天然椰子號

Open Now

Now Closed

佢哋d鮮榨椰汁超好飲，比起椰X大王。勁多椰汁味又唔死甜。最近發現佢哋d祛濕涼茶都好好飲，不過都係佢地d椰汁年糕馬荳糕先至係世一。一試難忘。椰汁味好香好食又唔會太甜。估唔到新出嘅芝麻糕都有驚喜，香濃黑芝麻味，食完滿滿幸福感。啱晒最鍾意食黑芝麻嘅朋友。老闆娘仲話食芝麻可以補鈣又可以改善白髮，好味又補身。黑椒貓店長又係一絕，好乖又親人，新添左一隻小了哥，啱啱開始學講嘢，而另外一隻大了哥，又不斷同我講恭喜發財，睇嚟我要買六合彩了。哈哈。

一個月前買斑蘭椰汁糕是125元，現在已經加價到135元，但其實質地和味道同泰國的綠色椰子糖是一模一樣的，完全沒有分別，雖然唔難食，但也不算特別，性價比低 兩隻貓又老又殘，隻了哥仲要叫到鬼殺咁嘈，d尖叫聲真係嚇親d顧客如果日日都要聽隻了哥的尖叫聲,真係好快會耳聾另外，老闆娘沒有文明排隊的概念，如果你作為客人好文明、守規矩地排隊，老闆娘就會誤以為你唔趕時間，於是她就會龜速地serve企係你前面的客人，當輪到你時(你只買一樣嘢)，老闆娘serve到你一半然後jump the queue，問企係你後面個位客人要什麼,然後她會幫你後面的客人收錢先，最後先再serve返你。當你心平氣和地跟老闆娘說應該serve你先，因為你排隊先，她就會反問你: “乜你好趕時間咩？” 總之，你愈係文明地排隊，老闆娘就會serve其他客人先，所以我係到奉勸大家，如果你哋真係想幫襯呢間舖的話，一定要先下手為強，主動打尖先，因為如果你乖乖唔打尖，老闆娘就會幫其他人打你尖啦,犀利! 

一直都想試下呢間人氣特色年糕咁啱上個月去開北角見仲有得訂即刻訂左底班蘭年糕黎試下 ⭐️招牌班蘭年糕用上新鮮椰汁 椰子水 班蘭糖同班蘭葉汁製成 一打開就聞到清香嘅班蘭味年糕軟糯 比一般年糕軟身味道微甜 有椰汁香 帶淡淡班蘭香食落唔太似食緊年糕⭐️馳名椰汁馬豆糕用左椰汁 花奶 馬豆等製成椰汁糕偏軟身 椰汁香味幾出馬豆爽口帶粉 味道唔太甜 都可以⭐️椰汁紅豆糕新年限定 梗係試埋佢啦椰汁糕軟滑彈牙 口感比馬豆糕好紅豆香甜 腍中帶粉 但紅豆份量唔太多⭐️鮮榨椰汁椰汁 椰味冇想像中濃質感偏稀 唔係好醇厚嗰種 普通總結：食物味道可以 但冇驚喜同我想像中有啲出入 樣樣都淨少少咁主打椰子製品 但味道冇想像中咁椰😂服務好好 價錢可以 想試都可以一試

看見報紙介紹斑斕椰汁年糕，便去買一底試吓。買回家試，聽老闆娘講，用慢火少油去煎，食出原汁原味椰汁同清香斑蘭味，而且又不太甜，我的小朋友爭住吃，不消一會已經吃了半底。相比華X園的椰汁年糕要$158， 天然椰子號椰汁年糕斤両十足，而且價錢合理，值得一試。而且店內有一隻會講”恭喜發財”的了哥，確實有趣，這些買少見少的小店，值得大家多多支持。順帶一提，他們的馬豆糕聽說也很出名，有機會下次再買一底返來試吓先。