好味餃子店

Open Now

Now Closed

荔枝角啲餐廳都幾貴吓，最近有同事介紹長沙灣嗰邊有條街，啲嘢食肆價格合理好多🤣，所決定就行遠啲食平啲！呢間主打餃子嘅小店就係唔錯嘅其中一間😉，車仔麵$30就有兩餸，單拼湯餃$37就有6隻，簡值係糧尾恩物！🥟湯餃雙拼 $49/10隻價錢雖然平，但餃子好足料，隻隻飽滿，皮薄順滑！白菜肉餃淡淡肉嘅感覺，粟米肉餃就多咗爽口嘅口感。🐟配埋小店招牌嘅野甚菜生魚豬骨湯，味道奶奶哋有肉味，每日熬制4小時，唔含味精，食完都唔會口渴。Menu仲寫住可以降火清熱、化痰止咳，係咪有效就唔知了，不過肯定唔係鹽加水hea你！🥟煎餃單拼 $47/10隻今次煎餃就揀咗韮菜肉餃，煎得金黃香脆，皮嘅厚薄適中，唔會太熱油太熱氣，堂食首選！🥛豆漿 $8去小店又點少得豆漿，唔太甜，又健康，仲好解渴𠻹！

：去開長沙灣嗰邊就搵下有咩食🤤望落去好似開咗好耐既小店。下午茶時份黎就唔會好多人，除咗有餃子set都有下午茶set，價錢十分抵😉本身糾結緊叫湯餃定煎餃，見到個湯底咁特別 係野葛菜生魚豬骨湯，仲要係自己煲嘅，即刻叫湯餃子粉面油套餐 跟一杯飲品試下🥰🌟雲耳椰菜餃配上海麵 &豆漿 $47 皮薄得黎好足料😜呢個好香好有驚喜，而且整得爽口之餘仲有湯汁☺️呢款通常都好穩陣，好難做到好有驚喜😙豆漿好濃郁，唔會過甜😌🔺野葛菜生魚豬骨湯好濃，胡椒味都幾重，同埋唔會好腥，有降火，化痰止咳等功效😙🌟韭菜餃配上海麵 & 羅漢果甘草茶 $47雖然係湯餃，韭菜都算香口，而且韭菜同肉嘅比例都恰到好處，好平均唔會話韭菜多或者肉多😙羅漢果係清甜嗰種甜，帶有小小甘味，好少餃子舖會有呢類飲品賣😗

我跟男朋友不嬲都超級鍾意食餃子 今日跟男朋友到長沙灣行街 就去呢間新鮮制作的餃子店試幾款唔同餡的餃子🥟😎我地分別叫了十隻煎餃（雙拼）同埋五隻水餃share嚟食 然後再叫了2杯飲品 十分滿意煎餃我地叫了雙拼 個餡分別係韭菜跟雲耳椰菜欣賞佢個皮係幾薄既 做到脆身的效果 同埋餃子是新鮮熱辣辣咁即刻煎 大讚🙌🏻2款餃子的餡都各有特色 餡料也很多 ❤️👍另外 我地湯餃子則點了白菜🥬餡 湯餃的皮也很薄薄的 但唔會穿餡出來 👍 同埋個湯都好香好飲 😆我揀了一樽凍豆漿而男友則揀了杯熱雪梨水豆漿不會太甜 有啖啖的豆香 很喜歡💕至於雪梨水則很清潤 甜甜的 養生必選！

係荔枝角附近行街，行到咁上下有d 口痕，但又唔太餓，想食少少野。於是就入咗呢間餐廳。見到餐牌有一個幾吸引嘅套餐，五隻煎餃配豆漿，於是就點咗佢啦。煎餃煎得夠脆，唔會油膩。豆漿如果可以少d 甜更好。

餐廳在長沙灣和荔枝角中間，無論邊個站行過去都要大概7分鐘，雖然地點不算最方便，但食物質素和性價比真的很不錯👍🏻平日放工去吃個平飯，發覺單拼麵餐（五隻餃子）還包飲品才$47真的很便宜！！我們點了一個單拼、一個雙拼（+$2）、再加可樂（$2）埋單都不用$100😳雙拼麵餐：雲耳椰菜餃子配甘筍沙葛餃子特登揀多啲菜的款式，甘筍沙角餃真的很少見，食落勁爽口新鮮，雲耳椰菜都很好吃，勁多蔬菜，而且餃子很大隻，感覺上吃得很健康。粗麵比較薄身而且彈牙，湯底雖然比較清淡，但推薦大家落秘製辣椒油，幾惹味！豆漿（杯）不算很甜，淡淡地幾有豆味。另一款單拼麵餐（五隻）就要了粟米餃，都一樣清新好味。餐廳用QR code下單都幾好，繁忙時間不用等店員幫手，但也見到有姨姨是揮手叫人下單，店員都很友善。

📍長沙灣 好味餃子對於餃子控嚟講一間好食嘅餃子，除咗餃子本身嘅餡料同皮要夠出色之外，佢提供嘅醬料都要好味，先可以將成個餃子嘅精髓突出。今日就嚟到長沙灣嘅好味餃子店，睇吓佢嘅醬料夠唔夠出色🤍٩(˃̶͈̀௰˂̶͈́)و今日我同朋友分別叫咗一份雙拼嘅湯餃，同埋一份雙拼嘅煎餃。餃子嘅份量都好大，每粒都脹卜卜，而且餡料都好豐富。而佢嘅湯餃嘅湯底係新鮮熬製，而且冇加味精，味道非常濃郁。而係煎餃方面，因為係新鮮即刻煎，所以需時較長，而出到嚟都真係熱辣辣同埋好脆口另外一方面，佢提供咗好多唔同嘅醬汁，有生抽、醋、同酸菜，佢嘅酸菜係有豆豉同辣椒加埋入去調味，所以味道都好出色。🫡

周末與老婆在長沙灣睇完戲，就行落去元州街一帶醫肚，在下午茶時段，正好以優惠價食個下午茶。我們在附近找到間以餃子為賣點的食店~好味餃子店，於是入去試下吃餃子下午茶餐。我選了煎餃子(5隻)配凍豆漿~$33，老婆選雙拼(十隻)湯餃子~$49，再加蠔油生菜~$16。湯餃子的湯底標榜是野葛菜生魚豬骨湯，飲落確實是沒有味精的味道。不論是湯餃子或煎餃子，每隻餃子的份量都是大大隻，吃落真的很飽肚。感覺上本店是做街坊生意的，價格也算實惠貼地。

周末放工，在長沙灣一帶逛下玩具店尋寶，睇下有無心頭寶物，最渴望買到童年超合金卡通玩具，可遇不可求，仍是空手而回。在元州街找食店午膳，見到有間餃子店~好味餃子店，就入去試下食餃子餐。店子明顯是做街坊生意的格局，價格收費實惠。我選了雙拼餃子(共五件)：韮菜餃拼粟米餃配上海麵，飲豆漿，共$49元。五件餃子份量足，不論是韭菜或粟米配豬肉碎也搭配得宜，五件餃子配上海湯麵，大大碗麵加上豆漿，成年男士也覺得飽肚。

今次黎到長沙灣，同大家介紹既系一間據聞餃子同招牌魚湯都同樣出名既高質既餃子專門店 一 好味餃子@yum.dumpling (好味餃子店，前名為美味餃子店，不過同太子個間並無任何關係。)佢地既(湯/煎)餃子有7款：(粟米肉餃、韭菜肉餃、白菜肉餃、芹菜肉餃、雲耳椰菜肉餃、甘筍沙葛肉餃、芫茜肉餃)今次就試左其中兩款 雙拼煎餃 ：🌟粟米肉餃 x 韭菜肉餃 $49 (10隻)餃子外皮煎得金黃韭菜肉餃，一咬開滿滿既韭菜香氣粟米肉餃有粟米既清甜，咬開仲會滴汁🌟野葛菜生魚豬骨湯 (大) $32不愧系招牌魚湯，鮮甜得黎無魚腥味，據店員所言，佢地既招牌野葛菜生魚豬骨湯系每日新鮮即煲，亦無添加任何味精，而且仲有養陰清熱，降火排中既功效🌟豆漿 $8我覺得吾會太甜，飲埋豆漿甜甜地作為依餐既結尾，滿足☺📍好味餃子店地址： 長沙灣元州街497號地舖#長沙灣 #餃子 #肉餃 #好味餃子 #好味餃子 #粟米肉餃 #韭菜肉餃 #良心小店💛 #好味餃子店 #餃子專門店 #覓食長沙灣 #長沙灣食乜好 #即食即出系列 #野葛菜生魚豬骨湯

阿公對餃子🥟係抗拒不了的😌對湯品🥣都有一顆熱誠❤️‍🔥兩樣加埋嘅 “湯餃” 🤤就...失守了🛠阿公係比個「招牌湯」吸引咗係 野葛菜生魚豬骨湯 🥬🐢🐗睇名都知甜啦🤣 飲落就知係無味精系列真材實料嗰種⚕️阿公叫咗 粟米湯餃🌽 +甘筍沙葛煎餃🥕(如果湯餃加麵都係$9喳🤫)餃子唔洗講就是好味道😋主要入面唔會太多肥肉因為阿公腸胃好敏感太多肥一定會唔舒服而呢到食完只有心情極級舒暢😁同埋呢度超級平民價單款餃 十隻都只係$47兩款餃 加多$2就有細食嘅你仲可以揀六隻嘅細碗Size$37就搞掂哂🤙🏼🤙🏼🤙🏼阿公仲叫咗生菜同埋加$9已經有大包檸檬茶生菜都係健康之選 無外加油嫁👏🏼👏🏼整體嚟講就係又健康又好味😋

◐長沙灣靚湯配煎餃｜超平價推薦長沙灣好多地道小舖，最近發掘這間靚湯煎餃，環境好企理乾淨。平時好鍾意食煎餃，但又想喝老火湯。這裡可以同時滿足你2 個願望😂有4-5 款煎餃或湯餃，另外可叫老火湯，係野葛菜豬骨湯。一般湯餃已經配有老火湯唔洗另外叫。煎餃好脆口，外皮近乎炸咁。我嘗試椰菜豬肉餃和雲耳椰菜餃，都好好味。另外追加咗油菜加蠔油，是健康之選。如果想飲野就可以加一杯豆漿，或者紙包飲品。不過我都係最推介飲老火湯。

一定要試🥟🥟🥟煎餃雙拼十隻有心思擺盤，十隻好有氣勢😍😍煎得好香，外層脆口揀左韭菜同甘筍沙葛韭菜煎得好入味，而甘筍沙葛，出面好少店舖會做哩款餡料，甘筍令到餃子好甜，沙葛增加左口感👍🏻👍🏻🍲雙拼湯餃（五隻）湯餃皮好薄同滑身，餡料好多😍😍雲耳椰菜，同芹菜口味都不錯🍲野葛菜生魚豬骨湯（細碗）個魚味好濃郁🐟🐟✰ ✰ ✰ ✰ ✰ ✰ ✰ ✰ ✰ ✰ ✰ ✰ 5個為大🈵️分好味指數：🤤🤤🤤🤤🤤靚環境：😍😍😍Chill 指數：🌿🌿🌿推介指數：👍🏻👍🏻👍🏻👍🏻👍🏻🔖 好味餃子店 (長沙灣)長沙灣元州街497號地舖#lifeistooshortforbadfood#hkfood#香港好去處#食好西#foodiehk#吃貨#打卡#hkfoodblog#hongkongfood#hkfoodieblogger#hkfoodie#hkfoodshare#長沙灣#港式#餃子#粉麵#長沙灣#長沙灣好去處 #長沙灣美食#香港美食#香港旅行#香港打卡#香港美食指南#煎餃#好味餃子店

野葛菜生魚湯🥣近排出街食飯多佐，見小小喉嚨痛就來飲個湯。因生魚🐟多骨，碗湯係隔曬啲湯渣上嘅。濃郁嘅生魚湯，唔係出面街嘅味精湯，十足阿媽靚湯啊😄雙拼湯餃（原來都係生魚湯底）十隻💰49，隻隻餃子🥟都係手工餃兼好飽滿，加埋生魚湯底，真係值翻個價。牛丸油麵🍜油麵彈牙，💰30蚊有四粒牛丸➕油麵，抵食。係長沙灣呢頭做街坊生意，經得起街坊考驗嘅餃子店👍🥟好味餃子店🗺️長沙灣元州街497號地舖

餃子皇成日想搵好食既餃子，俾我發現呢一間係長沙灣既好味餃子店唔錯，餃子水準有，店內人流又唔少都證明食物質素有保證我同朋友一定要試下餃子朋友要雙拼湯餃十隻，材料有雲耳椰菜肉餃及甘筍沙葛肉餃甘筍沙葛肉餃聽落好新穎，而且沙葛係好爽口既，我同朋友都鐘意既口感，朋友同我都試過一致覺得好食，配搭得好完美朋友覺得兩款餃子口感都好正我就食左餃子粉麵套餐，有5隻餃子配米線，再包埋一杯熱羅漢果甘草茶，呢個套餐好抵食只係$47，我選左粟米肉餃同甘筍沙葛肉餃，兩款都好味，而且都好足料，足料都好緊要，咬落去口感已經唔同，米線都唔會過淋，有埋飲品好周到枱面仲有調味料可以自己再加。我地覺得係一間好抵食好值得試既餃子店

【長沙灣大隻足料餃子店✨😋】/////冬天出街凍到飛起 好想飲暖湯 就搵左間平民餃子店暖下肚仔🤩佢哋麵底用每日新鮮熬制嘅葛菜生魚豬骨湯 餃子配料同飲品都好健康養生 好滿足！😬.👉🏻餃子粉麵套餐 ($47)湯底潤喉冇味精 非常鮮甜 旁邊有辣菜甫 可以自己衡量加嘅份量 微辣又帶點咬口👀餃子款式有大概7種🙆🏻‍♀️點左韭菜同甘荀沙葛肉湯餃(雙拼餃子+$2) 韭菜餃有滿滿韭菜同豬肉餡料 比較濃味 而甘荀沙葛肉就相對清新 甘荀切成碎粒味道唔重 帶甜甜嘅味道～飲品揀咗羅漢果甘草茶 清熱潤肺 羅漢果清甜配搭味甘嘅甘草 有透心涼嘅感覺🙀———-📍好味餃子店 (長沙灣)長沙灣元州街497號地舖