真是一流。欖菜肉碎四季豆$78四季豆炒得乾身, 配上欖菜肉碎, 真是好惹味, 又是一道停不了口的小菜。臘味糯米飯$108臘味糯米飯是冬天必食的。這個臘味糯米飯香氣撲鼻,配料足,口感多層次。糯米飯軟硬適中,在冬天凍冰冰食臘味糯米飯來暖身真是最適合不過了。

今日公司同事提早做冬，決定去新開既大排檔小炒食好嘢，我地叫左叫左11個餸，最先上來呢個酥炸生蠔真係好正，有手掌咁大隻，包埋生菜葉食一D都唔滯，好香甜，原諒我太急想食，食左一半先影😂再上來至愛既花雕蛋白蒸蟹，好香既花雕酒味，D蟹好大隻又新鮮酸甜鎮江骨，好開胃呀大大隻既豉油王花軸下花竹蝦，一定要試白胡椒粒炒聖子又係新鮮大隻，啖啖肉好爽口仲有招牌回味豉油雞，蔥油雞，鮑魚雞煲都好好味，因為我地好鍾意食雞，叫左三隻唔同既雞食👍清蒸東星斑時間蒸得啱啱好，清甜肉滑，蒜蓉豆苗再上來時我地已經飽到食唔曬，因為D嘢太好食啦，同事個個都話好食，下次都再要過來食過，大排檔小炒樣樣餸都好好食，價錢又唔貴，超抵食

介紹食物前..講小小先...因為可能我有榮幸係第一篇介紹呢間餐廳...HAHA此店前身為深宵酒...位置係天樂里果邊...本身佢做燒肉....午市會有一D小炒...食晏經常都會去幫襯...無他...小炒有鑊氣...價錢合理..環境舒適...仲有12送1優惠...今日去食..發現佢地把小炒搬左去新店上面....款式可以比以前做得更多...環境再更加光猛...(唔知點解燒肉店總係比較暗)D台都更加闊落....坐得更加好....今日先試左2道送.....一開始會先俾碗老火湯醒一醒胃....一定唔係味精湯..有心思有心思....但稍稍唔夠熱...熱返小小就完美....拔絲咕嚕肉:無骨排骨...外表香脆..內熱..唔會太酸唔似一般茶餐廳咁...一堆汁浸住..只有快炒先做到呢種口感蜜椒薯仔牛柳粒:薯仔同樣做到外脆內熱....明顯地新鮮牛柳分量都多....唔會得3-4件HEA你...有功夫既小菜...係灣仔區..加埋凍飲都係UNDER HKD$80絕對稱得上高CP值...小小唔好既地方就係個飯比較上細碗...同埋個湯希望可以熱多小小