天聚源 (Closed)

呢排工作都好攰，今日一於就去食餐好野，獎勵自己！聽朋友聽呢間海鮮好食，就去試下。餐廳有分室內同室外，個環境舒服，仲有得影令相！我地4個人，就叫左個4人套餐，一上到埋黎，種類勁豐富，仲要係即叫即開嫁！餐廳都好貼心，有沙律同冷烏冬做前菜，烏冬好彈牙，個醬開胃。沙律菜都好新鮮，無苦味餐廳有一張清單，比大家知唔同海鮮要蒸幾耐，同有埋計時器，跟住蒸就唔會老！時間岩岩好！首先，聖子好大隻啊！加埋蒜蓉好正！提起鮮味！帶子好大粒，仲有好多汁龍蝦係重頭戲，好大隻呀！啲肉勁鮮嫩，啖啖肉！蜆就絕對唔少得，一啲都唔孤寒，有好多隻！但有就少少咸海水味，不過代表新鮮！食曬海鮮之後，個爐下面仲有個粥底嫁！可以叫員工幫你加生菜！佢吸曬海鮮啲味好鮮味！叫左啤酒，以為係一罐罐嗰啲，點知咁大杯，大口海鮮配啤酒

之前食過幾次蒸海鮮都係喺市區，原來屯門都有得食，雖然喺藍地唔算太方便，但其實輕鐵站一落行五分鐘就到沿住藍地大街行入去就搵到，門面完全唔似食蒸海鮮，估佢唔到🙈一入餐廳先係bar，之後再行入去原來好大，露天地方係食串燒再行入啲有室內位置就係食蒸海鮮牆身貼住哂每種海鮮蒸嘅時間，不過其實侍應會幫忙處理蒸海鮮，計時器一夠鐘佢地會幫客人夾起今次揀左二人餐，$398好抵食，有九樣海鮮加三樣其他餸菜，仲包埋啤酒或汽水上海鮮前會有沙律仲有烏冬最驚喜係蝦上枱時仲識郁好多海鮮，有一堆殻類，仲要有龍蝦👍🏻另外仲有一碟雞件蒸海鮮就咁食已經好好味，個人習慣唔會點醬料，可以食出海鮮嘅鮮味最後仲有個粥喺底，滴哂海鮮嘅精華落去，好鮮甜，可惜已經好飽，食左一碗食唔到落去

同老公二人世界，這裏食晚飯是第一次來，這裏環境很舒服， 感覺好似去咗泰國旅行，好有度假嘅感覺，這裏有少許景觀，可以睇龜， 有2張搖搖椅畀你座，可以同情人或小朋友一起座，好玩又浪漫。 我們叫了一個398蚊的海鮮套餐:有龍蝦，有帶子，大大蜆，蝦好彈牙及爽口， 全部都好新鮮，好好味。這裡服務都好好，服務員會幫你蒸海鮮，食物，見到有兩隻蜆死咗，都補返新鮮嘅畀我哋，她會不時幫你清查個盤讓你可以盛垃圾， 入座後會安排沙律及冷烏冬給我們食，沙律好好食，好開謂，個冷烏冬好爽口。這裡食物新鮮，服務好及環境好舒服

今日去屯門探朋友，難得入屯門，當然要食返d地道餐廳，朋友就提議入藍地。藍地原來好似一條小村，有幾間小餐廳，行過見到有蒸氣鍋，$398好似幾平，所以就試下啦。餐廳入面都有好多啤酒選擇原來店內天外有天，有個頗大的後花園，不過室外位置有限，要訂位的，今次我地無緣啦。點了398 蒸氣石鍋套餐，有7樣海鮮，兩款前菜，最後仲有海鮮粥。店內職員會幫我們將蒸熟了的食物上碟，不用擔心煮得太熟。整體而言，海鮮新鮮，最好味係蟶子和大蜆，蒸海鮮保留了海鮮的鮮味，又唔會被香料蓋過了原本的味道！雞肉嫩滑，而粥是最後吸收了所有材料的日月精華，我吃了兩碗！每人$200，很抵食呀！

藍地，出名的都是季季紅和天聚源了始終海鮮都係吸引啲所以今晚㨂左天聚源食蒸鍋地方好大，巿區真的很難找到這麼寬敞的地方呢！地方大自然給人舒適和優閒的感覺原來吾只蒸氣鍋出名，還有陶瓷燒和德國咸豬手都好多人食。但海鮮控的我，都係食蒸氣鍋套餐仲幾抵食添噃四人套餐都係$598,出面一個都$398啦先蒸貝殼類先，嘩。。。蜆都有咁多款蕃薯蜆，花甲，波波蜆，沙白有專人幫我地蒸，吾使自己計時粒粒都脹卜卜，鮮甜冇沙，好新鮮噃貴妃蚌都好大隻下扇貝肉厚鮮味，樣樣海鮮都不用醮醬汁，識食就係咁食啦咁先食到鮮味嘛蟶子，熟左都冇縮小，好龍蝦同蟹，肉質彈牙，有膏，放落蒸鍋時，啲肉仲扎扎下咁食到吾停口串好嘅蝦都熱到紮紮跳一次過食左好多新鮮嘅海鮮哦走地雞，個個食到飽飽地都吾想食，不過為左吾好浪費就食下啦點知一食。。。個個爭住食，原來係新鮮走地雞，肉質鮮嫩，有雞味仲加送凍烏冬和沙律，啲烏冬好煙韌，好有口感呀！最後緊係要食埋個海鮮粥啦，精華所在噃話飽話飽，又食埋，因為真係新鮮好味!大家都捧住個肚走$598呢個餐，抵！真係值得我寫咁多字推介下

無論是季季紅，還是天聚源，我都喜歡去藍地嗰間門面俾人嘅感覺鄉村味會比較濃入內地方寬敞，室外更可以吸煙，嘆返兩杯，真是樂悠悠呢！巿區怎能有這麼好地方呢蒸氣鍋套餐好實惠呢9：00後仲有七五折添貼著各種食物蒸的時間，其實都吾使知，因為侍應會替我們蒸和上碟我們要了$598海鮮套餐貝殼類都有好多款，我特別喜歡貝貝蜆，Size 雖然不大，但粒粒漲卜卜，海水味濃，味道有點像螄蚶，是我第一次食呢蟶子肥美，冇沙，鮮甜無比貴妃蚌爽甜！扇貝肉厚鮮美龍蝦，膏蟹，放上蒸鍋還想逃走呢，切開左都仲會郁龍蝦和蟹都多膏和鮮甜，全部海鮮跟本都不用醮醬油，皆因全部都新鮮鮮甜走地雞既滑且嫩，新鮮是也生蝦咁跳真係仲紮紮跳加送冷烏冬和沙律最後食埋鮮甜嘅粥底，滿粥滿足四個人，飲埋生啤，捧住個肚，都係$200抵

之前已經聽幾個朋友講天聚源環境舒服價錢經濟，食物有水準今日等我地黎會一會先😋地方好闊落，好寫意，感覺好休閒係香港地應該好難有咁舒服既地方了我地兩個人，叫左個$398既蒸氣套餐好大個石鍋呀～蒸氣鍋第一味時間永遠都係覺得特別耐先蒸好食得未呀🙈呢隻叫貝貝蜆，肉質有少少似獅蚶份量都唔少，兩個人絕對夠食羅浮山走地雞又真係同平時食既唔同雞味重多汁肉質都比較結實既等既時候食下個沙律無咁滯好醒胃呀龍蝦同海蝦都好新鮮，好彈好爽呢個價錢仲係要咁新鮮真係算抵食個粥多到真係食唔曬～值得再食既

我第一次黎到藍地大街，原來好多食肆。條大街好窄呀，兩邊多數係一層樓用黎做生意既小鋪，好懷舊。今次係老公朋友介紹，所以就黎睇睇。行行下見到呢間天聚源古色古香咁，就俾佢吸引左入去啦。原來入面內有乾坤添～有室內室外，咁既天氣坐室外都好舒服，見到都有種放鬆既感覺，佢地有燒烤，如果食串燒+🍺🍺坐外面真係一流。不過今次我地想食蒸氣鍋，所以簡左室內。呢個叫貝貝蜆，我地都係第一次食。比較重海水味不過都好鮮甜好多汁海鮮份量都好多，幾款蜆都好鮮甜爽口，由其個帶子，大大粒唔點汁原隻食夠鮮甜最出色係呢隻龍蝦呀，你睇下D膏，無苦澀味，肉質爽口，見到都想再食🤤唯一要挑剔就係聖子了，有幾隻有好多沙仲有陣腥味😣

由門口行入餐廳，會經過酒吧吧枱，直通到戶外餐廳，感覺好似穿越時空咁，入咗另一世界，入到餐廳區域，我哋都變得目定口呆... 嘩、嘩、嘩...世外桃源，好大好靚...一輪讚嘆聲之後，當然都係... 食海鮮啦... 揀咗個室內冷氣房坐低...食新鮮海鮮究竟用邊種煮法最好，一直好有爭議，計我話，一定係清蒸最好，原汁原味...亦都係因為原汁原味，所以啲海鮮，一定係新鮮，先至夠膽清蒸～呢度最利害嘅，就係啲海鮮唔需要用任何調味(枱面係無任何調味料供應)，已經非常美味～ 店員好細心，為我地每一款海鮮計時分開蒸，而牆上亦有簡介，教客人每樣海鮮，應該蒸得剛熟嘅時間...

Happy friday~放工女朋友神神秘秘話帶我食好野~走來走去終於到餐廳門口, 我只能睇出一朵花, 唔知佢攪麥~入到去牆上大大幅蒸氣套餐~正呀~我最愛的海鮮!! 398二個人, 每款你一隻我一件, 唔會爭蝦夠晒大仲好鮮甜~雖然我一向麻麻地沙律, 不過這沙律真的OK, 夠爽脆清新呢隻蜆好大隻,飲少少蜆殼上的蜆水, 再食落啖啖肉蟶子同我手掌差不多大, 一食就知佢新鮮的, 脆口唔會韌龍蝦蒸的時間剛好! 剛熟又唔會老, 時間的控制當然交給專業的職員, 計時器一響就過來開蓋原來蒸蜆比平時出街食的炒蜆更好食, 可以食出它本身的鮮味, 任何調味都不需要另外還有烏冬, 味道都幾好, 如果可以再冷少少就完美了最後有雞及粥, 女朋友話好飽都不斷食, 雞好滑唔似雪藏, 粥好多!! 加上生菜仲爽口些~ 果然無介紹錯~ 這間可再來~

爸媽最近說想試下學人食蒸海鮮, 唯有問下朋友有冇介紹, 聽到藍地有間@@ 藍地?比較少去那附近, 真係估佢唔到一入餐廳內才發現別有洞天, 都幾大~ 夜晚仲幾靚還有水缸養海鮮, 睇落好新鮮 我樣樣都想食原來星期一至四九點後入座有七五, 不過爸媽都等唔到咁耐, 下次約朋友可以一試我3個人決定要398的蒸氣套餐, 有烏冬又有粥, 一定夠飽啦幫阿爸點了杯生啤~哇~那麼大杯.....我"代勞"分D來飲下啦粥有3款, 阿爸要了梅菜豬骨底, 職員一放入去就聞到陣陣燒肉的香味!!!好肚餓呀!!!!!!!!!!有職員服侍, 唔使自己計時蒸, 我地等食就得~這3款都是我的最愛, 淡淡的海水味, 蒸到剛剛好, 蟶子爽口, 帶子大粒, 龍蝦夠嫩接著的海蝦大隻又彈牙, 放上碟時隻隻都仲"掙扎緊"其他的蜆太多款, 我掛住食其中有隻蜆叫"蕃薯"好好笑每款蜆都有少少唔同,  有大有細, 貝貝蜆細細粒偏咸少少, 粒粒蒸出來都好嫩~直接食蜆的鮮味, 唔建議沾豉油!最值得讚係全部都無沙!沙律好爽口新鮮, 口感味道比賣相優勝冷烏冬即是麻醬烏冬走地雞好食!!!!!!蒸出來又滑又有雞味!!一定要試下~最後是底下吸收了海鮮的"汁"

講o左好耐終於去食蒸氣火鍋la la la~~~ 初初個個話一齊約食九層海鮮塔。。點知約極都唔齊人，最後2人成行去食蒸氣火鍋 Venus唔食豬牛羊雞肉ge，台灣朋友笑言「不吃陸上，只吃海裡」，海鮮是我的最愛^^ 今次去e間食蒸氣火鍋 （星期一至五九點後有75折抵食好多） 最好預先book位，我地果晚walk in等o左個半鐘 地方寬敞舒適，d燈泡一串串掛係露天茶座，現場睇好浪漫 因為雨天關係，今次我地係坐室內 主角蒸氣鍋，店員溫馨提示當顯示器到170度就可以開始放材料 食材均有煮食時間提示，另有計時器提供 二人餐 食材煮食時間比提示蒸多2~3分鐘左右，感覺都o岩o岩好，如果根據店舖提供時間應該會生d d 食材好新鮮，海鮮鮮味十足，菜心都好清甜，因為我唔食雞，朋友就話雞鮮嫩幼滑，好好味 蟹后的我表示有點失望，蟹比較細隻唔多肉，不過蝦就拍手掌la，肉質鮮甜彈牙，因為我對酒精敏感所以無飲酒，朋友就話e支德國啤好易入口，清淡口味，平日少飲酒的sis應該都唔會抗拒 嘩！我最期待的精華粥！ 店員為我地加入生菜絲，味道比想像中淡D 加入調味菜甫會惹味好多 初初朋友睇到Menu仲不斷

住左藍地三年，一直都冇衝動去試，因為每次經過門口都覺得唔太討好，店面感覺亦冷冷清清。直到最近老婆生日話想試下蒸氣海鮮窩，但又唔想去咁遠，於是就訂枱試試天聚源。入到去先發現原來別有洞天，裡面地方超大，有室內有室外，室外連鞦韆都有，真係不得了。食物方面，質素奇高，所有海鮮都十分鮮甜，唔洗用咩烹調方法，就咁蒸熟已經好好味最緊要係價格合宜，我地叫左個大海鮮拼盤，加左北寄貝，泥鯭，同小食雞軟骨，再叫埋德國啤，埋單都唔洗一千蚊，但我地五個人已經食得好滿足

我地book左位，3個人9點半後入座，公眾假期原來無折入到去本來想坐室外位置，但滿左，要我地坐入面室內，估吾到室內每張枱枱底都放左蚊香，因為真係都幾多蚊我地散叫左象拔蚌，大元貝，半隻雞件，做蒸氣火鍋同埋松板豬，牛小排做鐵板燒，松板豬同牛小排都好似無落醃料，要靠燒完之後，用佢提供既醬汁點黎食先有味另外叫咗好多串燒，但係啲串燒都係冇咩味道，好似只係落左鹽咁，麻麻地其實野食吾係特別好食，但職員態度幾好，幾有禮貌又有笑容又玩得👍🏻👍🏻仲叫左一楂3L德國啤酒+2枝黑啤，埋單$1300幾

住新界上次介紹完屯門三聖興記，今次又黎屯門搵食。粥底火鍋大家都聽得多，我今次都係第一次食，因為知道有呢套餐好抵，咁試一試佢。套餐包括頭盤SALAD＋麻醬烏冬＋海鮮＋粥底火鍋＋例牌滑雞，驚死你食唔飽。（＄500二人）SALAD＋麻醬烏冬都係FRESH，唔係HEA，開頭食得清新嘅野開開胃海鮮好新鮮，蝦仲係活生生的，有大蜆中蜆小蜆。龍蝦。扇貝，肉質都算鮮甜爽口，蜆會較多海水味即偏咸，口岩我口味，但有D人可能唔鍾意。食哂全部，已經食唔到個粥底，俾俾面食一兩啖，咸到啊媽都唔認得，建議可能食左一半好食D粥，因為D蜆好多海水滲出黎。整體黎講，都會再黎，因為價錢抵，外面都成＄800－1000，而且仲有得簡烤肉，未試過，有魚睇有千秋玩有環境有FEEL。提提你記得BOOK位！