好運道拉麵小菜館

Open Now

Now Closed

元朗好多酸菜魚鋪，依間除左有得叫一大盤酸菜魚，仲有小籠包、小菜。用QR code落單，餐牌多咗好多種類嘅食物。一大盤酸菜魚，酸辣惹味，魚片嫩滑冇骨，而且份量好多，湯內有芽菜、萵荀片，抵食又美味。秘制牛肉厚切，有落辣油但唔算好辣。而青瓜冰涼爽脆，最適合夏天食，又開胃。包點類肉夾饃一定要叫，因為外皮超脆，入面夾住肥瘦肉、少辣青椒，好好食。鮮肉小籠包子熱辣辣出煙，肉團鮮甜，包子煙un。紅燒肉肥瘦適中，炆到軟冧入味，飯量多到男仔都食得飽～少油少鹽選擇都可以自選，非常之好，抵食又大份既中菜。雖然冇叫拉麵，因為太飽，但隔離枱有叫緣故，可以見到師傅即場拉麵條，好勁。