天龍海鮮火鍋 (Closed)

放工約咗朋友去旺角食飯，突然心血來潮想打邊爐，於是揀咗間好近地鐵站嘅天龍海鮮火鍋。其實呢間餐廳都真係幾方便，因為其實朋友都係喺唔同嘅地方返工，旺角又處於市中心，所以揀一間近地鐵站嘅餐廳係最適合不過嘅。餐廳嘅環境其實都幾舒適，燈光夠猛，位置都夠闊，最重要嘅係佢唔限時，可以同朋友邊食邊傾好耐都得。食物方面，我哋叫咗個椰子雞鍋，一上枱就見到乳白色湯底，心諗都唔差得去邊，果然，湯底都幾清甜，而且好足料好多椰子。我哋其實都叫咗10幾種配料，其中，我認為最特別嘅係芝士流心牛丸。芝士同牛丸好似大纜都扯唔埋咁，但原來都OK喎，好特別，有創意。

今天同朋友在綱上订台去吃火锅，叫左個花膠雞鍋，湯底好濃郁 😋雞又煲到幾濃幾香下 的花膠好大件🤗，門口寫住不含味精 果然吃完冇口渴 又冇落味精又可以煲到咁濃郁好正 😄跟住叫左個海鮮拼盤 的元貝幾大只😊 新鮮 的蝦上臺時重郁緊 💪重有的鮑魚 幾鮮甜下 幫我地切到開花 又可以快的熟及入味的 最好味就重有的象撥蚌仔我至愛 好鮮甜，😋口叫左個紫菜響玲 內面的紫菜少少甜甜的幾特別 😍叫左碟本地手切牛 牛味幾重下😘 又新鮮 好正，😁唯一不足系服務員動作慢 埋單先平均二百一位 可以吃咁多好嘢 正

是日嚟到呢度dinner普通醬料選擇叫左個椰子雞湯，但竟然嚟左菜先，個湯底就遲遲都未嚟，由盤菜齋放，都幾搞笑。等左好耐終於嚟個湯，係香同滑既，椰子絲都好食半隻雞同「幾片」牛肉，啲牛肉睇得出唔新鮮呢個所謂既黃金魚皮，我地一入餐廳已經叫定，但職員竟然同我地講落左紫菜響鈴，仲要我地等勁耐先出響鈴，先知佢落錯單，但仲要話係我地唔要！一肚氣，最後其他遲過我地入嚟既食客都上晒魚皮先俾呢個我地，仲要黃金（即蛋黃）係無蛋黃味既！值得一提，店內職員係有幫其他食客洗餐具，唯獨係冇幫我地洗。呢間餐廳既職員今時今日既服務態度真係可圈可點，如非必要都唔會想再食到一肚氣。

海鮮火鍋都唔一定要食海鮮嘅，咁岩行過旺角先達見到呢間鋪出邊嘅poster，覺得幾平，所以就入去試吓。因為我同朋友都唔係好食海鮮，所以就揀咗椰子雞鍋。比較養生。見到佢出邊寫住所用嘅湯底都不含味精，而佢個湯嘅味道都幾濃，真係真材實料咁。入面有半隻雞同埋好多椰肉，好重椰香味。另外叫咗碟肥牛，正正常常。仲有見到佢啲菜都幾新鮮，有水係上邊，係洗過嘅。仲叫咗鹹蛋黃炸魚皮，不過職員落錯單，真係好彩我哋睇一睇張單。搞左好耐就食完個火鍋先上，仲要話係我哋問題🤷🏻‍♀️真心覺得老闆娘嘅服務態度都唔差，但係其他人就有待改善囉。

一坐低呀姐就好慘咁同我講比人屈加價，講到自己無加過咁，其實一碟安格斯早一個月嚟先168，而家288，唔緊要，半價左144加一28.8，變相其實一樣姐。之後我叫澳洲和牛就介紹我食同價手切牛（$498一碟），貴唔緊要，但一睇就知唔係手切本地牛啦！到我叫碟安格斯，問左佢幾次，佢都話係安格斯架，到埋單竟然變左澳洲牛，佢重厚臉皮到同我嘈：安格斯咪係澳洲和牛囉！其實我都第二次嚟食，真心覺得湯底好好，但做生意手法咁唔老實，唔會再有第三次!希望劣評唔會被人del啦！

放假前夕約左朋友仔去打邊爐，去開先達買野於是就試試附近嘅天龍海鮮火鍋。入到去嘅時候其實都已經好多人，好好彩我哋唔使等位，可能因為早嘅關係，坐咗一陣之後就見到有幾個客人要等位。我哋叫咗一個原味椰子雞鍋，個湯底好清甜，好重椰子味，令到係湯入面嘅嘢食都好重椰子味。我哋三個人都叫咗成13種配料，其中我認為最出色嘅係鮮冬菇，因為冬菇浸左係椰子湯入面10分入味，令人不禁食多幾粒。另外我哋都有叫到一般打邊爐會叫到嘅肥牛及豬肉片，其實都不錯，賣相都幾新鮮。

約咗朋友去先達附近買啲嘢，所以就喺附近覓食了。見到打邊爐就即刻吸引晒我哋入去，雖然餐廳嘅位置比較偏僻，但餐廳距離地鐵站嘅路程其實只需幾分鐘，所以其實都算係清靜得來又幾方便嘅。我哋叫咗一個原味椰子雞鍋，同埋好多嘅配料。先講一講個雞鍋，極之入味，好重好重嘅椰子味，可以見到個煲底其實都有好多椰子，可見佢係好足料嘅。配料方面，有一個叫做即炸紫菜響鈴，我認為好好食，脆卜卜嘅響鈴，平時就咁食已經好香口，但加埋紫菜之後，令整個感覺更有層次，口感更豐富。仲有不得不提嘅係娃娃菜，浸完係個煲度，好索椰子味，好香，好正。

呢兩日天氣涼返少少，心血來潮，想食打邊爐用app book枱，做緊半價優惠以試吓無妨嘅心態，一邊搭地鐵一邊㯲app旺角地鐵站B2出口，行去街市/花園街方向轉個彎就到店員姨姨講解：除咗海鮮、串燒同飲品之外，所有食品都係半價佢熱情推介海鮮鍋， around $390 (店員話呢個價錢接近半價)。我見食評推介椰子雞窩，只好婉拒店員姨姨的推介湯底～ 一打開窩蓋，係清甜嘅椰青味滾起後即刻試飲，非常清香，有好多新鮮椰子肉，仲要去殼去得好乾淨！店員走來幫忙，建議放雞肉滾起後再喝，湯會更濃郁！果然冇介紹錯雞肉多肉又滑，啱晒懶人老公(佢好評啲雞肉唔嚡)另外叫咗：～ 韭菜水餃 (皮薄、韭菜新鮮香甜)～ 皇帝菜 (配椰子雞湯，片走啲油再落菜)～ 芝心牛丸 (牛丸有牛味、芝心係大大啖芝士)～ 墨魚丸 (ok)接近尾聲，炸響鈴終於出場(我哋爭啲唔記得佢)係咁意浸一浸湯就食得！炸得剛剛好，裏面有紫菜，難得完全冇油益味 (食落甜甜地，似係落咗糖？ 但又幾好味喎)最後連湯都飲埋如果有機會，下次再試埋海鮮鍋留意：只收現金

見到有手機軟件做半價，就同朋友去試吓。朋友先去到攞位，侍應用譚仔廣東話講邊啲有半價邊啲冇，例如鍋底、海鮮、牛肉同飲品就無。見到都OK所以就落單，落單嘅時候佢地不停推銷海鮮，我心諗點解佢要推銷一樣冇特價嘅嘢呢？食物嘅質素都非常參差，豬肉同羊肉上枱嘅時候好明顯已經喺雪櫃放到乾晒，普通超級市場貨仔俾佢mark up四陪到六倍。鍋底其實好OK，醉雞真係好有酒味，手打丸味道都好出色，響鈴係鮮炸嘅。只不過係價錢同份量完全不成正比，本身佢買$78雲吞，上枱得四粒，如果冇特價我相信真係唔會食。就算特價，旺角花園街貨仔$10一粒雲吞都非常過分。唔計錢就合理，睇埋價錢個心都離一離。

為食嘅我又去左食我至愛美食火鍋啦，今期去左呢間火鍋店品嚐美食，係火鍋餐牌上已提供多款經濟火鍋套餐外，仲有埋串燒提供夠晒驚喜再點埋其他火鍋配料就開始是日晚餐，當然係食火鍋之前又點會少左呢款人氣美食，唔駛講都應該知道係乜佢就係雞煲，望見賣相份量十足唔知味道又如何不過都要再炒一炒，咁樣先至可以吸收埋醬汁嘅精華，已聞到雞煲嗰陣香辣味，真係嗱嗱聲食番件品嚐一下味道，食到雞肉肉質香嫩之餘，味道夠晒香濃食得份外刺激真係食到停唔到口，雞煲享受完之後就輪到火鍋，先來梗係有手打皇牌四寶丸，每粒手打丸都用料十足，入口爽彈又多汁再來係美國安格斯和牛，和牛肉質細嫩雪花夠豐滿，將和牛滾一滾就食得，入口肉質嫩滑滿口都係油香夠晒滋味再品嚐其他火鍋美食之餘，又可以食埋串燒簡直完美配搭，我就點左燒茄子，茄子原條上肉質一絲絲配上香料食得惹味眨眼間又享受完一餐火鍋。

我地用openeice 訂枱 講明雞煲有半價 海鮮牛肉飲品無半價但去到狂sell 海鮮雞煲 送肥牛 同海鮮拼盤鍋 ， 但最後無肥牛因為優惠唔同以同時使用，而無肥牛，雞都得半雞，劣質素，睇蝦殼都知乾，但佢話新鮮捉豬就88蚊得6片仲要無質素。。。 最奇怪係本來雞煲無俾海鮮我地， 而我地問就得俾番四隻唔新鮮嘅蝦同蜆。然后埋單就問點介雞煲無半價，兩個負責人就話我地食左幾隻小蝦同蜆就係海鮮，雞煲用海鮮做(另上個幾隻蝦) 但我問咁原價點介無肥牛，佢就話因爲優惠左。。。我好明白 佢就叫我po上facebook俾左家公審下。 最後受住氣咁兩個人食左500蚊。。。同場有另一對情侶都對條數有爭執。。。 大家去之前不防睇下有無其他更好嘅選擇。

今晚行完皆旺睇玩具，可惜未有心頭好，於是行埋過先達個邊，突然間有啲餓個人又唔想行，就係咁接了張宣傳單，望吓都ok咁就入去了，這裡主打海鮮火鍋有個大大嘅魚池養住啲新鮮海鮮，除了海鮮外亦有雞煲，點菜紙上有個麻辣海鮮雞煲$198，半隻雞嘅分量加有蝦有蛤蜊，都算唔錯，但最正係上雞煲時店員在你面前炒雞煲，炒到火都出埋，將裡面嘅雞件同海鮮兜勻，味道更入味！食完可以再配火鍋料繼續，我就點了個芝士流心牛丸$98，牛味濃之餘咬開內裡充滿流心嘅芝士，雙重口感正！如果多啲人就再抵啲，下次齊腳再來！

爸爸部手機又跌爆屏幕，陪佢去旺角先達維修好之後，順便喺附近果一兩條街搵嘢食，經過這間海鮮雞煲嘅時候，女店長甜美嘅笑容成功俘虜咗老爸，所以我哋決定食海鮮雞煲。我比較 appreciate 年青店員的服務，勤快而且有禮貌，仲用熱水幫我地清洗碗碟筷子，服務貼心。一坐下馬上點選了海鮮麻辣雞煲 $198一整個黑色鍋子上枱，海鮮雞煲辣得出色，海鮮原來就只係幾隻中蝦同埋大蜆，用二窩頭炒過嘅雞肉真係幾惹味，肉嫩多汁。因為我想食牛肉，所以就 order 咗啲靚啲嘅牛，美國安格斯和牛 $168一小碟擺成太陽花的賣相非常吸引，牛肉肉色鮮紅，看得出嘅油花紅白分明，分布均勻。放落湯幾秒就食得入口柔潤。芝士流心牛丸 $38最後食多粒爆汁芝士流心牛丸，芝士好似瀑布咁流出嚟，真係俾佢辣親個咀。流心牛丸 我自己個人推介必食 item。有人頭醬料費同埋+1服務費，價錢中位，服務滿意，可以再來！

 今天跟友人相約在旺角下班後打邊爐，一邊烚下烚下，一邊無所不談。男人還是頗多共通點的，其中一個就是不喜麻煩，事先找餐廳已經夠麻煩，找完餐廳還要打電話訂枱就更麻煩了，所以不難想到我們是準備隨遇而安，看到什麼吃什麼；亦因爲心中有這個打算，我們才來到旺角，選擇多是其一，其二是不用排隊、也不用等位。最後我們找到家叫天龍海鮮火鍋，原因只是因爲它的名字夠霸氣，果然，一個名字除了對人，對一家餐廳也相當重要。 我們點了四川麻辣湯底，美國肥牛、白牛柏葉、手打四寶丸、海膽包心丸、蜂巢豆腐、紫薯粉、娃娃菜。食物没有很多，但份量很足，兩個人剛剛好。 四川麻辣湯底真的很麻，縱使我們點了小辣，但它的後勁依然凌厲，強到我回家後，家人也詢問我的嘴脣，為何紅腫了。 但喜歡辣的人絕對會愛上，麻中帶辣，頗正宗的，碰巧我友人就是其中那個，整個過程雙筷都愛不釋手的，我自問也蠻喜歡辣的，但這次大部時間只有看著我朋友吃的份，看得眼淚直流，多希望自己擁有挑戰終極麻辣的底子。 雖然斷斷續續都吃得不多，但每樣食材都嚐過，其中手打四寶丸最為驚艷，口感豐富彈牙，鮮味十足。總括來說，如果你像我友人般，無辣不歡，建議大可過來嚐嚐這個非一般的四川

約左個好耐冇見嘅朋友黎到打邊爐食雞煲，七點黎到都已經坐左好多人。意想不到的是，我哋一坐低就有夥計攞一大盤滾水幫我地洗餐具，然後比調味料我地，服務都幾好麻辣海鮮雞煲，好啱我依個鐘意食芫荽嘅人，伙記會即時用酒再幫我地炒香雞煲同海鮮，夠哂野味打邊爐點可以冇餸菜，我地叫左個特製四川米豆腐同埋玫瑰花之丸。米豆腐可以係食雞嗰時放落去炒兩炒，或者係加湯之後煮，可以食到兩隻唔同嘅風味。紫菜響鈴即叫即炸，食落有小小甜味玫瑰花之丸，食落好多玫瑰味幾特別黎依到食野同朋友傾計都唔會話坐得逼同嘈，可以下次再試試