天聚源 (Closed)

朋友仔係海鮮控，佢帶得我黎呢度一定有好野食。一入去，要經過一排室內坐位，穿過舖頭坐位，原本入面別有洞天。呢度係有露天坐位架，環境好靚好有特色。唔坐露天，亦都可以坐番入室內。呢度海鮮蒸汽火鍋有兩款餐，價錢唔貴，都好多野食下，我地叫左個二人餐。趁而家睇下要蒸幾多分鐘先。店員好有禮貌，先問我地飲咩，跟住好快手比左個沙拉我地食住先。跟住食物都錄逐送上，店員亦都好細心甘將蒸煮時間講一次。首先係呢個海蝦，蝦身幾豐滿，食落肉質鮮甜爽口。龍蝦好厚肉，仲有蝦膏架。蟶子到，使唔使甘大條蟶子呢，D肉多到跌出個殼。特大扇貝白白淨，又好彈牙。貴花蚌好大粒，大過我塊面，D肉再一次跌出個殼。走地雞既雞肉比軟嫩滑新鮮，我已經諗一陣個粥肯定好好味。花甲同蜆都好有海水味，豉油都唔使落。食住個冷烏冬，突然好有日本feel。我自己唔係好鐘意飲汽水既，呢度有夏枯草，正正正！其實已經差不多飽飽，但個粥底實在太好食，一個字，好甜！我食左3碗。店員仲會問你加唔加生菜落粥度，免費架！

朋友介紹有一間戶外特色嘅海鮮蒸氣鍋所以一行六人食晚餐地點位於藍地需要轉乘輕鐵前往地點也容易找到餐廳有室內室外任君選擇我哋揀咗室外有點特色每一張木枱基本上坐四個人所以都要加多一張細枱先夠六個人坐有點迫我哋叫了四人餐海鮮餐，價錢＄600再加一個粥底另外叫其他小食海鮮也算新鮮全程都要自己計時，蒸海鮮由於入黑關係其實喺戶外食嘢都唔係咁享受建議再加多啲燈光就好啲加上餐廳唔係好多人光顧所以唔夠氣氛同熱鬧服務招呼也可以但食物衛生就一般般啦！

寒冷天氣下嘅暖笠笠蒸氣火鍋天氣又轉凍，梗係最好食暖笠笠嘅蒸氣火鍋，有時又怕係室內好焗好熱，天聚源又有日式風情，又可以係室外食火鍋，簡直perfect！怕凍嘅朋友仔都可以入返室內，任君選擇估唔到食蒸氣火鍋都可以咁日式，好有風味，原來除左蒸氣火鍋，都可以食燒肉，唔怪得會有咁別緻嘅佈局，可以影好多靚相～今次我食$398 2人套餐，已經有齊頭盤、海鮮、雞同海鮮精華粥，絕對可以食到捧住個肚走啊！仲有好多小食可以加，選擇好多元化頭盤會有新鮮salad同埋麻醬烏冬，特別要提烏冬，好煙UN，完全唔係HEA烏冬，好有手打烏冬FEEL，好好味！服務員好貼心幫我地整好個鍋，就好快上海鮮拼盤、蝦、雞肉，仲會有一個表格教我地要蒸幾多分鐘，咁可以食材嘅最鮮味雞方面，大約蒸5-6分鐘，好有雞肉，好滑，啖啖肉！海鮮份量一D都唔少，有咁多種類，可以好滿咁大拆一餐！大大隻生猛鮮蝦，有D仲郁梗架，好新鮮！蒸到佢變色岩岩好，自己可以控制時間，咁就唔會過左火，肉質好彈牙，又夠大隻～龍蝦真係正到不得了！超好食！超好食！超好食！重要嘅野要講三次，點解可以咁彈牙？點解可以咁鮮？一野扯哂D肉出黎，啖啖肉啊痴線，好好食yohooo其他海

又係屋企附近覓食成日都經過架啦之前都入過去食不過試過太多人 好多海鮮賣晒意思姐係無蒸氣鍋食不過有日本燒烤 如是者 隔左好耐 就親同朋友食下飯 做個冬 就決定黎試下而且環境又靚有戶外同室內 如果多人仲可以包房仲有個粥底可以揀有梅菜豬骨粥 白粥 同埋一個唔記得記得問佢呀 揀個自己想食既我覺得下次可以試下就甘白粥 試下食個鮮味因為我食左梅菜豬骨粥 就有少少比梅菜搶左個鮮味海鮮好新鮮 全部你都可以望住佢係游緊水 就比佢拎左出黎比我地食同埋我一路以為佢個價錢係498 一個人原來498 係一個set一問之下 我覺得真係超抵!!9點後又有折仲有得泊車 好方便呀鐘意食海鮮既 可以黎試下註: 喜歡食清蒸鮮味海鮮 係非常岩你

肥妹女友又帶我食好野。。。其實屯門都有好多隱世美食，就好似呢間開喺藍地大街嘅天聚源，門口平平無其而且都係諗住佢舖仔細細，經過左都唔知，但其實內有乾坤地方好大，又有水缸養海鮮，包新鮮叫左個$398套餐諗住唔夠飽，粥底加$28皮蛋瘦肉先有沙律同冷烏冬打返個底先每人半隻龍蝦，彈牙！（肥妹女友肥手）啲貝殻類太多分唔到，淨係知佢全部好大隻好新鮮，呢條大蟶子真係夠晒大呢個係大扇貝？總之好大好鮮好彈牙😂唔使落調味料，好鮮甜食餐飯都唔使點動手，店員主動過黎幫手（可能因為平日小人啲）服務很好食到最後都好飽果啲海鮮精華去晒個粥底度，鹽都唔使落，好好味，估唔到啲粥煮起都好多，每人两碗有多肥妹女友都食唔晒下次帶埋两老過黎食先

26/12黎依度食下海鮮~六個人都食左$1200，有少少貴但海鮮既質素都唔錯！坐係户外既氣氛好好，當日又唔凍，烚食物又晍會覺得好熱。户外既deco都好靚，俾個like!食物方面，全部海鮮都好大隻既，啖啖肉，但調味真係=0，雖然食到海鮮既鮮同真正既味，但始終都係較淡同冇乜層次既味道，如果食開重口味既就真係唔岩食啦。值得讚既係隻雞😂真係好新鮮好有雞味，啲肉都好嫩😋粥方面可能我地食得好快，個粥唔夠綿，但有海鮮既味都好鮮甜，家人都好鐘意。

因表妹和表妹夫差唔多日子生日，所以一行5人去咗藍地嘅天聚源食蒸氣鍋﹗一開始見到門面時，以為鋪頭細細，和一般地道小店差唔多，點知一入到去，可謂「柳暗花明又一村」地方寬敞舒適，佈置日式，而且又有水池風車，又有遷秋，又有小小動物閣，真係非常適合一家大細用餐。門面細細，入到去，成個花園咁大﹗ 我哋人唔多，4大1細，唔敢叫咁多食物，於是點咗侍應推介的海鮮蒸氣鍋。係花園入邊，有個小海鮮檔，我哋所點嘅海鮮係果度即叫即劏，非常新鮮﹗當日可能係平日，侍應唔多，所以上菜有點慢﹗不過當海鮮到達時，我嘅怨氣一掃而空，因為海鮮非常新鮮，海蝦同啲蚌都非常大隻，又有龍蝦又有蟹，而且單係蜆嘅種類已有3種，比一般嘅蒸氣鍋有更多海鮮款﹗侍應非常細心，提供計時器俾客人計時，而且不斷提醒我哋，以免我哋蒸過龍，唔好味﹗我哋4個大人食到停唔到，連我嘅姪仔都表示好好味﹗ 其實個套餐非常豐富，除咗一大堆海鮮外，更配有沙律及麻醬烏冬，而且份量都唔少﹗特別係個麻醬烏冬，真係好好味，我個姪仔一個人都食咗2份﹗好可惜今次人唔多，4個大人食完個海鮮餐都好飽﹗我見到隔離枱除咗點海鮮套餐外，更點埋韓式燒烤，非常吸引﹗燒烤系列都有好多款式，有牛小腓

近排凍凍地，就同老公去揾下邊到食海鮮蒸氣火鍋！上網揾邊到有，原來屋企附近都有！所以就去左友愛的呢一間試下，仲可以免費泊車優惠！之後就叫左個二人餐！店員一拎來時，D海鮮仲生猛的，勁新鮮！仲有會教埋每一樣海鮮時蒸多少時間！而不會令到你會過左時間，而蒸得太耐！每一樣海鮮，我同老公都清晒，本身其實我老公不太鐘意食海鮮！今次係我要來試試的！食完海鮮，仲有雞，糯米飯！同埋蒸的時候蒸爐底是有粥，蒸完海鮮，就可以食埋個粥底！但呢個就比較咸！

好難得今次去藍地大街，這個地方朋友說，自成一角，本身以為店舖沒有什麼特別，當我入到去嘅時候，原來別有洞天，很值得一家大細再去過！原來入面地方好大，有户外，亦都有室內，很有氣氛，很像一個遊樂園，仲有三隻巨型烏龜，好多小朋友喺度跑黎跑去，感覺好正！叫了一個海鮮蒸氣火鍋，全部食材已經有烹調時間，一開始就蒸走地雞，好滑仲真係有雞味，好難得，之後就不斷食海鮮，蒸了大蝦，大蝦肉質好彈牙，一串串上，容易食，之後蒸左檉子，好鮮甜呀！仲好大隻！基本上，唔使點樣點醬油就已經好好味。仲有桂花膀，呢個我最欣賞，夠大隻，夠爽口，而且仲好新鮮，最正！ 當然唔少得嘅就係龍蝦，龍蝦好生猛，又多膏，拼埋一齊有原隻咁多，單單食呢啲已經值回票價。不過仲有大量蜆，扇貝，真係津津有味，套餐中附上洞庭烏冬，呢個凍盤都做得好出色，忍唔住再添加左一個，芝麻醬配合得很好，大人小朋友都好啱食！另外仲叫左幾份烤肉，店舖會提供鐵板，自行燒，我覺得最好味嘅係牛肋肉，同松板豬，仲有牛舌！全部好有水準，肉質吾鞋，好香，燒完淋佢地嘅秘製燒汁，一流呀！

一直想去屯門行下，朋友介紹左我地食天聚源海鮮鍋。事先搵定路線，要去西鐵兆康站轉輕鐵到藍地，原以為去屯門好遠，但車程其實都好快到，不過一到藍地即時有種鄉村feel。地點距離輕鐵站唔遠，好快搵到，在門口望入去以為地方細細，得幾張枱，點知職員帶路入去即時雙眼一亮，一大片露天座位，再有獨立小屋嘅室內場地，枱與枱之間都唔會太逼，坐得幾舒服，同在油尖旺區人逼人咁坐簡直完勝。同家人食左嗰398海鮮鍋套餐，有龍蝦、蟶子、扇貝、海蝦、滑雞、烏冬、沙律和一堆蜆（唔太識分）。等鍋水滾嘅時候，先食沙律過口癮，沙律份量唔少，菜清甜，搭配微酸嘅醋，開胃好食。另外有胡麻醬撈烏冬，烏冬質地唔錯，唯一缺點係胡麻醬少左啲。水滾開始食重點海鮮，每枱都有計時器和時間表，以便DIY，仲有放定辣椒和鼓油供食客蘸。首先挑戰龍蝦，蒸左大約5分鐘，即刻夾出黎食，以前食嘅都係芝士焗蒜茸焗，難得食一次清蒸，意外鮮味好食。再黎一堆貝殼嘅（繼續唔識分）、蟶子、扇貝等。不斷蒸，倒數計時，夾走無限loop。開蓋時要小心蒸氣湧出辣手。食海鮮最重要係新鮮，這裡嘅海鮮都十分到位，蒸完食落鮮甜爽口。扇貝係唯一失敗唔小心蒸耐左，有少少靭蟶子相當清甜蝦味道唔

每逢星期日晚，都會外出吃飯，作為一家聯宜的聚會。聞說屯門藍地有條食街，聚集不少餐廳，千挑萬揀下我們最終選了天聚源。一般吃蒸火鍋，每人動輒要300元以上，但天聚源有蒸海鮮套餐供應，398的價錢，份量足也很超值，二人一定吃得飽。特大扇貝扇貝大大粒，好厚肉，非常鮮味。龍蝦超大隻，劈開一半依然很有肉地，清蒸後還保留了一點蝦膏，絕不能錯過。大蟶子蟶子滑嘟嘟，質感彈牙，很有咬口。海蝦蝦肉新鮮，保留了一點海水咸味。此外還有貴花蚌，各式各樣蜆類，全都很肥美，喜歡貝類的絕不能錯過。南瓜粟米粥海鮮的精華都滲入到粥內，難以形容的美味。如果口渴的話，還可以添購飲品，除了汽水，還有檸檬茶。

是日放工又相約朋友們食飯吹水 今日見天氣凍凍地，就決定在屋企附近區域覓食朋友們又好中意食海鮮，突然醒起藍地大街有一間食蒸海鮮既食店。我地講就講左好耐話要去試，點知足足遲了一年，今晚終於食到了店舖門口 :位於屯門藍地輕鐵站對面馬路的藍地大街內，步行約5分鐘就可到達，位置非常方便丫而且地方仲非常之大，分有室內和室外區，感覺好似渡緊假甘店內擺設 & 裝潢 :我們就在這裡面開餐了............我們一行四人，所以點了$598的大盛石鍋蒸氣套餐(共有2款前菜，1個粥底 ，10款海鮮 和 1份走地雞)粥底 :一開始，店員先請我們選粥底，我們揀選了須另外加$38 (好似)的梅菜豬骨粥底檯底放有整桶蒸餾水和一個類似計時器既物體 (我就當然唔知有咩用途啦)。唔好理lu，肚皮已經準備好..................開餐放在檯上的調味料 (本人覺得是不需要的，因要食出海鮮既鮮味麻)前菜:冷烏冬 : 烏冬煙un爽口，雖然說是冷烏冬，但食落口是暖暖的，再加上混有麻醬的香味，很開胃。沙律 :  新鮮爽脆，惹味會有專人幫每檯客人蒸海鮮，仲會用埋計時器添，確保不會蒸過龍 (細心啊)，而且店員不時會幫我們

一年前已經約朋友去屯門藍地大街24號地下的天聚源食蒸海鮮，足足講了一年了，昨天終於齊腳，去了這間充滿日式佈置的蒸海鮮店。在藍地站輕鐵行過去，向季季紅方向走過去，大約七分鐘左右就到了。門面小小，以為是小店，經過店面，後面才是餐廳的真身，內裡別有洞天，除了有一個大房外，還有兩個中型房，還有戶外的位置，佔地相當大。蕃薯大蜆，相當大隻厚肉，而且味道相當鮮甜啊好多種類的蜆，貝貝蜆，白沙蜆，如果鍾意食蜆的，一定可以吃個飽。海蝦好大隻，而且好多膏，肉質結實彈牙。扇貝夠大隻，好厚肉，火喉剛好，好美味蟶子皇，不算是最大隻，但勝在夠鮮味。流浮山走地雞，好有雞味，一下子就比我們搶光了。龍蝦好生猛，來到仍是生的。水蟹細細隻，但其實幾鮮味的。總結：天聚源算一間幾有自己特式的蒸海鮮店，他戶外的佈置好有日本風格，適合拍照影相，食物價格算合理。如果在屯門想找間特色的的食肆，天聚源算是不錯的推介。

今日係屯門釣魚，玩完就係呢區搵食啦。朋友住藍地附近，介紹係佢屋企附近有間蒸海鮮餐廳，地方大，又有車位泊車，非常方便😍一於去試下啦！個名好像有d意思好有文化氣息！門口有職員帶我地泊車！裡面全部裝修都以竹為主，一個個屋頂的檯，竹千秋，水輪，感覺置身古代意境中。我地四個人食，一坐低見到個大盛蒸氣套餐就即刻落order有十三樣嘢食！每檯一個煲，有蒸層，有陶瓷燒，下面有粥底。到最後食吸收晒海鮮既鮮甜既粥首先黎一大盆，有成十樣海鮮，好期待前菜有沙拉同冷烏冬，開胃！急不及待，要蒸海鮮啦店員會比一張menu 寫邊樣海鮮蒸幾耐，有timer比我地計時，好方便。第一樣食特大聖子，好鮮甜啊！特大扇貝既肉都好爽口。意外驚喜係碟走地雞，望落去以為無味，但蒸好出來，食落係好香，有陣陣酒香味個個都讚最後，梗係食埋個精華粥，店員可以幫我加生菜絲！鮮甜又清新，滿足來一杯啤酒，cheers

星期日六點三就同老公阿b食到呢個藍地天聚源食蒸氣鍋喇。因為帶住個bb 所以唔去咁遠, 藍地呢個只係兆康西鐵站 轉一個站輕鐵就到, 好方便。兩個人食二人餐加個生啤。蜆, 全部都係蜆。有好多款嘅蜆,根本唔識咩蜆打咩蜆, 最細隻圓碌碌嘅就d 海水味最咸,其他嘅都係好鮮甜, 最緊要係咁多隻蜆竟然一粒沙都無。龍蝦一人半邊, 有膏, 新鮮, 彈牙! 蝦串一人有兩支。 聖子, 好大隻。一樣"新鮮"。應該係前菜, 麻醬凍烏冬。好聰明嘅安排, 得閒食一啖得閒又食一啖 , 完全唔驚佢攤凍曬。大大隻扇具!呢個都要一讚, 時間掌握得剛剛好。呢個走地雞我老公讚到上天, 真係超有雞味, 蒸嘅時間又剛剛好,又香又滑... 老公話係咁多樣野 最好食的!青瓜絲椰菜絲粟米湯律, 正常野。呢個係白粥,加左生菜絲。 伙計話可以加皮蛋瘦肉做粥底, 但我選擇左白粥覺得感覺襯海鮮D。最後我係食左三碗,老公係兩碗 之後都仲有淨呢幅圖咁多嘅粥... 飽到呢... 但其實我想隊埋佢咖。最後要一讚就係呢間環境... 可能始終唔係市區,地方好寬落, 又清優,有露天 有室內, 感覺好舒服。