Video
3-min walk from Exit A, Whampoa MTR Station
continue reading
Telephone
94987344
Opening Hours
Today
17:30 - 23:30
12:00 - 16:00
Mon - Sun
17:30 - 23:30
12:00 - 16:00
Public Holiday
17:30 - 23:30
12:00 - 16:00
Public Holiday Eve
17:30 - 23:30
12:00 - 16:00
Above information is for reference only. Please check details with the restaurant.
About Reward Scheme
Offers
朋友推介黃埔的契爺鮮入圍煮好有質素，今晚就去試試，餐廳環境幾舒適，而且好有Halloween 的氣氛。濃厚半隻雞煲花膠湯，湯底金黃，雞皮偏黃，肉緊緊緻嫩滑，花膠好大隻，食前侍應細心把雞和花膠剪好，湯底相當鮮甜，有濃郁雞味，十分正！飲完雞湯在加上湯食火鍋。本地手切肥牛，與一般肉牛不可同日而語，味道濃郁，牛味十足，切得較為厚身，口感很好，不會太多肥油，油花分佈均勻，好好味。台山桶蠔超大隻，肉質飽滿，見到就想食，但不要滾太耐，裏面好juicy ，軟滑甘香，鮮味滿滿。招牌六寶拼盤，相當豐富，水餃餛飩粒粒飽滿，鮮蝦餛飩有好大隻蝦，配合些豬肉，好好味。韭菜餃亦不錯，充滿韭菜的獨有香氣。墨丸好彈牙，有墨魚鮮味，果然真材實料。沖繩活水飼豚梅花卷，食材上乘，原來豚肉可以這麼美味，入口香滑，不油不膩雖然比一般店的豚肉貴些少，但十分值得。雜錦蔬菜籃，份量超多，有不同的蔬菜，值得一讚是十分新鮮，不同點豉油，已感到蔬菜的爽甜。鮮味肥鵝腸，肥肉滿滿，侍應說滾十秒即可，果然爽脆，油脂甘香不膩，已很久沒有食這樣好味的鵝腸。巨大手打香水檸檬茶，真的名符其實，好巨大，檸味香濃，不太甜，好解渴，簡直是火鍋伴侶。
continue reading
跟同事嚟到紅磡公司附近，黃埔天地嘅呢間《契爺鮮入圍煮》，主打花膠雞鍋，掛念契爺的花膠濃雞湯湯底，就想食鮮入圍煮 。餐廳環境闊落，坐得好舒服。龍穿鳳金裝套餐 ，個名改得咁好，一於試吓。龍穿鳳金裝套餐每位$ 398(2位起)三小食香煎鱘龍魚腩一滴入魂酒糟鴨舌涼拌海蜇好快侍應便送上開胃的餐前小食，非常有特色的一滴入魂酒糟鴨舌，一食鴨舌就諗起台灣。香煎鱘龍魚腩，肉質嫩滑且多汁。涼拌海蜇，調味開胃，水份重。黑魚籽加拿大象拔蚌刺身拼盆刺身拼盆超級新鮮，矜貴的黑魚籽，配搭鮮味的加拿大象拔蚌，大件而且厚肉，無比鮮甜，刺身口感柔潤有光澤。花膠濃雞湯湯底花膠營養價值高，滿滿的骨膠原，大大塊，厚實有質感。賣相金黃色的濃雞湯湯底，顏色非常吸引。打邊爐之前首先飲兩碗湯先，非常有益，濃郁好飲。侍應貼心幫忙，把半隻雞剪開，雞肉嫩滑，多肉小骨，我最鍾意食雞髀。鱘龍魚頭拼魚片高級海鮮作火鍋材料，一點也不簡單。鱘龍魚頭放落湯慢慢滾，滾出鮮味來。魚片肉厚彈牙，新鮮增加口感。手切本地肥牛食火鍋又點少得靚牛肉？手切本地肥牛高質，肉色紅潤，脂肪分布平均，牛肉味濃郁，滾幾秒即刻食得，剛剛熟最好味。套餐新登場優惠餐廳最近就推出咗晚市優惠，每位敬送海鮮貝類，我們當晚有蟶子王，最喜歡飽滿多汁，口感爽脆。火鍋六寶拼食完一輪靚牛同海鮮，套餐還可以任選火鍋配料六款，接下來火鍋配料也不錯。揀咗比較特別的白牛柏葉，豬潤肉質柔軟細膩，不用任何醬汁都很好味。還有經典口味炸魚角，非常鮮味。還有自家製炸響鈴、炸魚皮、炸西班牙黑毛豬午餐肉，全部都非常酥脆可口。時令雙蔬食咗咁多肉，食返啲菜，平衡返油膩感，健健康康啲。淮山麵或稻庭烏冬最後就係稻庭烏冬作結，盡吸湯底精華，非常好味。
continue reading
假日無所事事, 約了朋友食火鍋, 吹水閒聊, 地點 黃埔天地 聚寶坊 的 契爺鮮入圍煮, 門面好中國式.步入大門, 看見巨型海鮮, 花膠照片, 真係流口水. 餐廳紅色梳化卡座, 適合小家庭, 情侶朋友, 另一邊座位設大圓檯, 服務大伙兒聚餐, 我們坐下看見, 套餐新登場優惠 [龍穿鳳 - 金裝套餐], 每位$ 398, 每滿 6位 更可升級. 食物有小食, 刺身, 牛肉, 海產, 比食放題更理想. 立即落單. 餐前小食, 有三款, 涼拌海蜇, 一滴入魂酒糟鴨舌, 香煎鱘龍魚腩. 大家先開開胃. 酒糟鴨舌, 每入 4 條最快清碟, 香純酒味, 實在太好食了.香煎鱘龍魚腩, 好香脆, 飲酒一流. 時令海鮮刺身送到, 擺設靚, 有黑魚籽配象拔蚌, 北寄貝, 厚肉帶子, 希靈魚. 黑魚籽象拔蚌, 入口鮮爽, 帶子厚肉, 嫩滑鮮甜. 北寄貝, 彈牙. 希靈魚沾上 Wasabi, 真正好享受.服務員通知準備食火鍋, 大家去自助醬料區, 自己混醬. 花膠濃雞湯鍋送到, 我們啟動電磁爐, 金黃色濃雞湯好閃, 放入花膠滾滾, 侍應上前替我們把厚厚花膠及雞肉也剪開. 之後每人先飲一碗湯. 真美味.雞肉好嫩滑, 有雞味. 正呀!! 侍應把火鍋料送上, 足料夠吸引. 鱘龍魚切片拼上魚頭, 魚肉新鮮, 肉質爽彈, 入口甜美. 手切本地肥牛, 肉質相當優秀, 牛味香, 入口順滑, 輕輕一灼就可以食. 大蜆, 花甲, 無沙, 好肉又新鮮. 鮮支竹, 魚腐, 白牛柏葉, 水魷, 爽滑豬皮, 淮山面, 配料有質素, 香煎午餐肉, 即食可口, 加淮山麵一起吃非常好. 蔬菜新鮮嫩綠, 入口清甜且爽. 有生菜, 娃娃菜, 皇帝菜, 茼蒿. 多食有益. 大家慢慢滾, 享受 火鍋樂趣. 契爺鮮入圍煮, 可以來品嚐美食, 不須大花烹調技巧, 食物新鮮, 簡單 灼灼煮煮已經好好食.
continue reading
天氣開始轉涼，又係時候100,000 10下啦！屋企附近開咗間新嘅火鍋餐廳，契爺鮮入圍煮，啲評價都唔錯，今晚一於試吓先！唔係好想食咩，所以就叫咗佢個龍穿鳳精選套餐，$328一位，都幾抵食！個套餐包咗好多嘢，前菜刺身湯底打邊爐配料樣樣齊，性價比幾👌前菜嘅雞泡魚乾，上枱熱辣辣，助酒一流！酒糟鴨舌，味道夠晒濃郁，又係好好嘅開胃菜👍🏻蘇格蘭蟶子刺身，估唔到有幾正！刺身非常新鮮，好爽口，估唔到呢度竟然有蟶子刺身食👍🏻👍🏻特別推介嘅係呢個花膠雞湯底，超級足料！原隻雞同大大條花膠，燉出嚟嘅湯非常濃味，我忍唔住飲咗兩碗👍🏻👍🏻👍🏻火鍋配料都唔錯，套餐包嘅日本黑豚肉，脂肪比例啱啱好，六兩六食得，非常嫩滑👍🏻其他火鍋配料都好新鮮，蔬菜翠綠鮮嫩，仲有個蒜片非常爽口，夠高質👍🏻👍🏻食完咁多嘢都食唔落佢個淮山麵啦，今餐$328可以話非常抵食，值得推介
continue reading
加班至8點半，跟老闆來黃埔吃雞煲火鍋。臨近萬聖節，店外佈置了一棵南瓜樹，裝飾極具節日氣氛。店裏面的裝潢跟傳統的餐廳裝修無異，以實用為主。小食我們點了一滴入魂酒糟鴨舌，鴨舌可以即食，有濃郁的酒香，帶點甜味，爽口，十分惹味。配得上一滴入魂稱號。一煲金黃色蘊含著雞湯精華的濃湯，半隻黃皮雞很肥美，店員將花膠剪茖濃湯里面，輕煮數分數即可品嚐又香又濃的花膠雞湯。湯質滋補，口感幼滑，膠汁豐富，雞肉鮮嫩。喝完雞湯後，我們點了花雕封門柳牛肉片，薄切，每一片牛肉片感覺喝完花雕酒，輕輕一燙，牛肉鮮嫩多汁，帶點花雕酒香。再來一盤北海道A5和牛，大大盤的上乘和牛，有豐富的和牛雪花，極為新鮮，滾燙大約10秒即熟，好嫩滑多汁，牛肉味十分濃郁，吃完後牛肉味久久不散，齒頰留香。吃完牛，我們也點了一份梅花豚片。大大片，豚片鮮紅色，顯得格外新鮮，肥瘦均勻，富有豚肉味道，吃極不膩。這裏的海鮮也是不錯的，貴妃蚌，手掌般大隻，燙開後，蚌肉洁白多肉，帶有濃濃的海鮮味。結帳時，看到有個優惠8點半入座會有全單6.8折，真的是意外的省了幾百元。整體來說，每道菜的品質都十分之高，濃郁的雞湯配新鮮的和牛，絕佳的配搭。
continue reading