大盛屋日本料理 (Closed)

這陣子真的吃了太多日本菜和放題, 但有時朋友聚會, 選地點及餐廳也得少數服從多數. 這趟去了元朗大盛屋, 柴娃娃幾個點些壽司、刺身、拉面和料理, 也吃得頗痛快~ 大盛屋的全景給我拍下了, HAHA上菜速度很快, 建議相機食先的朋友不要一次太多, 否則食物都堆滿枱面, 很難郁動, 除非你是追求大堆頭拍照…點了好幾款刺身, 這個刺身拼盤A , 有我愛吃的甜蝦、海膽、北寄貝.刺身有甜蝦、海膽, 另加赤貝. 所有刺身都很新鮮似的, 味道夠鮮, 甜蝦肉質好, 沒有沾上任何醬料, 淨吃也可以.橙黃色的肥美馬糞海膽味道是比想像的好. 而且帶點黏, 無論以紫菜捲著吃或是單吃也十分美味.大盛屋的北寄貝是我這近幾次吃到最有水準的, 這裏是一片啊~ 平常吃的是把它分為兩片. 北寄貝微甜脆身.好大件兼色澤美的活赤貝, 這個是額外點的, 並不是拼盤內. 本來以為是有很多片, 原來是一大件啊~ 一夾起就這樣子, 我認為若果能切小一點會好些, 既可與朋友分享, 又能慢慢感受赤貝的爽脆度. 現在一大件吃起來依然是很爽口, 就是很心急要快快咀嚼怕啃喉啊~大牡丹蝦刺身 58, 的確很大隻而且好鮮甜, 蝦身夠厚, 同樣是黏

才星期四晚，在元朗食日本料理的地方，都人頭湧湧客，我都說，住元朗不需親自下廚呢~最後選了大盛屋。幸好七時左右入座，還未有太多人，不需等候。眼見好多小朋友來用膳，應該是被兒童餐所吸引吧！我囡亦然。高興地點了熊貓壽司餐。飯糰是圓圓的，有少許醋味，全是熟食，卜卜脆蟹籽最討歡心，塞飽她，我就可以安心食野了，wakaka。刺身拼盤A ，海膽一般都不會出現在拼盤中，除非加錢啦，這裡卻有半板，甘黃色澤，粒粒完整，入口即溶，鮮甜無比。開邊北寄貝，同樣鮮甜爽口。另點了個活赤貝，連柱位 ，原隻切好，超爽甜。鹽燒秋刀魚，燒得外層乾身，魚肉保留著少許肉汁，無腥味，挺香口。日式炸豆腐 ， 汁料增添豆腐的味道來，就算放涼了，豆腐依然是滾燙的， 超滑溜。火炙芝士玉子壽司$13，火炙後的玉子，微甜鬆軟，飯粒又沒鬆散，吃得自在。燒鰻魚， 輕輕一燒，像bbq一樣的氣味，沒有太多醬汁，吃的是鰻魚的滑嫩，飯糰與魚塊的大小，可一啖吃下，不再是飯餸分開的進食模式。芒果三文魚卷，熟芒果的香甜好搶味，配上厚粒三魚文的鮮，這個鮮甜壽司甜甜的易入口。京蔥吞拿魚腩蓉軍艦， 軟棉魚腩蓉與極幼京蔥絲，和飯粒融為一體似的，鮮甜不腥。鵝肝壽司，沒

8點半黎到，要等6張枱，9點入得。呢度好處係唔會坐得太密。首先黎到唧係火炙芝士玉子壽司（$13）芝士同玉子經火炙後味道融為一體，非常好味三文魚腩刺身（$60）刺身好厚又大件，肥美味濃郁，正！等左陣再上左帶子鰻魚反卷（$48）裡面的鰻魚同好多青瓜絲放埋一齊令鰻魚唔會搶哂d味，唔錯但唔算特別出色。一路食覺得都唔錯，不過食完呢三樣野之後就等左好耐好耐都冇野再上。正想追單嘅時候，就見到有一碗角切魚生飯拎左比附近一張枱，之後過一陣果張枱叫返侍應比左碗飯佢地，見到侍應拎左碗飯比切刺身師傅，佢地兩個人四目交頭左一陣之後望左我地幾次，由於我地坐位對正佢出刺身飯果個位，一直望住佢嘅一舉一動，佢地見到我地一直望住佢地，跟著我就聽到侍應同刺身師傅話咁冇辦法la跟著就唔要果碗飯，然後整返另一款刺身飯比隔離枱。呢一連串嘅舉動令我地覺得佢地係咪比錯左我地碗飯比附近果張枱，果邊嘅人客搞左陣突然發現唔係佢地叫嘅而退返，而呢度嘅員工就想將碗飯直接比返我地。雖然我地最後食果碗係睇住佢新整，但係呢一連串嘅舉動令人很不安。繼續講食物，呢個我地叫嘅係辣味角切魚生飯（$50）魚生飯加左一些天婦羅的炸粉在飯上增加左口感，魚生份量都

見到露媽一直話想食日本野,呢日放假就帶她去<大盛屋日本料理>!地點位置鳳攸南街附近,店舖格局以簡潔的裝潢, 選材新鮮、價錢親民!入到去店員好有禮貌,會介紹今日有d咩推介!因為行到好熱,我同露媽即刻點左杯飲品,露媽點左巨蜂提子乳酸, 我就飲草莓味特飲($22), 大大杯, 好冰涼!!之後店員推介左一批優質生蠔,我地叫左2隻, 仲點左幾款刺身Wa!! 生蠔&刺身拼盤擺盤好靚啊!有生蠔, 帶子, 牡丹蝦, 三文魚&三文魚腩刺身望到已經唾延三尺!!生蠔 ($45/隻)每日只有少量供應,大大隻完全沒有腥味,入口鮮甜肥美三文魚&三文魚腩刺身三文魚新鮮肥美,三文魚腩油分分佈均勻帶子海葡萄沙律帶子彈牙,海葡萄爽口,2者配合一齊好正牡丹蝦刺身 ($58/隻）大大隻的牡丹蝦,新鮮彈牙, 入口即溶化三文魚五重奏 ($58)有原味、黑松露、火灸醬燒、柚子、辣味最鍾意柚子味&辣味,柚子醬甜甜的, 配上三文魚又幾夾辣味的三文魚壽司第一次食,口感幾特別露絲最愛火灸醬燒, 溶化的芝士配上半熟的生文魚,入口即溶!花之戀&帶子壽司帶子超大&肥美什錦天婦羅有大蝦、南瓜、茄子、薯仔唔會太多面粉,咬落去好香脆紫

鳳攸南街, 鳳攸東街, 鳳攸北街形成一個小社區, 內裡有眾多小店, 有吃的, 有買的, 自成一角, 根本不用到大馬路跟路人擁擠, 就可以獲得生活所需, 今次來到了鳳攸南街的大盛屋日本料理, 小店格局, 沒有豪裝, 卻更富鄰里般的人情味, 最重要是價格相宜, 食物質素卻有一定的水準!刺身拼盤擺盤很精美呢! 有甜蝦, 帶子, 生蠔, 油甘魚, 相當豐富. 甜蝦Size好似比一般的大, 味道爽甜. 油甘魚油脂豐富, 鮮甜無腥. 帶子沒有滑潺潺的感覺, 鮮甜又清爽. 生蠔如手掌般大呢! 有夠跨張! 肥美肉厚, 食落陣陣海水味三文魚籽軍艦 ($28)軍艦上載滿三文魚籽, 粒粒晶瑩剔透, 放入口中, 像台式飲品的”爆珠”般, 口中充滿魚油, 鮮甜可口! 值得一提的是紫菜仍然保持香脆, 加分!三文魚加州反卷 (4件/ $28)一道簡單的卷物, 但味道甚佳! 上層鋪滿香甜芒果, 中間包有三文魚刺身, 鮮味可口! 蘸一些沙律醬同吃, 很fresh, 很有夏日的感覺!七味豬頸肉是餐廳的新出品, 豬頸肉份量很多呢! 好像吃極也吃不完似的.這道菜有點點鐵板的香氣, 不知道是不是用鐵板炒呢?豬頸肉質感爽脆, 加

今日老婆同我預祝生日，上黎搵下有咩好食啦。見到呢間野食評好似唔錯，所以就去呢間。去到等位時，見到個切魚生師傅係門口食煙...我係度等緊位架...其實不如你去遠啲地方食完先啦。等左一陣，入到去之後，侍應都幾好服務，咁開始叫野食。第一道菜係烤軟殻蟹，好奇怪咁啲炸粉絲係鋪係隻蟹上面。食蟹好細，兩啖無左了。第二道菜已經上烏冬，真係唔推薦。之後上啲壽司，好乾......看圖吧，不多說。牡丹蝦算鮮，唔腥，推薦一下。天婦羅炸漿唔厚，食落好脆，推薦！最後黎既係鰻魚炒飯，分量都算多，鰻魚都好多，但太濕。

吃貨來吃日本菜😊星期四放工入元朗搵野食，見大盛屋評分唔錯所以就試下啦！2個人9點前左右到，好彩未閂門，重唔使等位tim,好開心😚😚😚由於厘個時間人唔多，坐得幾舒服，亦有足夠waitress serve 我地因為我地2個都唔算好肚餓所以叫左唔多野食芥辣octopus,純粹係我鐘意食啦哈哈，細細碟都ok 既係好似沙律即係菜多過d octopus jeh😅😅😅馬糞海膽，好食！新鮮美味😚蟹膏壽司，都好食不過如果大份d 會開心d,真係太細件lu🙈左口魚群邊壽司，有人一啖吞左，唔知咩味但佢話好味😒😒😒日本生蠔，好似係岩岩開所以新鮮，不錯😋三文魚腩，肥dudu 好正好好味食到好飽😋😋😋😋😍甜蝦，又係大大隻好新鮮好好食😍😍😍鵝肝壽司，唔錯😋整體黎講都好好食呀可以再黎過！不過可能店員都係暑期工？好似有點生手😅如果唔係繁忙時間黎都值得一試😊最後埋單2個人4xx,多謝老闆😘😘😘😘😘p.s. 男朋友唔好嬲啦好唔好😣❤️

放工後朋友想食日本菜行下行下去左大盛屋是日正下大雨所以入座後立即點了熱柚子蜜大盛屋用了十分趣致的杯裝熱飲飲完後個人立即暖返晒立即開始點食物在店員的介紹下今天大盛屋入了一批優質生豪$45所以我們立即點了兩隻再點了三文魚腩 $60 帶子$58 及甜蝦刺身$68當店員奉上刺身時雙眼焦點立即被盆上的巨型生蠔吸引足足有一隻手板咁大二話不說立即不點汁食落口入口後蠔的鮮味立即爆發完全沒有腥味原汁原味的海水充滿口腔店員完全沒有介紹錯詢問下原來大盛屋每天只入貨少量這樣可以確保質量及新鮮質素再食其他刺身三文魚腩油分充足回甘味濃帶子彈牙沒有雪藏味更值得一讚的是原隻甜蝦新鮮甜美另一樣驚喜之作下一樣我們點了原個蕃茄沙律$48此沙律用了紅酒醋配上新鮮生菜及日本蕃茄沙律醋配合得很好不會太酸可以清一清味蕾再來便是上壽司了因為當天天氣頗涼我們特意點比較多火灸壽司包括火灸三文魚$12 火灸玉子$13 及火灸左口魚$12店員配合好時間一灸完壽司立即奉上壽司表面香脆而配合收市班冰冷的感覺一冰一火十分有趣魚生經過火灸下 分泌出鮮味油分令壽司更加味美我們在點了清酒煮硯$52硯十分大隻及配合清酒的烹煮硯十分大隻及沒有沙吃完十分溫暖

今日下好大雨，同男朋友係新元朗廣場行完就去左附近yoho town 旁邊嫁大盛屋食日本野原來大盛屋嫁價錢唔貴種類又多選擇，仲要大大件同個名一樣好大盛嫁!天氣甘熱，當然要飲杯凍飲冰下啦！巨峰乳酪果汁$22杯野好大杯，兩個share 黎飲都夠，乳酪加上提子味更加開胃!藍鰭吞拿魚壽司$18三文魚子軍艦$28火灸左口魚裙邊壽司$12火灸 芝士玉子壽司$13火灸 三文魚壽司$12藍鰭吞拿魚壽司充滿吞拿魚腩鮮味，三文魚子軍艦 ，三文魚籽粒粒都大大粒爆炸d汁出黎，火灸左口魚裙邊壽司充滿油脂味，火灸 芝士玉子壽司 滑滑嫁芝士玉子加上海鹽和沙律醬好食!火灸 三文魚壽司三文魚火灸完油脂出黎更加香!壽司都好平抵食!三文魚魚腩刺生$60帶子刺生$58原隻甜蝦刺生$68日本生蠔$45×2首先講下日本生蠔隻生蠔真係好大隻嫁，無呃你嫁有我隻手掌甘大隻，仲有 檸檬同雞尾酒汁配搭，令生蠔更加鮮味!三文魚魚腩刺生油脂同三文魚分格得好好，十分爽口彈牙嫁三文魚腩!帶子刺生一口帶子有淡淡的帶子味.原隻甜蝦刺生，甜蝦又大隻又甜!好味!柚子番茄野菜沙律$48番茄有一整大個加上新鮮嫁沙律菜加德國黑醋同油，十分開胃!炸芝士竹輪$35這

自帶住小popcorn後，我的活動地點縮窄在元天屯區，我妹家樓下有一家日本菜，大肚和坐月期間一直避忌的生冷食物，現在放監了，急不及待一試！事前沒想過原來大盛屋的日本菜食材比市區有過之而無不及，真心靚料，實屬元朗區居民之褔！今日一家人來到，本來打算一人一個定食。但見傍邊食客的剌身好新鮮，就點了帶子，三文魚腩，藍鯨吞拿魚。老闆娘落力推介生蠔，除了我之外大家又一人點了一隻。上桌賣相好豪華，質素同平時食的放題好大分別！生蠔家人吃罷讚嘆不已，說十分新鮮肥美！(頓時覺得…美味的東西就算不是食家都可以吃得出分別！) 剌身全部都好新鮮，尤其是藍鯨吞拿，入口甘甜，很久沒吃過如此高質素的剌身！要了一個海葡萄沙律，自上次朋友帶過海葡萄手信回來後念念不忘。海葡萄份量不算多，但配合沙律菜和酸汁一起吃口感一流。妹妹點了一個胡麻醬蕃茄小食，清新之選。自己在家中有時候都會弄來吃，不過其實看似簡單，要脫蕃茄皮我覺得有點麻煩呢。手握壽司款式繁多，要了火炙三文魚和左口群邊，吞拿魚蓉加海膽。入口即溶，質素亦是不能和放題相比的。還要了這個三文魚壽司，一份五款，分別有柚子，辣味，黑松露，火炙，和原味。一家人分享，我試了辣味onl

放左工同屋企人落街食，想食日本野，元朗嘅日本餐館真係百花齊放，橫掂未試過又最近屋企，一於黎大盛屋。八點鐘黎到，好旺場，啱啱好有一張枱走，勁好彩唔使等位。餐牌上選擇超多，壽司，刺身，沙律，燒物，拉麵等等，真係三心兩意唔知揀咩好，點下點下都好似揀左好多野咁喎。雞泡魚干 $35魚干幾厚身有咬口，甜甜的，仲有啲菜沙律伴碟，口痕真係唔錯。三文魚五重奏 $58原味，黑松露，辣味，柚子，火灸醬燒，五件中試了柚子味，甜甜嘅柚子醬原來同三文魚又幾夾喎，好味。其他壽司，一張長碟上哂。蔥粒吞拿魚蓉海膽軍艦 $28吞拿魚魚蓉肥美，海膽鮮甜，好味。火灸左口魚裙邊壽司 $12 /火灸三文魚腩壽司 $18兩者都新鮮肥美，但火灸效果不强，只係微微燒過。燒冬菇 $10厚肉多汁，唔錯。燒多春魚 $15呢個無食，但我覺得一條十五呢個價錢有點小貴。網燒安格斯牛扒定食 $98火候剛剛好，肉嫩多肉汁，少少蒜同檸檬汁調味，好好味。沖繩海萄葡魚生沙律 $50海葡萄夾脆，好新鮮，魚生有三文魚，吞拿魚，紅章魚等，黑醋汁沒有過酸好開胃。凍蕃茄 (麻醬) $28冷蕃茄肉厚多汁去皮無喳，撈埋麻醬好好味。刺身 - 生蠔 $45 / 三文魚腩 $

朋友為口咗答謝我幫手搬屋，請咗我去佢平時飯堂嘅餐廳開餐仲俾我任叫添，真係有食神呀落雨濕濕叫番杯熱薑茶暖吓身先，薑味好勁，有啲似薑湯，但無噤甜，飲完真係可以除外套添聽聞呢度嘅三色飯口碑都幾好，就叫呢個嚟墊下肚！上檯個時簡直睇唔到有飯噤濟呀啲料太多喇！原本都知有三文魚、三文魚籽同海膽，原來仲有個巨型玉子，size真係不得了每人分小小嚟食，三文魚好厚切，已經處理好嘅三文魚籽同海膽都好大手筆壽司飯仲有啲微暖，醋味唔勁，但粒粒飯都係QQ同煙煙韌韌嘅原隻甜蝦刺身一上檯真係好吸精，即時成為我同朋友搶食嘅目標成隻蝦仲長過我手掌！苜先食咗甜蝦頭，好多人都唔食蝦頭，但蝦頭係好好食，好甜嫁蝦身肉質結實，爽口鮮甜！由於我太鐘意食蝦喇，自己叫咗個大牡丹蝦壽司自私食！有別於甜蝦刺身，大牡丹蝦嘅蝦身食落係比較黏口同細滑，加上蝦味更濃，可以持續係口腔好耐下次蝦頭同蝦殼可以分開埋就更方便食用喇！兩款蝦都係無雪味嫁，抵讚！朋友話要叫個抵食推介，上檯前一直都唔知係咩，原來係講緊牛油果軟殼蟹反卷，朋友又真係無叫錯，呢個又真係大件夾抵食！８大件，件件都包有香口嘅軟殼蟹，不過我就唔多 like牛油果嘅，好簡單就夾晒俾朋友自己就可

呢晚和朋友慶生，今次係她提議去大盛屋食生日飯，於是我們一行三人，便來到這裡食晚飯了。我去到既時候已經 7 點半，餐廳細細地，不過都好 full 啊，好彩朋友有 book 位咋。可能係年近歲晚，好多人都來這裡食團年飯吧。兒童餐壽星女首先叫了兒童餐，最特別既係有個可愛既熊貓頭飯團，而呢個飯團率先俾壽星女食左啦，她話裡面有肉鬆，好好味喎。甜蝦壽司大大隻甜蝦味道相當鮮美，壽司飯軟硬適中。蟹殼卷初頭仲以為係好似紫菜包住飯和蟹殼咁既款，但上碟個陣至發現，外表好似加州卷咁樣，咁樣仲好啦，可以同朋友一齊 share。蟹殼脆卜卜得黎都容易咬爛，仲有面頭那層蟹子，食落去颷颷聲，都唔錯啊。玉子壽司上面那塊玉子，挺身得來，食落覺得暖暖地，入口卻軟得有即溶的感覺，還有少少烘過的沙律醬的微酸味，突出了玉子的甜味。刺身拼盤刺身十分厚切肥美、有三文魚、帶子、八爪魚、甜蝦、海膽、仲有我唔知乜名的魚類刺身... 海膽還可以用附上的紫菜包住食，八爪魚、帶子和甜蝦等味道十分鮮甜。牛油雜菇雜菇用牛油和黑椒炒過，感覺十分香滑又惹味，而菇都沒有煮得過稔，都幾好味。老闆娘和侍應都相當友善的，尤其係當晚有朋友問附近某甜品店點去，老闆娘

今次同朋友黎開元朗，當然要係元朗搵野食啦，因為元朗出名好多小店美食，今次就黎到呢間大盛屋試下，因為好肚餓所以比佢鋪名吸引左，同埋睇落價錢都唔貴。 三色飯d 刺身好肥美，三文色大大塊，又夠冰凍新鮮，睇下張相，就知係幾咁大塊，海膽都好正，鮮得黎一d 都唔腥，之後將d 三文魚子撈埋飯一齊食，超好味既刺身飯。愛好三文魚既我，當然又係叫左三文魚既壽司同卷物，五重奏包括原味、黑松露、甜酸汁、柚子、火灸，壽司都夠大舊，而塊三文魚本身都唔錯，五款味道各有特式，我就比較喜歡黑松露，三文魚加州卷上面有蟹子或三文魚子，兩者的鮮味和三文魚互相輝映，口感同味道都十分豐富，最重要既。。又係大大舊，食完呢個都飽左截。 之後牛油果軟殼蟹卷都唔錯，軟殼蟹夠脆，而上面的牛油果加左沙律醬同蟹子，令到口感味道更加豐富而同時消除左軟殼蟹的油膩感。 冷烏冬個樣好得意，好似幾個小雀巢咁，超級方便share, 烏冬十分幼細同滑，而且煙韌彈牙，配合冷麵汁同蛋汁，味道清新而且口感豐富，值得encore, 鐵板帶子都十分不錯，炒得十分香口充滿牛油味，而且又不太油膩。整體來算，呢間餐廳絕對值得一試。

今天放假, 和朋友來到{大盛屋}吃午餐! {大盛屋}面積不算大, 不過裝潢有著日式格調, 感覺整齊別緻。先叫了杯「熱柚子蜜」暖暖胃: 用了樣子很可愛的杯子盛載著, 讓人心情愉快起來啦! 柚子味道香濃, 暖暖的感覺暖胃舒服。點了個沙律作前菜: 「柚子蕃茄野菜沙律」的蕃茄不會過酸又新鮮多汁, 酸酸甜甜很滋味。沾上酸汁的蔬菜也清新爽口, 不錯的開胃菜。知道這裡的兒童餐很可愛, 當然要品嚐一下! 這個「小熊壽司套餐」樣子果然很可愛!小熊其實是腐皮壽司, 不但可愛味道也是甜甜的, 滿滿腐皮香。其他的「三文魚壽司」、「熟蝦壽司」、「蟹柳壽司」、「粟米壽司」和「蟹子壽司」材料都新鮮又附合小朋友口味!真是個大人都喜歡的小朋友套餐呀! 接著是了「三文魚五重奏」: 原來五重奏的意思是指五種不同味道的三文魚。有原味的、黑松露的、酸汁的、柚子的, 還有火炙的, 喜歡它這個五種賣相和味道的料理呈現方式, 特別又吸引! 牛油味香濃卻不過份油膩。帶子和什菇鮮甜有咬口, 粟米則充滿牛油香顆顆都滋味。「三文魚加洲反卷」內部的材料配合三文魚上的魚子或蟹子,有助減低三文魚帶來的點點油