好運道拉麵小菜館

Open Now

Now Closed

放工同男友行開街，見到依間新開嘅上海野。價錢都幾相宜就去醫下個肚先餐廳開咗一個月左右所有嘢都好新淨，而且個裝修都幾靚嘅。坐得都幾舒服👍👍🌟酸菜魚（$128）酸菜魚魚肉好滑身，而且都好入味🤭酸酸辣辣咁，都幾開胃嘅，而且呢個配菜呢吸晒啲湯汁所以好好味，送飯真係一流🌟尖椒肥腸（$73）鍾意食辣嘅，一定唔可以錯過呢個餸😍佢嘅尖椒辣得來好香。雖然成龍每一啖都好辣，但係真係好過癮嘅。配埋肥腸一齊食，好爽口架🌟涼拌青瓜（$26）呢個開胃小食我都覺得可以試吓，因為佢嗰份量都幾多，而且唔會過分地辣，反而酸酸辣辣。咁都幾清新😍😍呢間舖頭仲有好多拉麵可以食嘅，我見師傅呢係即場拉😍誠意就係十足㗎。而且呢佢嘅套餐都唔會好貴，$50-$60都有交易。性價比都幾高架😍🍴好運道拉麵小菜館 (元朗)📍元朗大棠路56-72號安福大樓地下8號舖

最近好似好耐冇食過中菜，喺元朗千色附近新開咗一間中菜館，餐廳設計古色古香，充滿住滿滿嘅中式風情～紅燒牛腩拉麵💰HK$52紅燒牛腩肉味醇口，口感豐富！中式拉麵偏幼身，容易吸收湯汁！如果嫌啲拉麵太長，落單嗰陣仲可以揀埋剪面，咁樣就方便啲食啦～酸菜魚麵(細)💰HK$88份量偏多，魚片嫩滑無碎骨！麵條揀咗寬面，麵質幾特別，有啲似扁咗嘅刀削麵！酸菜魚湯酸酸辣辣，令人好開胃～秘製牛肉💰HK$48牛𦟌口感偏爽，用辣油去調味變得好惹味～五香雞翼💰HK$38外皮好香脆，裡面嘅肉非常入味，而且依然保留到有好豐富嘅肉汁～肉夾饃💰HK$28餐廳好貼心，落單嘅時候可以揀埋一開二/一開四，方便食客share！肉夾饃外皮香脆，內裡嘅肉味道鹹香而不膩，美味可口～凍豆漿(甜)💰HK$6甜度適中，豆味香濃～熱豆漿(走甜)💰HK$6冇咗甜味，反而豆味更加突出，又係另一番風味～

元朗好多酸菜魚鋪，依間除左有得叫一大盤酸菜魚，仲有小籠包、小菜。用QR code落單，餐牌多咗好多種類嘅食物。一大盤酸菜魚，酸辣惹味，魚片嫩滑冇骨，而且份量好多，湯內有芽菜、萵荀片，抵食又美味。秘制牛肉厚切，有落辣油但唔算好辣。而青瓜冰涼爽脆，最適合夏天食，又開胃。包點類肉夾饃一定要叫，因為外皮超脆，入面夾住肥瘦肉、少辣青椒，好好食。鮮肉小籠包子熱辣辣出煙，肉團鮮甜，包子煙un。紅燒肉肥瘦適中，炆到軟冧入味，飯量多到男仔都食得飽～少油少鹽選擇都可以自選，非常之好，抵食又大份既中菜。雖然冇叫拉麵，因為太飽，但隔離枱有叫緣故，可以見到師傅即場拉麵條，好勁。

呢間元朗分店新開，餐廳食上海菜， 味道正宗，價錢相宜，適合鐘意上海菜既朋友👍🏻👍🏻👍🏻秘製牛肉$48呢款係必點上海菜小食，牛肉由秘製香料，醃製味道香濃。小籠包 $28呢款係傳統上海式小籠包，麵粉皮包餡肉多，咬下去汁液四溢，肉味非常香濃！肉夾饃 $28外皮脆口餡料豐富，肉質鮮嫩，朋友話最好食係呢款小食。牛肉水餃$48餡料札實，牛肉味道濃郁搭配醋和辣油，一口一個非常爽。淨雲吞$40上海色菜肉雲吞，雲吞皮薄餡多，湯底清淡而不失鮮美，十分適合大熱天享用。紅燒肉麵$42紅燒肉炆得非常之腍，下午茶仲有一碟小菜心，非常抵食！紅糖糍粑$25新鮮即叫即炸，外面脆口裏面軟糯，呢款甜品係抵之選。好運道拉麵小菜館的食物不單止好味，價錢亦相當親民，無論是三五知己聚餐，還是家庭聚會，都係個不錯的選擇！

元朗新店《 好運道拉麵小菜館》位於大棠路千色老馮茶居旁，小店主打中式拉麵，裝潢古色古香走中式風格。餐廳有拉麵師傅即席拉麵，食客可以一邊食一邊欣賞拉麵的製作過程，增添了用餐的趣味😍小店用QR CODE下單，菜式豐富多樣: 推薦小食涼拌皮蛋（$26），涼拌藕片（$22）😋蒜蓉炒菜心（$26），南乳雞翼（$38）。喜歡特色小食有肉夾饃（$28）😆必點紅燒牛腩拉麵（$52）紅燒牛腩拉麵的湯底濃郁，牛腩軟嫩，搭配二細麵(喜歡圓面)，口感食起来有嚼勁!牛肉水餃（12隻，$48）也是不錯的選擇，餃子皮薄餡多，味道鮮美🥟飲品方面，可揀凍豆漿（可走甜，套餐+$6）和凍奶茶（套餐+$6），清爽解渴，與拉麵和小菜搭配合適🤤羊肉串 (三串) $36每一串羊肉都烤得恰到好處，外焦里嫩，肉質鮮嫩多汁😝紅糖糍粑 (5條) - $25 紅糖糍粑是經典的甜點，外脆內軟，糍粑的糯米香氣十足，配上濃郁的紅糖漿，甜而不膩😌

門面簡潔沒有太多華麗，但一眼就看出是上海餐廳；門口見到Lunch 價錢合理，就入去一試。來上海舖一定要叫小籠包：分別叫了醬肉及鮮肉小籠包，見到價錢一d都唔貴，上枱時新鮮熱辣蒸起，不是薄皮，像中底包點的外皮，但包落鬆軟。而涵一點不馬虎，鮮肉十分新鮮。一籠有大大三個，其實都幾夠飽南乳雞翼有好香南乳香味，而且是剛炸起，好脆口！羊肉串配孜然香料，燒得剛剛好。秘制牛肉：牛𦟌肉肥瘦分明，配上獨制的辣汁，好過癮。全部食物都可跟餐加配飲品，今次就叫左豆漿！原來有得選擇甜/唔甜，完全適合健康人士！

係千色廣場行完街，見到飯點，見到有間新開舖頭，一於去試試。叫左小籠包同牛肉餃子。因為個人終於食麵食，首先上小籠包，肉餡有汁，包嘅皮好煙硬，好似自己屋企收工整咁，好正。另外餃子，牛肉味好重，皮都好煙硬，好似自己差皮咁，好正好滿足。

今日去咗一間新開嘅上海菜餐廳，試咗幾道招牌菜，真係令人驚喜連連！首先，牛肉水餃真係好正！餃皮食得出係人手整嘅，好有口感，餡料鮮嫩多汁，牛肉的鮮味和香料的調味恰到好處，搭配醋和辣油，味道更加出色。每一口都讓人忍不住想再來幾個。接住上場的是鮮肉小籠包，外皮都係似人手整嘅，內裡餡料豐滿，咬開時湯汁四溢，味道鮮美，令人陶醉。，菜心炒帶子則是一道清新健康的選擇。帶子鮮嫩滑口，菜心爽脆，兩者的搭配既能保留海鮮的鮮味，又增添了蔬菜的清香，平衡了整體的味道。秘制牛肉的味道更是令人驚喜，牛肉醃製得恰到好處，香氣四溢，肉質軟嫩，搭配香料的獨特調味，讓人一試成主顧。羊肉串則是另一個亮點，肉質鮮美，炭燒至外焦內嫩，配以香料，味道更上一層樓。紅燒牛腩麵絕對係主菜之選，牛腩燉得入味，軟嫩可口，湯底濃郁，麵條見住師傅親手拉成，麵好彈牙，有口感，完美吸收了湯汁的精華，令每一口都充滿滿足感。最後，豆漿作為結尾，暖心又健康，味道香濃，完美地為這頓豐盛的餐點畫上圓滿的句號。整體來講，呢間餐廳嘅麵粉類食物好出色，值得再次光顧！

元朗千色附近最近新開咗一間中式餐廳 門口睇到個Menu價錢都算平 有好多菜式揀 就嚟試吓佢喇🥰紅燒排骨拉麵拉麵標榜純手工 即拉即煮 個湯清清甜甜 而排骨好夠味👍🏽👍🏽西芹炒蝦仁份量好多 西芹爽口 食晒咁多嚿都冇一嚿係有渣 👍🏽肉夾饃出邊塊餅好脆 又唔會好厚成口都係麵粉咁 而入邊嘅餡好多 又夠晒味唔會過鹹 呢個係幾好食😍😍手抓羊肉自己係好鍾意食羊肉 所以呢個係必要㗎啦 肉質一啲都唔嚡 有咬口得嚟又好淋🥰🥰鮮肉小籠包呢個有啲似菜肉包 如果想食清淡啲嘅話就叫呢個鮮肉 想食濃味啲嘅可以叫醬肉👍🏽楊州炒飯成餐最surprise嘅係呢個楊州炒飯😍😍啲飯粒粒分明 好有鑊氣 份量好多 比起普通茶餐廳嘅真係爭好遠 價錢又唔貴只係$56 呢個好好食😍👍🏽

今日同朋友試咗一間拉麵小菜館，呢度有飯有面有小籠包，好多嘢食，超正呀，而且飲品大大杯，有豆漿有紅豆冰，我真係好鍾意叫佢哋嘅豆漿，因為個豆漿係即叫即整，好新鮮，非常好飲，仲有我哋叫咗個雲吞麵，仲有蔥油拌麵，都係好好食，而且大大碗，真係唔錯啊，仲有我推介佢哋嘅四川擔擔麵，辣辣地，好入味，而且肉醬好多，撈埋一齊真係好好食呀，而且份量又多，好飽肚，好豐富，而且價錢經濟實惠，配埋個套餐，加埋飲品，真係非常完美啊，佢哋嘅四川淡淡面都好正宗，啲好友煮嘢食技巧，而且擺盤優美，而且呢度食飯嘅裝修都唔錯呀，好友空間感，侍應嘅服務都好好，好高質素，有笑容，而且親切感，為客人主動服務，所以我覺得響度食嘢都有賓至如歸的感覺💗💗💗

今日好開心同屋企人去咗元朗行街，見有啲肚餓，就去附近嘅餐廳搵好嘢食，見到呢一間新開嘅拉麵小菜館，我屋企人都好鍾意食中式嘢，所以就去呢一間舖頭試試，估唔到佢有驚喜，食物質素好高，而且價錢經濟實惠，真係要介紹俾好多朋友嚟食呀，估唔到入到去種類都好多，尤其我好推介佢哋嘅醬肉小籠包，鮮肉小籠包，真係好好味，每個小籠包都好大個，好飽肚，裏面嘅肉汁好多，而且個包好薄皮，真係好好食呀，而且醬油都係濃味啲，如果鍾意濃味嘅朋友，一定要泥試呀，而且個牛肉水餃都唔錯啊，牛肉水餃都好多，皮薄餡靚，睇得出師傅好有心機呀，仲有我哋叫咗個紅燒牛腩拉麵，個拉麵嘅面好多，而且拉麵好彈牙，湯底又多汁，有牛肉味，所以啲面都好入味啊，所以鍾意食拉麵嘅朋友一定泥試呀