天龍海鮮火鍋 (Closed)

平時做完瑜伽去先達搭小巴，看到慈雲山小巴站旁邊有間招牌很搶眼的天龍海鮮火鍋店，ㄧ直都很想入去試下，今天終於約了老公去打邊爐入到店内環境很舒適，服務員很有禮貌和耐心介紹食品給我們。今天我倆叫了花雕醉雞二人餐，花雕藥材湯底很足料，跟半隻難，很嫩滑的雞肉沒有雪藏味，二人餐另贈上白鱔片，還有油麥菜和雲耳，大大片的白鱔片很新鮮，好好味，這個二人餐份量都很足，飽飽的 ; 期間嗅到鄰桌的椰子窩和海鮮窩，陣陣新鮮海鮮味和椰子香氣，令我決定下星期會再來光顧。

今天我哋去成班人慶祝 ，點左椰子雞湯底拼麻辣火鍋 ，的麻辣湯夠麻夠辣 ，好正宗四川口味，椰子雞又夠清甜，叫左的安格斯牛,好好味啲油脂分泌好均勻,四川米豆腐味道好特別，仲有啲玫瑰花之丸味道好香口，佢啲椰子雞可以飲完湯，再打邊爐，聽店員講落左四只椰青加椰黃海底椰做，好濃郁嘅椰子味，吃完都冇覺口乾，重係好乾淨嘅餐廳，好舒服坐落去，叫左的海鮮又好新鮮，個氣氛好好個場夠大我哋幾十個人都坐得落，今晚幾乎係我哋包晒場咁製 ，好開心 今晚好熱鬧

今日冇乜野做天氣又凍凍地就諗住去旺角打邊爐啦，行行下見到街邊有人派傳單就拎黎睇睇，見到傳單裏面嘅相非常之吸引，就諗住試試佢係唔係真係咁堅，點知一入到去啲服務員嘅態度已經非常好，個環境又唔錯，已經另我有啲喜出望外，咁個服務員又介紹左我食個安格斯牛肉同埋米豆腐，咁我另外再點多個魚皮同埋鮮蓮藕片，咁啲牛一黎到我已經覺得非常開心，因為佢啲牛肉同相片嘅一模一樣，食落都好有牛味，個米豆腐真係好特別，原來係老闆自己親手做嘅，真係好好味，下次我想打邊爐時又可以多一間嘅選擇選擇

係OpenRice 揾到呢間，試一試。食物非常新鮮，價錢又扺，又特別，玫瑰花之丸 茉莉花之丸 麻辣海鮮雞煲，米豆腐，紫菜響玲 黃金炸魚皮等等店鋪係鬧市當中, 非常易搵..門面好光猛, 地方乾淨整潔老闆娘好熱心推介佢地左四川麻辣湯底同埋特濃沙嗲湯底俾我哋(之後見到有其他客人食雞煲！超香，搞到我都好想食😭😭😭)左：清湯底而右邊特濃湯底，佢真係比平時一般既其他火鍋店既湯底濃郁好多！！正正正一定會再黎，真係好好食

星期六晚上去食都無咩人 可以好好傾計雖然散叫會貴小小但食物好高質脆肉鯇好新鮮醉雞湯足半隻雞又好香重有小見既1664又有新奇既玫瑰花之丸服務又好會幫我地不雞油自己既垃圾都會好快幫我地扔

都係求其喺open rice到睇下有咩岩多人一齊食，呢間火鍋好食嘅程度超過預期。開頭啲四川小食真係辣得嚟過癮，酸菜魚都好好食，兩個湯底亦都好唔錯下，都多特色嘅野食。雖然係小店，但係鋪頭嘅服務都幾好，整體都好好。

呢幾日得閒去旺角行下街，見到開咗間新嘅火鍋店，入左去坐一陣食啲嘢。啲价钱合理，起码唔会连汤底都要成百几蚊，顺手影咗少少餐单。啲服務員態度幾好，食火鍋嘅時候水滾左會自動幫我哋揭蓋，仲會幫我哋主動加嘢食入去。雖然唔知以前好唔好，至少宜家叫人人就到，有時又諗唔到有咩食分，開幾次落班，人哋都唔會嫌棄比臉色人睇。試過佢哋嘅清湯同埋沙爹湯底，味道鮮甜，沙爹都好濃幾甜下。我見佢哋有推介我去食兩種花味嘅丸仔，裡邊真係有玫瑰花同埋茉莉花，勁香。當初仲覺得怪怪地以為花應該好難食，但係食咗之後又覺得幾好食哦，佢啲花香味勁濃，認真超好食，極力推薦!最後希望可以出多啲呢一種系列嘅丸仔，得閒再嚟食返!

星期日到旺角先達修理電話到可以取回電話之時 已經是吃晚飯的時候了一家三口經過先達廣場旁發現一間新開天龍海鮮火鍋於是試下新野 前菜有蘿白絲酸酸辣辣 十分開胃 點了一個$298麻辣海鮮全隻雞煲 雞肉經由餐廳使用秘製醬料醃製 麻辣非常入味雞肉肉質嫩滑 實在美味 我們另外雞經店員推薦點了$68玫瑰花之丸-口感特別.蝦肉中有玫瑰$168手切安格斯肥牛-油脂分佈均勻$48炸響鈴-勁脆口，入面仲有紫菜$138海中蝦，新鮮食完雞煲員工會幫你加湯打邊爐飲得出係餐廳用心熬製的湯底整體來說食物及服務都很好絕對會回頭光顧

尋日星期六同幾個 FRIEND去完旺角行街,見到間門面幾新O既火鍋店而且又無人就諗住入去試下啦, 入去之前我仲好醒咁上左去OPENRICE睇埋D食評,見咁多好評就放心入去試下la ,點知一坐低就feel到已經中左伏.....D職員好無禮貌係咁介紹你食咩食咩,(但好攪笑好 真係有D 火, 無服務  , 食物差劣 , 份量少, 價錢唔算平 , 叫左2打丸已經差唔多$120...加幾十元去食任食火鍋好過啦....有D野 真係要試過先知，只睇食評又中伏  其實貴唔緊要，最緊要唔好唔新鮮都俾人食,大家真係要小心選擇 BE CAREFUL...

今天同朋友去旺角 ，行近先達廣場附近 ，見到店員介紹 入左去食 ，發覺的麻辣湯底好香 ，好正 。另一邊湯底係花膠雞湯 的湯煲得好濃郁，黃金色 的雞成只上，冇偷工減料。重叫左碟安格斯手切肥牛 ，有好好肉感 ，經店員介紹食左碟玫瑰花之丸 入口好香 ，的蝦滑又好彈牙 ，一種不同的打邊盧新體驗 ，再食左碟海蝦 用竹簽串住 上台重識郁 ，好新鮮，呢間的炸響玲炸得好大只 內面重有的紫菜包住 好正同平時在第二間食各的不同口感 香口好多 就咁食都幾香甜。

首先我想同大家講真係唔好信openrice d食評唔係話叫大家一定要信我,各位想去試我亦都阻止唔到基本上全部野都奇差,唔逐樣講啦講D最嚴重既算啦無服務態度可言,揮手當見唔到,要大聲叫先肯應黎到又黑口黑面,好似俾錢受氣咁我當日仲要見到有個大陸婆大呼小叫起初以為係客人冇多理,點知以為係老闆趕客咁做生意都可以!?食物,味道就基本可以當冇要乜無乜,想要D丸,響鈴都可以話無最好笑係牛肉未解唒凍都可以攞出黎各位消費者幫唔幫襯就真係自己話事啦

同朋友行好耐冇行嘅旺角，少少寒意，決定打邊爐。經過呢間店，好似新開又幾地道，就試試！先黎半隻麻辣海鮮雞煲 198hkd，都幾香氣撲鼻，香菜多，有嫩雞同蜆！新鮮惹味。蜂巢豆腐 38hkd （唔記得影）唐生菜32hkd 睇下幾青綠，唔錯！幾嫩幾鮮！冬瓜片32hkd （唔記得影）蓮藕片32hkd手切安格斯牛肉168hkd 都算幾有牛味蟹子墨魚滑牛半打 88hkd 幾大份吓！👍🏼炙燒芝心丸半打 28hkd 好味但醬爆芝士要小心熱喔！叫了王老吉七喜解解渴，飲料選擇如可更多會更好！醬料費10hkd 每位766已計加一，三個人算幾抵食！支持小店💪🏼

今晚系旺角行開街，夜麻麻肚餓到打曬鼓。行行下見到，呢間火鍋餐廳幾乾淨企理。好啦就決定，今晚邪惡d食餐火鍋喇以新餐廳開張黎講都算系幾多火鍋款選擇架喇，有香辣、麻辣、孜然、蔥爆湯底，而我哋麻辣個d就食得多，特地選擇左一個孜然的湯底試試看！呢個湯底好濃郁，尤其d蔬菜菇類索曬孜然湯底嘅精華，簡直冇得頂。呢度配菜全部都好新鮮，最重要冇好似其他火鍋店咁求其。d蔬菜明顯清洗幾轉水，值得一讃。希望可以衛生程度繼續保持下去！另外，肥牛、同海鮮、丸類相對其他火鍋店選擇種類較少一點，但都好夠選擇，都系好commond食材黎！總括來講，新火鍋店算是不錯！值得一試！

約咗兩個friends在旺角食飯傾計，但唔想食cafe，行行下見到呢間小火鍋館新開張，企理又光猛，一於入去幫襯打個邊爐慢慢食、慢慢傾。叫咗麻辣海鮮雞煲，賣相一流，好大鍋，雞肉幾嫩，蜆都好多好新鮮，成鍋嘢好夾好入味之後加湯一樣不得了！打邊爐點可以唔叫牛肉！都ok幾有牛味～呢碟芝心包心丸超正一咬就流出芝士，不過要小心食唔好辣親！墨魚滑不錯！蓮藕片原來好襯麻辣湯底蜂巢豆腐好惹味同冬瓜片一齊索晒湯勁好味小小火鍋館，都算幾多嘢食位置又方便，可以在幫襯！

今日同朋友去到位於旺角的一間火鍋店名「天龍海鮮火鍋」吃火鍋。店內人數不多，看來是剛開張不久的新鋪，店內大約可放八張枱，很舒適，每張櫈都幾特別，每張的圖案很有中國古代文化色彩，幾得意。我們叫了椰子雞煲，雞煲的盆是用銅製造的，兩邊耳子比較厚身，不易被燙親，而且仲有龍的圖案，很特別！好香的椰子味，嗯！雞好滑，另外，蝦好新鮮，仲跳下跳下咁，鴨血和脆肉腩都幾吃。可能因為新開張，所以人氣不足，而且在旺角鬧市中，人的選擇非常多，只要不放棄，繼續努力加油，相信不久將來會更加好《11