好味餃子店

Open Now

Now Closed

經過呢間舊時成日幫襯嘅餃子店，諗起佢個野葛菜生魚豬骨湯好正，就入去食番碗湯餃。湯餃子細碗（$37）餃子要咗至愛嘅雲耳椰菜肉餃，細碗有6隻，餃皮煙韌，餡料有肉有菜，夠哂足料；湯底保持水準，夠哂味道。PS：好耐無食，現在變咗自己 scan QR code 落單。

長沙灣好味餃子雖然地方不大，但用餐環境也不錯，乾淨企理。最重要餃子隻隻飽滿實在，野葛菜生魚 湯底冇味精，餃子有傳統口味， 想香口的可以叫煎餃子不過最喜愛還是 冇負擔 大眾化的價錢，糧尾無錢洗，一樣會去食。-韮菜菜湯餃 皮薄爆餡，韮菜內餡包得飽滿大隻的白菜 口感清脆， 清甜又新鮮新鮮。其實叫7隻已經好飽-椰菜雪耳湯餃傳統口味唔會輸， 椰菜雪耳爽口 之余，餃子仲非常juicy多汁。-十分推薦 蘿蔔粉葛餃包得實實在在粉葛的爽口 咸香更突顯左 蘿蔔 的香甜味，簡單10隻2人share雙拼 實在太美好

又到下午茶時段，昨日在長沙彎行街行到想食野😆， 路過一間小店叫「好味餃子店」 ， 都想看下是否好吃😆， 叫了湯餃同埋煎餃，仲有生魚湯！湯餃 湯餃都多選擇，我點了粟米🌽同韮菜味道， 餃好大隻，味道清新伴著湯汁吃好味🤤煎餃 – 韮菜肉餃煎餃煎得香噴噴見到都好想食，味道惹味十足！最後更點埋自家製豆漿以及每日新鮮煲的生魚湯，好有在家的溫馨感覺， 每一口湯水沒有味精又夠健康！店舖: 好味餃子店地址: 長沙灣元州街497號地舖

人情味手作餃子🥟 餐廳主打湯餃煎餃及粉麵～ 價錢相宜、大件夾抵食，唔洗加一，係唔少街坊嘅心水餐廳！🤭 餐廳亦設QR code落單，方便又快捷。====᪥ 煎粟米肉餃 $47/10隻單拼煎餃$47 雙拼就加$2～ 煎餃外皮香脆煙韌，煎餃較扁身，煎得好香，油香四溢～🫣😛 ᪥ 湯餃 - 雲耳椰菜肉餃 拼 韭菜肉餃 $49/10隻再加$9即可跟粉麵底 唔驚唔夠飽🤪 餃子大大隻夠哂飽滿，皮薄餡靚，調味適中。😋😋====᪥ 豆漿 $8

長沙灣一向多餐廳小店一向喜歡吃餃子的我看到餃子店就忍不住了🤣而且價錢不太貴當作下午茶的份量對我剛剛好🤪🤪🤪🧡白菜韭菜餃配野葛菜生魚豬骨湯食材比例剛剛好，白菜韭菜配上無味精的湯底，十分清甜 加上辣菜甫非常惹味🤪🧡芫荽豬肉煎餃煎餃比湯餃需要多等候一段時間但是好的東西是不介意等待的🤣👍外皮煎得好香脆 芫荽味道好突出豬肉肥瘦適中，配醋同吃一流🧡豆漿豆漿一定是我必要的飲品豆味很濃 而且甜度適中

岩岩附近買完野剛剛係下午茶時段，咁就去都幾出名的好味餃子店，試下佢個湯餃同埋煎餃，最重要係湯餃的生魚湯<湯餃 – 雲耳椰菜肉餃‧甘筍沙葛肉餃>食呢度的湯餃可以話「醉翁之意不在餃」，最重要係碗生魚湯。生魚湯係奶白食，大家都知生魚多骨，所以呢度會同你隔離湯渣。你餃落去係好舒服、好潤喉，最重要係唔會覺得腥，有鮮甜老火湯的味道。湯餃方面都好大隻，兩者都分別有雲耳同埋沙葛令你食落去有唔同口感。味道方面，雲耳椰菜肉餃相對會濃味多啲，而甘筍沙葛肉餃就會較為味道清新，各有各特色。<煎餃 – 韮菜肉餃>煎餃方面，相對扁身啲，而兩邊都煎香同埋熱辣辣。韮菜煎左之後會更加香，係最佳的煎餃配搭之一。另外食煎餃一定要點埋呢度自製的菜甫辣醬，唔算話好辣，但幾惹味，令煎餃的味道層次有所提升。<羅漢果甘草茶‧滋潤雪梨茶>食完煎餃，當然要飲番啲野潤潤個喉，呢度有羅漢果甘草茶同埋滋潤雪梨茶。前者唔算好甜，但加埋甘草會有透心涼的感覺，加埋羅漢果就一定潤喉。而雪梨茶開頭望落比較淺色，以為會淡味，點知見到有唔少雪梨渣，飲落去梨味好濃，又係另一潤喉之選。

好味餃子店係我以前返工既食堂，佢哋餃子又大隻，材料新鮮，價錢又相宜！湯底以新鮮的野葛菜、生魚和豬骨熬煮而成，散發著濃郁的湯香自從轉咗工之後就少咗過嚟幫襯，今日特登專程去食味道依然係咁好食！甘筍沙葛肉餃拼雲耳椰菜肉湯餃的皮薄而有彈性，包裹著豐富的餡料。甘筍和沙葛的結合為餡料帶來了獨特的甜味和清脆口感，而雲耳椰菜肉湯餃的湯汁更是讓整體口感更加豐富！韭菜肉煎餃拼芫茜肉煎餃的外皮金黃酥脆，內部的餡料鮮嫩多汁。韭菜肉煎餃散發著濃郁的韭菜香氣，而芫茜肉煎餃則帶有芬芳的香草味道，鍾意濃味嘅朋友絕對值得一試

#好味餃子店~有内涵的餃子太久沒吃到好吃的餃子啦!小時候就常吃餃子，因此對餃子颇挑剔。😆這家的好吃過荃灣綠楊那邊那家的好多吖!這家店有七款餃子和一款煎餃，餃子首選韮菜的，來一份小份的煎韮菜餃，吃時候要小心，別燙到嘴，因為餡有汁。再來一份雙併沙葛甘筍肉餃和白菜餃，湯是野葛菜生魚豬骨湯。湯十分到味，喝到濃濃生魚味，正! 兩種肉餃都十分出色，由其汾葛甘筍，一試難忘。😋桌上有店自家調製的菜甫辣椒油，配上肉餃吃更令味道升華! 不過見意先吃原味就不沾醋不沾辣，最後再沾，有了對比，才知多好。🤣店只提供凍甜豆漿，喝得出很濃豆味，只是如果是原味走甜，更香更健康。😂原來店也有外賣生餃，不過還是堂食好。店雖小，卻不斷人頭湧湧，兩位姐姐，十分能幹的，不慌不亂的工作，臉帶微笑自然不做作，禮貌，加分! 一位負責煮的姐姐說忙也得做，笑著做總好過苦口苦臉做，對的!十分應同。

甘筍沙葛肉餃🥟是一道結合了清爽的蔬菜和嫩滑的肉的美食，滿足了不同口味的顧客需求。餃子作為中國美食文化的一部分，一直以來都深受人們的喜愛。而其中的湯餃，更是在寒冷的季節裡成為了令人渴望的美食。今次我點了招牌「甘筍沙葛肉餃」 😁😆😆甘筍沙葛肉餃 $47甘筍沙葛肉餃通常以小巧的包裹呈現，外形整齊，吸引人。一入口，你會被散發出來的香氣所吸引。蒸煮時，蔬菜和肉的香味交融在一起，總是令人垂涎欲滴。😁這道菜的口感非常重要。一口咬下，你會首先感受到外皮的柔軟和韌性，然後迎接著是內裡的內餡。蔬菜的甘甜和肉的鮮嫩相互輝映，營造出令人愉悅的層次感。😄 甘筍和沙葛🥦是這道菜的核心食材。它們必須保持新鮮，以確保餃子的美味。新鮮的蔬菜為這道菜帶來了獨特的清爽口感，同時豐富了營養價值。🙂調味在這道菜中起著關鍵作用。通常會使用一些輕微的調味來提升食材的風味，如鹽、糖和胡椒。此外，一些人喜歡蘸醬汁，例如辣椒醬或醋醬，以增添風味。🥟甘筍沙葛肉餃是一道營養均衡的菜餚。蔬菜提供了豐富的纖維、維生素和礦物質，而肉則提供了優質的蛋白質。這種搭配讓這道菜成為一道既美味又營養的選擇。 製作甘筍沙葛肉餃需要一定的手藝。師傅們必須巧妙地

長沙灣有一家專門吃餃子的餃子店——好味餃子店，愛吃餃子的街坊可以去試試。餐廳雖小，但食客真係好多，難得搵到位置，立刻點返幾款出名的餃子。餃子款式眾多，有煎餃也有湯餃，餃子餡也是好幾款特別的。點了兩份湯餃下午茶套餐，每份有5顆。一份單拼白菜肉餃$33，一份雙拼芫茜肉餃+雲耳椰菜肉餃$35，另外還包一杯飲品，點了自家製的滋潤雪梨茶，補補心肺滋潤一下也不錯。特別喜歡芫茜肉餃，超級香芫茜味，滿滿的芫茜，適合芫茜控的我。另外再來一份煎餃，這次選擇了甘筍沙葛肉餃，這個餡比較爽脆，煎的金黃扁扁的，跟平時吃的煎餃不一樣，有點像鍋巴，不過很香脆，大家可以試試。

坊間麵店開到成行成市。餃子作為其中主要食材嘅一員，擔當不可或缺的角色，你間鋪標榜餃子好味，梗要去一試究竟。鋪頭採用電子化QR Code下單，冷氣十足。我地一行兩人叫左兩款不同製法的餃子，分別係白菜同韭菜湯餃及煎餃。無論係煎餃或者湯餃，餃子都係皮薄餡靚，韮菜十分新鮮，略帶甜味，而且頗為爽口，白菜味道甘甜，口感爽脆，最突出嘅地方唔係餃子，係湯餃內嘅湯汁，門面介紹寫得好清楚，湯汁係採用招牌野葛菜生魚豬骨湯，清熱下火，潤肺生津。湯汁簡單，味濃而鮮甜，毫不濁氣，適合配搭餃子。

呢間餃子店一直係我個收藏list上，今天終於有機會親自去品嚐了一番。餃子店裝修並唔特別，只是一間樸實街坊小店餃子皮非常透薄，一點都唔厚，黃金比例嘅餡料，菜與肉嘅比例完全符合我嘅口味，而且完全無用肥豬肉‼️湯餃係我必點之選，用左自家製湯底 — 野菜葛生魚豬骨湯，湯底完全冇味精，味道好清甜👍🏻叫左芫荽豬肉餃&芹菜豬肉餃，芫荽&芹菜都好香我個人最鍾意芹菜餃，因為多左份爽脆嘅口感另外，我仲叫左兩款煎餃，分別是甘荀沙葛肉餃和雲耳椰菜餃🥟呢兩款餃子嘅外皮煎到金黃酥脆，內餡則是新鮮的甘荀和沙葛，口感唔錯，味道就無咩特別～～雲耳椰菜餃比到我驚喜有口感之餘，仲好爽甜仲有自家製辣菜脯

好味餃子店位於深水埗元州街497號今次係我第二次光顧上次係平日放工今日係星期六下午5點半左右到餐廳有好多座位上次要等位同上次一樣用QR code落單今日餐牌中有下午茶餐下午茶超抵食餃子餐$33可以自選5隻湯餃或煎餃仲有飲品或者可以選擇餃子粉麵餐$475隻湯餃+粉麵+飲品＜轉雙拼加$2＞粉麵有粗麵，幼麵，上海麵，油麵，米粉，米線湯底係招牌野葛菜生魚豬骨湯呢個湯真係好好飲單叫一碗細既$26，大碗$32我叫左10隻煎餃$49韮菜豬肉拼白菜豬肉大約5至8分鐘舖滿碟金黃色非常靚❤️白菜豬肉非常爽口多汁韮菜豬肉加少少辣菜甫更加惹味😋另外我叫左椰菜木耳湯餃配上海麵，飲品叫豆漿豆漿非常冰凍好香濃豆味😋椰菜木耳餃非常軟身淋身配湯飲非常舒服上海麵非常滑我非常喜歡呢間餐廳因為我好喜歡食餃子媽咪在我小時候包餃子而呢間係我心水

今日去咗長沙灣既好味餃子店到食餃子餃子整體都好足料, 總共有七款餃子餡選擇配搭傳統得來又幾有新意我就叫咗餃子粉麵套餐(配上海麵+豆漿), 上海麵幾滑身, 餃子粒粒都好大隻🤣餃子皮仲好嫩滑 🥟 粟米肉餃, 一咬開就見到爆多粟米, 粟米鮮甜; 甘筍沙葛肉餃, 咬落爽脆, 仍然保留到鮮甜既肉汁😋另外我都叫咗個雙拼煎餃子外層煎到金黃色, 餃子皮相對比較薄身韭菜肉餃, 咬開就見到一條條韭菜喺入邊🤣雲耳椰菜肉餃, 菜同肉嘅比例啱啱好, 仲可以點埋旁邊既菜譜辣醬, 更加香口惹味

OT 到9點先收工,唯有買野返屋企醫肚,今晚唔想食飯同面,就唸起可以餃子啦,餃子店試過好多間,但我始終都鍾情呢間係長沙灣既好味餃子店.每次食完都捧住個肚,好滿足咁走.例牌, 次次都會叫10隻煎同10隻湯餃, 一次過食晒兩款先夠盡興,今次就要左粟米肉餃(煎),雲耳椰菜肉餃(湯),首先要講一講個湯,佢地係自家制野葛菜生煎豬骨湯,豬骨味濃, 但又唔會覺得好油膩,係媽媽既住家味道,飲得出係真材實料,飲完都唔會口渴.餃子好大隻,入面相當足料,雲耳同椰菜夠新鮮,切得好幼身,豬肉醃得好入味, 餃子皮薄得黎包住咁多料都唔會穿, 我最怕就係幾尺厚既餃子皮,但呢間絕對唔會,放心.配埋佢個湯, 一路飲一路食,好有養生Feel .到煎餃, 不得不讚佢地既煎餃真係好出色, 落單後係立刻煎, 所以要等8-10分鐘,但絕對值得等待,睇住佢入盒香噴噴重出緊煙既,溫馨提示, 小心熱燙親個咀.餃子兩邊都煎得相當均勻既金黃色,咬落好香脆,配合粒粒分明既粟米粒同豬肉,口感豐富,有時我會點埋佢既辣椒油, 添加一點味蕾上既刺激.食完呢20隻餃子同飲埋碗湯, 你話點會唔飽丫,所以周不時我都要黎呢度滿足一下鋪餃子癮.誠心推薦大家一試